موسوعة الشعراء الشعبين تتبعونى

الشاعر: حسن لـقطـع



: السـيـرة الشخصية

هو حسن الفاخري , المشهور بحسن لقطع. وسبب شهرته بهذا الاسم أنه كان فاقدا لاصبعين من يده اليمنى -البنصر والسبابة-... يرجّح أنه ولد حوالي عام 1872م , إذ يروى أنه توفي عام 1952م , وكان قد تجاوز الثمانين من عمره
كان أميا لا يعرف القراءة والكتابة, ولكنه كان سريع البديهة متوقد الذهن والذكاء ...لم تكن له حرفة غير الشعر, الذي أتقن صناعته, وبرع فيه, وضمن له العيش والشهرة الواسعة
قضى لقطع معظم حياته في مدينة اجدابيا, التي كانت ملتقى مشاهير الشعراء وفحولهم
يروى أن لقطع تزوج ثلاث مرات , وربما يؤيد ذلك هذا البيت من قصيدة قالها في هجاءه أحد شعراء قبيلته
ثلاث مهابيـّـات حَـرار ....اللي يالقطع فاتنـّـك
ولم يتأكد لدينا انه تزوج بعد ذلك, حيث انه لم يترك أبناء من بعده

اشتهر حسن لقطع بالهجاء القوي اللاذع. وكان الناس والشعراء يهابونه, ويفضلون عدم التعرض له, عدا الفحول منهم الذين يساوونه أو يفوقونه مهارة. لعل من أشهر مساجلاته الهجائية ما بدأ بينه وبين حمد بومير, وتطور حتى أدى إلى تدخل الشاعر الكبير بو فلاّقة, ونشوب الهجاء بينه وبين لقطع . وكان ذلك حينما لجأ أحد افراد قبيلة سعيط , ويدعى صالح خنفر , الى حسن لقطع , حاملا اليه بعض الهدايا , يرجوه أن يدفع عنه هجاء بوكير الذي قال فيه
خنفر طري يدوّر علي جديانه........وبطنه علينا بالعوج كليانه
فقال لقطع, مدافعا عن خنفر , ابياته التي أولها
علي اربعين طلاق لولا لولا .......ان نسحن حمد بومير سحنة رولا
فتدخل الشاعر بوفلاّقة في الموضوع. وتبنى الدفاع عن بومير , ما أدى إلى نشوب الهجاء بينهما وانتج عدة قصائد مشهورة
ولعل الحديث عن بوفلاقة يسوق حتما للمقارنة بينه وبين لقطع في جانب آخر من جوانب شخصيتهما. وذلك أنهما و ان كانا يتفقان في المرتبة الشعرية والشهرة , الا انهما كانا يختلفان اختلافا كبيرا في مظهرهما, فبقدر ما كان بوفلاقة- كما يروى عنه- شديد الاهتمام بمظهره ونظافة جسمه وهندامه, ويدل على ذلك حرصه على التطيب, وصبغ شعره, ودهن لحيته, وتكحيل عينيه, كان لقطع زري المظهر, غير مهتم بنظافة جسمه وهندامه

ولكن يجدر بالذكر أن هيأته المنفرة كانت تغطيها مهارته الشعرية وتغلب عليها, فكان محل تقدير أينما حل. ومما كان يروى أنه كان له مكان معروف في سوق مدينة اجدابيا, كان يجلس به ويلتف حوله المعجبون بشعره... وكان يحلو لهم مناوشته واثارته ضد مشاهير الشعراء خاصة, رغة منهم في أن ينشب بينه وبينهم الهجاء , فيقع هو في الخصومة, ويحظون هم بالشعر
للمزيد حول حسن لقطع, اقرأ ما كتبه عنه: مصطفى السعيطي في كتابه الشهير


--------------------------------------------------------------------------------
القصيدة الأولى : بـلــهـــا


لا تريدني ولاني قريب لهلها ......... ولاني خواجة نين ناخد بلها

لانى لهم من غادى ..................... ولانى خواجة واجدات ادوادى
ولو سمح لونى كيف لون مرادى ....... ولا عللى يبقى زين كيف عللها
بحرها غريق الجّـال بنت ابوادى ........ تقيم الدلال وباتها دللها
طويلة وبيضا والعيون عوادى ........ وشعل بسواد ملويات خجلها
وتضحك على لبسى وشين سوادى ..... حتى لو كملت دموع ما نشغلها

لانى قريب قريب ..................... ولانى غنى صاحب شوى وركيب
حداها كمل عمرى ونا نذيـّب ......... وهى مخادعة تنقض اللى نفتلها
مغيرتى عليها نرتضى وانسيّـب .......نهاب الطواطى نستحى نجّـلها

لانى قريب دماية .................... ولانى غنى صاحب اموال هتايا
ولاتحب لى جيه ولاسهرايه ......... ديما تبولط واجدات سبلها
تشـّـاقص تدور ع الخراب معايا .... بغلطة بلا غلطة يصير زعلها
هناك ميط م الغية اللى تهناية ........تقطيعتك لها ولغيرها تتولها



--------------------------------------------------------------------------------

القصيدة الثانية: مفطوم ع العـصَـر
يبدو أن بعضهم لام الشاعر على الإكثار من المديح والهجاء وما فيها من تملق للبعض, وسباب للبعض الآخر, فأنشأ هذه القصيدة, يفتخر بنفسه وخلقه, ويبرر موقفه في ذلك

لو متت ما ناكل اللي موطيّب............الخالق غني واللي خلق ما يسيّب

ولاناكل المسروقة.......................ولا نطارد اللي ف السبب ملحوقة
غني بصبر واللي صابرة مرزوقة....حتى لو بطا خير الكريم اقريب
طعام الجفا نقذاه قبل انذوقه............مفطوم ع العصر عايش معاش يخيّب
لاني دنوعي خطوتي مطلوقة.........ولاني عقور الغافلين انّـيـب
رحمة الخالق ما اتجي من فوقه...... على زرعه اللي زارع الشر تغيّب

لا نوارد غابي...........................ولا نشرب الداله اللي ماي قابي
حتى ان كان في البيّن رقيق ترابي... سراب قايله ديما البعيد اقريب
وروس العرب هم قرعتي واصحابي...نشكرهم صحيح وما علي اتعيّب
وذيل العرب ما يعرفوا باطلابي........ حتى وهم خواجه هل شوي واركيب

لو متت ما نرضى اوصاف زهيدة..... لجواد خيّبولي كل نوع نريده
بحساب يوم رفقتهم سنين عديدة.......ورفقة الذيليّة نهار اتشيّب
بينهم مسافة واسعة وبعيدة ............الزينين للعفنين وايش ايجيّب
لجواد لا رقيق الدق نق غريده........سباع الخلا منهم الناس اتريّب
لا يبخلوا لا يركبوا القعيدة ........... يغير بك اللي منهم اتقول اعطيّب
لا عاد سوط ولا ركاب يصيده ...... غلي جار جارهم هل هناه تهيّـب



--------------------------------------------------------------------------------

...القصيدة الثالثة: سلف مردود
سلف كيف الصاع المنقود.....سلف مردود.....سلف فيه اقصاد ومقصود

سلف جاني من غنّايين..............سلف لاقيته دون الرود
عرب بالشينه منغومين ............فلان فلان النود النود
عرمرم حسّاد عنيدين.............. لهم من ميلود لميلود
عرب ياناري منقرضين .......... مغير جواجي تحت اجرود
اجعنهم فحمة كوم عوين........... اجعن باب غناهم مسدود
اجعنهم قدّام الحيين................. قليلين الزرع وهبّود
كما اللي حرّك لغم المين.......... وم الساعة تكّ البارود
كبايا ردّوا مكسورين.............. كما طايح عظمه مقنود
اتدقديق قران موازين............. جفل حاشيهن يوم ورود
كم اللي عند الموّالين.............. ورد بالنقضة يوم عمود
اربع ما يدور الصفـّـارين......... شهر ف اللي قبل الميلود
علي بوفلاّقة مسكين .............نطق لاو ناشد لاو منشود
بحث بحثة تيس لسكين........... اللي فيه الجزّار يقود
خصوصا ليَّ كان قرين.........مغير رقادة ريح وهود
المسلم لا طق الستين ........... يتوب وكان بخيل يجود
وهو وين أشرف ع السبعين..... قدع ردّ مع الجهل اردود
لنوّار الشيب تسودين ............ تقول يغرّي في كرمود
ويركب ف اشنابه تدهين ........ويطلاهن نغج وبارود
ومحرمته فيها هاذين.............دبش واتي ديما مجبود
ثلاث مكاحل ومراتين ..........ومرود عاج ومرود عود
يغوّص في كل كوازين......... يجي قايد ويجي مقيود
وينشد ع الهجّالة وين .......... اللي متبع واللي جلمود
لبكرة مسّع دار خزين .......... كمل عمره تسويف كنود
يصبّي بين الصفــّـاقين........ وزايد ع الصف بعلـّـود
يقول لبو دور عراجين ....... جضارى جالن ع المقصود
خذا منّي ه الجرانين............ عطاه الله بغير حسود
غبا يقعد قرنين سنين...وهو مرفود...كما منهل جا تحت اغرود










--------------------------------------------------------------------------------

انتقل للشاعر التانى
الشاعر: حسين ياسين



: السـيـرة الشخصية

هو حسين ياسين ضاوي علي المغربي, ولد في منطقة بشر قرب اجدابيا سنة 1883م. هاجر إلى مصر على أثر الاحتلال الايطالي, وبقي هناك حتى توفي حوالى سنة 1935م. وشعره منصب على الحنين للوطن وتمني الرجوع إليه
وقد كان شاعرا ضليعا ومتمكنا من صناعة الشعر


--------------------------------------------------------------------------------
القصيدة الأولى: الحيل .... جا صداف الحيل


كان الشاعر في مهجره بمصر, كغيره من المواطنين متلهفا لسماع أخبار المجاهدين وانتصاراتهم على العدو
وعقب انتصار المجاهدين في معركة( يوم الربيع) وعرفت كذلك باسم ( حيشان جبيل) وردت أخبار هذا الانتصار إلى المهاجرين, وكان ( بركة قادربوه) الذي يذكره الشاعر في أول القصيدة هو من نقل الخبر للشاعر

جا بركة قادربوه من وادينا.................خبّر خبر خلـّى النوم قليل
قال لي: ثلاث ايام تكبر فينا................ النر شايطة في الطبينة والخيل
جيش غبر يندى طاليا ويجينا.............. وحنا حماة برقة من بعد لاويل
ذكير صادفه هندي قوي تطمينه........... صار بينهن هابا عليك صكيل
ونلقانـّـا وحلنا فيه ووحل فينا............. الحيل يا حبيبي جا صداف الحيل
وياما وقع من زين فوق الزينة............ اللي هو من اصل وهي لها تاصيل
وياما فقدنا من عزاز علينا................. وياما فنينا من ضنا النعيل
لا عند يوم السبت رجّع فينا ...............هدّينا عليهم حيط عيت جبيل
وتمّا زقاهم م الجعب في يدينا............. قطا هافـّـه قبلي هفا بالحيل
وخَـذنا سلاحهم وارزاقهم عزينا .........وما عاش منهم كان شي قليل
واللي مات منـّـا ميتته جت زينة .........والحي حاز برقة واغتنى بالحيل
واحنا نطلبوا ربي يحنّ علينا.............. و يرجعنا علي هلنا بعد تطويل



--------------------------------------------------------------------------------

القصيدة الثانية: ان كان غير مازالت معانا مدة
انكان غير مازالت معانا مدة .............نراعوا رخا واصحاب بعد الشدة
نرعوا عيله.............................. ونراعوا جحَف نزهة نهار الشيلة

ونراعوا رحيل مسلّحين عَوِيله.......علي كل من يسلح اوراق البدّه
نهاراً يصير السوق عند كحيلة........يجوها كما فــَطمة غذا منهدّة

ان كان غير مازالت معانا ساعة ...... نراعوا نواجع وطننا وافزاعه
ونرافقوا جماعة للعدو قدّاعة ........... نهاراً رقيق العزم فيه اجدّى
نهاراً كحيله نارها ولاّعة .............. غوالي عليهم جيبها لابدّة

نراعوا جملة..............................نجوع سرحن هالب حساب النملة
مع كل جيهة جايتهم حملة.............. تلقى نضيدهم سدّة تطارح سدّة
ومع بناتهم تسمع رنين العمله.......... قطا قيض من حدّه ضبح لاحدّه

نجوا لقرايب............................. نواجع نواجع دايرات ضبايب
ويتمّن جلايب جايّات جلايب......... فراحة لترويحة طويل المدة
ويتمن لدايب دايرات لعايب.......... وبارود كيف الفرح ساعة شدة











--------------------------------------------------------------------------------

الشاعر الثالت:
الشاعر: خالد رميلة



: السـيـرة الشخصية

هو خالد يادم حسن محمد رميلة عبد الرحمن يونس بوعوصة الفاخري. من بيت - بوعوصة-قبيلة الفواخر. ولد حوالي سنة 1866م, في واد يقع جنوب مدينة اجدابيا بمسافة 60 كم تقريبا , يقال له ( طوال النعام) .... والدته هي ( حواء بنت محمد دميك) من قبيلة الفواخر. وأخواله من أشقاء والدته أربعة, هم: سعيد وعبدالله ومحمد ومحمود..... والشاعر هو ثاني اخوته الخمسة , وهم: محمد وخالد ( الشاعر) و صالح وناجي وبوحلفاية وشعيب

كان شاعرا فحلا وكان يحسن القراءة والكتابة ( ويروى أنه كان حسن الخط) بعد أن تلقى شيئا من التعليم الديني على يد والده في النجع وحفظ القرآن
وكان من ناحية أخرى فارسا , ساهم في الجهاد ضد الطليان مساهمة طيبة. فعمل مأمورا في إحدى قوات المقاومة التي كانت تعرف بالأدوار , وهو الدور المعروف بقجة عبدالله . كما شارك في دور المغاربة في الزويتينة, دور السبط قرب اجدابيا, ودور الرضا في جالو وهو آخر دور شارك فيه حوالي سنة 1927م
وقد اعتقل من قبل الطليان اكثر من مرة, في بنينة ومرادة وحبس دار الشويليك وخالد رميلة يقع بلا شك, في الطبقة الأولى من الشعراء الفحول في ليبيا توفي رحمه الله سنة 1938م, في منطقة ام عويد, وهو مرتفع يبعد عن سلوق مسافة ستة كيلومترات, ودفن في مقبرة سيدي عبد الواحد المهشهش

ملاحظة: جاء في ديوان الشاعر( جمع يونس فنوش , سالم الكبتي والهمالي الحضيري) انه توفي بمنطقة انتلات شرق اجدابيا سنة 1936م وأنه دفن في منطقة ساونّو


--------------------------------------------------------------------------------
القصيدة الأولى : بوادي شوامس


حنا قبل حرفتنا علي ايام الهنا................منازيلنا في لرض حافي سريرها
بوادي شوامس نرتعوا طارف العفا ....... علي جرّة القناص رايد شكيرها
وفي نجعنا مازال لاذان والقرا ................بالدرس وكلام الله والع فقيرها
ووين ماخطف بارق سحابات مالسما .......وفصّـل نباته مثل ناير حريرها
باطوال الذّرا عوج العراقيب من ورا ........نزّالين دار العلو ف اقبال خيرها
اللي امراحها ف الصقع في وان الشتا .....مهاوش رتم بالمسك فوّح عطيرها
رزيح الوجايب في عتمة السـّرا ............كما نحلة وان اثمار ف اجباح قيرها
والوحدة بعد يطلب ولدها وتطلبه ...........وتبقى تنوّع له بعالي جقيرها
تسمعها اتهاجي كيف هاجاية الرحى........تودر سياق النوم ساعة قذيرها
وتتم عاد زرقاها كما نجمة الغرا ...........كما من كشف ع الملف كاطاً حسيرها
والحمرا كما الفـوّة كما اللقط في الكسا ....مغاثة احجامة دم جامد قطيرها
وفي الشقرا عتاتي سود من غاية الفلا ....دوّارا ً نصب قدام جارح نقيرها
وتغطيسة اكحيلة عندنا مارة الرخا ........تغطيسة افراز احدرت في جنب بيرها
سفّـارها يفصّل لرض ميزان ف الهوا ....ورياسة القفول معاه ناص خبيرها
وناقتنا ان طال المد تزياد ف الخطا ...... واتروح بوافي الكيل قدام عيرها
وان جا غزي طالبها وغزّاي م العدا .....وتمن مبادي اللعب بادي قصيرها
وتمت اكحيلة بين فرسان البلا ............جرّاية اتودي بين سدّاها ونيرها
وتمت اتولع من هناك ومن هنا ...........نوارين شاطن في فرايك خضيرها
كمّين عيـّلاً من هفوة المسك ينغشا ...... شبعان بالعصر ع الكبد طاوي ضميرها
لا اقدر على السرقة ولا امعيشة الردى.....ولا اقدر على صنعة ارجالا اتعيرها
راح في سبايب جر مشهورة البلا ........خذنـّـه سبايبها وقطعة صفيرها
وعدّت اكحيلة عنف باسماح الوتا ........واجمالها مع الغالب يزعنف هديرها
تعداية اتجلّي العين من صافع العمى ......واتحيّد دراه الكبد تظهر مريرها
وجابنا الما والملح والدهر والخطا.........لناسا ً سعادي روس ماهم حقيرها
عشرانا امعاهم تم عالعز والبها ............ابصون المواجع م الكبير وصغيرها
حبّهم ملكنا ملكة العرق ف الثرا ...........فطمنا على الصاحب ونسـّى عشيرها
امنين عيط العياط من فاهق الخلا .........ونقـّـر اللي ايجيب الذوايح نقيرها
وكلـّـتن شرب م البيت في وان المسا .....وكلــتّـن على مخلاه يصبح شعيرها
وكلتن ابجلتـّن مكافيت في الشتا ...........وكلتـّن اركابه كيف قمرة غديرها
كلتـّـن مثيل الديك مرفوع الشوا ...........وكلتـّـن كما سكـّار شارب سكيرها
وكلتن امنمـّـر كما عجلة الندا .............اللي من اولاد الوحش قـلـّـع بقيرها
كلتن اموقـّـر شيخ مرفوع النبا ............هيبة لبرقة م لجانب وغيرها
عالواهق امنين ايجيهمشهور العنا ........بصولة حكومة ترك يضرب نفيرها
كيف بلغرب لا جوه خطـّـار العشـا ..........يبرم اللي جيعان حامد شكيرها
هو فارس الحرب والكرب هو فارس القسا ....يجود عن زمان الخير في شحّ ميرها
مجلول تحت م الغربال م العيب والطـّزا......حشاه العفانا وكل زينة ايديرها
يطوّل الله ايام وعده بلا شقا ..................والله يصون عافيته وم السو جيرها
كلامك بلا معناه مابيه شي عنا ...............ولا يعتنيبه عقل عاقل ثميرها
وهالشي كله ماو علبال مكثره ...............لولا موجعة في القلب نـقّـح سطيرها
تقنعت منها كيف قـنـّـاعة النسا ...............ونا لمثلها قدّاع لكبر كبيرها
وقلت عاد مايلزم إلا كمو سرها ..............من خوف الشماتة م الحسود ونكيرها
لاني خزز من وجه يرقد ع الوطا ............ولا يهفـّـني بالعيب صاحب نزيرها
وراه النزالة عوده وادبرة بلا وقا ...........واللي مي فرس بوك لا عد اتسيرها



--------------------------------------------------------------------------------

القصيدة الثانية: حطيت اسمها فيدي
حطيت اسمها فيدي جموز انريده .....دقيت عقّرت تمت علي نقيده
وسيمة هلها ..............................وعاد العرب تضحك ونا حاملها
اللي فوق م الجوجي طوال خجلها.....عراجين حدفت من اطوال جريدة
فرخة اصقورة في وعر منزلها........ممشاها بعيد ودونها تصيعدة

جموز ايخبر .............................يبقى لخاطري كيفك رفيق اينبـّر
لنظار غالياّ خذهن وخاذ اتجبّر ........وخاذ من امطيّب ما نوا ترقيده

جموز ايهاون ..............................يبقى لخاطري كيفك رفيق يعاون
ع اللي اخدودها بين الخراص اضاون ..مغيّرات بوجايل نظيف حديده
وعيونها ذبايل سود ما يدّاون ............قوي ضربهن يرزن مع التهميدة
لنظار زوزفن هكـّـن علي اصّابن ........رسّالهن اشوي نومه اكثر تنكيده

جموز تباعد .................................يبيد عظم ليد وهو عليها قاعد
لفن له غباين وارتعش وتراعد...........بنار معرفة جدّت عليه جديدة
والموت خاطري دارت معاه مواعد.....تلفاله مع ياس العزيز اتصيده



--------------------------------------------------------------------------------

...القصيدة الثالثة: نـجـمـه
نبينا والله المعبود... وريم الهود... ونجمه والباقي مرصود

نبينا والله الغفار .......................اللي عالم ما في لنسان
وين خبير الدّفّه حار..................مع الظلمه والكوكب بان
اسماها يلقاه السّا فار.................خبير ايدل علي لوطان
رهن لازم ندّيك اخطار..............ان جت صيفتّا في نسوان
اللي سالفّا سود اكوار.................دزيره بين اغرود اتبان
عبيد عرايا فوق فنار.................جنادي من برّالسودان
ظليم عقب ربداه اصغار........... نقص فوق الرّال الجّنحان
اعيون الي وين الدّوار............. نصب خلاّ ريشه شذّان
نداوي جارح بومنقار.............. اكتافاته جرّدهن خان
اركب في الحوسه وان جضار.....امكتّف له مدّه غضبان
ان طارت خذها ميل مسار.......... ايدير لها مقطب نيشان
ايشنّقها دقّ ابلظفار.................... تجي فيده ترعش ارعشان
وكلّه خطرها ما صار................. عللنا ضرب امثال وكان
علي اللي سبحان الصوّار.............. قصصّا فارعني افرعان
اللي موجيرة لعب اقمار................اللي كيف شلا ليخ الزان
اللي ارقبتّا للحكّار...................... اللي لا زود ولا انقصان
رقيله حطّت فيها نار.................... اشر شفّا رومي قبطان
نفسّا عود اقماري فار.................. علي جمره طالق دخّان
ان حفّاتك كاْنها عطّار................ اتغشيك ابمسك اوريحان
دبشّا مسكنجي عنبار................... اتوعّي نفس اللي غلبان

علي الوسط اتحوّي زنّار.. وهي جلمود.. احلاس علي بيضا امحرود
اتمخلل وين اتجيك اصدار... اميامي سود... اوضيّ اخدود امواكين اتريكات ايهود
غلاها لاع القلب ابنار... وجاه ضمود... اشيـَـش قاز ونار وبارود


--------------------------------------------------------------------------------

...القصيدة الرابعة : جمل تجديدة
وين بتـّـتت فوق الجمل تجديدة ...........ابريق جا مسافر من بلاد بعيدة

حدر يسفـّـا ...........................اسكوني عمد بر الحجاج ولفه
كرمود بوحلق وين الرحيل تقفا....اجراس في جناحاته لهن تصريدة
تحلف قطا نوّ الثريا هفه.............يزّاقى على منهل ضنين يريده
لمسنه قبالي قيظ جا في نفـّه.......نزحن عقاقيره اكثر تصهيدة
ركبت علي هايج امدورم خفه......نابه شبك ما يعرف التقييدة
ولا حطبة في وان المصيف قطفـّـا......جازي على طلحة عصير عضيدة
امه ثلاث اسنين به اتعفـّـى.............وهي كل عام اتزيد ف التصعيدة
ازرق مع الخرفان جا يطفّا ............يطربخ كما موشير في تجريده
اتبـتـّت عليه نهار شيل اجحفا .........منين رحلها جبـّا مع التمديدة
زام الغديد وهدرته زعنفا .............اعجيلي بناديره بناديره ضربهن بيده
اتقول في نزاح يرك يشرشفـّـا.......تطوطح نصيب وف الرجوع اتكيده
لا ريتـّا باحق لا نعرفـّا ...............امغير قول ماللي مو قليل عقيدة
جبرين بوعقيبة هو اللي وصّـفـّا......ما ينفعك ياصاحبي توكيدة
قطعة ذهب غير السطا صرفـّـا ......علي وصف بونادم ايبيطر بيده














--------------------------------------------------------------------------------

الشاعر الرابع:
الشاعر: عـابـد بوخـمـادة المغربي



: السـيـرة الشخصية

غير متوفرة, نرجو ممّن لديه سيرة ذاتية للشاعر أو صورة أن يبعثها لنا

----------------------------------
: تسجـيلات صوتية للشاعـر

يـالبـعـيـدة

مـازلـت صـاحـب لـومـة




--------------------------------------------------------------------------------
القصيدة الأولى : يا البعيدة


يا البعيدة ..مشتاق لك وقاصر من ظروف مكيدة .. يا مقحزة في الدار

يا مربـــاعي ........................... وياهناي في الدنيا وباب ضياعي
امفيت فيك ماني في بصيرة ساعي ..... رهني عليكم غير قل الصيدة
وظروف حال لامني علي مداعي ....... عليك قاحزات ونا حداي وجيدة
ونا نريد نشرح لك الوضع متاعي ........ بالك الله يدير له تمهيدة
المهم فاتح لك جميع اشراعي ........... ومراجي ملاقا بيك وتميعيدة
وان كان صادفن الاقسام صار متاعي .. وان كان بلدن واخد على التبليدة

يا مديولة ........... ويا قرعتي للصوب يا معدولة
حذاك شي واجد ما قدرت نطوله ........ لا تنكري يا سمحة التهميدة
انتي طليبتي يشهد الله عالعولة ...... اللي في درتي من الغلا وصهيدة
من الخاطر اللي ماعاد فيه سبولة ..... مكصور من مواكير الغلا وحديدة
وفي وطننا مامن فتاه خجولة ....... تسيهف ومطبوعة اطباع حميدة
لكن حذاك تبان فيهن قولة ...... كيف السما عن الارض طول الميل
وماعاد يلايم شي من مجمولة ...... امغير ما تعب عدا لقاط حصيدة

يا اللي بعيدة دارك......... ويا سمحة التخطاي في نقرارك
ويا سمحة البسمة وهمت انظارك .... ويا عيون المجوب اصوقر صيدة
ويا اللي ان بنتي بان ضي شرارك .... هلال عيد يزابو على تاكيده
ويا اللي ذهبتي شيرتي باشوارك .... ان كان نشغلك راني بقيت رميدة
ويا مكملة في الزين من صوارك .... مي حلال في الدنيا حياة نقيدة
مي حلال شي هدمك ولط اشوارك .... ولانك اللي تستاهلي تشريده
من دارك وتمن قاحزات ديارك .... تبي لهن جواز وتكت في التسقيدة
وضعك يدردر كل عاقل دارك ..... امغير العرب الاكثر قلال عقيدة
يظنو ظنون ويوهمو في دارك .... ما يلهمو غلطان لمواريده
وانتي غميقة خافيات اسرارك .... موكل حد منك خدا مفيدة
لو الامر بيدي نقصره مشوارك .... ونجوهر الماضي من الوجود نحيده
ونرضى كلام الناس لاجل انظارك .... عمار عزتك نسعى على تشييده
ونجنى ونقتل ما نهاب معارك .... على سبايبك ماهي علي نقيدة
نحكر ونحلف ما ندير غيارك .... لين القطور نضوق ع التشهيدة
وما يلومني لايم عفا نوارك .... مامن اللي لزم عليه يريده




--------------------------------------------------------------------------------








--------------------------------------------------------------------------------

الشاعر الخامس:
موسوعة شعراء اجدابيا الشعبيين
--------------------------------------------------------------------------------


الشاعر:عامر شيت الزوي



: السـيـرة الشخصية

هو عامر عبدالعزيز مهدي شيت الزوي, عائلة " الشواغر" قبيلة - ازوية وُلــد باجدابيا عام 1942 م... يحمل شهادة تدريس خاصه شعبة لغة عربية وتربية إسلامية, كما تحصل على ليسانس آداب قسم تاريخ جامعة قاريونس 1973م
تم تعيينه مدرّسا ً في عام 1965 م. حيث استمر في مهنة التدريس ثلاثين سنةَ ونيّف . ليتقاعد في عام 2004 م
..بدأت علاقته مع الشعر في بداية الستينات من القرن الماضي كناقد , ثم اخذ ينظم الشعر في مرحلة لاحقة
وإلى جانب كونه شاعرا شعبيا , يعتبر أحد شعراء الفصحى في مدينة اجدابيا, حيث بدأ نظم الشعر الفصيح قبل أن يتجه للشعر الشعبي
له مشاركات في عديد الاحتفاليات والمهرجانات الشعرية في طرابلس وسرت وبنغازي ودرنة . حصلت قصائده التي شارك بها على التراتيب الأولى ,كما شارك في أمسيات شعرية في كل من مصر وتونس في مجالي: الشعر الفصيح والشعبي,ومن قصائده في الفصحى صرخة ثائر- و رثاء أمة ). ومن أشهر قصائده الشعبية : ( الناس- تاريخ الأجداد - رحلة الاجواد )..وغيرها من القصائد في أغراض الشعر المتنوعة

عضو شرف بجمعية الهيلع بدرنه, وعضو مؤسس ببيت اجدابيا الثقافي حيث يشرف على الركن المتعلق بالشعر الشعبي, وعضو برابطة الكتاب والادباء. وعضو برابطة خبراء اجدابيا
للشاعر ديوان يحوي- إلى جانب جميع أعماله الشعرية - سيرته بشكل أكثر تفصيلا. سيرى النور قريبا , حسب ما أفاد به الشاعر مصادرنا شخصيا. واليكم هنا بعض قصائده


--------------------------------------------------------------------------------
القصيدة الأولى:بو ودع


بينما كان الشاعر في رحلة صيد مع البزار ( عمر بوحليقة) فأطلق الصقر الذي ضاع منهما وذكر عمر بيت شعر قديم يقول : بو ودع بوريش فيه انصفاقه ..قصير قين ساقه..اطلقته مشا غر باذن الرفاقه , جادت قريحة شاعرنا بهذه الأبيات وكان ذلك في يوم الاثنين 24/2/1980م

بوودع بوريش مصفوق ....... لربد قصير قين ساقه
اللي لرفقته هزني الشوق...... ونا معاه مالي علاقة
بو قد مردوع ممشوق ......... اربد وفيه انزراقه
جميل طلته وقتن ايتوق ...... زين طبع سمح الملاقه
سرعة وخفة وزوق ............ وقو وثبات ورشاقة
اجنحته كما خطف لبروق ...... وان الطلب وانطلاقه
منقاره كما سيف وايعوق ...... صيده ان لامس اخناقه
امقدّر بعشرة وفوق............ من صبح يوم الشفاقة
رخيص بلف لو بيع في سوق...... على قول كل الرفاقة
متهوم يا (عمر) فيه باحقوق ...... ماكان لازم اطلاقه
اطلقته ارقي طار لافوق ........ تعلى استصعب لحاقه
غـرّبنا خذانا ببوق .............. خلانا حيارى شراقه
وداوين وارقاب وعروق......... فيهن جرينا رفاقه
تمينا كمن باع بطلوق............. فقد سلع وأيـّس الباقه
مكتوب ربنا جاه من فوق......... سبحانه مقسم ارزاقه
بالله ياعمر تصبر اتروق ........ ليش الزعل والحماقه
امسلك احقوقه وفوق............. امغير مو امقدم اوراقه



--------------------------------------------------------------------------------

القصيدة الثانية: لجواد قدرهم
لجواد قدرهم موش مشحوت ....... صانوا شرفم انصانوا
اللي اليوم تموا اسكوت ............. مال وقتهم واستكانوا
لاضام لا ميل لا كوت .................لافي نواجع ادانوا
راحوا كما مال مزعوت .............. كانوا قساوي ولانوا
شاخوا عليهم بشوت ................ ما بربهم يستعانوا
مايفرزوا تين من توت .............. ولافي المحافل يبانوا
الزينة عليهم اتفوت ................. بها في العطيبة يقانوا
لا حللوا بيت لا قوت ................ ولا ع السوايا يوانوا
ما توجعك غير سلفوت ............ الويل من اعماله انعانوا
سبايب خراب لبيوت ............... باعوا الضماير وخانوا
حتى وظلمهم تو مثبوت ............ ما بالجرايم اندانوا
الناس تو بالمال والصوت......... والباس بيهن ازدانوا
موش بتواصيف ونعوت .......... لجواد السمايا تفانوا
انجوك يطرحولك استوت.......... وان غابوا عليك يتقانوا
من هنا لعند كمبوت ................ لعند برقن لكانوا
لا عادة موت لا فوت................. لا عادة قول كانوا
كما حوت يصطاد في حوت....... شانن انياهم وشانوا
اصحاب ودمايا وخوت ............ هنا عليهم وهانوا
عدادة ملامي الموت .............. خذتن اقباروا ادفانوا











--------------------------------------------------------------------------------

الشاعر: عبد الله بالروين القبائلي



السـيـرة الشخصية :

غير متوفرة, نرجو ممن لديه السيرة الشخصية أو صورة للشاعرأن يبعثها لنا


--------------------------------------------------------------------------------
القصيدة الأولى: مازلت نا هو نا


مازلت نا هونـا .... حتي كان شيبي عالسواد طغى .... نشـّاد ع لقدِم

مازلت نا القديــــــم ...................حذاي وين ما يطروا أولاف نهيـم
وبخصــك منـين علي لمواهيـم........ بانت وساقنـّي لها لخطــــا
يسيلن كما سيله دمــوع يتيم........... رقاق الغرض ع اللّي قديم مضــى

مازال لي أبعــــــــاد................... ومازلت ديما ع لقدِم نشــّـاد
ومازال قلبي بالغـــــلا ودّاد.......... ويزيد في عطاه معا الخليل عطا
ومازلت نعشـق سمحـة الميعاد....... ونرايف عليه بعاز هالجبــــا

مازلت واسع بــــــــال ................ومازال عقـلي للهوى ميــّال
ومازلت نعشق ف الحياه الجمـال.... اللي بعدا ما نقـدر نطيق حيــاة
ومازلت نقـدر في وعر لجبال........ نخـاطر علي صيدي بدون عنــا
.وعندي شرك كمين ريم غزال...... حذاه وين جـــــا يبرم عليـه كفا

مازلت رغم القهــــــر................ نحب الحواري والطرب والسـهر
وف السر عندي ينطرن والجهر .....نين في ما خلن قرام عــــــزا
وهن رمز ديما ينذكر بالفخر.......... لولاه مارينا نهـــــــار زها
وبينهـن نداوي في كواين دهر........ قديم فات في ماضي قـديم مضـا
تمنيـت يوم المـوت ناجـد قبر......... فيه نرقـدوا نا والعـزيز سـواء



--------------------------------------------------------------------------------

القصيدة الثانية: مسمح وين ما بنـتي اهمِــل
مسمح وين مابنتي اهمــل..........مسمح وين بنتي في مـراض
وين عليك من الجائل أغتاظ...........هديرا وين صادنا غيــاظ

مسمح وين بنتي في أفجـوج.........من عند الجفر لعند الهـروج
خشيتي وطن ما خشى الدوج.........مسمـح وين بنتي في عـذاك
ومنـا ني شلتي فــي أذراك........الله يدوم يا أكحيلة زهــاك
وانتي بالزين ماضيك طـراك..........وفي لكلال ربيـتي ضنــاك
ومامـن رأس ودرتي فـداك.........مسمح وين بنتي في أرقــاب
وأمعاك غديد كي لون الغراب........عاش خويل ماللشيـل طـاب
بذيله وين ما ميـزر وخـاب.......أنساء ع الطار يشلن بالثيـاب

مسمح وين بنتي يالقــــود......وعلى الحيضـان تميتي أرجـود
وعند العصر والانك أجبــود.......كمن هود يخلط في هـــود
وأمعاك رفيق بندقتا قصــود........أمنين الخيل جابنـك أعقـود

مسمـح وين بنتي يابــروق.......بين أشعاب تدافـع أحلــوق
ووطنك تم يشالا بـــروق.......أشبوبة تم في التربة أيســوق
دار ربيع متعنصــل اللفـوق......وأحوارك وين في جنبك ايتـوق
أتجلي هم من ضيق أخلــوق.......عليك الملح من البارئ نـزل
وأمعاك غديد نيبانا أغـلاض.........ركبن في سكرات وزعــل
أتقول رعود في مزنة أتــل ........يأم أرقاب والسيقان عـوج
في لوعار في بوأولادك أضلل.........أمفيت الريم من جنبك جفل
وله لا فوق شالنك أخطـاك .......عباهن نين لواهـن الكــل
حتى في الوحي تكريمك نـزل .......وزينك زين ما كيفا عمــل
وع المحتاج شطرك مابخــل ........يطروهم وين ماجابك علـل
وفيهن قرع مليانة شــراب ........شابك نابك جنسلك فحـل
ولا ترسين لا يعرف أعقـل .........أحشارة تم يشـالا الكــل
جاهن قول فارسـن أقتــل ......رمايا غيض في سـاعة أورود
حنيينك كيف ضبحات النحل ........صدرتي وين مابرم الظـــل
أن مد أخطاك تمالك سهــل.......ربوة أجواد ما يعرف الــذل
أيجيب ثناك يا نقـر الشمـل.......حتى نفس نظارك أتـــروق
أزوالك كيف بنيان الجهــل.......مدافـع بين جبهـات الـدول
عشـرة أيام مابطـل أيشيـل ......إلى ركبيـك نـوارة أوصـل
بطـئ فالمشـي يا دوبا ستـل ......وقتن خاف قدامـك عقــل

مسمح وين بنتي في صحـاري........فاح أعبسك كي ريح القماري
هميتن وطن لبسا سيف جـاري.......أمفيت الريم وأفراق الحبـارئ
مسمح وين بنتي ياكحيلــة..........فيك الخضر كي صبغت النيلة
فيك الحمر في الليقـة جميلة...........وفيك الشقر في الصيفة مثيلة
أمنين الدقـر يداعا ثقيلـة............مسمح وين بنتي يالميـــل
بأن أرشقك كي شبه النخيل.........بلاك الوطن وصفا مإيخيــل
مراكب فوق من وادي النيل.........سبحان كيف نسيولك جميل
وللجزار بو موسن طويــل.......وأنتي قبل لا جنك الخيــل
أمنين الطبل ما يرزم دقيـل.........وسيدك فوق من ربدا أكحيل
دونك هان راسا للثقيـل..........مبدورات في وان البــداري
ولا مسك في روضة أنحــل.......منبوتا طلح والعجرم وجــل
مايلاك قابل شــــي زول ......بين افجوج في الخـالي هميلـة
وفيك الصفر كي قيـر العسل .......مصرم طاب عرجم في نـخل
اللي سموه لبوادي الريــل ........بين أصفوف في شانك عكل
في ضحضاح في وان المقيـل .......علي الأشراف كي درتي هلل
إيسوته وين ذانونك إيقـل .........تقديعك ليه يابيض الحجـل
سيدك باع والشاري أقبـل .........له شالوك مطوية أبتـــل
أيجيهن خيل وأيسير الشكـل ........إيجوك أمغير فرسانن عتــل
كما شيهان متخايل نقــل ........ايعازي نين بارودا كمــل


--------------------------------------------------------------------------------

القصيدة الثالثة: يانسوم

مشاركة من: سواح ليبيا. 5/2/2006 م.

المصدر: جريدة "أخبار اجدابيا".

يا نسوم سلملى على غاليـنا ............. انت اتهب من غربه و هو شرقينا

ســلام مــوده ............................على من تقول هلال دورة خده

جماله اللى مابا يحودد حــده ............خذا اعقولنا وحنا بلاهن جينا

خرم توبتى منه نقضت الشــده .......... حرك هواجس فى هواجس فينا

من يوم حط يدى فى صوبع يــده .........كيف ما اتحط النار ع البنزينه

يا نسوم سلملى على المتبـاعد ........... مسافه بعد درنه وقبل امساعد

هناك وين حلين عندنا المقـاعد........... مع من امهبلنا ابخزة عينا

وله قول رانى ما خلفت الـوعد ........... ولا صورته غابت نهارعلينا

سـلام خـواطر .............على عد رخات السحاب الماطر

سلامى على غالى اصغير شــاطر ..........مازال كى لون الحليب جبينه

عليه م السماء ينزل نزيل القـــاطر .......... فى وسط قلبه يحظنا وايجينا

ويرجع امغلف بالسلام العـاطر ............كنيبه بعد طول الظماء يروينا

يا نسوم سلملى عالـمردوعه ............. اللى اتقول من قطعة ذهب مصنوعه

خلتنى انجازى من امرار الــــلوعه .......... امبوبح بوبيحة كبيره شينه

ولا اقدرت ع الخاطر انرد اصروعه .......... وراها رحل واحنا وراه مشينا

فات الخليج السمح هو وانجوعه ............على جيهته ما حوتنا ردينا










--------------------------------------------------------------------------------

الشاعر: علي شحات


: السـيـرة الشخصية

هو علي شحات محمد , من عائلة المهابات, قبيلة الفواخر
من مواليد اجدابيا 17/ 10/1970م.... متحصل على دبلوم خاص لغة إنجليزية, ويعمل مدرساً بالمرحلة الإعدادية. يشرف على تحرير صفحة ( تراثنا الجميل) بجريدة "أخبار اجدابيا" , تحصل على الترتيب الثالث في مهرجان الشعر الشعبي الثالث لتجمع شعبيات اجدابيا - الكفرة - الواحات . له تسجيلات ولقاءات بالإذاعتين المسموعة والمرئية , وبعض الإذاعات المحلية. علي شحات.. و نشرت قصائده في عدد من الصحف المحلية الليبية


--------------------------------------------------------------------------------
قصيدة: الـرحـيـــل


أنكنك نويت رحيل... معاك لـذن لا تقبل عليّ جميل..بطولت الرجا

انـــكـنـــك ناوي ............ ترحل و قدري تم عندك شاوي
لا تجيب عذر و لااتدير فتاوي ............ تبرر الخونه و الخداع تزيل
ان ردت الرحيل ارحل بغير املاوي ..... دنّي جمالك للرحيل وشيل
لا في رحيلك ننقروا ع الداوي ........... و لا نقدعوا رحلك بفزعة خيل
و انكان حلّ ع الخاطر جفاك فجاوي ..... كبير هلعهن ما إيجيبهن تخليل
لنا الصبر ما كيفه اهناك امداوي .......... و حتى ان مرّ بيه يزول دا العليل
و الدنيا ان زهت ميمولها الفناوي ......... و اللي جفاك تلقاله اهناك بديل

انــكــنك نــوـت تـهون...........عشرانا و ترحل و العهود تخون
و بلا واكده واخذ خبر مشنـون .......... فينا اطري من قول قايل قيل
و اصّاعب سلاك الدين ع المديون ....... و الياس ع الغلا سيّطر و صار وكيل
خلي ما جرا ما بينـّـا مدفون............... و ان بان استره فوقه ترايب هيل
و من حاشن عليك هـنّـا غلاك يهون...... غبا وين يا مول الغثيث طويل
فيد من خلقنا رزقنا مضمون .............. و الدنيا فنا و العمر بمواجيل
و ما اهناك جافي فيه قلب حنون.......... و لا اهناك مكسب من ورا البخيل
و ما عمرهم ذرّوا الا في عون........... و ما اهناك شي غيزه بلا بنتيل
و تصليح الميوح امغير كيد يكون........ان وكّد مكان القعر في المنديل
و أرحل ونا ماني بها ممنون............ الشيله ونا عابي عليك عزيل

انـكان الـرحـيل نويـت........... و صفحة غلانا يا عزيز طويت
و بلا واكده فينا كلام خذيت .............. اتدوّر وما تلقا عليه دليل
و عشرة غلانا و العهود انسيت ........... ايام كنت خل و كنت نا الخليل
وافي معاي و سيتك داريت.................عني و تاخذ في اقدارك هيل
وفيتلي وفيت وكي جفيت جفيت........... وفاي و جفاي بهيل ماهن كيل
و الخاطر بعد لامان به غريت ............ الله أيغربك خاين وفاك قليل
ومن حاش من شوري النظر واطيت ...... ألغب قوافلك ماني عليك نزيل
و لا يشغلك حالي انكان بكيت............... أنت سبلتي وين الدموع تسيل
انديرك ونجبد ما جرا و خفيت............. و عنّا الستار اللي سدلت أنزيل
كمين هول قبلك صارلي و كميت......... خيانه و غدر وقهر وتمخليل
من ناس في عهداً مضا غاليت............خانوا وجافوني بعد تدليل
خطاهم احملت و بالفراق ارضيت ........وينما معاهم طول صبري عيل
و أرضيت ياسهم عقلي عليه وطيت ...... عدّيت صوبهم ماضي بعد لاويل
أصحاب المروّه عاليين الصيت............ الجاويد كسّابت أم اذرا ميل
هل نجع متشاوط أسمّوا عيت ............ ملفا الضيف و اللي عابرين سبيل
بعد عز كان أشتتوا تشتيت................ أربنهم اجداب و حرب وتبهديل
و غبيوا أبقي ما عاد منهم فيت........... أوهام بومهن يغرد بطول الليل
و ان خانك زمانك لا تقول أبخيت ........ الدنيا قديمة تعتدل و تميل
و راه كل شي بيد حامي البيت............ وينما عليه غاروا أصحاب الفيل

انـكنك نـويـت أخلافي....... و امهيّل علي صوبي رديم السافي
و كاره ودرت احلاف ضد أحلافي ...... و قاطع مع لنظار لمواصيل
لا نقولك كنك قسيت و جافـي........ و لا عليك في الخاطر نشيل غليل
و نصبر ونكما في الكنين أريافي........أن خثّق بشوقه خاطري الضليل
و بالاعمال ربك في العباد يكافي .......و نا مسامحك يا عين بوكمبيل

انـكنك نـويـت الـهـجـر......... خلّي فوادك صلب كيف الحجر
ما تنتظر نجمة صلاة الفجر..............أرحل امنين يبان نخم سهيل
و خوذ الاجر كلّه انكان في الصوب اجر...و نا أبعدك متحمل ذنوب نشيل

انـكنك نــويت وداعـي ..........شد الرحيل العذر ماله داعي
و نا زاد نكرب من حذاك قناعي.........عصي الدمع دمعي ما عليه يسيل
و نصبر و نكما لوعتي و أوجاعي..........الهجر اجر له نلجا جزاه جليل
و لا عاد يسعى في سريبك ساعي ......... قسيت قسوتك سدت عليك سبيل
عواصف خطاك امزّقات شراعي .........و أخطي بحرك ملاحي بقوة حيل
أحمل الموج مجدافي بقو ذراعي...........و باتت الريح و قادني الدليل
و شور شط راكح بي جا متداعي..........حطيت ألقيت ارض تأويني بعد ترحيل

7/1998 - 10/2000 :اجدابيا


--------------------------------------------------------------------------------

قصيدة: يا جـمـر مانك طـافي


يا جمر مانك طافي....حتى وينما هلته عليك السافي... حسيت لذعتك

يا جــمـر مانـك مـابـي ........ تبرد و ننسى في قديم اتعابي
الغايب اللي طايل عليه غـــيابي.......... و طايل مع طول الغياب اريافي
يا جــــمـــــر مـــا واريــتـك......... و ما بالرديم برادتي غطيتك
و اخطيتم سبايب ولعتك وانسيتـك ......... نحسابك ألا باقي رماد وهافي
اليوم في كنيني ملتحم حسيـــــتك ....... الله و العليم انم تريد تلافي

يا جـــمـر تشــفــي فــيّ ......... نساتر عليك وما سترت عليّ
و تبان كل ما ننوي نبان قـــوي.......... قوي صهد متوزهر تريد اضعافي
قلت الغلا منّه نفضت أيـــــديّ .......... و ناوي بما كافه عزيز نكافي
و بان كل ما نحساب كان خفي........... و كيل الوفا في الصوب مو متكافي
و ثار في كنيني وين قلت أهدي ......... بركان كان في غفوة واطف غافي

عــلـيك نـكابـر...............و مازلت تكوي في ضلوعي كابر
و نا عن سريب الصوب تبت وكابر.......و قانع و نطوي في اوراقي املافي
و من كبري علي صهدك الكابر كابر.....عليك وعلي روحي و شوقي نافي
و نحساب روحي ع الغوالي صابر....... رديت ردني بوقه املوّع وافي

يـا جــمـر بـيـن ضلوعي........عليك في خفا سافي رديم بطوعي
و صابر و حابس في الجفون دموعي ...... و نقول ما نجدد من جديد حسافي
و حال غايتي ما عاد ننصب نوعي......... و لا عد جديد نقول حيه أولافي
بعد جار سيل الياس في مشروعي......... و خرّب زروعاتي و نوّض كافي
معاند ورافض في الغرام ركوعي......... و كيف ما جفا الجافي نويت نجافي
بقول لا حفرت ولا نتق جربوعي .........عزا ألقيت من شاعر غليلي شافي
ومع ريح دوب أتهب مي هيزوعي ...... وزهرت وانت كاين في رمادك خافي

2001 :اجدابيا


--------------------------------------------------------------------------------

قصيدة: نظــرتي تبسـّــمتي


نـظـرتي تبـسـّـمـتي مع اتدنـقـيره ........تبسّم زماني من بعد تكشيره

مــــي مــعــروفــه ........هي ود و ألاّ حقد و ألاّ روفه
نظره لها طابع حنان و خوفـه........ خليط حزن ممزوج بعذاب و حيره
في شخص عاجز صاعبات ظروفه....... طريد ياس مو ما من علي توكيره
عليه مارَّه في العمر كم حسوفــــه ....... و من كاس الندم شارب اصناف مريره
يا اللي القمر منك يصير كسوفـــه........ ان شافك يواري من حياه بهيره
العاشق علي بابك ان طال وقوفـه........ أمفيت قهر ما منك ايطول بصيره

نــــظــره عــابــــــره .... جت ع المهل و أنتي سبيلك عابره
محاصرات ميّس في السنين الغابره .....مع بسمتك زالن هموم كثيره
و من غير دي في عيني مشيتي كابره....و معاي كابره في الجوف نار كبيره

نــــظــــره خــاطـــفـه........أنظرها غلا و ألاّ امغير املاطفه
و ألاّ علي مسلم مسالم عاطفــه..........الناظر نظر في ناظره تكديره
و عرق المحنه مرّ وقته قاطفــه..........علي بسمتك تستاهلي الشكيره

1999 :اجدابيا


--------------------------------------------------------------------------------

قصيدة: كيف الحال..؟


كيف الحـــال
ياك غير ما غيري شغلّك بال
جايك نسال عليك

جيتك جــــــــي
مالشـوق وينما جوّر الشوق عليّ
ومن قبل تحكـي فيه عندي دي
ارجـوك تسمعي حتى ان ديي طال
اعداد ما اعداي عادو القـول السي
اني نـــا لغيرك في الغلا ميّال
واعداد السوايا مـن اقــرابك فيّ
واعداد السـوايا فيّ م الجهال
واعداد المواجع فيّ ملـّي لي
واعداد المواجـع فيّ م العقال
واعداد كل عاشق في الغرام شقي
واعداد كل ساهر ليـل ليله طال
واعداد كل عاشـق وبغـلاه هني
املاقي اولافه من بعـد الاهوال
واعداد النجوم وكل كـاين حي
واعداد ما مشيت وجيتكم جوّال
واعداد كل شي وما اتخـلّي شي
متأسف علي غيبة سنين اطوال
هاضا عــــــذري
جيتك بعد ما الشوق صيّف جذري
وياك غير فيهـا جيتي تنتظري
بعدما لفيت بدون قول تعـال
وشن الاخبـــار
وشن صار في غيابي وشن ما صار
وياك غير ما غيـري شعلّك نار
وياك غير عهدك بالغلا مــازال
وياك غير ماهــو خاطرك محتار
وياك ما غيابي دارلك مشغـال
والشوق شين لو جوّر وحكمه جار
ياك غير ما اشتقتي ودمعك سال
وبالله ننشدك شــن حالة النقار
اللي بينا بالشين صال وجــال
ازعمه راه متندم علــي ما دار
والا في ظلالاته وزاد ظـلال
وشن حال القرايب وصحبتك والجار
اللي يسال واللي ما علي يسال
وكان تنشدي ع الحال بختصـار
مليت مالرجا والشوق والترحال
وجيتك او واخذ م الصميم قـرار
انتي بس والباقي جفاه حـلال



--------------------------------------------------------------------------------

..قصيدة: هاضا مكان لقانا
هاضا مكان لقانا .. ابكي انكان بكاك جاب منانا نين تنعمي
هانا جاني .. وهانا علي موعد غلا لاقاني
وهانا ورا صوبه ردح ميزاني .. وهانا نطقلي بالغرام لسانه
وهانا اجادلنا بضرب معاني .. وهانا نديم الشوق كاس اسقانا
وهانا حلفلي قال ما ينساني .. وما يود لا والي بود الانا
وهانا بما في داخله شاكاني .. مالشوق م الغلا من لوعته واحزانه
وهانا قريب الدم والبراني .. تعجّب لقوة صدقنا و ايمانه
هانا جينا وهانا .. على الصوب العفيف حكينا
وهانا دفنا حزن ماكن فينا .. وهانا ذرفنا دمع في ملقانا
وزاد هنا م الشوق الدفين شكينا .. وهانا بعد تسكيب كف ابكانا
وهانا الفاهم ما فهم طارينا .. بالغاز نهمسوا م الخوف م الفتانه
وهانا احتار اللي رقيب علينا .. حلل و لكن ما فهم مغزانا
وهانا اللي حساد وقضوا بينا .. وعالوا علي تخريبته مسدانا
وهانا اللي قاس الغلا تكوينه .. صبّا بما جابن يديه معانا
وهانا ونحنا شابكين يدينا .. بكينا بعد حان الوداع اوانا
هانا صار .. ملقا علي موعد غلا بقدار
وهانا وقفنا ضد للتيار .. وبعكس المصار مشا بحسب اهوانا
وهانا اداولنا الحديث اشعار .. وضعنا عفيف الغزل في ديوانه
وهانا الشاكي اللي شكا مالنار .. خففنا مصابه وينما شاكانا
وهانا و نحنا يا زمان صغار .. اضحكنا على اللي ما ارضيه زمانه
واليوم يانا يا زمان كبار .. وانواروا علي لخرين في شكوانا
هاناجيته .. وهانا علي نار انتضار القيته
يراجي و تاعب من امرار رجيته .. و ضحكن عيونه كي اوصلت الحانه
اللي لا يهون و لا نهار انسيته .. ولا تصير لا نقدر علي نسيانه
غالي علي اصاعبت قسميته .. من ناس ما الصوب اسمروا من نيرانه
ومازلت نرجا في كريم عطيته .. كاتب غلاه ايسهله جرنانه
ويجبر خواطرنا و تصدق نيته .. ونيتي و نبنوا من جديد ابنانه
خطرها مكان امنين ما حقيته .. استحضرت ماضي كادني اجحدانه
وسيرة اللي لاعند يوم الميته .. ونا كل يوم نقول حيه فلانه



--------------------------------------------------------------------------------

..قصيدة: مشتاق للقدم
شوق الغريب لداره .. وصابر علي بعد الجبا وامراره .. مشتاق للقدم

شوق الغريب الجالي الفايت بلاده من أمدد وآجالي
المطرود جبر من وطنه حبيس ليالي موحشات يخفن في بصيص نهاره
الغايب زهاه مع غياب غوالي أنحاز وطنهم تحت العدو وحصاره
وكل يوم يفني في أعداد أهالي والجرم الوحيد الرفض لستعماره
بلوايح حقوق البشر لامُبالي ويهدد بكر القرن للنفاره
أغتال كم من عيل تقول هلالي وكم بنت غره من أربات عصاره
اللي بوصفه فاقت الريم الفالي وطويل ماح سالفّه علي ظفاره
في التابوت زفّت والدما شتوالي خرخوط زينها تحت اللحود تواره
وكم طفل في عمر الزهور ايوالي صباحه عللي ناظرين بشاره
داسه حديد أمجنزرات عوالي هشّم وحاضن دفتره وحجاره
شوق الشهيد أفدا الوطن الغالي لملاقاة ربه يوم كشف اسراره
مشتاق اللقا غالي امصيّف حالي بخطوره مع بعده ولوعة ناره
الشوق زرابه الخاطر ارغب ماضي قديم زهابه
شوق وطن خالي طايلات أجدابه فوق م السّير بومه غفير أوكاره
لبارق إيخثّق عقربه لهلابه شبوبه أمدخّن قاطبات أمطاره
سفّ المواطي والعلا وأرقابه وسيوله اتطوّح في العذا ع الطاره
ونبّت ربيع أمخضبات أعشابه رقمه وشيح ولسلسه واشقاره
عفا بغو روّح رايده يشلابه الدافي دلال الطوق والخواره
نيست الخالي منيت الكسابه رفّاعة مقام اللي اقلال أقداره
سلوم للبها ذيل العرب يرقابه ولروس التريس الخيّره ودّاره
فيه بجّدت نسيت الظيم أتعابه هي والغزال مع طيور حباره
وجت شايله م الني نين غلابه وحاشت اتدادي مقدره وسكاره
علي نجع في المبدور دق أطنابه ملفاه للغرب والضيف والدوّاره
حليب كسر صافي فاض عالحلابه منها وروّا ضيفها والجاره
أحماة شيخ لا حدّث لذيذ وجابه طويل صمت صمته كايد الثرثاره
والقاصر اللي ماله دموم قرابه محسوب في حسابه من حساب صغاره
وان صار الخطا والعيب م العايابه والعايب حكا ع الظلم باستهتاره
يلقا صقوره ع الكلا ضرّابه قساوة ذراع وفرسنه وجساره
مغاوير كسّر حيلهم ركابه للكوت المتلّ اللي لذيذ مصاره
اللي امنين حس بلذع قرن أركابه إيقنّد أطراف الدير في مشواره
أسباع وينما عالي الحس تنابه اليوم الكظلّم جايبين أفخاره
كمين هزّ جاهم في خياب خيابه وعاود امواطي في الوطا منقاره
وتابعين راي الخير من شيّابه تلايت كتاب الله وان أفجاره
شوق من معاهم عاش سن شبابه لغوشّم ومو قابل حياة حضاره
مشتاق اللقا منحاز طال غيابه عني ونا مازلت في تذكاره

شوق الغريب اللافي علي وطن مو وطنه أو وطنه جافي
الراحل بلا رادة وخوفه خافي في قلب واخذ م الهموم اعباره
شوق درب غابي تحت ردم السافي لمرور القفول وجرت السفّاره
شوق قلب عاشق مشتهي القوافي بليغة المعاني واضحة الاشاره
اللي لا أقتباس ولاخبر خُرافي ولا هو خبر تعجيز للفساره
وتلمس احساسات الخليل الوافي اللي طول ليله سامرات انظاره
وبهن يقتنع ع الشوك يمشي حافي العاشق اللي م الشوق حاس مداره
باسلوب سلس وايحرّك الشوق الغافي وع العاشق ايبرّد لوعته واقهاره
عفيف لفظ مو تجريح لذع مشافي ولا بوصف فاحش مكتسي الدعاره
ولا يشتهي ع الجيد عقد ارعافي فوق جسم بالميدي اكسي بمهاره
ويجوز للخيال يزيد وصف إضافي و يطرد الحشو بفن الاستعاره
مضمونه لدى السامع دواه الشافي والراوي الدي اللي نقي يختاره
وبالناقد الجيد نوصلوا المرافي و الناقد الحاقد نتركوه يساره
وحتى انكان شعري مو غليلي شافي واضحات عند السامعين آثاره
دليلي ذكي والزاد ود اولافي وما ايتوه من تبّع دروب كباره
وارضيت قول بوطاهر زعيم اسلافي الشاعر ايبرّد لوعته بأشعاره
وعلي قول يانا مغتني من كافي لا نريد نسلّف ولا نمتاره
وعلي من عليه يزيد جمر اريافي نريد السلام ختام للقذاره




--------------------------------------------------------------------------------







-

الشاعر التامن:
: ماشالله الفاخري



: السـيـرة الشخصية

هو عبدالله محمد ابريك, من عائلة المويعيني , قبيلة الفواخر. وُلد في جوف ساونـّو, بالقرب من اجدابيا عام 1952م
امتهن ولا يزال حرفة الفلاحة والرعي.بدأت علاقته بالشعر منذ صغره, فكان يروي ويحفظ لكبار شعراء قبيلته من أمثال: خالد ارميلة, ابراهيم بوجلاوي وأحمد ارميلة ..ثم ما لبث أن بدأ ينظم شعرا من تأليفه وكان ذلك في عام 1973 م . حيث كان أول ما تناوله من أغراض الشعر هو ( المجاريد و كلام الاجواد) ,وقد برع وأبدع في هذا اللون , وهو المجاريد,بشهادة الجميع وأجاد فيه


--------------------------------------------------------------------------------
مجرودة : مرحب ياسمح التبسيمة


مرحب يا سمح التبسيمه... يا خزرات عيون الريمة...كان الجايل عنده قيمه
نشكو م الياس ومن ضيمه...عقلي مطّاول تخميمه...من ضيم فراق الزينين
*******

من ضيم افراق غوالينا..... في حالة حيره تمّينا
ياما في ما فات ازهينا......كا نوا للعين امحبين
*******

فيما فات غوالي كانو....لولاف اللي عهدي صانوا
يذكرهم وين ايبانوا ... ع الخاطر زاد اتغونين
*******

ع الخاطر زاد اتغونينه.... كان خطر ضاوي عرنينه
عقلي تلفاله تغبينه.... ينهال ابكاه اتجعوين
*******

ينهال بغيظ وتنهيته...عقلي منحازه غاليته
ماني عارف كيف بليته ...ضايل حتى كان نهيته...مشتاق بناس مراهين
********

مشتاق بناس امتاركّم... قتله يا عقلي هيتّم
خلينا ننسو غيّـتم... توب وبالله استقين
********

توب وبالله استابهلي... قاللي خلّيني في جهلي
ما عندك ليش اتفوتحلي... مازالن فيّ عطابين
******

مازالت فيه ادرديره.... عقلي تلفاله تكديره
كان خطر سمح اتجرجيره.. يبقى في ضيم وفي حيره .. نين ايرق غراض العين
******

نين يرق غراض انظاري... لشعل بو جمّه حفاري
حاصل دونه يأس اقراري... مستاصل دار اقيا طين
******

مستاصل ناصب قيطونه...... من خوف انخشوا في شونه
غوش الغالي حاصل دونه ...منجوه لغاته برطين
******

منجوه الغاته كادتنا.... درنا ترتيب وصوّتنا
بألوفات عدد فايتنا..... واحنا طاحت عضويتنا جبنا عدّيت صوتين
******

جبنا عدّيـة منقوصة .....منـّـه صارتلي طابوسه
وانينا دنداش اعقوصه ..... ماكان إلا عزمي زين
******

ما كان إلا سرّي كامي...... ريدي خزرة عين الدامي
يوم افراقه رق عزاامي.......صارت تثقيلة لعظامي ..كيف اللي فيه اتركبين
******

كيف اللي فيه اتركبينة...... تخلاقي فرقى غالينا
باب عزا ما خلاّ فينا.........لو كان حماية في ايدينا
سوق غلا ضاوي عرنينه ....نـدّعـكوا فيه غباوين
******

ندّعكوا دونه بجهدنا........ كان الغالي ما بلـّدنا
شاقي مازال بموعدنا....... صادق عهدي بيه أمين
******

صادق عهدي بيه ابجاوي....لنا ماهو خونة ناوي
درناله عقدة طرشاوي.......بألفاظ وميثاق متين
******

بألفاظ وميثاق ربطنا.........باثبات الغالي قـلفـطنا
ياما نا وايّاه بسطنا.......... من خوف اتطيحبنا فتنة م الناقر واللقـّاقين
******

م الناقر واللي مي شوره...... تلقاه معـدّل ناظوره
طالق بلسانه ثغبورة ...........يلعب ما بين الحبلين
******

ويلاعب هذي فكريته......... يضحك لكن مي من نيته
كشفه فيك اشكال زفيته...... ينقاللهم بو وجهين
******
ينقاللهم شين عملهم........ حتى ربي ما يقبلهم
ياما ف القرآن نعلهم....... بخصوص اللي خرّابين
******

بخصوص ولكن خليهم......نا ماني مسيول عليهم
غير مثل جاب معانيهم..... درناله شرح وتبيين
******

درناله شرح وسيّبنا......عنوي ع اللي في ارغبنا , لبّاس لعالي التثمين
******

لبّاس اللي عال اشكاله .....هاوا واحنا هاويناله
تمّا يا شوف المزعالة, كل نهار يجي مرسالة , في نفس الموعد والحين
******

في نفس الموعد والساعة .......شاقي في نقّاش ذراعه
صارت تغييره لوضاعه .........واخذ رايات الطمّاعة, نقاره و احذاويين
******

نقّاره اقلبوا فكريته......ناقص ف الميعاد لقيته
عابي ع الخونة ثاريته ..... شاقي في مدعى لخرين
******

شاقي في مدعى مو لنـّا ..... يا ثم مول الدور اثـّـنى
ناظر من يالاه محنـّة...........ياما جينا تعبانين
******

كل نهار انجوه انشقـّو........ قاللنا ع الخير تبقـّوا
نقارين رحيله طقـّوا........... منحاز انظر غوشه وين؟
******

منحاز انظر وين مكانه........ غاشي بو قصة ريّانة
عهدي بيه قريب احذانا....... نازال في ها المثيـنين
******

نازل في ها الجويرية........ غوشه كان عزيز عليّا
.....نمشي كل ضحى وعشية
لاوين ادياره منسية, متباعد غرغاز اصبيـّه , ماجابه لي نظر عين
******

ماجاباته لي نظارة .......متباعد غرغاز انظاره
......ما لقينا حاجة في داره
فيت عجاج يثوب غباره, واللا جرة مكبر ناره, له مازال آثار عوين
******

له مازال آثار جراير...... مانعرف ويش اللي صاير
.......باقي في الريات انخاير
قلنا يالبّاس الناير, بالك راهو راسي داير, خليني انتـيكـّد زين
******

خليني انتيكد ثاري....... نبرم نين ايفوخ نهاري
كنـّيب يقابلني ذاري....يحكي ع الوضع اللي جاري
عدّادة لومي واقداري.... هم ف أي بلاد مقيمين؟
******

هم ف أي بلادات نزالي.... نذكر في امعلـّى غالي
عدينا شوره صوكالي..... بطلن م التكييل ارجالي
قلت انريّح هيـّـل بالي..... نقعد نين ايحيد بطالي
منه ما من هول جرالي.... تميت انظنـّن تظنين
******

تميت امكثـّر راياتي.......ماني عارف وين امباتي
نضت ولمـّدت احويطاتي.. قلت اجرّب تقازاتي, ناسل ع اللي منحازين
******

ننشد ع اللي حيزوا عني......هاللي فرقاهم شرغنـّي
ريت بيوت السايل جنـّي...... بيت بياض وجبّارين
******

بيت بياض وجرول جنها....... لاوين اللي ننشد عنها
حاصل فيد الغير رسنها........ ناقر جبّار مرهدنها
حيته لا توّا ضامنها............ لكن في مطراح حصين
******

لكن في مطراح مكيدة ........ ما تنطال احزام الجيدة
تمـّـا مشيتـّا تصعيدة ......... رقراق خلا موحش شين
******

رقراق خلا موحش ريته ......متباعد بوعين فليتة
عند الليل اندودن جيته ........ لاوين امعاه ضناوين
******

لاوين معاه عرب لنـّا ........ قلتلهم بو دور اثنـّى
قال احصل وين اندرعنه..... قالولي لا تنشد عنـّه
ما من عين اوطان زونـّـه ..... رقراق ايدير وداوين
******

رقراق اصعاب امـّـاشيـّه...واحنا حالتنا دونيـّـة
.. ما نمشوله:: غاشي بو قصة مجدولة..ما ينطال صعيب وصوله



--------------------------------------------------------------------------------
القصيدة الثانية: ما لقيت غير نضيدة


مالقيت غير نضيده............ غوش الحبايب وين جيت انريده الدايم الله

ما لقيت غير اوهامه................... وجرة البيت امنين دق ارمامه
وجامع امصلى دايره قدامه........... مبني لذكر الله ولتوحيده
والله عقاب امراح للرزّامه ............ امنين حاش راعيها بعد ترقيده
وامنين ماعليها بكروا وسـّامة......... وداروا مكابر نار , نار شديدة
وامنين حشوها بالحيل زاد غشامه.... صايرله مصار الجافلة الشريدة
شراريد جابوله تريس حشامه .........لأم الشعافي عندهم تعضيده
الواحد بقوة عزم وانزدامه ............ يطيح القعود امنين يحصل فيده
جيل حشوها حطوا عليه علامة........ اتبان فاهرة فوق الخدود جديدة
ووين وسموا جاهم لذيذ ايدامه ....... فوقه لحم طايب بلا تقنيده
عاشو نصيب اسنين في انسجامه...... بلعبة القار وكورة الجليدة
لكن الدنيا ريحها برامة.................. اتزهي نصيب وعندها تبليدة

ما لقيت غير آثاره....................... وحيط النضادي في مكان ادياره
ما ادقول نازل كان في موكاره ......... بين عرق وارويمص يدير اجليده
وما من البيت اللي وسيع مداره......... في وسط خير كثير عايش سيده
وغالي عليهم دوم قول:ايساره ......... الضيف يكرموا عاشوا حياه سعيدة
أيامن وهو محسن الجار لجاره .........عليه يقسموا لوكال من قديده
واليوم غوشهم قشـّـع اغبي تذكاره .... وغبين اوهام البير وامواريده
الدايم الله ما من حبيب توارى......... حصل تحت ماللي واثقات لحيده

مالقيت غير نزاوي ..................... ابيار يصهدن فرّاغ ماهن شاوي
حطبهن ابقي بين الميوح كداوي .....من ضيم الهبوب الشين واتشرييده
لهن زمان ما راعن كبير اسطاوي ... ينظف الميح ويحفره بحديده
الشايب بقي حاصل قصير خطاوي ...... مغير متكي قاصر على التقعيده
ماعد يعقد من جديد شكاوي ......... حليب ضانهن عاقد اتقول رغيده
ولا عد يعدي م الجهيم الضاوي....... يصيّد وجا قانص وشايل صيده
ولا عد يعدي للجريد اجلاوي ........ وايجي بقافلة شايل احمول صعيده
ولا عاد يزرع زرع بين علاوي ...... صايمات من زاعب يزوم رعيده
ولاعاد يحضر في نهار عداوي ........ ويفك اللويّة ساعة التجريدة
أيام الفتى مرّن امرور ضحاوي ........كل يوم فرحة يوم حزن ضديده
كمّين نجع داير في لبساط زداوي ....... أجواد عندهم تاصيل في التجويدة
حتى وهو العام عطيب ميره شاوي....... بالضيف عندهم ترحيب وتودويده
مامن الذود اللي اسماح مقاوي ........ امباجيد رعيانه شكوا من كيده
بنّت عبسها كيف ريح الجاوي ........ اتحيد من علي قلب النكيد نكيده
فراسين هلها وين نق الداوي ......... يداعوا على اللي شين ضيم صهيده
الغازي يريد وخاذها مو ماوي ........ ركيّب اسعايا بالبلاش يريده
وصاحب المال يهدّ عزمه قاوي ....... عليه من حلاله ما تهون غديده
يبقى رقيق الدق سوقه كاوي......... يقحّز خفيف الروز من تكميده
ويندم اللي طامع يريد سعاوي ......... وايجي الكيد ع الكدّوم بيده بيده
نزالين هلها في ربيع نقاوي ......... للوطن المطرّف عندهم ترويده
ولكن الدنيا برمها عسراوي ......... اتقابل أيام وعندها تنكيده

...... ما ألقيت غير نضيده


--------------------------------------------------------------------------------

القصيدة الثالثة:...ما من تريس
ما من تريس اكساح............ انجتم القوم وصار فرط اسلاح يحموا مالهم

مامن تريس اشراف ......... اسماح الطبايع والقلوب انظاف
م الخالق اللي خالق الكون يخاف......... ايسبح بطول الليل في سبّاحة
سباع في خلا واسياد لأم اشعاف ......... م الذود كل حد منهم عليه امراح
عليه ينزلوا ديما لهم مصياف ......... المنهل اللي معمور مو نزّاح
بركيّب اتقول نخيل دار حجاف ......... في وطن خالي غالب السرّاح
مهاميل في الدفة وفي الاجواف ......... حنين حشوها تحلف زنين اجباح
جملها مثيل الصوندا بقراف ......... وهي واجدة دارت احذاه جناح
وهو انكان حق اجمال مو خواف......... شجيع وين ماعارك قبوله طاح
في الغارب امنين ايقصرن لكتاف ......... ماضيات نيبانه اتقول رماح
ايميزر بذيله منقلي سكراف ......... اتفوح بنّته هايج اصنانه فاح
وفوقه سنامه مشرفه مشراف ......... اتقول صنم عالي نوقحه نوقاح
عليه وين مايبقى الموكر هاف ......... ينوض وين مادوبه ضوا الصباح
ان هدّر وجاها عندها التفاف ......... واتنوض اتهافى خايفة ذيّاح
وهي جاية م الكوز والادفاف ......... ياما اتقطّع من هشاش بياح
يبقن ارقابها تحلف ارقاب زراف......... ابطول النهار اتلق ما ترتاح
واللي عاقبه ترجف رجيف اتخاف ......... ينشحها بنيبانه لها نشاح
عند المسا جبّا علي مغراف ......... وجا لموكره تما لها ركّاح
كسوبة اجواد منسبين اشراف ......... بوادي منازلهم ديار اسماح
وينما يبان نزيل في المخراف ......... امطار مزنهن حضّن وبرقه لاح
ايجوه بجوابد من جميع ارياف ......... معوزلين مو غايب ولا فلاح
الغوط الصيام يقسموه انصاف ......... يسعو في مساعي خير واستفتاح
ما يعرفوا هرجة ولا اختلاف ......... ولا قول: قحّز من احذانا راح
يبقى زرعهن نابت اتقول عراف......... حجنه نابته في رمل فيه انشاح
ستين حمل قطع الصاع كيل اسفاف ......... من صابه كبيرة في سنين افلاح
يطوّل وهو عامر خزين الكاف ......... وفي وسط نعمة صاحبه مرتاح
ومامن البيت اللي وسيع ارفاف ......... ويبان الحطب داير احذاه اسناح
ويجوه المضايف كل يوم اضياف ......... ويباتوا معاهم في هنا وافراح
يجنهم ملايا مليهن سفـّاف ......... م المصرم اطباقه والحليب اقداح
ناس م لهلالية اتجيب اوصاف ......... حتى في سنين الكرب ما اتلاح
وانكان صار مد ايدين واختلاف.........فرسان عندهم هيبة تريس املاح
حتى في نهار معاقبة لطراف ......... مايريبوا منه كباش انطاح
انجا غزي غازي من عدو سيّاف......... وايريد يلغبوها نيسة المسراح
غزيان وين راعاهن الراعي خاف......... وصارت العيطة والفريق اجتاح
امنين ناض في لول تريس اخفاف .........وصار اللطام وصار فيه اطياح
وفارس اكحيله سيدها هدّاف ......... عالكتف ليسرة ضربة علي لرواح
والغازي يريد افخار جاف اجياف ......... القود سوقها مافيه باب ارباح
واسماح الشعافي خايلة لوصاف......... م القوم يوم قدعتها نهار افراح

........ و ما من تريس اكساح


--------------------------------------------------------------------------------

...القصيدة الرابعة:عيون اسماح
رزني فيك اعيون اسماح ,اتقول اسلا ح , نهار انداح ,املاقى ضاعن فيه ارواح

رزني فيك اعيون اوساع ......... ولك نرداع ......... شرار جبينك دار شعاع
بوارق في شابيب ارجاع ......... ايام صلاح ......... اشبوب بداري مزنه لاح
تعلّى خش اوطان اوساع ......... اتدير بياح ......... وطاته منية للفلاح
معاهن للخدمة استطاع......... يريد ارباح ......... بدا فيه الوطن استصلاح
وثاني داروا فيه اقياع ......... تريس اصحاح ..... يواصل في الخدمة بنجاح

رزني فيك عيون كبار.........ودور اسطار ......... على جرعودك ظفة دار
رويتيه ببنة وازهار ......... ثناوي ماح ......... اتقول روايح عطره فاح
امنين تكاصا ع الجرجار .........نخيل الواح ......... اهتز مع سوقات ارياح
يحوس ان راعاك وينهار.........ايطيح اطياح .........اللي شايل فيده سبـّاح

رزني فيك ميامي سود......... اتقول غدارى يالطيف
غثيثك ع العاتق مبجود ......... نقضتيه وماح لفاليف
اتقول ركيب يوم ورود......... عطاش اداعك دار زنيف
ظمايا من قبلي مصهود ......... حراريق نجوم أول صيف
بذل فيه الراعي مجهود......... سقيته بالغيظ تعنسيف
تروّى دار ارجود ارجود ........ ملايا حيضانه تذريف
وصدّرها في وان برود .........اوقات العلة بتكفكيف
مع كل خراريم وهود............. خذا طول الليل تعنسيف
اصبّح طاير راس الرود ......... هنايا في مصدار عفيف
نباتتن مرغاد وعود.............. قعاري لام بهال مصيف
وهلها ناس اصحاب اسعود .....تريس بجاوية ع الكيف
اجواد يقيموا بالميجود ......... يصبوا وين اتجيهم ظيف
يبنوا في واسع منضود ....... سماح اركانه ظل وهيف
ان دارت برّاقة وارعود ........ بداري ف اول غيم خريف
يدزوله رايد ميكود .............. تراعيهم فيه مشاريف
حكيت ونا ماني منشود......... خذاني ديوان وتخريف
مع طاري لجواد انجود ......... بذكراهم عندي توليف
المعنى عن شوف الجلمود......... وصوله ماني عارف كيف
لغياته مالقيت برود..... اندير مناح..... انغرد بالصوت النواح

رزني بانن فيك ارغاب ......... عيونك سود بلا تكحيل
انتي مسع جابك جياب ......... مقامك عالي ف التمثيل
سماحة وامروّة وآداب......... خذيتي بيهن فوز الجيل
خطمتي بانن فيك انياب ....... انظاف يلجّن كيف الريل
وخد كما بارق لهلاب ......... ادّاير غيمه دار نزيل
اخشوش تكوبر فك اجداب ... امنزل م المولى تنزيل
تركّب في مشروع الباب....... وقبّل من عنده تقبيل
وعاد الغيطان ولشعاب......... ملايا منه كيف النيل
نزيله دار اطراب اطراب ...... اوهام العلوة شايل شيل
وصيّم بوفتّح وارحاب ......... وغيطان الزفرة وافضيل
تعلـّى خش اوطان عباب......... ايقنتل مازال اتقنتيل
مقاطيع يديرن حلاب ......... هشاش اكحيله فيه اتخيل
اتقابل فيه اسراب اسراب ........ مراشي سود اتقول نخيل
ايديرن حوراني والعاب ........ ضناها في وان التبهيل
معاها رجالة طيّاب ......... فراسين يحاموا النزيل
امنيد الطامع والنهاب ....... يفكوها من غير جميل
وما خطرها غير صواب......... غلا ريدي فايزة الجيل
اللي في لونه نال اعجاب ......... ونا مزّاح , كلامي صاح ....... انمجّد للزينة مدّاح

......... رزني فيك






الشاعر التاسع:
موسوعة شعراء اجدابيا الشعبيين
--------------------------------------------------------------------------------


الشاعر: محمد بوهارون الزوي



: السـيـرة الشخصية

غير متوفرة, نرجو ممن لديه السيرة الشخصية للشاعرأن يبعثها لنا


--------------------------------------------------------------------------------
القصيدة الأولى: يــوم الـسـفـر


يا ما بكيت عليها... وهي زاد تبكي ونا انودع فيها .... يوم السفر

مـاني نـاكــر................ بكايا عليها ف الصباح الباكر
وهي زاد تبكي ماسكة التذاكر.... امنين ما ايديا لامسن ليديها
صار الوداع مغير ماني فاكر..... مغمي علينا كل حد في جيهة

سـاعـة التـوديـعـة............... ومرّت اللحظة الخاطفة السريعة
اتقول لبعضنا انجددوا في بيعة ... نا لاورا نمشي وعيني فيها
وهي زاد جـلـّت عينها الوسيعة .... وجت راحلة في جرتي بيديها

يا ما بكـيـت انريدها......... وهي زاد تبكي بدمع وايدي فيدها
تمنيت يدّي امنيدها ما انحيدها .... غير التماني اتموت بأمانيها
بكـّا جميع السامعين غريدها ...... وانا مشيت وعبرتي كاميها

هـــي بـكــّايا..................... ونا زاد نبكي وضامها يالايا
وبين الدموع النازلات حكايا ...... مني ومنها دوب نسمع فيها
نحكوا علي لفراق والنهاية .........وفي أي ساعة ملتقانا فيها

بــكـا ومـجازف................ والدمع ينبض م العيون ونازف
مثيل ما يلامس في الاوتار العازف...اللي وتر عوده ريشته يبكيها
كيف ما يكسّر في القزاز الخازف..... تكسيرة قزازة خاطري نحزيها

بـكـيـت بـدمعـة ................. ذابت علي لخدود كيف الشمعة
جميع من ابكايا من اصحابي سمعه ...شاهد علي ما صار في وفيها
وكان صبح سبت اللي تكـفـّـا جمعة ... الايام عندي سبت نين انجيها

يـكـيـت بـحـرقـة ................... ونا ف الصعود وف السلالم نرقى
سيل م الدموع النازفة بالدرقة ........ بيدي انكفف غير واحل فيها
الله لاتعودك يا أيام الفرقة ........... امجرّب وغيري ما انودّه بيها



--------------------------------------------------------------------------------
القصيدةالثانية: يدّك وخدّك


يدك وخدك من الغثيت تعرّا .........فجرين في ليلة تلاقن مرة

مـنـيـن خـذيـتـي ................غثيت ع اليمين وع اليسار سفيتي
كيف الحرير نعومته حسيتي...........حتى م الانسام العابرة إيتبرّا
على لمس لمسة خايفة تميتي ..........روس الأنامل من قريب اتضرة
كساك نين في آية جمال بقيتي ........عليه كل عالم جا بحث عن سره

عليا تاقن.......................... يدك وخدك ع الغثيث تلاقن
شروق نورهن الاثتين وين اشراقن......... شروق نور فوق ورود شمسه حره
نين في بعضهن بالجمال اشتاقن .........وزادك جمال الليل وانت غـّره

راد الــبــاري..................... انكمل العمر انطوف بين جواري
نمشي عالورود في نسيم اقماري .......في نور بادو وفي حياة مغترة
واسقيت من رحيق نخيل دوبه جاري........اوكلت العسل حلوه وضايق مرة
واما هذي ساعة مست الحفاري..............باليد زادت في العيون مسرة
ومازال عني سرها متواري ..................ولكن انفوز بجوهره هالمرة

اجــمــل صـورة....................... اسمك ورسم اصبيّ فيه اسموره
ارسِـم تحت حاجب في مدامع حورا...........اجمل عيون الواسعة منقرّة
نواوير خدك فلتن بحمورة....................مزيج ابّياض وبشرتك محمرة
يخلّن اللي كيفي رهيف شعوره ...............لازم على شانك ايعود الكرة



--------------------------------------------------------------------------------

القصيدة الثانية: مرايف علي وطن
مرايف على وطن وطن السمور ...ومقاعد الحور.. يغنن تواشيح فجر الفجور

مرايف على وطن تما بعيد..... ومشي تهيد... مقعد مواعيد يبن رصيد
وبنات وين يطلعن في الجديد...بدايل المور ...يخبن على كعاب تضوي بنور
الوحدة مع الجو تبقى تميد..من بوخ البخور.. وبنة بنانير تطلق عطور
خطرها إلا قول ينا اريد..ونسات القصور.... ونسه على السهوتخطر خطور
ونصفق على الصحو كفين اليد...عوبا ادور..... الدنيا حشا وجهكم يا حظور
تواطي اللي كان بأسه شديد...فارس جسور ....يرخص تشيل بيه دان القدور
مرايف على وطن وطن القهاوي...مناة كل غاوي... شطيح البناويت في خان خاوي
وسولف تواليمهن دحرجاوي..فوق الظهور...... ان هزن يموج موجان البحور
يملش تماليش طير النداوي....انفك السيور...... اخطر من غريمات دم الصدور
وكان من البعيدات جاني امهاوي...نقفز انثور.. وانشق البرور ودمعي على الخد جا سيل جور
نهلوس مع الناس نحكي حكاوي..مناتي انزور.... بلادهم اللي ملتقى للبحور
مرايف على وطن يانا مرايف..ومن البعد خايف ...انخمم على صوب تما حسايف
ان شفتو بما شفت يانا الشايف..اشباح من اقبور..... تداور وفاقدات روح الشعور
يضحك بكا الناس تما طرايف...يولد سرور........ ويزهي اللي ما لهم أي دور
الا تمويح سمحات الوصايف..حتى انكان زور ..خلاني صبور صابر على مر صبري فخور

الشاعر الحادى عشر:
الشاعر: موسى حمودة



: السـيـرة الشخصية

هو موسى حمودة الحايل من عائلة ( علي) قبيلة المغاربة
وقد عرف بلقب القاضي, ويرجـّح أن ذلك يرجع إلى مكانته في الشعر التي جعلت الشعراء يلجئون إليه , لتحكيمه فيما ينشأ بينهم من خلاف في مجال الشعر
كانت إقامته في منطقة العقيلة وبشر والنوفلية , في أسرة شاعرة , برز من أبنائها عدد من الشعراء مثل: عبد الجليل وعبد ربه حمودة. كذلك كان موسى حمودة من قادة المجاهدين ضد الاحتلال الايطالي
توفي رحمه الله, حوالى سنة 1937م


--------------------------------------------------------------------------------
القصيدة الأولى: صار يوم في بلال


تتحدث هذه القصيدة عن معركة بئر بلال التي وقعت قرب اجدابيا يوم 10 يوليو 1923م
-----------------------------------------------------------

صار يوم في بلال نص النهار..وعاد م الخيار.. في الليل مداريع توقد النار

صار يوم في بلال يرضي سعيد.. حرار وعبيد.. وعاد نارهم كابرة ف الحديد
الميّت اللي طاح منهم شهيد.......زينك نهار......حتى انكان ودّر علينا خيار

مشايخ على الوطن دارن مبات ..متحالفات......ما نعطوا دامين فينا حتات
جَـن للطوابير متناغرات.........ودارن نهار....والله ماعمر في حرب صار

صار يوم في بلال يوماً عجيب..داير لهيب....ينقّي اللي شاب منه الشيب
عاد المداريع هن والسبيب....كيف المدار.....اللي حاس م الجوع عقب النهار
كلام الزلل شين ربي رقيب...دارن اقطار....تقول ياخذن م الخشب في عشار

صار يوم في بلال غابن عذاره..وعاد بالغداره ..لجواد يدكموا في صدور النصارى
يوم فتح بالسيف شاتن اخباره ...نقص في العيار...بعد بقيته سبع ولـّى حمار
سمعن نبا الكلب فزّن سوارى...فوق م الجراري...في كبودهن حرّ والعون وارى
خلاّهن معازيق قعم السواري...بدفر القصار.....لو ضرب تهميل لو بالعيار

صارن نهارين يرضن سماح ..قتال وجراح.. ملاقى على طول ف ارض البياح
منهن المنعول كسّـر وذاح .....وفي الراي حار...عبّر علي كيل والكيل جار
رماهن على الموج صهد الملاح..بكمشة أنفار...لو لقي جناحات في الجون طار

ملقى (وريطاو) بامر النظام...سلاكاَ تمام...في مهدي والبي عبدالسلام *
منهم حفر غرد تمّن جمام.....قطايع كبار...يريد يملك الوطن ذاق المرار

بانن فراسين ع الموت شقّن...وفيهم يزقّن ...مدّاعيات لا تومجن لا اتـّقـّـن
نين غردة القصر في الليل طقّن ..وهن في العيار..ثاري الفرسنة ما تقصّر عمار

ادّاعن على الطبجي يسّـرنّـه....وكورة خذنّه...وتمّن معازيق فيه الحصنـّـة
عليهم بعد جال حقـّـه عطنـّـه...بضرب الصدار..تمّوا مناضيد كيف الغمار

-----------------------------------------------
وريطاو : موقع قرب البريقة. مهدي: مهدي الحرنة المغربي. البي عبد السلام: عبد السلام البرعصي, ضابط مع القائد قجة عبد الله, وكان الاثنان قد استشهدا يوم معركة بئر بلال الأولى


--------------------------------------------------------------------------------

القصيدة الثانية: عرق السبط يشهد
عرق السبط يشهد على اللي جاهن.........ويشهد على اللي ما قدر يدناهن

يشهد على اللي طايح.......................ويشهد على اللي ف السقايف ذايح
م اللي حسّهن يرعب ونيله فايح.........اللي دخنهن يرقى لكبد سماهن

يشهد على اللي عرّم..................... ويشهد على اللي وين تاقن خرّم
من حاش امتلص ماعاد وجهه برّم..... واللي يستحن شاطت النار معاهن
نهار مرّ ياما فشّ من متورّم.............اللي ف الرخا طارب علي ملقاهن

يشهد على اللي قـدّم ....................ويشهد على السالم وع المتعدّم
منين الحفير على التريس تهدّم....... ومنين السبيب بكاس الموت اسقاهن
ماخاف من منشر وكور يخدّم........حيا الله حيا الله ع اليار سفاهن

حنا عقدنا وقتاً عليهن لايـَم............ سبيب العدو تمّا معاه غنايم
بيـّض وجوه ولاد عبد الدايم........... لضرب الخلاط محضّرات انياهن

بيـّض وجوه الجملة ...................فراسبن كـسّـر كيف نقد العملة
علي نار تكبر رايمات الحمله..... صاطرات نبين اللغم ثاب معاهن
نهاراً ترع دمه جرى ف الرمله....نا هو اللي شاهد علي مطراهن



--------------------------------------------------------------------------------

القصيدة الثالثة: ارسِـم سوق
تصف هذه القصيدة معركة الكيروانة التي وقعت في منطقة اجدابيا
--------------------------------

ارسِـم سوق في النقط في الضحاه...تلاقن اقناه... يشيّب ولجواد جابوا ثناه

ارسم سوق بين النقط يالبيّة...خبرهم عليه... ينقّي اللي شاب من شيب فيه
حلف لي الي عاقلة مو سفيه...ان جظة افناه... كيف ما الوازاي يطلق اغذاه
بين الكراريس ساقوا عليه ...وراموا بلاه ... كما فرق عطشان وارد قناه

ارسم سوق ما عمر رينا مثيله ...يضّابح ثقيله ... شرقي الخويمات بحرة فضيلة
وتمّن مطاويح م الضرب خيله... مرامي حذاه... من قوم مي فاكرة ف الحياه

ارسم سوق بين النقط ع الدّيانة... مرفوع شانه ... يوم نصر من عند واسع اذهانه
شبوب رجم مرسول للكيروانه... حدر من سماه... على روس لصلاب رامي عذاه

ارسم سوق بين النقط سوق دين... داير زنين... مو ضرب تهييت متخلطين
وتسمع زقا الروم م المرتين... يثّاغوا معاه ... بانغام شين ما تنفرزله لغاه

ارسم سوق بين النقط في السحاري...ذخيره مذاري... في وسط بنتيل والعون واري
سوق فيه يدّكمن بالغداري... وسنقي معاه .... سوق هذا مقبوض عملة اشراه

ارسم سوق بين النقط ف النهار... يلهلب بنار... يدلّل ودلآّلته م الخيار
اصحاب لابراطيل تموا اسطار ...كيف الغمار...مطاويح مثل الهدَم ف الديار
بين المصوّع وبين الحرار ......وواجد معاه ....تلاقن خلط دمّهم ف الوطاه

ارسم سوق بين النقط سوق جنّه ...عقــَـل خالطنّه....وبقي ضربهن دكّ ما طوحنّه
طارشات ما لاطشوهن بعنـّـه......طوال العناه .......بياض وجه من زوّقت بالمراه
نين الذهب والثــّــوي قسمنـّـه.....علي مستواه ......و اجيفهم مطاويح حدفه احذاه



--------------------------------------------------------------------------------





--------------------------------------------------------------------------------

لشاعر التانى عشر:
الشاعر: يونس الشلبي



السـيـرة الشخصية: ( مشاركة من القارئ, فرج جلغاف القذافي)

هو الشاعر يونس سعيد اشلبى وهو ابن الشاعر الكبير المجاهد سعيد اشلبى والذى له عدة قصائد بديوان "الشعراء الشعبيين في ليبيا". وقد هاجر سعيد اشلبى إبان الغزو الايطالى إلى مصر وانخرط وكان من أهم المؤسسين للجيش الليبي الذي شارك مع الحلفاء لمواجهة دول المحور في سبيل تحرير ليبيا و نيلها لاستقلالها ووالده حفيد المجاهد الكبير" الباشا اشلبى" والذي كانت له المشيخة فى قبيلة المغاربة الممتدة من مدينة بنغازى حتى حدود مدينة سرت الوادى الاحمر.
ولقد استشهد "الباشا اشلبى" فى سجن سيدى اخريبيش بمدينة بنغازى بعد كفاح مرير ضد القوات التركية .وشاعرنا يونس سعيد اشلبى بعد هذه النبذة المختصرة عن أسرته والتي لم نفيه حقها بهذه العجالة.
هو يونس سعيد اشلبى وهو من مواليد مدينة اجدابيا حوالي سنة 1954 من أهم الشخصيات التي أسست المسرح الوطني بالمدينة.
وله عدد من القصائد المعبرة من المعلقات منها العاطفية والاجتماعية وقد تقلد شاعرنا يونس سعيد اشلبى عدد من المناصب القيادية بالمدينة وخارجها حيث كان يشغل منصب أمين العدل ببلدية اجدابيا ويشهد على شاعرنا انه من اشهر الشعراء كرما وهذا ليس بغريب فهو ينتمي لأسرة عريقة مشهور عنها الكرم والجود وفى النهاية.



--------------------------------------------------------------------------------
القصيدة الأولى : بين الغرام نخاير


جفاك شين مستاصل وحبك جاير ......... بين نتركك بين الغرام نخاير

بين الغرام نجامــــل ..................... ونــزمط سوايا قبل ماني حامل
ونزعل نقول نشطّبه بالكامل ........... سريب الغـلا وانعدّ ماهو صاير
ولكن ان ريت العاشقه تذامل ......... وراك م العرب نبقى عليك انكاير
لا اغليت نين اقربت لاني صامل .... حايس كما حوسة خبيط الباير

بين الغرام الصافـي .................... و بين الجفا منك و مانــــي جافي
معاك حالنا يا بوغثيـث مسافي ........ كيف حالة القزون بين ضراير
توكّب امه ماتت و تـم ارفافي ........ ايطوله العيب و شي ماهو داير
كي تصير يا ريـدي حياه سعيده ...... معاك و جفاك الفكر منه حاير
اغليتي و مالك فـي الغرام ضديده .... جميله وجبتي م الغزال اموايـر
وزدتي علي وصفه اوصاف عديده ... صعيب ذكرهن في كلمتين قراير
يخاف من زطـال بضاعته واكيده ..... بياع السماحه وين جاكم زايـر
ما ينال غير اتعبــــه و تقلهيده ........ يعاود و مافتّش حذاك صرايـر
خيالي صرح في القـد والتجعيده ...... مع خصر خاوي فوق ناتق ثايـر

بين الغرام و قـــــدره ................... وبين صوب خلفّلي امراض وكـدره
منّه نفيض القلب داخـل صدره ......... مو ماسكه وسط الكنين ستايـر
وعلي ما نحاول يــا جميله ندرا ......... فيك للوفا ما جن عليك دبايـر
جميع ما ايهوج أيريض عنده قـدره .... وانتي شامخه شمخت غزال عقاير
وكان الحرير ايخلّصــوا مالسدره ..... غلاي تالفي نزها اندير مطاير
كيف من مرافق شخص ضامن غدره .. حتى لو رقد يالاه نومه طاير

بين الغرام او همّــــــه .................. وبين الجفا و الجرح نازف دمـه
تهاوي انجيك و نحسبـــك مهتمه ...... نعاود وما منك انصر ثمايـر
مليت من سريب غلاك بايخ تمّا ....... كل يوم والثاني اتوق بصايــر
ماعد انجيك جديد ضايـق سمه ........ خذيت قرعتي كان الغرام قهـاير



--------------------------------------------------------------------------------

القصيدة الثانية: نهار الزفة
نهار الزفة... سبحان كيف لا نبرح و لا نتوفى ...علي وين ما يخطر

نـهـــار الــعــازة ........ نهار غيبة العـرّاك و الحزّازة
عدوك تقول مشيعين جنازة ............ الكفن في بيلوا كتفا
توارت وخلت ف الكنين حزازة ....... عيب كشفا ع الطب ما يعرفا
ونا مالعمل م البخت كنت اجازة ...... بيش قهرتي نحضر ونشرشفا

نــهــار ادمــوعـــي.......... سالن وما سالوا علي موضوعي
منشاب نارها مكبور بين ضلوعي...... بطول موحا والياس ما يطفا
ما يهمني بالناس ناصب نوعي ........ نهيل الدموع الساخنة نذرفا
كسبي وراس المال هي مشروعي ..... وخذت وبيش الخايلة نخلفا؟

نـــهــار مـنــانـا ........... عدت ولا صاحب بكى عزانا
الناس كلها في عرسا فرحانة ......... علي ما نحلل ما وضح موقفا
لا من يجامل لا بكى لبكانا ............ ولا لقيت شخص معاي حالا شفا
سيارة العروس اخطمت من يلانا ....... ولا فرخ من جيرانا حادفا

نــهـار حـشـيــرة ........... نهار زوقت تزويقة الموجيرة
ودارو مع وسط البلاد مسيرة........ قدام حوشنا لفوا اطناشر لفة
يرزن ونا مرزي عليك اميرة ....... سواد العيون مع شعر سالفا
وزدات عليهن بالسواد بصيرة ...... تفريجتي بعد ركبت بلا محرفا










--------------------------------------------------------------------------------

الشاعر التالت عشر:
الشاعر: أحـمـد رمـيـلة



: السـيـرة الشخصية

تاريخ ومكان ميلاده : هو أحمد محمد آدم أرميلة . من بيت ( أبوعوصة ) قبيلة الفواخر .وُلـِـد في منطقة ساونو, جنوب اجدابيا , سنة 1937م
بدايته مع الشعر : ابتدأت هذه العلاقة مع الشعر كراوية لما يقوله كبار الشعراء وقد روى في بداية حياته لكل من : عمه خالد ارميلة الشاعر المعروف ,وجلغاف المبروك بوشعراية وحسن الاقطع....وغيرهم من كبار شعراء تلك الفترة الزمنية الحافلة بكبار الاسماء في عالم الشعر الشعبي الليبي , حفظ حتى لبعض ممن كانوا خارج التراب الليبي مثل خير الله الدجن ) من أولاد علي في مصر ,ولم يلبث أن تطورت علاقته بالشعر حيث أصبح يقرض شعرا من تأليفه وكان ذلك في بداية صباه
يجيد القراءة والكتابة, ويذكر انه تلقى تعليما دينيا ودروساً في القرآن الكريم, في النجع الذي كان يقيم فيه. معروف بإلمامه الموسوعي بالأمثال و الخواطر الشعبية وهي مقطوعات قصيرة منظومة شعريا ً تحوي في الغالب مواعظ وحكم الأولين
أكسبـته موسوعية ثقافته الشعرية مهارة أخرى وهي نقد الشعر , حيث تميز بالدقة فيه, فكثيرا ً ما يستعرض لجلاّسه , بعض ما يعنّ له من شعر الأولين أو من شعر معاصريه , فيقلـّب الأبيات َ والقوافي بطونا ً ظهورا ً , مستعرضا ً ما فيها من جمال , ومشيدا ً به . ومنبهـا ً لما اعتراها من ضعف ٍ بياني أو عروضي
كما يُعـرف عنه إلمامه بالأنساب وقد تم تكريمه من الدولة الليبية في العديد من المناسبات منها : منحه وسام الفاتح من الدرجة الأولى عام 1990م . في مجال الشعر الشعبي وغيرها الكثير وفي الفترة الاخيرة انصرف إلى نظم قصائد في غرضين من الشعر حيث لم يكتب في غيرهما وهما : كلام الاجواد والديني - منها على سبيل المثال : شيناه ياقطع الارحام ..ياريتنا ما جينا
---------------------------------------------
: تسجـيلات صوتية للشاعـر

الـــدّار

نـجع الجدود

قصيدتان: كاس الموت - ياللي عليك حسابي

روايته لقصيدة: انخمّـم علي نجع لحباب- للشاعر الكبير, جلغاف بوشعراية

ردّه على بيت لحسن لقطع





--------------------------------------------------------------------------------
القصيدة الأولى : مغير انواري


مغير انواري ..ومالقيت من نفـتش عليه اسراري ..موطي على طرفي

مغـير انعــدّه................... قديم الغلا لـسبط مخوتم يدّه
كيف الفريق لقور اللي له مدة ............ ذرت عليه الريح ماله طاري
صغيره لقي عمه وبوه وجده............. وخوه الكبير كتاب ربي قاري
انكان جيتهن جايل ايجي من حده .............عندي العقل يضّايق يحوس مداري
مواكير ضرّابة هميل الصدّة ................لريل اللي قرونه اتقول مذاري
على نجع زاحاه الزمان وعدا................ سبايل بلا سايل انجيب سهاري
تباعد ولوكان الدموع اترده ................ إن يرجع ولا كفّن دموع انظاري

مغـير سريـبه ................... تنقد علي الناس كيف انجيبه
وسامع سوايا في عددهن غيبة.............. ونا عالسوايا ما انريد انماري
وسكاتي على فاهق القديم وعيبه............. نحلفلك عليه انه سكات اجباري
ولكن تعتني ع اليسار انسيبه ...............من يومن على هانتي دراه الداري
الرزق مو على غية اقطاف عطيبة ........ غبا وين لو نقعد سنين قواري

امــغـير اجـراره..................... طالن وما عمره نهار توارى
ويزيدن مهاياته ان ريت دياره ................ع البال يخطرن ناظر مناظر ضاري
وسايقات سيات العزيز وناره ................ علي افزعي والحجاز ياس اقراري
ورا من مغرغز بالرقيق انظاره .............. جريت ودعيت بقي قليل ذراري
جيته وهو فوق العلام قراره .................عازق العصايب من شبوب بداري
وحـرّث اللي لقدار فيه خسارة.................. ونا ياجماعة ردني بـبــذاري

مـغـيـر اخـطـــوره ....................... لسبط اللي هالب العاتق دوره
ديما يخايلي وفيه ضرورة.................. تزيد وينما نذكر خطاه الجاري
ونذكر حباب حازهم تراب اقبوره ........... بوادي شوامس هل اطراف سحاري
نـزّالين كانوا في هشاش اديورة .............شابكات حـلا ّب ورتـم واجداري
الدايم الله لقيتا مهجورة ..................ديارهم مواريهن رديم الواري
ماتقول شالوا عاليدين اصقوره ................ولا اقتلوا في فج الخلا بـقــّاري
ولا بـرّكوا ادقــَــيني امدورم زَوره............ لجحفت اللي عيونها عيون بحاري

مــغــيــر ا بــيـــاسه ........... رضيت وينما حـجـّر جميل الباسه
ومنعن مواريده ولاخر داسه.................. قباله علي صوبه اركب حمــّـاري
ولاطلت منظرته ولا مجلاسه ................مع جرتي رديت نا وجضاري
وانكان جيتهم جايل يباتوا ناسه................ بلا حرب ليلته حجير طواري

مــغـيـر انــسـاتــر .................... علي ناس كانوا هم القبض الحاتر
واليوم طول مرجاهم غلاهم باتر............... كبير ياسهم بايع معاي وشاري
قضيب وضع لاماهم لقيه مقاتر ............... انسفه بيش ما يمشن معاه اقطاري

امـغـيـر الــســيــة ........... اليوم دون من كانوا اعزاز عليا
تمت خيال ديما يطارح فيا ...............سلطانها علي معقب غلاهم زاري
وراهم وما فيهم قضا مقضيه............... بلاش هكذي ضايع مشا مشواري

مـغـيـر خـطاهم ...................... وطول ياسهم لطن ايام غلاهم
الناس العزاز اللي علي سباهم.................. مضن اسنين من عمري ونا دهواري
متماسكا ت من عند الخناق افكاري .............. وبين ترك طاريهم وبين رجاهم
ادموع كيف سوقات النزيل الجاهم .............. عزاءالعين في مول الخدود اتراري



--------------------------------------------------------------------------------

القصيدة الثانية: ونا في بابك
ونا في بابك... خنتي العهد خاننك ايام شبابك.... يا من جفيتيني

ونــا نـشـكـيـلـك...................... وانريد فوق راسي م الوطاه انشيلك
اتخوني بلا سابق انذار نزيلك .............تبقي قليلة خير ما نحسا بك
وتلفي اطرافك وينما انجيلك ..............م الساعة اتنو ضي تنفضي في اثيابك
معا ادعاي مـَـن سقتي وراه رحيلك........... مااتريد تزهيبه ولا يزهابك
ونا نسال عنك مانهارانسيتك ................ وانتي انظرك طايش للخلاء ثاريتك
واخذك حنين الواردات القيتك ................ خبيرك معا درب الخلاف مشابك
بلا امداس تاطي في منامي ريتك .............علي شوك بالي في طريقك شابك
واقدعن وينما شانن مقاصد نيتك ...............عليك لاورا ردن اردود احرابك

ونـا لـبـريـــدك.................... امعقد شكاويي وماسك في ايدك
عشيرة علي سنة الله انريدك ............... متطايبين والشاهد وكيل اكتابك
وناوي بما نقدر اقدار انزيدك .............. وانديرلك نباء بيّن اينال اعجابك
ولكن خطا التعني محا تمجيدك.............. وهون امهياتك وطول اغيابك
وناوراك ياشوف الخماس الجيده............. نعيط ونجرى ماخطاك انريده
طويل فوق بو طابع نظيف حديده .............. انكان جيت تسفي ع الخدود احجابك
وانكان غبت يداير ايزوم رعيده ...............ويبقى نزيل اشبوب نوك حابك
ورزقي علي امقسم ارزاق عبيده.............. انكان يا مرادي ما نصيبي جابك

ونـا مــخــتــارك........................ ودايلاتني فاهق خطاك ونارك
يا اللي ان تاقن تحت من جرجارك ..........يـضاون امضاوات البروق اكعابك
ايحوس المدار عندي ان ريت اديا رك ..........ومابي ولاحاجه امفيت اسبابك
بالله ليش يالخايلة انجيت اصدارك .............. اتجي من بعيد اتغيري مهلابك ؟
ونـــــا دهــــواري ....................... قاعد علي شانك اسنين قواري
وانتي خطاك معاي مو متواري ..........بالعيب تفتحيه وتقفليه وجابك
عليك م الدموع وم العشم يا ناري............. قطعتي رجا عاشق يريد جنابك
بعاد المواجع طيبين الطاري.................. انعده فنا كيفهم سريب منابك

ونا مــن عـازة ...................... شينة اتخلـّـف في القلوب حزازة
وانعاني ولكن قـلة الحجــّازة ..............خلتني ونا صاحب احقوق انهابك
ديما ابقيتي للخطا منحازة ..................يزيد يتمادى كل يوم عيابك
على ايدك ونابيدي بري نجـّازى............ وراك نار ياويلك نهار احسابك

ونـــا مـــتـمــنــي ................... قسميتك وما طلتك انظرني كني
سكـــّــر طريقك ياس حازك ...............عني زواك نين دقيتي بعيد اطنابك
غلاك وخطاك مع بعضهن جني ...........حتى وهن فواهق سود كيف حجابك
والباب شرع ما تلقي اجرا داينـّي............ قدام حجتي ساهل يكون غلابك

ونــا لـك نـايــل ..................... نجري وراك وشي ماني طايل
انجيت قاصدك نلقاه دونك حايل ............ اطقاق ياس ما ننظر بياض انيابك
وانعاود انجازي غيظ واجد شايل ............بالنقص دوم ايشيرلي سبـّابك
الحال صاف ياشوف الخماس الخايل......... انعان وين ما فـلّـت ربيع اسهابك

.......ونـــــا فـــي بــابــك


--------------------------------------------------------------------------------

...القصيدة الثالثة: مـا تقـول فـيـهـن كــانـوا
ما اتقول فيهن كانوا... اسماح المنازل وين ما يدّانوا.. أجواف يصهدن

ما اتقول فـيـهــن حطــّـوا ..............رجّـاله ا حدود الله ماايتخطوا
عن واجب صلاة الفجرما ايتبطوا ........... وذكر الجلاله ماعليه ايوانوا
اديارهم امقبل وين ما ايتوطو ..............قدام الجوازل نازلين ايبانوا

ما اتقول كانن قبل في هـاللـفة ..............قدّام الجوازل فيه بك نعرفها
تريس ولقيح ونجع داير ضفة.............. رفقهم حليب وحب ماينهانوا
اصحاب المروة والحيا والعـفة.............. اللي لقربهم جيرانهم يطمانوا
منهم وم اللي سود روس شعـفها ..............خلـيـَـن هوادين الخلا سبحانو

ما اتقول فيهن ضاري.............. كنا ننزلوا من قبل هالصحاري
واقناتن يلـقـّن من اشبوب بداري.............. ا رعوده اتـّل ومزنته تدغانو
نبت قيقلانه في ا رمال قعاري.. ............. بهارير لجـّاته اتقول اجنانوا
الملح البساط وطيبين الطاري .............. مـسـّع نهار اقدرت ع النسيانو
عليهن انجيت هالب ايحوس مداري........ منازل اللي تحت التراب ادفانوا
الدايم الله مالك الملك الباري.............. من هول السعير بقدرته ينصانوا
مسـيـّر احكام الكون وامره جاري.............. رافع السما عالي بلا عمدانو
العالم بلفظ الجهر والمتواري ..............تلاقيه يوم العرض ع الميزانو
جعل كل نفس لها ملف إداري.............. وبما قدّمت لحسابها ترهانو

ما اتـقــول ياخــرّامـــة ......................نزل نجع واجد فيك دق ارمامه
شيابه اكرام ويعرفوا الكرامة.............. لا يشهدوا بالزور لايفتانوا
واحذاهم لقيح اسمان دار اكلامه ..............ا صغار هله والرعيان فيه يعانوا
من يومن مشوا منك وفيك غمامة.............. وريـبة وانا وانتي عدو نـشـّانوا
عارفه انجاك اللي ارقاق عزامه ..............عليه يخطروا وايقول يانا يانو

ما اتقول وين تعـلاّ.............. نزيل البداري والجوازل ملاّ
رحـالينهم جـبـّن اتقول محلة ..............علي هـَـود بين الربد والظلمانو
لقوهن هناك مطوحات الجلـّـة.............. عقاير اكبار ابعاد ع القيطانو
منازل ابوادي طيبين الملة ..............ع الفطرة طبيعـتم صفا واحسانو
يجتنبوا جميع اللي ا محـرّم كله.............. فناهم الدهر ولا نبيهم خانوا
قـدّام دارهم ديما اهناك امصلـّى ........... طوايف ايجوه ويرفعوا لاذانو

ما اتقول فيهن سنـّـدوا يابابا .............. ثناوي لقيح واجد بعيد عقابه
والجازل امقبـّـل صابـّـات ارقابه ........من ميحة بداري فاوّل الخرفانو
خلين منازلهم اللي جوّابه.............. من وادي المرا لاعند بالحيضانو
بوادي شوامس حيلهم ضرّابه ..............لصيد الخلا واثقال ع العدوانو
فنتهم الدنيا هابتين وهابة.............. يامي ناظرة من اشداد ولانـوا
الدايم الله وين النبي واصحابه .............اللي ع الحياة بربنا استعانوا

ما اتقول بين انقوبة ..............ملـثـّم عليهن دَور داير كوبة
زناكيل جلبوبة ورا جلبوبة ..............كيف المراكب سنّدوا رحلانو
معا سيل متقاوي نزيل اشبوبه ...........اليوم لولي واليوم لاخر ثانو

تناشوا ربيع ابساط فيه اضبوبة ........... تظليمة اجباله كيف نوبة كانو
وللبل اللي ما كيفها مكسوبة .............. ماخير منه وطن في لوطانو

ما اتقول عمره جاهم ... .............. الجار الغريب وعاش في ردّاهـم
نـسـّاه الحبايب والقراب دفاهم.............. جربهم القيهم هل كرم وامانو
غليو عليه اقبل العيش امعاهم ..............ابعاد المواجع طيبكم جيرانو
بروايتين ورش وحفص حيل اقراهم ...... اصواتم اتجلي ع الكدي لحزانو
مواعين ديما صافيات انياهم ............. لاعندهم لا زود لا انقصانو

ما اتقول فيهن قابـــل ... ............. اركيـّب اسمان ونبتن متخابل
حطبهن هظاك السمح رايح ذابل......... لجواف والروامص والحباب انعانوا
فيهم عزا مازلت ماني قابل.............. ادموعي عليهم مالهن شي وانـو

ما اتقول يارجّـالــه .. ............... اركيّـب ضنا عثمان من جفـّـاله
لزياق البلط يقرن وهي تفـّالة ..............كبيرة العقاير واسعة لركانو
من ميحة امزان ارعودهاتلتالة .............. فاوّل تـكوبر نوّضـت وديانو
رقيت اتطوح فيه ع الجلجالة ..............رقيق الحطب م الغوط والشطبانو
لمست ابساط اربد ايبان غزاله.............. جلايب , جلايب ملية الحيوانو
دبيب العدام هضاك له قـتـّاله.............. ان لعبت اودارت ع الجمل حورانو
وتربع اوين القيض جا ميجاله ..............تهلب ثقيل النوم ، م الرعيانو
من قبله اتجيه وفيه تاخذ داله.............. قدام بلغـرب ديما لها معـطانو

ما اتـقـول ويـن الـذاكــر.. ............... توضا لميعادالصلاه الباكر
سود م العرق جبن اتقول عساكر......... اسماح الندا في الفجر ع الفرقـانـو
واصبح الغوش بخيرحامد شاكر.. .......... في احسن طناطين الزها طربانو

مااتقول يوم الشيـله....................... من جوف لـثـل وارقابه وجوف لثيله
نزل في امويزر نجع عيت ارميله .......... اتقول في الناس القواري زانو
ولااتقول قدام الفقيه عويله.. .............. في المغـرب تلو ح**ين م القورآنو
ولا اقرب حليب وحمل و افي كيله..........مصرم علي هايج اقلالي قانو
الدائم الله اكملو هـم واكحيله ..............وخلين منازلهم ايام زمانو

مااتـقــول بين الــجــــازل ... .............. واخشوم الوامص نازلين منازل
ولا بات قبليهم لقيح زلازل ... .............. حدايجه اكبار او زرق في للوانو
يسقوه الحليب اوما اتجيه مهازل.............. الجار المجاور فيه ما يشيانو

مااتقول حــاش عـليهم... .. ............... الشـول المقاوي لاسرح قبليهم
ولا اتقول كانت م الجريد اتجيهم ..............قوافـل ولا دنّو اجمال اخشانو
ايحوس المدار عندي بعـد نطـريهم ............ حبايب الله واكبر فـنـو افـنـيانـو
وفي اخرّ كلامي فاتحه انعطيهم ..............اجعلهم معا الصادق بـني عدنانو



--------------------------------------------------------------------------------

...القصيدة الرابعة : شيناه يا قطع لرحام
شيناه يا قطع لرحام ...................ايباعد الناس القرايب
تلقاهم ضنا عم واسلام ............. اوبينهم اتزيد الغبايب
عداوا ت من عام لاعام ............. عمارهم فنوهن قلايب
اتقول عندهم غيب ليام .............. مضمون من جميع الشوايب
ولاايطولهم جور لحكام............... ولا النار يوم الحسايب
امنين الحجر تحت لقدام ............يبقى اتقول قطران ذايب
مكان تنحشر فيه لقوام............... سماه وصف دخان ثايب
وما يمتسك سام في حام............. ولا اعبيد عن زيد نايب
يغيرن علي كل نمام ................حيات يا خذنه نهايب
والطايعين لله في انعام............... واثمار طيبات الهبايب
امثال جابهن فكر كلاّم................ كبير سن لله تايب
را الدم فالدم عشّام............... ورا ا دعا المظلوم صايب
سكين ينغرس بين لكمام .............رقيق شفر مسنون طايب
وراه البطر سيل هدّام............... للناس دوم لتعاب جايب
كمين صف له طبل واعلام ..............جلا ّهم وراحو ذهايب
سابقينا امغيرما دام................ دلالهم اسنين العجايب
بين ريح واتراب ردّام ...............القينا اديارهم خرا يب
قديم الدهرهك برّام .................مع الزين والشين خايب
ولا مواخذة فقد لكرام ...............خلا العقل حاضر وغايب
انحوس وين ما جيت لوهام ............منازل اسماح الدرايب
ركابين مرفوع لسوام ................الوافر سليم النجايب
إن كان سامر النار مانام ...............ايجيب الطوارف هذايب
معاك يوقـفوا كيف تنضام ..............لجواد هم اجمال الصلايب
اصحاب نقب مشهور لمـّام............... للجالي قليل الحبايب
ينال بينهم طيب لحلام .................بعيد من هضيب الهضايب
مايخاف ياذيه ذ مـّـام ................يطول فيه بسوال سايب
نزيل ناس هل شيخ لازام ................شديد عزم ينهى العايب
و انجاه واسطة خير يلتام ................يوازي كبار المصايب
يفوت عظم مكسور دمـّـام ................ومازال تحت العصايب
واتبات كلمته قيد ولجام................ للي كلامهم موش رايب
يملوا بطونهم عيش وايدام ............... وايهارجوك بأدنى سبايب
لا يعرفوا روس لقلام .................ولا يكبـّروا شيب شايب
على حكم لخلاق بعدام ................ملوا م الدراهم حقايب
ولكن بعد جـر لظلام .................وارياهم البيض العكايب
اسـّـاع يصبحوا بـور واحطام ................ويسوقن عليهم ضبايب
وعار كيف بنيان لهرام .................من غير الربا والنكايب
قول قال خطـّاط رسـّام................ أوصاف ناكرين النسايب
لحاليح واشدوق ورّام................ وافواه يطلقن في نشايب
حتى بسطهم شين لنغام .................خليط من انواع الهزايب
هم وجوه تزوير واخصام ................ انكان انت هاذين هايب
ناسيين تسكير لنسام.................. بلحود واثقات الترايب
وامدانات ثعبان هجـّـام.................. عيونه معاهن لهايب
ينزل الطير لو حام ما حام.............. يقولن امثال العرايب
مايجيـبهن لزم لـزّام................. اخطاهن اطوال النوايب
مامن غـنـي كان غـلاّم................ عليه بارمات الزرايب
امفـطـّم افطامين وافطام ................وبيوته يجوهن جلايب
بين ضيف طرقي وجلاّم ................وبين من يشيل الزقايب
واحذاه بـرّكت قدو رزّام ................. افراق من عراض الجنايب
صـدّار من هوادين صيـّـام................ زمازيم ليقة كتايب
على نجع نزال قدّام................. اجبال عاليات العقايب
كان واختفى شبه لفلام ..................وغابن معاه الطرايب
الدايم الباري العـلاّم................. ناشي اثقال السحايب








--------------------------------------------------------------------------------

الشاعر الرابع عشر:
الشاعر: الشريف الشارف امحمد الحرنة المغربي



: السـيـرة الشخصية

هو الشريف الشارف امحمد الحرنة المغربي، عائلة الأسود، كنيته ابن الإجدابي، من مواليد 1962م من مدينة اجدابيا، وهو من أبرز وأفضل تلاميذ الشيخ عيسى الفاخري عليه رحمة الله. حفظ القران الكريم على يد الشيخ عبد الحميد بوروا ش الذي يعمل حالياً في مجمع الملك فهد لطباعة المصاحف في المدينة النبوية، ولشاعرنا قصائد شعر بالعربية الفصيحة والعامية، نُشر كثير منها في جريدة أخبار إجدابيا والكثير منها لم ُينشر إلى الآن

يشتغل الشاعر في مهمة تحفيظ القران الكريم، والخطابة والوعظ والإرشاد وله تأثير بالغ في نفوس عامة الناس، وله ثلاث أشرطة شعرية جمع فيهن بين شعر الدين والحكمة من قوله ومن منقولة


--------------------------------------------------------------------------------
القصيدة الأولى: يـجـنـّـك أوقـات


يجنّك أوقات تطيع للي دونك........... والرجلة بعد رفقة اسنين اتخـونــك
يجـنـّك اوقات اتسـلـّم...............يهـيـنـك اللـي دونـك وما اتـّـكـلم
ويبقى يوجّع فيك وانت امبلّم...........امـدنقـر ومـاسك عـبـرتك بسنونـــك
إن جاك ضيم مالقاضي لمن تظـّلّم........تضيع فـيت مولاك الكرـم يصونك

يجنّك أوقات اتجامل...................وتبـقـى امـدنـقـر والمـواجـع حامل
ايدولك امـشـوَّخ هفك عقله صامل........تـخـاف نيـن ماتـرفع معاه اعيــونك
لايستحي لا بالهدا يتعامل..............يجــي كيد تحسـيـبـك علي مكنـــونك
زيد صبـر حتى كان صبرك كامل..........نيـن ربنا يلطـف يـقعـّـد عونك

يجنّك أوقات عصيبة....................توانــس عــلي التهــزيب والتكذيبة
ايدولك اللي عنده عليك غبيبه.........حـتى وانـت مـــن كونه وهو من كونك
ردِي عفِن يفرح كان دار عطيبة..........وفاخـر بقابـيــته صـغــــا قانونك
والطيبة مع اللي مايريد الطيبة.......وخـيــم عـقـبــها يعكس عليك ظنونك
أحداث (بوغريب)عليه موش غريبة.......عـدو لا اقـبل شـكلك ولا مضمونك
ان حصـًـلت مقتل فيه راك اتسيبه .....ورّيـه فـي القـتال مهارتـك وفـنونك

يجنّك أوقات اتسايس.................وتوطى عـلى العـقـل الجـسور الحايس
وتزمط غصايص زامطات غصايص.........نشوح هـمهن ,لونه يغـير لونك
اصبر وخلّـك عالشجاعة دايس..........حتى انكان ما عـمـره هـفا كانونك
ولا توجعك لومة اللي مو قايس ........ولا برمـن بـيه اغـبـون كـيف اغبونك
يجـنـّـك اوقات اتطيع للي دونك.........والرجـلة بعـد رفـقة اسنين اتخونك



--------------------------------------------------------------------------------
القصيدة الثانية: قـرار صـيـانة


يلي تريد صيانة....... عطيتنا ملف وشي ماسع جانا.... ما تلومنا

يـالي حـويشـك ثــاوي.............. غزير قاطره يهطل مع الفجاوي
ابقي أسقفة متقلع يطيح شظاوي .........ومع كل جيهة شققن سيسانه
ولوح الرواشن ذاب راح شماوي............ وطار الزواق ولولـبن بيبـانه
وفيه المجـاري فيضـهن متقـاوي ........... يجالب مثيل القدر في فـورانه
ما من بوشبـو بات منهـن راوي............. شنابه أطـوال يركـزن ذبانه
ينقرط على الغياب حسـه داوي.............. يطير النـوم بنـبرته وألحانـه
وكثرن ديونك والمعيـش شاوي............. وعويلتك صغار وصحتك تعبانه
أنت ونمرتك ما حد عليكم ياوي .............جوا عه تفتلهم عرب شبعـانة
قرار الصيـانة له زمان يـلاوي .............. وروح بعد شبنا وطال رجـانه
سطور حبر جنا طبعهن متساوي.............. وماجا معاهـن شي للخـزانة
خطا وجوهنا وأنت مغير تصاوي .............. راك تنقرض يا بو قرين معـانا
انكانك أتبـع سيب ها الدواوي .............. ومالك ومال المرمـدة والهانـه
عليك ما يضيقن ف الخلا الجلاوي .............. الحوش تركه وابني وسيع أركانه
بعيد ع المدينة في فجـوج خلاوي .............. نباتهـن مثيل العطر في فوحا نه
نـين أتريـح من نصيـب بلاوي.............. وقولت فلـين قال لي وفلانـه
وان ما قبلت مني نصح ها لحكاوي.............. سيور حوشكم يبقى الكم جبـّـانة



--------------------------------------------------------------------------------

القصيدة الثالثة : عــتــاب
يقول الشاعر: ذهبت في الصباح إلى العمل فوجدت رجلاً كبير في السن أعرفه جيداً جالس وعلامات الحزن بادية على وجهه، وعندما سلمت عليه بدأ يحكي عن ظروفه وما يلاقيه من زوجته العاقة وأبنائه، وقال للشيخ أنتم خطباء المساجد لا تتحدثون عن هذه القضايا، فقال له الشيخ: لقد تكلمت عن هذه المواضيع مراراً وتكراراً، ولكن أعدك بأن أهديك قصيده من الشعر يكون فيها تسلية لنفسك وموعظة لزوجتك وأبنائك وتفريج عن قلوب الذين أصابهم ما اصابك
: فأنشد الشاعر قائلاً
-----------------------------------------------------


عيبي وسبي وأضحكي وتهزي.............. أنتي مفرعنه وأنا توطا عزي

قولي لي يحلا لك........................... وجهي برد وأخذ على مشتالك
أياماً ونا نضحك وجوي سالك............... وين نتنحنح من بعيد تفزي
يجيني أصناف مشكلات وكالك .............وتبقي بكل لذيذ في تبزي
واليوم ما لمرض والكبر رايح هالك........ علي بشبابك فاخمه تعتزي
فيدك قلية قمح فاضي بالك ................فوق من ادقيني راكبة وتغزي
وان طلقت عارف شي ما يطرالك.......... نا هولي نلتز ما تلتزي
تاخذي الحوش وراتبي وعيالك............ حمامك يطير ونا يصفق وزي
عيبي وسبي وأضحكي وتهزي............ وحاضر علي الجيب وين أدزي


---------------------------------------------------

أدقيني :اسم من أسماء الجـِـمال
تغـزّي : تأكلي بلهجة غرب ليبيا
حمامك يطير ونا يصفق وزي , هو مثل ليبيي قديم يقول : طيري يا حمامة وصفقي يا وزه


--------------------------------------------------------------------------------

القصيدة الرابعة: فـيـه نــاس
: يقول الشاعر مخاطبا صديقه ورفـقيه الشاعر صالح البكوش الدواسي
---------------------------------------------------



اللي قبل يا صالح اشداد اعزومه.......... عليه دنيته ضاقت شكا بهمومه

يــامـا فــوّت........................ وياما خذا ليله وهو يتكوت
واليوم وينما ناره عليه تقوت........... شكى لناس ما تعرف أصول اللومه
وفيه ناس من هم الحياة تموّت .........وفيه ناس تاخذ عالصغا وترومه
وفيه ناس ما وجبه لضايف سوّت....... قولة يساره عندهم مردومه
وفيه ناس لامدت صدايق شوّت......... ومالهم معا لرقاب داير زومه
خبيثة الشجر حتى إن كان تروت........ لا تنال منها ظل لامطعومه

شــكـا وتـكــدّر................. وحاس خاطره نين الحجايج ودّر
وهو كان بالقول السديد ايبدر.......... وجابه يسكت في تريس اقرومة
واليوم جملة اللي ناض له متصدر.... ما ساومه شرّاي راقد سومه
جميع هبل دار قروش تم ايهدر ......خسيس لا ايثمر لا يفض خصومه
ولا يحض قولة شيخ لا يتقدر....... امغير الهفاك إيكنبلوا في البومه

يــامـا هـلـّـب................. وياما خذا ليله وهو إيتقلب
الجرف الكبير يكيد من يجلب ........حتى وهو خبير واجدات علومه
ولو مغير يصبر عالبلا إيتغلب .......يزولن بعون الله كل غمومه
يموت العفيف ولا الناس ايطلب .....حتى لو أقصر عن بلة الحرجومه
وفيه ناس لادارت نما اتكلب ........ما تقول كانت بايسه محرومه
ومرات الملمّ يساند المتصلب .......وينكر الحق الواضحات ارسومه

بــاح بـســرّه................ خزين هم لو طول معاه يضره
وبانت اللي للناس ماتورا .........بركانها إيزلزل هايجات حمومه
اتجيك مرّ منها تجبرك عالمره.... تزيغ نفس كانت عالخطا معصومه
واللى قبل تشكر فيه يظهر شره.... بصيت شين مشرافك إيواطي كومه
حتى وين ما من فعلته اتبرا........ تبات من جراره ليلتك مقسومه
وتطيح قيمتك داخل احماك وبره.... عليك كل متسبل إيشن هجومه
شوامت وفيك مواتيتم زره.......... في كل عين يقطر ولك ثومه

شــكـا وتـحـيـّـر..............وداله صغا كداه نومه طيرّ
وليل الهنا تحازية ليل اقصير........ أيزهن الجاضر نسمته ونجومه
وليل النكد يطوال ما يتغير........... مظلم وريحه خامده معدومه
ولونصبروا عون الكريم يدير....... ايفرج وهي مطبقه امغمومه
امغير عقل لبنادم ملول امتير...... ديمه معجل ضايقات علومه

شــكـا بـأوجـاعــه............ وسلم ورام اطباع موش اطباعه
جبل خشن في عرضه وفي ارتفاعه.... تخلاق يا قريني تهدمه قادومه
أساوا مع وجه الوطا في ساعة........ ثوا ثويت العيدان فالمفحومه
ومركب جنح كسرّ عمود اشراعه....... مشا اطلوم يطافر علي ديمومه
يزهو أعداك لو يلقوا عليك إشاعة....... يا بال حاجه واكده مختومه
واللي وينما حق أللصيف أداعه......... الهانه وطيحة قيمته محتومه
وان جاه نصح يسابه إيحل أسماعه.... العارف ويغسل ما لشواه اهدومه
وناس واجده عند البلا خناعه...........ولهم ساعة الراحة هدير أوزومه
أمنين الفلسطيني لوا مقلاعه............ بحيطة يعاند في جيوش حكومه
وفجرّ عبوة للجسد مزاّعه..............بعد شاف آلامه خاضعة مهزومه
ألقي افزاع جيرانه طفير إذاعة........ وخدعة سلام وما لعدو مدعومه
لا ينهضوه ولايجوا فزّاعه ............نين بالعوينه تثمر البطومه
طلبنا الله إيعينا عالطاعه .............وإيجيب نصر يحيينا هبوب نسومه
وبأذنه انالوا ما لرسول شفاعه....... نهار والخلايق بالعرق ملجومه



--------------------------------------------------------------------------------
القصيدة الخامسة: يا شباب وداعـن


الشاعر الصديق الصاوي العوامي من منطقة مسوس، أصيب بمرض عُضال لم يمهلهُ طويلاً، تسبب في قطع رجله، فبكى شعراً وأبكى من حولهُ من شعراء برقة، وأثار ضجة في الأوساط الشعرية، فساهم كثير من الشعراء الشعبيين بمساهمات كانت أغلبها عاطفية، مما أثار غضب ابن الإجدابي ورأى أن الرجل في حالة ابتلاء وفي حاجة إلى التعزية والتصبير، ولا داعي إلى تجديد الأحزان، فرد شاعرنا على بيت الصديق الصاوي الذي يقول فيه :سافرت تربح - فأعجب الصديق الصاوي بهذه القصيدة والتي قال فيها ابن الإجدابي
---------------------------------------------------



سافرت تربـح يا شباب وداعـن........ من يوما طروف الجسم ما ينباعـن

مـكاتيـب وأرضـى بيهــن .........وما من كـواين قبلهـن ناسيهـن
لو تعدهن موحـال ما تحصيهـن...... بادات ما من نـاس قبـلك لاعـن
وما من نواجـع قبـل باساميهـن..... كيف الوكايـل وضـبن وارداعـن
بالزين والفخر ذكرن أعلي طاريهن..... ولا رابـي دبـار الضـرر يتباعـن
واليوم يربعنـك وين ما ترعيهـن...... سماريح بيـض ديارهـن يلماعـن
الصبر الجميـل ولا بكاك عليهـن...... طروف الجسم كانن ينفعن وأخلاعن
مصايب المومـن خير واجد فيهـن..... ينـال أجر وذنـوبه الكل ينزا عـن
وأذكر خطاوي للصـلاة ماشيهـن...... حصـاهن المولى سجلـن ماضاعـن
واللي للمعاصي والخـطا ساعيهـن.... وذنوبك اللي ف السـر واللا شاعـن
مغـير توب تلقـى ربنا ماحيهـن...... وبكـرة عيونك ما عـذاب يراعـن
ونفوس واجدة شيطانهـن عاميهـن.... ديمـة مع طـرقة عـوج يـداعـن
إن تمـن غنـايا مالهـن يطغيهـن..... لا ينـطقـن بالحمـد لايقـناعـن
ولايرحمـن ملهـوف وين يجيهـن..... ولا يوم م الذكر الحكيـم أخشاعـن
أوينما المـوت بسكـرته ياتيهـن...... يـرق عزمهـن وعيونهـن يدماعـن
وتبقـى المهلـة غـاية أمـانيهـن.... يـردن يديـرن خـير لو استطاعـن
لـو كان غـير ها لمرة الله يعفيهـن.... يقيمـن الديـن ولاورا يقـد اعـن
وفيـه م النفـوس اللي الله هاديهـن... سايـرات في درب الصلاح وطاعـن
جميـع مايجـي من ربهن يرضيهـن... مهمـا مقـاديـر الحيـاة أنواعـن
ايعـدن اللـي يوم النـدم تخزيهـن.... إنـكان جيتن بالحـق لك يخضاعـن
دروس في حجايج شعر لك نهديهـن.... ولا تعتـني باللـي أقـوالـه ماعـن
واللي أهلبن لا تبكي علي ماضيهـن.... ما عمـر قيـل الفايتـات أرجاعـن
عليك بالأعمـال الصالحة وتيهـن .....تطمأن في هناء وين القلوب أفجاعـن



--------------------------------------------------------------------------------
القصيدة السادسة: إن شاكيت


إن شاكيت شاكي هل وفا وامروه......... وإن مالقيتهم خلي اهمومك جوه

صـــون أســـرارك ...............إن ما لقيت من يقسم معاك اكدارك
واسكـت على همـك ولوعة نارك...... لانسان راه مرات اللسان عـدوه
واطلـب الله يعـدلـه مشـوارك....... إينـور طريقـك ليلهـا يضـوه
والصاحب اللي ايعزك ويعرف كارك..... إيقاسمك أوجـاعك وينما اتكـوه
ومامن اللي دمـه قريـب وجـارك..... عليك بالنكد والضيق قاطـب نوه
وإن كان تم يوم السـوء من حضارك... الناس يسرعوا شورك وهو يتـروى
مصبي فالقبب ويقول وايش أخبـارك.... وأنـت فالغـراق تعوم للترقـوه

إن شاكيت شاكي هل وفا ونخـاوه...... حـتى وبينكـم مدة جفا وعـداوه
الجواد يستحـوا مايرتضوا الدنـاوه... موش كل من عاداك تخشـى سـوه
عدو خـير من صاحـب دني ماياوه .......لايقـول خـير ولا إيبطــل دوه
إنكان جيت يظهر مذرحه وحفـاوه........ وإنكان غبت يحفر لك أطناشر هوه
واو قات ما تفك الواحلات قسـاوه .......ولا كل حـد تنفـع معاه افتـوه
بضحكة وكلمـه طيبـة وهـداوه .......اتحصـل اللـي ماطلتـها بالقـوه
وبـلا الله ماينحـل بـاب نجـاوه...... بعـونـه جميـع أمـورنا تسـوه
وأوقـات العواقـل يلبسوا الغبـاوة.... إنكانهم انهاسـوا والسفيـه تقـوّى

إن شاكيـت شاكي هل وفا ودبايـر.... واللي كاتبه مولاك صـاير صايـر
وهـو اللي إن راد يزيل كل كدايـر.... إيروق على المضيوم يصفـى جـوه
وإن راجيت من شور البخيل بشايـر... علـى فرحتـك دير العزا من تـوه
كيف من إيراجي في سحـور البـاير.. يبان ضـي الفواهـق وهي اتلـوّى

إن شاكيت شاكـي هل عنا ومـروه ....وإن مالقيتـم خلي همومـك جـوه



--------------------------------------------------------------------------------
القصيدة السابعة: الشينـة لها ناس


الشينـة لها ناس ما يتركـوها.. يجـوها يجـوها.. بعيدة سوى قريبة يعمدوها

الشينة لها ناس خلطـة نكـاد ..أغلاظ الكباد يعاندوا عناد ,اعلي شانها بالعزوم الشداد
إيعرضولها قبل تصـل البـلاد.. وإن جـت يكرمـوها, والزينة علي شانها يكرهوها
غبا وين لو تنعـرض بالمـزاد.. ما يهلبــوها, حتى بالغلا والكوا يأخذوها
ولا سوقها ينطـرا بالكسـاد.. ولاإيماكسوها ,هازله سوا وافـرة يقبلـوها
ولا إيدنقروا كان صار العداد.. يديروا الشوها, ولا إن كان باقرتهم ينكروها



--------------------------------------------------------------------------------
القصيدة السابعة: ضـاع حـقـنـا


ضـاع حقنا بين زيني وباول.. رجانا اطاول ..وشارون ما جـاب منه محـاول

ضـاع حقنا بين زور الكلام.. وزيف السلام.. الخـادع اللي فاخ فوخـة منام
بداد جرحنا فات خمسين عام.. مـلايا مهاول ..مذابـح وتشريد شينـك مناول
ضـاع حقنا بين زيني وبوش.. سلام مغشوش ..أنجاس حكمهم حكم غابة وحوش
علي روسنا هدموا كم حوش.. مـلّ المساول.. وشارون فالقتـل قاعـد يـزاول

ضـاع حقنا نين راح وتوارى.. اخباث الدبارة.. علي خـوتنا هاجمـين بجسـارة
أيش نرتجوا من يهود ونصارى ..كيدهم اداول.. يريـد يهدمـوا دينّـا بالمعـاول
ضاع حقنا من اللي نشتكوا له.. إلا م المولى.. اللي يعـزنا بنصر لو نرجعولـه
هلكّن العصيان كّمـين دولة.. وفيهن اجّاول... عذاب عمّهن كل مذنب تنـاول




--------------------------------------------------------------------------------





--------------------------------------------------------------------------------

الشاعر الخامس عشر:
الشاعر: بـوعجيلة عبدالسلام



: السـيـرة الشخصية

غير متوفرة, نرجو ممن لديه السيرة الشخصية للشاعر او صورة شخصية أن يبعث بها إلينا


--------------------------------------------------------------------------------
القصيدة الأولى : نـحــوس


نحوس وين مايسرح بعيد خيالي
ويجبد الوطن اللي علينا غـالي
بين امروج تهوج بالعطور الفايحة وتروج
وحذا اجبال كسيها نظاف اثلـوج
تخلط جمــال اسويسري ويطالي
انا والرفـاقة في طرب ممــزوج
بشوق لمـقاعد بوغثيث اطـوالي
اللي صورته مابت نهار اتــروج
ولاحولت من بالـــهم لابالي
حتى وين قابلنا الغاوي عــوج
وقمة حضارة فــي مجوف خالي
وحق من امصور في سماه ابـروج
علي ليبيا ماريـت يعـلا عـالي



--------------------------------------------------------------------------------
القصيدة الثانية : مافي الغرام جديد


ما في الغرام جديد .. خلوني علي شط النجاه بعيد .. من الناس والونس

مافي الغرام الحالي ................ ولا في النسا يامن ويظمن والي
دايرات دقات القلوب تسالي ...... كمين قيس في التاريخ مات شهيد
وليلة بعد ليلة اجيال اجيالي ....... وفي كل ليلة قلب صلب عنيد
ونا في حياتي مارضيت اذلالي ...... حتي لبوي ماعمري ركعت لسيد
متساويين قدام الكريم العالي ........ لانخضعو لانعرفو العبيد

ولا في الغرام سعاده ................ عليه انشدوني كنت من رواده
مشيت في دهاليزة عرفت ابعاده ...... ابقيت في خيال وللخيل طريد

ولافي الغرام امان .................... يعاود علي شوق وشقا واحزان
واليوم انتهي الاخلاص من الوجدان .. تمينا مغير نقلدو تقليد
مخادعينا الاصحاب والحبان ........... بحلو الكلام وزيف المواعيد
نين فات من عمر الشباب زمان ........... وذبنا كما ذوبة اجبال جليد

مافي الغرام جديد ..خلوني علي شط النجاه بعيد .. من الناس والونس


--------------------------------------------------------------------------------
القصيدة الثالثة: مازلت نا هو نا *
مـازلـت نـــا هـــو نـــا ... حتى ان كنت داير صاحبـه وضنـا..شـحات لــلغـلا

مـازلــت مـــا اغـتـنـيـت... حتى ان كاني عاقـل وبانـي بيـت

تقولّـي سعيـد نقولـك يـاريـت عايش امعيشـه مـا عليـك ابهـا

قولو الناس علـى سماحـة صيـت ونا اتقول طيب الصيت قطـع الـوا

تلاشـى دلالـي لوّلـي وانسـيـت اعـزاز دنوهـم للعقـل كـان دوا

مـازلـت نـــا هـــو نـــا...

مـازلــت مـــن وجـدانــي ..... نعشق ونا عـارف احـدود مكانـي

واخـذ نصيبـي م الغـرام الفانـي امغير شيمتـي فـي غيّتـي الوفـا

ومازلـت متمسـك بقـو ايمانـي وعـارف الدنيـا مـوش دار بقـا

وحتى انكان هو الزمان موش زماني امسايرينـه وادعـا ايحـد ادعــا

مـازلـت نـــا هـــو نـــا...

رغــــــم اتــعــابـــي... ورغم الزمان اللي مضـى شبابـي

مازال لـي مكـان بيـن اصحابـي نرتاح كـان ساقنـي الهْـم اخطـا

ومازلـت دايـر ليبيـا محـرابـي وندعي الهـا فـي كـل وان صـلا

ومازال رايي في الشبـاب ايجابـي حتى انكـان فيهـم تختلـف لاراء

ومازال يلمـع مـن بعيـد ركابـي من يومن اركـوب الخيـل بامزابـا

مـا يهمنـي كـان الجـود كبابـي واجديـن غيـر يلـهـدو بعـصـا..

مـازلـت نـــا هـــو نـــا....
الشاعر السادس عشر:
الشاعر:جمعة عبد الرحيم بوخبينة الزوي



: السـيـرة الشخصية

غير متوفرة, نرجو ممن لديه السيرة الشخصية للشاعرأن يبعثها لنا


--------------------------------------------------------------------------------
القصيدة الأولى: واخــذ دلالـــي


شاعر وعندي هوايات ................... وف الجو واخذ دلالي
ونحكي علي كل حالات.................. وفي الوصف واسع خيالي
وحافظ سهاري قديمات .................. من بوي ياما حكالي
امجوّل علي كل جيهات ................. ونازاد كاثر سوالي
نريد نحفظه بالدلالات ................... تاريخ سابق اجيالي
لنا ع الجضر بيه هيلات ................ وينما انرتــّب احوالي
ولا عندنا باب همـّـات .................. امقيمين والمال فالي
وما جبــّـدن ها الخطارات ............. إلا الوطن ريناه خالي
والناس حيلها في البلادات .............. وساكنين بالاص عالي
وما تقول كانوا زمانات ................. سكّان في خلا كيف حالي
وعليهم يحوشن الخلفات ................ بعد ثلث م الليل تالي
او وينما لفن شور لمبات ............... يجوهن اسراب العيالي
املاقيينهن بالعقالات .................... امغير كان زام القلالي
رعد يـدّقـل في سحابات ................ عقب ليل جورة ليالي
وف الصبح يجنها شبابات ............. لابسات عالي البذالي
وعاد يبرمن بالقداحات ................. وطاربات ماهن كسالي
وين حلبـّـن جن رادّات ................. ورويوا جميع النزالي
حليب كسر من ثدي فلاّت .............. يجود وان فرط البهالي
واحذاه طرحات طرحات ............... اتزهّي النواظر توالي
البيت بو زرد بو كمامات ............... بو نضد لركان مالي
اعداد شولها فوق ميـّـات ............... من غير حشوها والمتالي
وانكان عزّبت زاد ما تبات ............. إلا في هشاش الرمالي
واليوم ماعليها سوالات ................. ولا سيابها صاد بالي
وهي قبل يمحا الغلات .................. رفقها يسلّـي تسالي
وبها نسافروا ع الواحات ............... وتجيب تمر عز الوكالي
ويبقن طرابه الوشنات ..................بعد كرب والمير غالي
نهار وردها ع القناوات ............... تروّح ارسالي ارسالي
ومعاها عواويل صبّات ............... ايهنّـوا ان صار القتالي
اجواد يطرشوا في النقابات ........... لهم صيت كيف الهلالي
بالفعل ما هي دعايات ............... و لانزيدهم في اقوالي
ايجوا فوق سبّـق امتلا ّت .......... وحاضنينهن بالمخالي
يخلّوا اقران المغيرات .............. م الظيم يطلبوا في الدخالي
كما نار في وان هفكات ............. ولعت في حطب دار بالي
نلقان قدرها مو الهانات ............ بعد عز تبقى جوالي
سماح الهلل فوق قارات ............. متراشيات هي والغزالي
حلال شكرها بالكلامات ........... وتمجيدها بالكمالي



--------------------------------------------------------------------------------

القصيدة الثانية : غـلاك الـجـايـر
غلاك الجاير......اللي طب ما يندار فيا داير..... اشقا بالدوا داوي

غلاك الماكن ....................اللي بنار في وسط الجواجي ساكن
أنظاري اللي بداهن مضن يشّاكن.... امشاكات من عانى صغا وقهاير
لاهنت لا غيرك عليه تواكن .........فيه عقّلن دارن غلاه مطاير
امغير انت يامول الوشام الداكن....... ما اكربك ويش اللي معاها صاير

غلاك اشقابه ............................اللي من اجراره قاعدين غلابة
ما عالجوه بطب وانت اسبابه..........الفاهق اللي ما يجن عليه ستاير
و لاعد يلقوله دوا يبرابه ..............لو دبّروا مية اصحاب دباير
نلقانك تعرف صحيح خطابه .........امفيت تلتوا واتدير روحك باير

غلاك الماضي.......................... اللي من اجراره كابرات امراضي
انكان لك غرض ف الصوب كيف غراضي..بلا لف خلينا اصحاب ضماير
على تصرفك والله ماني راضي..... اللي ريت منه في دلال مواير
وبك الناس اتعيظ وزاد غياظي.... و فيا اسواقا كل يوم عباير

غلاك استاصل........................ وانت بقيت في جيب الدوا متكاسل
سوا كنت ما تدري سوا متفاسل..... ها لشي موصنعة اصحاب ضماير
علي كل ريح اغلبت فيك الحاصل.... نين بك جميع الناس في تعاير
ابقولت اللي شاقي وفيه تراسل........ لايم على غير ودار عشاير

غلاك بغيره ............................. انكان لك دوا فيديك فيسع ديره
وان وانست تسجّل عليك كبيرة ...... انوب وسوايا ما لهاش حكاير
انت راه قدرك مو حساب مطيرة ..... انهوزع بها في كل وادي عاير
امعاها انروق انجت تمام وخيرة ...... وانكان كذّبت نحرث العام الدّاير

غلاك زرابي............................ وانت في ظروف الحال مانك غابي
امخلي ارسال العقل ليش مصابي...... نهار وردهن يلون اتقول سناير
اتقول غير من يومك عليها عابي...... الخونة بدنو الغير وجهك ناير
ما اتقول لا ساعة عملت احسابي...... نين انشغلت وبات نومك طاير




--------------------------------------------------------------------------------

القصيدة الثالثة: وين ما انقول اتهوني
وين ما نقول تهوني..... تجي صورتك هذيك بين عيوني.... تزيدي غلا

وين مـــا نقـول نهونك ......... يلي مذيبلني سواد عيونك
لا حذاك في الدنيا علم لا دونك ......ولكن خسارة فيك عاكس عوني
ما زال ما عندي نقص قانونك ..... كيف ماأنت عندك نقص قانوني
ونجن قيس من ليلي ونا مجنونك .... حتي ونا سليم الناس يحسابوني
وين ما ثمر غيري قطف عرجونك .... ونا الهم لو يقتل كبار غبوني

وين ما نقول كفايا ...................وما عد نجر معاك في سهرايا
من يوماً رضيتي بالخراب معايا .... واخترتي اللي ماكان غالي دوني
عليك غير ماي ساعة عدد يا منايا .... ما هن سوايا واجدات ديوني
وظلمك وجفاك مخلَََََََفات سوايا .... ساكنات جوا ضربهن دكنوني
وزولك هذاك السمح كان تهايا .... وانتي ترتشاقي مشيتك فصعوني
تقول تشغلي في بهيب عنايا .... وانكان غمضت عيني حذاي تكوني

وين ما نقول نسيبك.............. حتي مسخرة ما عد نجيب سريبك
يجي الليل ويجيني منام يجيبك.... ونبقي عليك انق هذا لوني
ونذكر أيام زهاك وتشرهيبك .... وقول يا شقاهم من عليك نهوني
واليوم يا مرادي ما تقول طليبك .... ولا تقول عاهدتي غلاي تصوني
ولا تقول شاكيتي بما زاريبك .... كيف ما نجض بنار في مكنوني
طوعك الهم شوه صفاك وطيبك .... وما كنت نحسابك معاي تخوني

وين ما نقول تهوني.... تجي صورتك هذيك بين عيوني.... تزيدي غلا




--------------------------------------------------------------------------------

شكرا لك على المجهود الرائع ونهديك هذه الابيات

يم النفايل نيلة يا من امهاياتك الصوت انشيلة (نقعد عقاب الليل)

يم النفايل نارة منشاب الغلا والع اتقول اسجارة
اسجارة حشيش فى شفا خمارة= فى بار كابس من ضباب صطيلة
فى مسرح امدخن كلها سكارة = ما من فتاة جاتة ادور ضليلة
رنين كاس فلى صطيل اسدارة = ايخف العواقل يقربو بالحيلة
وقرسون متحزم ابسير فوق ازرارة=والليل على وسكى تطلبة ورقيلة
وخطرها منشابك وبان عوارة = خطرتى على بوقة ليش يانا اليلة
خطرتى ونا راقد ابقيت سمارة = وسريبك انقذر بة فى النهار وليلة

يم النفايل نيلة يا من امهاياتك الصوت انشيلة (نقعد عقاب الليل)

يم النفايل روعة وردة على صفحة ورق مطبوعة
صفحة ورق فاضى فى بياض اسطوعة=كما افراش رامى فية طشة نيلة
وخطورك ايواعينى كيف نرقد نوعة =ونوض نداعة كيف حال اسليلة
انمر على الصالة وعلى المربوعة = ومرة على راسى التراب انشيلة
الناس نايمة ونا كما ميجوعة = تبكى على غايب زعيم قبيلة
وين ما الناس اتنام اسمعو البعبوعة = وعياط خاطرى هفت علية الجميلة
عقاب اليل يا ساتر يركب نوعة =وطبيل غير موجايب من لعزاز طيلة
ربيع خاطرى صافن من ابكا افروعة= على من امخلينى فى الخطر نمشيلة

يم النفايل نيلة يا من امهاياتك الصوت انشيلة (نقعد عقاب الليل)

يم النفايل خضر كيف المرة ولا نباتت صيف على النيل برة
وشمة على مضحك حلال تكرة=حتى لوخذيت فيها الروح قتيلة
ويا هنا بال من تمت للقديمة ضرة=وتاكل على سفرة امعا ام عويلة
ويا عون من طال على القلب زين الصرة=يشفى مرض ساكن كشفتة موحيلة

يم النفايل نيلة يا من امهاياتك الصوت انشيلة (نقعد عقاب الليل)

يم الغثيث اطوال يا عون من ذبح فيك سعى وشال
مليت من مراسيل غلاك ملال=ارحمى عينى ساعت التعسيلة
الناس نايمة ونا منهبل اهبال= على بنت فاهقها ما القيت مثيلة
ماجاب عقلى على ماقال = ولا غلا غيرة ارضى البديلة
واحمول الغلا تمن على اثقال=اينوض خاطرى تما الا تبيلة
واذنوب الغلا شالو اللى عقال=تخاطو على راية زول فايز جيلة
والسبب هو كلة من عرب جهال= انفيت تفتفة تبقا عليك الشيلة

يم النفايل نيلة يا من امهاياتك الصوت انشيلة (نقعد عقاب الليل)

شكرا بنت الاجواد على القصيده الرائعه و النقله الجميله

مشكورة على المرور

هدا زاد لنا او مراجع
نرجعو ليه
والله اسلمتي وابدعتي
ابداع حقيقي
شكرا انستي