جلسة الشاهي

[تاجورية محترمة]

السلام عليكم ، جلسة الشاهي حتكون لكل الأعضاء في هذا المنتدي للنقاش والفضفضة يعني زي جلسة الشاهي مع الأهل في العشية نهدرز في مواضيع إجتماعية وغيرها من المواضيع بس أهم شئ نحاول نستفيذ من بعض ونحترم آراء بعض في النقاش وكل مرة حد يطرح شئ جديد نهدرز عليه ،ياريت إللي يقدرينزل صورةعالة الشاهي ينزلهافي هذا الموضوع ......وأنا بنبدأ ...... شن رأيكم في الإختلاط في المدارس والجامعات والعمل ، أنا طبعاضد هذا الشئ وفي هلبة أسباب منها إن الشباب والبنات تصير بينهم علاقات مش زمالة بس وإحترام لا تحت إسم (صداقة) يعني في البداية صداقة وبعدين شئ ثاني وخليك علي مقابلات وهدرزة وضحك وكلام في حاجات شخصية ومرات تسيب المحاضرة علي خاطر الهدرزة ومرات مش هدرزة في المدرسة أو الجامعة أو العمل بس حتي في التلفون بعدين ماتريحش صداقة تتطور لعلاقة تحت مسمي (حب) وخليك علي كلام معسل أشكال ألوان وهدايا وسهرفي الليل علي خاطر الهدرزة في التلفون والمشكلة في حاجات تتحشم تتكلم فيها البنت مع صاحبتها والشاب مع صاحبه يهدرز فيها مع بعض والنهاية بينهم الله أعلم كيف شكلها أكيدة نهاية مش كويسة لأن مابني علي باطل فهو باطل، وفي بنات قبل مايطلع من الجامعة لازم تمر بهذه العلاقة علي الشباب كلهم إللي معاها وشباب لازم يمر علي البنات كلهم ، وفي العمل يقعدو في دار بروحهم وهدرزة بالساعات مع بعض حتي العمل يقصر فيه ... طبعا نحكي علي نوعية وحدة بس من البنات والشباب وموجودة وماحد يقدر ينكرهاوحتي صوابع اليد مش زي بعض ،لهذا نكره الإختلاط ونتمني لو كنا زي السعودية مافيش إختلاط في الدراسة ...... طابت الطاسة الأولي تفضلو .... ننتظر تفاعلكم وأرآكم في هذا الموضوع ..... مع أرق التحايا ...

[تاجورية محترمة]

مافيش تفاعل بكل معقولة إذا ما عجب حد موضوع الإختلاط مافيش مشكلة أي واحد من الأعضاء يقترح موضوع ثاني نهدرز فيه .... لا وكنت بنطلب من المشرفيين يثبت الموضوع علي أساس تكون جلسة الشاهي لعيلة المنتدي حتي نهدرز فيها بلهجتنا علي أي شئ يخصنا نحن الليبيين ههههههههاي شكلني نحلم .......

[ليبية حرة]

عزيزتي تاجورية

موضوعك وفكرته رائعة مع إني مانحبش الشاهي لكن نحب اللمة

وبالنسبة لموضوع الاختلاط .. أنا نخالفك في الرأي

أبداً ما فيهاش مشكلة والبنات أو الشباب اللي يديرو الحاجات هذه يقدروا يديروها في أي مكان

حتى لو في جامعات مش مختلطة وصدقيني كل واحد كيف تربى

في بنات كويسة وفي شباب كويس وفي نوع كيف ماقولتي

لكن عمر الأماكن المختلطة ما كانت السبب

والدنيا لسة بخير

واللي مايحشي إيده في المغاغير مايلدغوه العقارب

ومشكورة على تاصة الشاهي بس زايدة شوي سكر ....

[الوسام 2009]

أولآ مشكورة أختي الفاضله على الموضوع الرائع
الذي بالفعل يستحق النقاش
ثانيآ بالنسبة للإختلاط سواء في الجامعات أو المدارس
أنا بصراحه ضد الشيء هذا. لما يترتب عليه من سلبيات
كثيره ..صحيح هنالك الكثير من الجنسين محترمين
ولكن سبحان الله مع الإختلاط وكثرة الأخذ والعطاء قد يضعف
الشخص ويجعله يقع في المحذور
ولكن مع هذا نشاهد الكثير من القطاعات وخاصه عندنا في السعوديه
يكون هنالك إختلاط بين الجنسين خاصه في القطاع الصحي
ولكن في حدود ..خاصه عندما تكون هنالك ضوابط شرعيه
أرجع وأكرر بالنسبه للإختلاط حسب الشخص ونوعيته
خاصه البنات ..فكل وحده محترمه مهما دخلت أي مجال
ومهما لقيت من مضايقات تظل كما هيا لا يستطيع أي شخص
المساس بها
كل التقدير

[تاجورية محترمة]

أختي ليبية حرة صح إن البنت الكويسة والشاب الكويس مهما صار إختلاط في مجال دراستهم أو شغلهم مايأثرش فيهم بشكل كبير .... لاكن بما أننا مسلمين فليش ما تكون عندنا أماكن خاصة بالبنات وأماكن خاصة بالشباب هذا أحسن حتي الواحد يبعد علي أي شبه ياريت ليبيا الجديدة تهتم بهذا الشئ وما تنسيش إن في ناس نفوسهم ضعيفة ممكن يتأثرو مع الأيام ومع الإحتكاك اليومي والشيطان موجود ..... هذه وجهة نظري وطبعا نحترم وجهة نظرك وشكرا علي حظورك ياحلوة .....

[تاجورية محترمة]

أخي الوسام أنا نتفق معاك في الرأي ونتمني تكون ليبيا مثل السعودية الإختلاط حذر منه الإسلام وخاصة الإنفراد بين الجنسين في مكان واحد والشاهد قول النبي صلي الله عليه وسلم ( ما إختلى رجل بإمرأة إلا كان الشيطان ثالثهما ) فالأحسن والأحوط الإبتعاد عن الإختلاط قدر الإمكان لأنه إبتعاد عن الشيطان ..... بارك الله فيك أخي علي المشاركة القيمة .....

[المنقهر]

السلام عليكم

خير يا عيلة ، كيفنكم وشن أخباركم

أششششششششششهد بالله أنها لمه حلوة

جلسة وطاسة شاهي وخبيزة تنوووور وكعيكات تمر

وووووووه



وشنو حسكم قلتو إختلاط بنات وولاد

والله باين عليه ميضوع حساس وخطير

وسامحوني راني سمعت كلامكم وإصنتت عليكم

وعجبني كل اللي قلتوه



سمعت أختنا ليبية حرة ووجهة نضرها في الميضوع

وتعليق الحاجه تاجورية محترمة عليها وإتفاقها مع رأيها مع بعض الملاحضات

وسمعت تعليق خونا الوسام 2009 ( الله يستره )

وكيف يحذر من الإختلاط ويدعو للتفرقه وإن لزم الأمر ضرورة وجود ضوابط وحدود



وكله صح

بس المهم أنه الواحد يتحرى عالصح ويديره



"" تــ صبي طاسة شاهي يا تاجورية ، وإنتي تسمعي وساكته "



يعني

لابد ما نشوفو دين الإسلام شنو يقول في هالقضية ونتبعوه

وماعدا ذلك نتباعدو عليه

وفي المسألة هذه بالذات فإن رأي المشرع بين مؤيد ومعارض

وحتى الذين يؤيدون فإنهم يضعون الشروط التي يجب أن تتوافر للسماح بالإختلاط



يعني يا عويله

مافيش مشكلة لو حصل إختلاط بين الذكور والإناث

المهم أن لا يكونوا في خلوة غير شرعية وأن لا يبتعدوا عن الجو العام وعن الأخرين

وزي ماقالت أختنا الليبية الحرة الله يذكرها بالخير

أنه البنت المتربية أو الولد المتربي موش حيرضى لنفسه أو لغيره الإهانة

وكل واحد يعرف شنو عنده وشنو مربي


ولو بتاخدوا رأي أنا

فأنا أرى أنه لا ضير من الإختلاط إن كان هناك ضوابط وقوانين


ونحن في عصر لابد فيه من الإختلاط شأنا أم أبينا

في العمل

في الدراسة

في الشارع

في أي مكان يوجد هناك إختلاط بين الجنسين



المهم

من تكون أنت وما نيتك وما هدفك وما تربيتك


" تره زيديني طاسة أخرى ، مع إني منحبش الشاهي بس الجلسة حلوة "


أوهي منورين وليلتكم زينه

وراجعلكم بنقصقص عليكم


*
*
*
المنقهر

[نبع الحياة]

شوفي اختي موضوع الاختلاط بين الرجل والمرأة في العمل او المدرسة او الجامعات

يمكن نتفق معاك على ان يكون في مدارس خاصة بالبنات ومدارس خاصة للشباب من بداية مرحلة تعليمهم يعني من الابتدائي

بس بالنسبة للعمل ما تقدريش تفصلي بين الجنسين بس عادي كل حد يعمل بنيته


بالعكس ضروري يكون اختلاط في العمل لانه المرأة مش هتقدر تقوم بالعمل وحدها لان في مجالات لازم من الاختلاط

*** طسة الشاهي مشروبة تسلمي ياغالية)

[تاجورية محترمة]

مرحبتين بيك ياخوي ( المنقهر ) و تفضل الطاسة و ياريت تعجبك قالوا حلوة مشكلتي نحبها بزيادة سكر لاكن تو نقص علي خاطركم .......... و قصص علي راحتك عادي ........ و من ناحية كلامك أنا عارفة إن أكيد البنت المتربية و الشاب المتربي لو صار بينهم إختلاط حيحافظ علي نفسهم ....... و إذا كان لازم فيه إختلاط في العمل للضرورة فيا ريت علي الأقل في الدراسة ما فيش إختلاط وخاصة في فترة سن المراهقة لأنها فترة ممكن حتي المتربي يزل فيها طبعا إذا توفرله المناخ ......... أنا سمعت قصص تشيب الرأس بصراحة لهذا كرهت الإختلاط ...... الحمدلله أغلب دراستي ما كان فيها إختلاط في الثانوي بنات بس وبعدها نسبوني لجامعة ناصر وقريت فيها أسبوع واحد بس ورغم إن في شهر رمضان لاكن فيها شباب من برا طبعا جايين لبنات ...... وطبعا المنظر جديد علي تفاجأت لأني مدرسة الثانوي إللي كنت فيها محافظة يعني ( ممنوع مكياج ، و لبس خاتم أو سلسال ذهب أو إكسسوار، وشرط لبس جلباب و شاربة مش بدلة عسكرية ، و ممنوع النقلات ) و كانت علي ذوقي المدرسة و الحمد لله ...... و في بنت نعرفها من سنة ثانية في الجامعة سألتها قالتلي إن هذا ولا شئ بعد رمضان ماعاد تلقي وين تحطي رجلك من الزحمة و طبعا الشباب من برا أكثر من إللي يقرأ فيها فتركتها و كملت دراستي في كلية إعداد المعلمين و الشباب فيها ينعد علي الأصابع و قسمي ما فيه شباب ***************** مرحبتين بيك يا نبع الحياة و صحتين علي الطاسة قوليلي تحب الشاهي لأن إللي قبلك ما يحبوه ........... طبعا نحترم و جهة نظرك لاكن أنت ترتاحي أكثر لو كنت في دراستك أو شغلك في شباب أو ما في ؟ خلينا نقول إن أي بنت متربية أو شاب متربي ما يتأثروش من الإختلاط لاكن مش الأحسن يتفكو من المناظر إللي تمرض أنا زرت مرتين جامعة طرابلس ( الفاتح سابقا) للضرورة و شفت مناظر تمرض و تبكي و تقهر و تجرح أي حد متربي .................... شرفتوني بمروركم و مشاركتكم و ياريت نشوفكم في مواضيع ثانية في هذه الجلسة و ما تقطعونا ..........

[نبع الحياة]

لا والله الشاهي مانحبهاش بس مرات نشرب شاهي خفيفة

بس على خاطرك شربت طاسة الشاهي

تحياتي

نبع الحياة

[امل ايوب]

خير ياعيلة كيف حالكم
كلكم

جبتلكم معاي فطيرة

طازة قاعدة سخونة

باين اللمة مختلطة بنات

ورجالة ردو بالكم من

الخلطة مع التريس يابنيات
باين الطاسة الاولة فاتتني

لكن الهدرزة سمعتها

واني مش مع فصل

الانات عن الدكور ولو

كانت عندي بنت تقرا

نحطها في مدرسة

مختلطة تعرفي علاش

لان كل ممنوع مرغوب

واكيد بنتي حتكون محل

ثقة وهذا لاني بدلت

مجهود كبير في تربيتها

هيا صبي الطاسة الفطيرة

بتبرد

[مجنونة ليبيا]

اهلا اهلا باللمة الحلوة مع طاسة الشاهى فى جو زى هالجو
المهم كيف حالكم وحال صحتكم وحال عويلتكم
امولة نحصلو طرف فطيرة سخونة
المهم سلامى لى كل اعضاء المنتدى
وكل من خش لى هاللمة
تاجورية محترمة
المنقهر
الوسام
امل ايوب
نبع الحياة
ليبية حرة
اهلا بيكم

[نبع الحياة]

شكرا اختي امل ايوب ع الفطيرة وصحتين عليكم


وانا نحب الكاكاوية مع الشاهي

اللي يحب الكاكاوية مع الشاهي يتفضل

[مجنونة ليبيا]

هلا نورتى نبع
خلاص مدام فيها كاكوية معناها شاهى بالرغوة
يلا قعمزى وديرنا شاهى بالرغوة

[نبع الحياة]

يلا درت الشاهي وبديت نرغوي فيها

من اللي ياخذ اول طاسة مع الكاكاوية

شوفوا نحن كملنها شاهي بدون هدرزه على موضوع

يلا دوروا موضوع نهدرزوا فيه

[مجنونة ليبيا]

هلا يا نبع
واول طاسة لعيونك
يلا يا حنة افتحينا موضوع شن رايك

[تاجورية محترمة]

مرحبتين بيكم يا وخوياتي بصراحة محلاها هاللمة و معاها شاهي وفطيرة سخونة و كاكاوية و لوز و هدرزة يسلم إيدك علي الطاسة نبي وحدة ثانية بس زيديها سكر نحب الشاهي حلو و ماشاء الله علي الفطيرة تهبل ........... يالله نستني في موضوعكم بش نهدرز فيه ......

[المنقهر]

خير يا عيلة

خير يا بنات ويا شباب

شنو وين الحاجة ليبية حرة والحاجة تاجورية محترمة موش مقابلات اليوم

زعمه في لمة من غاطسات

أسمعي يا مجنونة ليبيا تره قربيلي براد الشاهي جاي

وصونية اللوز ( قصدي الكاكاوية )

أنا نحب الشاهي باللوز

ونحبه حلو بس موش هلبا

لأنه وراه مرض بعدين

المهم

تفاهمنا توا على موضوع البنات والشباب والخلط اللي بيناتهم

ومتفقين أنه الخلط لو تم لابد ما يكون بحدود وضوابط

وما يتماشى مع الشرع

ويستحب لو كان في العمل فقط

فالدراسة يمكن الفصل بينها

مع أني أنا

نحب البنات معاي في كل مكان

لأنهن بصراحه يعطني في دفعة قوية للأمام

ويخلني نبدل المزيد

بس مع الشرع مافيش إعتراض

واللي يجي من ربي يا محلاه

*
*
*
*

والموضوع الجديد اللي نبي نفتحه معاكم اليوم

شنو رايكم في موضوع الساعه

دور المرأة في الحياة السياسية

وهل أنت مع أو ضد

أن ترتقي المرأة المناصب السياسية بالتدرج

وتصل إلى أعلى الهرم


*
*
*

هذا الموضوع اللي خاش خاطري ونبي نعرف رايكم فيه

ومن اللي مؤيد ومن اللي معارض


******


وتوا نستنو من الحاجه مجنونة ليبيا تجيبلنا عالة الشاهي

وصواني اللوز بيش تكمل القعده

وياحزاركم يا فزاركم

شنو العشي اليوم


*
*
*
*
المنقهر

[ليبية حرة]

هاني قاعدة مهناك وين نغطس مشاغل الدنيا

بالنسبة للموضوع أنا ندور فيه في السما لقيته في الوطا

من لما شفت ردك على موضوع ليبيا التغيير وأنا حابة نناقشك فيه وأنت اللي فتحت الباب على روحك

مثل ما للرجل حق للعيش في بلاده وحق في السلطة فالمرأة أيضاً من الشعب ولها الحق وهدا الكلام حتى القدافي العافن قاله

يعني ياخوي أفكار زمان تبع المراة ماليها الا حوش راجلها وصغارها
وكانها بتقرا وبتكمل قرايتها منو اللي بياخدها وكلام فاضي هدا كان زمان وعدى وانشالله مش حيرجع

ومادام اتحررنا وانفتحت قدامنا الأبواب والله حتلقانا قبل الرجالة في كل شي

ونبي نسألك أنت تنكر ان المرأة حريصة وذات حس بالمسؤولية أكثر من الرجل
وعلاش في القراية ديما البنات هما اللي ينجحوا الآوائل ؟؟؟؟؟؟

وبعدين يابابا كلينتون في شن خير مننا ؟؟؟؟؟؟

احنا اللي كنا في غياب رجالنا رجالة ماتنساش ؟؟

وتوة شن بتقول ؟

مادام شاهي باللوز نبي تويصة بس ياريت تنقصو شوي السكر لأنه يا احبابي يدير السوسة
والله لمة مش عادية مشكورة عزيزتي تاجورية محترمة

[نبع الحياة]

خير عليكم,,/كيف حالكم

بالنسبة ان يكون للمرأة حياة سياسية وترتقي فيها

انا معارضة للموضوع هذا تماما المرأة مفروض لها شغلت ساعات وترجع للبيت في النهار مش في الليل هكي احسن لها

بعدين المرأة يكون عندها بعد الشغل البيت والصغار ومن وجهة نظري نشوف موضوع السياسة خاص بالرجال

هذا رأي بكل صراحة...

طاسة بالله عليك نحس روحي مش مركزة

[المنقهر]

خير يا حاجه ليبية حره

آنستي القعده والشاهي باللوز

وأنا معاك في كل كلمة قلتيها

التحرر والإنفتاح والتغيير والمرأة زي الراجل وماتفرق عليه في شي

وهي نص المجتمع

بس يا حاجه ماتنسيش

أنه فيه بعض الأعمال يمكن للرجل أن يؤديها على أكمل وجه

بينما يمكن للمرأة أن تؤديها ( ولكن ليس على الوجه الأكمل )

يعني لابد ما يكون فيه خلل في ادائها الوضيفي


وثانيا

لو بنجو لدور المرأة في المجتمع ما فيش حد يلايم ينكره ولو كنت أنا

وأن مكانتها محفوضه من غير حتى ما تشارك في العمل السياسي

يعني

وراء كل رجل عظيم إمرأة جالسة في الحوش

من اللي بياخد باله من الأولاد

من اللي بياخد باله من الزوج

من اللي بياخد باله من الحوش

وغصبا ً عن أكبر كبير

المرأة دورها فاعل في المجتمع حتى من غير ما تشتغل

أو تمسك مناصب في الدولة


*
*
وهاتي تويصة شاهي على قولتك

وكثري السكر

لأن نحس في دوخه وأكيد نزل السكر عندي



ولي عوده بإذن الله

[ليبية حرة]

اسمحيلي أختي نبع الحياة لأنك مش مركزة هكي تقولي

مانبوش ليبيا بتع زمان وأفكار زمان نبو ليبيا جديدة

أعطوها طاسة الشاهي باش تركز

ونحترم رأيك أكيد

[نبع الحياة]

(اختي ليبية حرة)

انا لما قلت الكلام هذا صح ماكنتش مركزة شوي بس مش بمعنى (مهلوسة واي كلمة نقولها)ههههههههه

انا لما قلت الكلام هذا كانت هذي وجهة نظري ومقتنعة بيها

لو انتي تحبي السياسية خلاص رشحي نفسك

وان شاءلله نصوتولك وتكووني في اعلى المراتب

لكي احترامي وتقديري

وربي ما يحرمنا لمتكم

[المنقهر]

بالله الحاجه نبع الحياة كلامها فيه حق

توا المرأة بالله عليكم

لما بتشتغل في السياسة موش يعني بتواكب ضروف عملها

من جميع النواحي " الإجابية والسلبية "

ولو بنتكلموا عالسلبية زي ما قالت أختنا نبع الحياة

ترضى على نفسها أنا تطلع من حوشها أو تخش لحوشها في نصاص الليالي

أو يرضى زوجها أو الراجل أنه يقبل الزواج من فتاة

تسهر للصبح وتطلع وتخش للحوش في أي وقت

والله لو تبرقوا فيها من جيهة اننا إناس شرقيين

مسلمين لنا طبايعنا وتقاليدنا وعاداتنا

تلقوهات صعبه شوي يا جماعه

لأنه المرأى مهما صار موش حتلقى إلا حوشها

وزوجها وصغارها

وقاعد نقول

المرأة لو بتشتغل ليها فقط الأعمال النسائية

المسموح بها لا غير

هكي تحافظ عى نفسها وعلى أسرتها

وتحافظ على المجتمع


وهاتي تويصة يا حاجه

تاريتها ليله طويله

والصبح ما ورانا شي


وهي منورين

[تاجورية محترمة]

كيف حالكم اليوم ياعويلة أنا مش غاطسة في لمة ثانية فرقت الحال ياخوي راسي وراس الحوش وبس لاكن مريضة شوية ومزاجي معكر الله لا يعكرلكم حال كيف حالك ياوخيتي ليبية حرة و كيف حالك يا نبع الحياة وكيف حالك ياخوي المنقهر و الله منورين هلبة ****** و موضوعك مليح و شيق و مهم ياخوي لاكن بما أني مريضة و مش رآيقة خلي ردي ليوم ثاني بإذن الله حتي نكون مركزة و خليني نستأذكم توه آنستو بعضكم في آمان الله ....

[ليبية حرة]

ســــــــــلامتك ماتشوفي شر ...

الجلسة من غيرك ناقصة

وبالنسبة لنبع الحياة والمنقهر /

أكيد مانقدرش ننكر ان المرأة عمود بيتها ودفء لزوجها ولأولادها ..

بس من حقها يكون ليها دور ..

وممكن لو قدرنا نغيروا المجتمع وقتها حيكون للمرأة دور

فالعيب فينا ...

المهم مرات عندكم حق ...

احنا شرقييين ......؟؟؟؟؟

[المنقهر]

أكيد مانقدرش ننكر ان المرأة عمود بيتها ودفء لزوجها ولأولادها ..

بس من حقها يكون ليها دور



صدقيني يا ليبية حرة إن قلت لك

أن أعظم وأكبر وأجمل وأروع دور للمرأة في المجتمع

سيكون في بيتها

عندما تلتزم بيتها وتقوم بأمر زوجها وأولادها وبيتها

عندما تدفع بزوجها للأمام وتريحه في بيته

عندما تشجع أطفالها وترفع من روحهم المعنوية

عندما تدفع بهم وتغرس في نفوسهم حب الله والدين

فبهم ومعهم سيكون لها الدور الفاعل والمهم والأساسي

في المجتمع



وفي الأخير

اللي فيها خيره يجيبه ربي

العبد في التفكير

والرب في التدبير

تحيتي وتقديري
المنقهر

[ليبية حرة]

كلماتك أخي المنقهر مية بالمية صح وما عندي مانقول فيها

[تاجورية محترمة]

مرحبتين كيف حالكم يا عيلة اليوم صحيحين نبي طويسة تقعد الراس و جبت معاي كيكة وخبيزة وسفنز تفضلو صحتين عليكم .............. بالنسبة للمرأة والسياسة بصراحة أنا ضد إن تخش لهذا المجال لأن مش ليها بكل معقولة نحن المسلمين تبدأ تحكم فينا مرأة أو وزيرة أو سفيرة أو أي منصب ثاني علاش كملو الرجالة !!!؟ صح إستشهدو هلبة بس ماكملوش .......... نحن النساء دورنا في البيت وتربية الصغار تربية كويسة بروحها جهاد وعندنا فيها أجر أكيد و أحسن من دور وزيرة أو سفيرة مخلية حوشها وراجلها وصغارها و إلا بوها وخوتها و تلود من مكان لمكان أو من بلاد لبلاد ............ و بعدين من هي هلاري كلنتون و تكون حتي رئيسة أمريكا هي كافرة في النهاية ما تسوي شئ في ظفر وحدة مسلمة ربت صغارها أحسن تربية و حفظت راجلها و حوشها ........ نحن قدوتنا خديجة وعائشة وباقي آمهات المؤمنين رضوان الله عليهن جميعا في أي شئ ...... و بعدين هل في عهد النبي صلي الله عليه و سلم و هو قدوتنا كانت نساء تحكم أو تقود في جيش أو في أي مجال لا و مع ذالك في نساء مذكورات في القرآن و مذكورات في السيرة و معروفات أكثر حتي من بعض الصحابة و ما تقولو هذا عهد قديم لأن ديننا و الحمدلله صالح لكل زمان و مكان .......... ورد بالكم حد يقول خلينا من نظرة الدين لأن لو أنا أو أي حد مسلم ما حط الدين مقياس لكل شئ في حياته حيكون حكمه غلط ...... أنا مش حنرشح مرأة لأي منصب ......

[المنقهر]

يسلم فمك يا تاجورية

هذا الكلام الصح الكلام الزين اللي واجب على كل مرأة مسلمة

تاخد بيه وتعتز بيه

أشششششششششهد بالله أنك جبتيها

وما يجيبوها كان عربها


وعلى شانك هاتي أربع خمس ست طرقات سفنز

ماعنديش عماه الروح بكل

وقربيلي براد الشاهي والتويصة

وغيرولنا السيرة

*
*
*
*

[نبع الحياة]

خير عليكم /كيف حالكم


عطيني طاسة شاهي وخليني نفتح موضوع معاكم وتناقشوا فيه

الموضوع ياعيلة شنو رايكم في زواج الاقارب ماتتقولش الدنيا قسمة ونصيب

انا نبي ناخذ رايكم الشخصي في الموضوع هذا بدون ما ادخل القسمة والنصيب



*************

[المنقهر]

السلااااااااااااااااااام عليكم

شنو حالكم يا حجاج ويا حاجات

الموضوع هذا بالذا................................

تره قبل ما نكمل كلامي مديلي يا حاجه نبع تاصة الشاهي الحمرا المنعنعه

وحطي فيها كيلو لوز

هههههههههه باهي شنو كنت نقول

أيوه

والميضوع هذابالذات مانيش عارف ليش الناس مسكره راسهم عليه

العلم أثبت أن زواج الأقارب فيه مشاكل على الأطفال وأن أغلبهم وليس أكثرهم

يولدون مرضى ووغير أصحاء

وهذا ما يؤكده قول للرسول لا أعرف رواته وصحته

" لا تنكحوا القرابة فإن الولد يخلق ضاوياً "

ولو ضعيف وغير صحيح يعتد بالعلم ويبتعد عن القرابه

وثاني حاجه

والمهم أنه القرابه مافيش من وراهم غير النكد

أمها يوم والثاني بتجيك في الحوش

أمها قالتلها ، أختها قالتلها ..........

وأمك وأمها

والله مهما كانن خوات راح يصيرن مشاكل

فالأحسن نبتعد عن الزواج من القربى ونمسكوها عالبعيد


وكان جت عليا أنا

بناخد وحده من أخر الدنيا مانعرفش منين بتجي

البعيد وبس

وزي ما يقول المثل

تغرب وإكذب


هههههههههههههههه

وهاتي طاسة



""

[ليبية حرة]

كيف حالكم يا أحلى أصحاب ..
معليشي أنا اليوم مصدعة ونبي نيسكافيه إذا ممكن ...

بالنسبة لموضوع زواج الأقارب وزي ماقال خوي المنقهر العلم والدين يحذر منه خوفاً من تطابق الجينات عند الزوجين .. وحفظاً على المشاكل ..

بس هذا يحكي على الأقارب جداً واللي هما أولاد العم أكثر شيء

بس واحد من نفس القبيلة أكيد أنا مع الشيء هذا

وصراحةً أفضل أقاربي واللي يعرفوهم أهلي وناسي

وزي مايقولوا اللي تعرفه خير من اللي ماتعرفاشي ..

يعني أنا جداً مع زواج الأقارب من الدرجة الثانية ..

وبالليبي / فقري قريب ولا غني متباعد ويا سعد ملي في بلاده قاعد ..

مشكورين عالإستقبال .. والنيسكافيه قعدت في خاطري يا قفاصين ..

[نبع الحياة]

بصراحة عجبني رد اخي المنقهر

وانا برأي ان زواج الاقارب اللي هو نقصد بيهم (اولاد العم والخال اللي قريب لي) انا معترضة ع الكلام هذا تماما مليش دعوى

بحد الي ياخذ بنت عمه او بنت خاله هذا شئ يخصه بس يفكر ان في اعيال يمكن يجوا متشوهين او ما يخلفوش بكل


( اذهب تعيش ) بمعنى (اتغرب او ابعد )

[تاجورية محترمة]

مرحبتين بيكم مرة ثانية سامحوني طقيت في الحوش عشيت العويلة وغسلت المعايين و هذا وين فضيت ....... و هاك النسكافيه ياوخيتي غير ما تحرجيش و ما تقوليش علينا قفاصين و لا بأس عليك ، و أنا نبي طويسة مع طريف سفنز .................... شن زواج أقارب لا ياوخيتي خلينا علي البعيد خير و علي قولة المثل ( الأقارب عقارب ) في وقتنا إنشاء الله الأقارب يتفاهم مع بعض و يواصلو بعض من غير زواج من بعض لا وخشت نسبة بينهم معناها مشاكل و قطيعة ............ و من الناحية الصحية ليش نظلم صغار ماليهم ذنب يجو متشوهين و يقعد يعانو و أهلهم يتبهذلو في جرتهم .......... و من ناحية الدين مانعرفش لاكن حنسأل شن الأحسن و نقولكم لاكن في آية تقول ( و جعلنكم شعوبا و قبائل لتعارفو ) فأعتقد إن التعارف يكون بعدة أمور منها الزواج ......... و أنا من ناحيتي نتمني يكون نصيبي من شخص مش قريبي طبعا بعد الدين و الخلق و يارب من مدينة غير مدينتي حتي نتعرف علي ناس جدد ........... و في النهاية إللي يكتبه ربي أنا راضية بيه و الحمد لله علي كل حال ............ و ين باقي عويلة المنتدي ياريت يشاركونا ....

[نبع الحياة]

منورين على الردود الصريحة

"""


وياريت باقي الاعضاء يشاركونا

العيلة صغيرة واجد


افتحولنا موضوع ثاني...

[تاجورية محترمة]

قبل ما نقتحو موضوع ثاني يا وخيتي خلينا نعزم باقي العويلة خلي يشاركونا في الجلسة الحلوة .... وخيتي نبع الحياة و وخيتي ليبية حرة إعزمو إللي تلقوه قدامكم ..... و خوي المنقهر حتي أنت شاركنا في العزومة علي ( عرسي) طبعا هههههه ..... و توه بالسلامة و تصبح علي خير و نتلاق غدوة بإذن الله .....

[رجبانية حرة]

السلام عليكم اهلين كيف حالكم معليشي نبي طاسة شاهي حمرا واهم حاجة يكون فيها النعناع...........
اما بالنسبة عن زواج الاقارب عن المقولة المعروفة "الاقارب عقارب " وانا شخصيارافضة فكرة الزواج من الاقارب

[تاجورية محترمة]

مرحبتين بيك يا وخيتي الرجبانية في جلستنا آنستينا و نورتينا هلبة ...... و خليك متواصلة معانا و ما تقطعيناش .......

[الوسام 2009]

هلا وغلا أخيتي شو هالمة مأحلاها شو مازال الشاي سخون نبي طاسة تعدل المزاج
وبالنسبة لزواج الأقارب أنا بصراحة مأيده للأسباب عديدة أولآ من ناحية الأمراض الوراثية
عند الإنجاب .نلاحظ وجود نسبة كبيرة من الإعاقات وهذا الشيء مشاهد عند الكثير منا
وثانيآ مايترتب عليه من مشاكل عائلية ونادرآ مانلاقي عوائل هادئه بدون مشاكل عند الإرتباط
فالأفضل الواحد يبعد بعيد ويدور على ناس ثانيه حتى لو تطلب الأمر الزواج من بنت غير بنت بلادك
بالعكس شيء جميل وتعارف على ثقافات أخرى وأيضآ بعد توفيق الله يكون زواج فيه الإحترام
والتقدير والحب من الطرفين...
كل التقدير ياصاحبة الجلسة وإن شاء الله يبقى شاهيك سخون بإنتظار باقي العويلة وتكتمل لمتنا
ربي يسعدكم

[المنقهر]

خير يا علية

http://up.qatarw.com/get-11-2008-x55a_com_1lq1abrq.jpg


الحاجة تاجورية تصب في الشاهي

الحاجة نبع الحياة تكشكش وتعبي في التواسي

والحاجة ليبية حرة تغزل في الصوف

والحاجة إكليل الغار تصبغ في الصوف " أكيده بدير جرد "


وفيه زوز أخرات ما عرفتهنش ، وإمشبه على وحده نسمهار والأخرى العاصفة الحمرا

اللي يعرفهن يخبر

أما هالصبي ربي يحفضه اللي يلعب في القطوس

أكيده يا ولد البحار يا ولد سلااام نور


ههههههههه

وهاذي طويسه ياااه حاجه


http://img126.imageshack.us/img126/3496/23448298ji5.png

وليا رجعة يا عيلة بإذن الله

بنتكلم على حكايات واقعية حصلت مع ناس متزوجين من الأقارب

وهما جيران ليا

[تاجورية محترمة]

السلام عليكم ، الشاهي سخون ديمة غير تفضلو وشاركونا بس ..... والجلسة حلوة بناسها و حلوة بالمواضيع المهمة إللي ناقشناها و حناقشوها مستقبلا ......... و ياريت نفتحو موضوع جديد و مهم تفضلو إقترحو و شاركونا و منورين هلبة .......

[تاجورية محترمة]

هههههه بصراحة صورة حلوة علي ثراتنا الجميل ....... و طاسة الشاهي حاجة مش عادية لاكن علاش إثنين بس شكلهم ليك أنت و المرأة يا خوي ( المنقهر ) لاكن معليش سامحني بنأخد طاسة لأنها عجبتني ...... بإنتظار قصصك يا حاج منقهر ......

[نبع الحياة]

خير عليكم

شنو اخباركم اليوم..

مع اني الصغيرة فيكم لكن هنفتح موضوع وعطيني طاسة شاهي بيش نركز معاكم

الموضوع ( شنو تعتقد الفرق السن المناسب بين الزوجين )

(وشنو رايك في ان تكون المراة هي اكبر سن من زوجها)

يلا تفضلوا اشربوا الشاهي وهدرزوا ع الموضوع وياريت تركزوا في الموضوع لانه حساس شوي

[تاجورية محترمة]

كيف حالك ياوخيتي نبع ...... موضوعك الصراحة كان في بالي و كنت بنقترحه لاكن سبقتيني شكلك تقري في أفكاري ههههههه ****** المهم أنا نشوف إن فرق السن كل ما يكون أقرب بين الزوجين أفضل لأنهم يبدو من أجيال قريبة و أفكارهم قريبة من بعض ......... يعني الفرق بينهم من ( 3 إلي 8 أو 9 سنين ) ****** و طبعا ما ننكرش إن في متزوجين في فرق بينهم كبير و متفاهمين و منسجمين عادي كل حد و تجربته و حظه و إختياره و نصيبه لاكن أنا قلت الأفضل إن يكون الفرق قريب ****** أما إن تكون الزوجة أكبر من زوجها بصراحة أنا نشوفها مش حلوة و ثقيلة لأن الوحدة لما تتزوج تبي راجل يكون سند ليها و مسؤول عليها قبل كل شئ فلما يكون أكبر منها أحسن .......... و نحس لما يكون أصغر منها و خاصة بهلبة كأنها أمه و تعزز هي و هو قاعد في عز شبابه من الأخير أنا ما نحبها و ما نقدرش نتقبلها لنفسي و هذا طبعا رأي الخاص ***** و هاتي تويصة خفيفة بالنعناع **** خوي المنقهر و ين قصصك رانا نستنو فيها و شاركنا في الميضوع الجديد ........

[المنقهر]

خير يا عيلة

أأأأأني جيت

كأني سمعت حد يتكلم عليا ويذكر فيا " أكيد الحاجة تاجورية "

بس يا ريت بالخير

قبل ما نتكلم تره صبولي طاسة شاهي شاعتة

نبي نركز شوي في ميضوع شاغل بالي

وما نبيش نخسره

http://1.bp.blogspot.com/_4xDGhMDBT7Q/SNKxXYlflEI/AAAAAAAAAzw/w7Gs9el_KiE/s320/shahi.jpg


أشهد بالله إنها طويسه ياااااه

أكيد الحاجة نبع هيا اللي مدايرتها

ربي يخليكم

وتوا إرخصولي نبي نعدي وتو نرجعلكم بيش نتكلموا على الميضوع الجديد

" وحتى القصص متاع الميضوع الأول واتيات "

مانيش ناسيهن

وهي تقعدوا على خير


***

**

*

[تاجورية محترمة]

مرحبتين ياعويلة و ينكم معش بينتو ... و ين و خيتي ليبية حرة و نبع الحياة و ينك قولينا أنت شن رأيك في موضوعك إللي قولتيه و ينك خوي الوسام وين وخيتي رجبانية حرة و باقي عويلة المنتدي خلينا نشوفوكم ............... خوي المنقهر ما ذكرتك كان بالخير و ننتظر في قصصك و مشاركتك في موضوع وخيتنا نبع الحياة و تفضل طاسة الشاهي الشاعتة صحتين ......

[نورس 93]

بالنسبه لموضوعك الاول كل واحد عنده مطبخ فى حوشهم يمشى يدير يلى بيديره وموضوع زى هدا هدرزى فيه مع صاحباتك البنات بااااااااااااهى والبنسبه للموضوع التانى بسبب وجود ناس زيك بالتفكير يلى على قدك هدا ليبيا مش حتمشى قدام وحيبدو ديما يشبحو للمراه حوش وبس مع انى نعرف بناويت ليبيا قدها المسؤليه هيا وياريت رايك هدا تحتفضى بيه لنفسك وتخليك انت بس عايشه عليه

[ليبية حرة]

السلام عليكم يا أحلى لمة ليكم وحشة ..

حبيبتي نبع الحياة صحيح عمرك صغير بس كبيرة بعقلك ربي يحفظك

ومشكورة عالمواضيع الحلوة اللي تطرحي فيها وخليك ديما هكي

واللي مش عاجباته لمتنا ما يشاركناش برايه

بالنسبة حبيبتي لموضوع السن بين الزوجين أنا مع ان يكون الزوج أكبر من زوجته ب خمس سنوات حتى يكونو في نفس التفكير والنضج والمرحلة العمرية بس مش شرط يمكن يكون الفرق كبير بس يعيشو كويس مع بعض وقد تحدث مشاكل / بمعنى هذا يرجع لشخصية وطباع الزوجين .. لذا خمس سنوات الفرق المناسب ..

ولو كانت الزوجة أكبر والزوج مقتنع عادي المهم التفاهم /

وهدرزي معانا ولا يهمك احنا صاحباتك ..

ماتحرمينا مواضيعك يا حلوة

تقبلوا مروري / ليبية حرة
ومشكورة اختي تاجورية عالسؤال

[الوسام 2009]

مساء الخير على أحلى لمة وماشاء الله بدأت المة تحلو
وألي محليها بزيادة طاسة الشاهي ألي مازالت سخونة
وبالنسبة لموضوعك يأخيتي نبع الحياة الأعضاء الي سبقوني
كفو ووفو بس من وجهة نظري أفضل أن يكون فارق السن متقارب بين الزوجين لما له من أثر إيجابي خاصة في تقارب الأفكار يعني أفضل سن يكون مابين ثلاث إلى سبع سنوات بالرغم إن في أزواج فارق السن بينهم يفوق العشر سنوات ومع هذا نلاقي التفاهم والإحترام والعشرة الحلوة بينهم وهذي من النوادر. أما بالنسبة لفارق السن في أن تكون الزوجة أكبر من الزوج فمثل ماتفضلت أختي تاجوريه محترمة الأفضل تكون الزوجة أصغر منه لأنها بالفعل محتاجه سند في الحياة صحيح في نوادر متزوجات من أزواج أصغر منهن بكثير وعايشات عيشه حلوه بس دائمآ أفضل تكون الزوجة أصغر من الزوج وحتى لو تجاوزته بالعمر يفضل بسنتين أو أقل ..منورة يأختي نبع على أفكارك الحلوة وماشاء الله الأعضاء مو مقصرين عقبال البقيه ومشكورة تاجورية محترمه على السؤال وجهة نظرك حيال الموضوع ولا ننسى نشكر أخيتي ليبية حرة وأفكارها الحلوه .وبإنتظار أخوي المنقهرو وأفكاره الرائعه مع باقي أعضاء منتدانا الحلوين.وإن شاء الله تبقى هالمة الحلوة وديما تجمعنا هالجلسة مع طاسة الشاهي ..

[المنقهر]

بالنسبه لموضوعك الاول كل واحد عنده مطبخ فى حوشهم يمشى يدير يلى بيديره وموضوع زى هدا هدرزى فيه مع صاحباتك البنات بااااااااااااهى والبنسبه للموضوع التانى بسبب وجود ناس زيك بالتفكير يلى على قدك هدا ليبيا مش حتمشى قدام وحيبدو ديما يشبحو للمراه حوش وبس مع انى نعرف بناويت ليبيا قدها المسؤليه هيا وياريت رايك هدا تحتفضى بيه لنفسك وتخليك انت بس عايشه عليه


خيرك العفو لا إحم ولا تستور

خاشه عالعيلة ودافرة الباب برجلك كيف حاجه نعرفوها

وبالنسبة لرأيك

سمعناه ونقولوا كأنك دويتي

هههههه

وبالنسبة لليبيا لو بتمشي لقدام أو توخر للخلف

موش حنستنوا رايك يا نورس


***

**

*

[المنقهر]

آآآآآه وهاذي جلسه يا حجاج

عدنا والعود أني

كيف حالكم وشنو اخباركم ياولاد وبنات

والله ليكم وحشة ومشتاقين لطويسة شاهي منعنعه وباللوز

من يديات الليبية الحرة

باهي وين وصلت معاكم في أخر جلسة

تره خلونا نراجع شوي أخر كلامي ونشوف وين وصلت


أيوه

في القصص اللي وعدتكم بيهن والمشاركة في الميضوع الجديد

بالنسبة للقصص والله ماني ناسيهن

وفي أي وقت تبوهن حاضر مستعد نقوللكم عليهن

ونعلمكم بققص وأثارونتائج الزواج من الأقاراب

بس توا موش وقتهن لأنه في موضوع جديد مفتوح خلونا فيه


***

بالنسبة لفرق السن بين الزوجين

أنا نفضل أقل فارق بين الزوجين يكون 7 سنوات

ولو زاد عادي بس لو نقص حتى هوا ممكن عادي بس يمكن يكون فيه مشاكل

بين العروسين المقططين في المستقبل

قلت يمكن ، يعني موش ضروري

ولو جيتوا ليا أنا نفضل المرأة تكون كبيرة في العمر

يعني من 28 سنه فما فوق أفضل سن ليتزوج منها الشخص الذي يريد

فأنا من مؤيدي الزواج من كبيرات العمر


ولو تبوا الحق والصح واللي مفروض يصير

أنه لو الزوج راجل بمعني الكلمة في كل شي

وله شخصيه في بيته كما في الخارج

حتى لو كانت زوجته أكبر منه

وحتى لو كانو في نفس العمر

وحتى لو كانت زوجته معانديه وراكبه راسها

صدقونوا موش حياثر في شي

لأنه الراجل راجل

والمرا كيف الفرس ، على فارسها وراكبها

لو كان فارس ويقدر يركب ويقودها

على طول راح يطاوعها ويدربها

ولو كان غير هكي

ههههههه


حتى حماره ( أكرمكم الله ) موش حيقدر يسوقها

وعلى فكره

اول بنت حبيتها وتمنيت نتزوجها من8 سنوات

كانت أكبر مني بسنه

هههه

بس عدت في حالها

وربي سهلها




وتوا خلوني نحوس حوسه عالمنتدى

مابين ما باقي العيله يجوا

وأمانه

لو جت الليبية الحره أو النبع الحياة

خلوهن يديرن خبزة تنور

عندي فيها نيه


وسلاااااااااااااام



**

*

*

[تاجورية محترمة]

مرحبتين بأحلي جلسة و لمة ............ أختي نورس لو مش عاجباتك لمتنا و مواضيعنا و قناعاتنا فيا ريت ما تشاركي لأن بصراحة هذا مش أسلوب تتكلمي بيه لو قلتي رأيك بإحترام تقبلناه حتي لو كان مخالف لرأي أي حد فينا ........ هذا مكان لهدرزة محترمة و نتقبلو كل الآراء مهما كانت لا كن بإحترام ...............

[نبع الحياة]

تفضل يا خوي المنقهر هذي خبزة التنور اللي طلبتها ومعاها طاسة شاهي( صحتين عليك)


http://www10.0zz0.com/2011/09/30/20/869367689.jpg



http://www10.0zz0.com/2011/09/30/20/918826608.jpg

[حـمـزة مـن الاخـيـر]

السلام عليكم ورحمة الله وبركاته
شن جو باهي
اخباركم تمام يعني في السي امور طيبة

الحقيقة صح فدد و الواحد لما ياخد على الجبهة خلاص معاش يفكر في شيء ثاني
يعني بتكون ديما تفكيره في الجبهة و اني بصراحة مشت في دمي موضوعها
وقلت خلينا ناخدوا شوية بريك و اهو درنا عليكم خت فت نسالوا على حالكم ونتحمدولكم ع السلامة
معموماَ ادعولنا بالنصر :::::::::::::::::: والله أكبر

في أمان الله

[مجنونة ليبيا]

حمزة وينك يا دعوة شن حالك وين مغطس ووين اخبارك واياماتك السود ههههههههههه
ربى ينصركم ان شاء الله

[المنقهر]

خير يا عيلة

شنو اخباركم وأحوالكم والله ليكم وحشة هي بالهي

أنا والله ما ني بخير

نحس في روحي كئيب ومالل وفاد من روحي

البين عليا بديت نحب شورني

ههههههه

المهم

والله خشتي اليوم هنا

نبي نشرب طويسة شاهي منعنعة

بخبزة التنور المفحفحة

من يديات الحاجة نبع الحياة المنورة

ونقوللكم

حلوين

طيبين

نحبكم على طول

لا إله إلا الله

[حـمـزة مـن الاخـيـر]

حمزة وينك يا دعوة شن حالك وين مغطس ووين اخبارك واياماتك السود ههههههههههه
ربى ينصركم ان شاء الله


ههههههههههههههههه

الله اكبر

مزال قاعده حية انتي

ايه ايه ياعليك ايام ايامك انتي ههههههههه

تي شن حالك شاف من عاشك امورك طيبة انتي!

نحنا في نعمة والحمد لله

قوليلي تي وين باقي القروب؟؟؟؟

ان شاء الله لاباس عليهم

[سحابة صيف]

سلام ....لاشاهي وشواهي ولاخبزه تنور مفحفحه وحتى اللي عازمني على طاسة هاالشاهي مهناش شكلي مش مرحب بيا في هاللجلسه ولاه شن الحكايه ياحجاج شكلكم رقدتوا من المغرب .؟ ...بسلامتكم . ..

[تاجورية محترمة]

السلام عليكم ، كيف حالكم يا عيلة شن أخباركم يارب تمام ........ مرحبتين بضيوفنا الجدد و الله نورتو ******* خوي ( حمزة ) شرفتنا شن أخبار الجبهة ؟ و أنت في أي جبهة ؟ ( الله يحفظكم و يرجعكم لأهلكم سالمين و ينصركم عاجلا غير آجل ) و الله رفعتو روسنا فوق ********* أختي مجنونة ليبيا مرحبتين بيك نورتي و ين هالغيبة علي جلستنا فقدناك *********** سحابة صيف نورتي الجلسة هلبة و نحن موجودين و تفضلي الشاهي من يدي ماتزعليش بس أنت أكيد مرغوب فيك شرفتينا يا حلوة و لا تحرمينا هالطلة ********* وخيتي ليبية حرة و وخيتي نبع الحياة مشكورين و منورين ديمة و لا تحرمونا من تواجدكم و مواضيعكم و هدرزتكم في الجلسة لأن ما تكمل بلاكم يا حلوين ******** وخيتي رجبانية حرة و ينك ننتظر حظورك لجلستنا ******* خوي الوسام مشكور لتواجدك ولمشاركتك معنا شرفتنا بحظورك لاتقطع الجلسة فأنت من أهلها ********* وخيتي نورس أنا آسفة كان كلامي قاسي و نتمني ما نكون جرحتك وماتأخذي في نفسك شئ ضدي و نتمني تشاركينا في الجلسة و تطرحي مواضيع و آراء و لاكن بإحترام حتي يتقبلو الكل منك ********** خوي المنقهر رب يبعد عنك الهم و الكآبة و الملل ..... وبالله ماتقطع الجلسة لأنك من أهل الجلسة الأوائل رد بالك تقطعها و مشكور خوي علي مشاركتك المميزة ********** في الآخير نوصيكم ياريت ما تقطعو الجلسة و أفتحو ديمة مواضيع جديدة و هدرزو فيها و قولو آرائكم لاكن بكل إحترام ........... و نوصيكم كل حد يحط رب قدام عيونه ديمة في المنتدي و برا منه و ما تنسوش ذكر الله ...... و ماتنسوش الدعاء للثوار في الجبهات بالنصر و للجرحي بالشفاء و للشهداء بالرحمة و للمحاصرين من العائلات بالفرج و لأمهات الشهداء بالصبر ********* أنا حنترك المنتدي فترة لظروف خاصة و ما نعرفش كم هالفترة ممكن أسبوع أسبوعين ثلاثة أو شهر أو أكثر أو حتي للآبد حسب الظروف فياريت تسامحوني إذا غلطت في أي حد منكم و أسترو ما شفتو مني ...... يعز علي فراقكم هلبة أنتم زي أهلي لاكن مجبورة نترككم سامحوني و ما تنسوش أختكم ( تاجورية محترمة) و أنا أكيد مش حننساكم وتشرفت بمعرفتكم كلكم خايفة نبكي بجد لو زدت شئ فخلوني نودعكم و يارب نرجع و نشوفكم بخير و ادعولي تنحل ظروفي بسرعة بس ...... أنا مش حنلغي إشتراكي علي أمل نرجع قريب راسلوني علي الخاص لأن رسائلكم توصل لإيميلي علي نقالي و تصبرني علي فراقكم *********** في آمان الله و أستودعكم الله الذي لا تضيع و دائعه ***** و السلام عليكم ورحمة الله و بركاته ((( تاجورية محترمة )))

[سحابة صيف]

صباحكم فل...تاجوريه عسى ماشر ..وشكرا تسلم إيديك على هالطسه السمحه وأنشا الله مانفقدوك..ولاتغيبي ...

[ليبية حرة]

عزيزتي تاجورية محترمة ....

والله لايعز علينا فرقاك وتعودنا عليك ..

بس ربي ييسر اموركم ويسهل صعابكم وترجعيلنا من تاني ..

وربي يحفظكم جميعا ًً ..

ونستنوا فيك ..

ووين باقي العيلة معاش في مواضيع جديدة هيا ارجعوا وخلي نحكو

[سحابة صيف]

المنقهر عزمني ...وشيط أنشا الله خير انشغلت عليه مش مبين ..

[نبع الحياة]

خير عليكم/شنو اخباركم

شنو الجلسة مكسدة مفيش مواضيع جدد نحكوا فيهن


اشربوا الشاهي وركزوا كويس وافتحونا موضوع جديد وياريت ما تقطعوش الجلسة

تحياتي لكم

اختكم

نبع الحياة

[المنقهر]

ههههههههههه هههههه

تي وين العاد نفوتكم يوم وإلا تنين نرجع نلقى المنتدى مولي عزي

اللي هذا قارن حواجبه ونازل فيها عياط

تاجورية محترمة

والله إنك غالية علينا وأكيد حيكون مكانك فاضي وحتكون ليك وجشة هنا في الجلسة

ونتمنوا ليك الصحة والسعاده والخير

ويارب يسهل عليك أمورك وينصر على من عاداك

ويفتحلك أبواب الخير وين ما توجهتي

*
*
سحابة صيف

آآآآآآآسف على تركك تستني في من يمدلك الطويسة

بس كل فكري أنك من اهل البيت والحوش حوشك

ما تتحشميش من حد

كلهم خوتك وخواتك مدي يدك وخودي اللي تبيه

المره الجائة نبي خبزة تنور وطاسة شاهي من يدياااتك

*
*
نبع الحياة

أنستي الجلسة كأني بيك ليك فتره منقطعه

ومتابعتك من بعيد

عسى ما شر يا نبع

ولو عالجلسه والمواضيع

ولا يهمك

المواضيع المهمة أكثر من الهم عالقلب

ويارت كان ترحميه هالعيل الصغير من هز الراس

نحس في نفسي مطبقة

*
*
مجنونة ليبيا

آنستي وين هالغيبة وين هالهربة

ولا كأنك شاربة معانا شاهي وواكلة معانا خبزة تنور

هربتي وقلتي عدولي

وخاشة علينا ولا فيه شي جديد منك ابدا

*
*
ليبية حرة

يارب يارب ما تفقدي عزيز ولا غالي

والتاجورية محترمة صيورها ترجع لينا بإذن الله

بس إنت ما تقطعيش حبالك معانا

وشاركينا الجلسة ولو بطاجين بسبوسة

*
*

نبي نعرف خيركم تتعازموا على بعضكم

في فتح موضوع جديد

شنو من قلة المواضيع هنا وإلا شنو

ههههههه

أنا نعطيكم موضوع جديد


( إمتلاك الزوجة لزوجها ، وإعتراضها على زواجه من الثانية )

موضوع ساخن وخطير وحسااااااااااس

ونستنى في أرائكم

*
*
*

[نبع الحياة]

السلام عليكم ورحمة الله وبركاته

شنو اخباركم ان شاءلله تكونوا بخير


ومرحبا بكل من انظم الى هذه الجلسة الحلوة اللي كانت فكرة اختنا (تاجورية محترمة )ربي يسهل امورها وترجع للجلسة من جديد


وبالنسبة لموضوعك اخي (المنقهر )

انا من راي ان من حق الزوجة انها تمتلك زوجها بمعنى ان تحافظ عليه وما تخليش يشوف غيرها احسن منها

لانها لما اختارته كانت تبيه لها وحدها مش بمشاركة انسانة ثانية

وانا ضد فكرة الزواج الثاني وبشدة مهما كانت الاسباب

[ليبية حرة]

أخي المنقهر مشكور عالموضوع والله عجبني ..

امتلاك الزوجة لزوجها هذا احساس وجزء من طبيعة المرأة الضعيفة الحساسة الأنانية

من حق الزوج الزواج بأربعة ومن حق المرأة ان ترفض ..

الاعتراض يكون وببساطة لأنها تحتاجه في كل وقت وكل لحظة ولا ترغب بأن تناديه ولا تجده

يعني بالاسم محسوب عليها راجل وما تقوليش انه حيعدل بيناتهم لأن هدا مافيش منه

وهو مش رسول

وبعدين يعدل ولا مايعدلش أنا مرات نحتاجه في يومها هيا وهادي كيف بيدبرها ..

المهم مشكورين عالشاهي وتوا توصلك البسبوسة يا منقهر المرة الجاية ..

[مالك الظلام]

اسمح لي ابدي اعجابي بقلمك وتميزك واسلوبك الراقي وتالقك

[امل ايوب]

السلام عليكم

كيف حالكم ياعيلة

ماشاء الله ع اللمة الحلوة

جبتلكم معاي بسبوسة

نسمع ف الحاج حمد

يتكلم عليها راهي حلوة

هلبة ياحجاج الي عنده

السكر مايكترش منها

بالنسبة لموضوع تعدد

الزوجات الي مانحباشي

لكن مادامه انفتح نبي

نقول كليمات للراجل الي

يلوم في المرأة الي

ماتبيش راجلها يتزوج

عليها ويقول علاش

ترفض وشن فيها بنقوله

حط روحك في مكانها

شن يكون شعورك لو

مرتك الي تحبها يشاركك

فيها راجل تاني بالله عليك

تتحملها وماتقوليش ربي

حللها للراجل وحرمها

ع المرأة لكن والله

الشعور نفسه عند الراجل

والمرأة والله صعبة هلبه

ومافيش من تقدر تتحملها

و ربي يسترنا

[تاجورية محترمة]

السلام عليكم ، كيف حالكم ياعويلة وشن أخبار كل واحد فيكم يارب تكونوا بخير وصحة و عافية ومرتاحين ....... إشتقتلكم بجد ودخلت نسلم عليكم و نشوف شن أخبار الجلسة ........ لقيت بسبوسة من وراي مع الشاهي صحتين عليكم لاكن وين حصتي !!!!؟ نحب البسبوسة لاكن شكله ماوراكم فضلة ههههههههههه ........ و أنا جبتكلم خبزة مع شوية كعك مالح ياسر من الحلو ركبنا السكر و ردو بالكم تكثرو من الكعك المالح راهو يركب الضغط و رب يحفظكم من الإثنين ********** مشكور كل من سأل علي و فقدني و راسلني ودعالي و يارب ما تفقدو غالي حتي أنا فقدتكم هلبة و كأني خ****م فترة طويلة لاكن مش بيدي نعود روحي علي فراقكم حاليا قبل ما نخليكم نهائيا و ما تشغلوش بالكم علي راني بخير و الحمد لله ******** خوي المنقهر موضوع التعدد موضوع مهم الصراحة و حلوة إمتلاك شن هو الزوج حوش و لا قطعة أرض ههههههه ............. و كان بتجي للشرع معروف و ما حد يجهله أو ينكر إن رب حلل للراجل أربعة ......... لاكن طبعا بشرط العدل بين الزوجات و بصراحة وين الرجالة في وقتنا إللي يعدلو بين زوجاتهم مش موجودين وكان فيه فناذر جدا جدا ..... وهذا كلامي نقول فيه و أنا نعرف ناس معددين و مش عادلين نهائيا واحد منهم عم أمي عنده زوجتين الأولي مسكينة مظلومة معاه هلبة هي و صغارها ....... و الثانية محصلة الدلال كله هي وصغارها و هذا الكلام من صغري لحد الآن نفس الشئ ....... و في واحد ثاني تزوج الثانية وهو كبير شايب و خذاها صغيرة و الأولي عزيز خلاها فترة علي ذمته شافت أيام سود من ضرتها و دارت راسها و راس العزوز لحد ماطلقها و هي مسكينة تحبه بشكل خيالي و معروفة عند كل إللي يعرفها كيف تحبه و ادلل فيه و معروفة حتي بطيبتها و حاليا كل مانشوفها كيف مهمومة و قلبها مكسور و كيف ضعفت حتي الضحكة معش تعرفها يتقطع قلبي عليها و نقول قداش أناني باع عشرت سنين معاها حتي يعيش هو و يرضي الهانم ضرتها و هذا قليل من كثير من القصص إللي نعرفها ******** و بعدين أغلب إللي نعرفهم يادوب ملحقين علي وحدة من ظروف بلادنا وكلكم تعرفو الظروف و في منهم و صلو للأربعين و الخمسين و ما تزوجو لأن لاعندهم و ين يسكنو و لا كيف يبنو ************** و الصراحة الضرة تنزل علي الأولي زي النار و صعب أي وحدة تتحملها و صدق إللي قال : ( الضرة مرة ) و زي العلقم زيادة ................... و أنت ياخوي المنقهر كان بتعدد مبروك عليك لاكن جهز روحك لحرق الدم و العرايك وأقعد أنت عاد غير تحز بينهم ههههههههههه ورب معاك ............................ خلوني توه نقولكم بالسلامة و يارب نتلاقو علي الخير وإنشاء الله تكون زيارتي خفيفة عليكم و آنستو بعضكم ورب يحفظكم خلوني نشوف رسايلكم في آمان الله

[نبع الحياة]

السلام عليكم ورحمة الله وبركاته

كيف حالكم ان شاءلله تكونوا بخير وبصحة جيدة


اليوم انا حابة نفتح موضوع ونبي ناخذ رايكم فيه


الموضوع يحكي عن : عندما يخطئ انسان في حقك ماذا تكون ردت فعلك ؟؟؟


في انتظار ردودكم ,,,


نبع الحياة

[ليبية حرة]

كيفك يا حلوة وشو أخبارك نبع الحياة

والله موضوعك/ متوقف على حسب الشخص اللي غلط

لو كان أخ صديق حبيب زوج ؟؟؟؟؟؟

وحاجة تانية متوقف عالغلطة شن هيا ؟؟

في غلطات يا حبيبتي لا تغتفر ولا تتجاهل !!!!

وفي غلطات غير مقصودة صراحة الاجابة صعبة لأن السؤال غامض !!!

المهم لو كان عزيز وغالي ومايهونش والله نسامحه بعيوني بس يقول غلطان وآسف

ولو كان آهو وعنده سوابق يبقى ما يستاهلش السماح

وعلى كل وضحي أكثر باش نجاوبك بصدق

وشكرا أمورة

[تاجورية محترمة]

السلام عليكم ، مرحبتين بيكم ياأحلي لمة و أحلي جلسة ...... وجمعتكم مباركة يارب ........ و يارب بالنصر لثوارنا في سرت وبني وليد عاجلا غير آجل ورب يحفظهم .... ورب يفرج عنا الغمة ويعوضنا خير إنه علي كل شئ قدير ............. و علي ذكر الخير شفتو الأيام هذه الأمطار إللي نزلت تبارك الرحمن أمطار غزيرة الحمد لله يارب علي الأقل تنظف جو البلاد إللي تلوث من هالأسلحة وكأن رب نزلها لحكمة ....... ولولا فضل الله أولا وأخيرا ورحمته بنا ماكنا شفنا في حياتنا خير فالحمدلله ديمة ........ ورب يجعلها أمطار خير ورحمة و يجعل أيامنا وسنينا الجاية خير وأحلي من قبل آمين .......... تسلم يديكم علي هالطاسة السمحة (نبع الحياة وليبيةحرة ) وعساني ماننحرم من هاللمة و معاها الشاهي و المواضيع الزينة ومنورين ديمة ...................... و من ناحية موضوع إن حديغلط فيا نسامحه أو لا ياوخيتي نبع الحياة ..... أول شئ لازم نعرفو كلنا إن مافيش إنسان مايغلطش طول عمره بقصد أو بغير قصد ماحد معصوم من الغلط .................... لاكن طبعا تفرق الأغلاط ويفرق الإنسان إللي جاك منه الغلط ............ لما يكون حد قريب و عزيز وغالي ( أخ -أخت-زوج- زوجة -صديق- أو أي حد قريب ) و لما يكون هذا القريب مش متعودة إنه يغلط فيا أكيد في البداية نحسها هلبة لاكن نقدر نسامحه وخاصة إذا إعتذر وماكانش الغلط كبير ............ و إذا كان أمي أو أبي مش حنزعل منهم أصلا مهما صار ................. أما إذا كان شخص متعودة إنه يغلط فيا و أغلاط كبيرة بصراحة مانقدرش نسامحه لأني بشر ونحس في النهاية .................. وأهم شئ إني أنا مانغلطش في حد أكبر مني قريب أو مش قريب مهما غلط فيا ومهما جرحني ومهما قال عليا نصبر ونكون أحسن منه ونفوض أمري لله أكيد حياخد حقي من إللي غلط فيا وظلمني ....... و مش نمشي مثلا لأن غلطت فيا عمتي أو خالتي أو أم زوجي أو أخته أو أي حد ثاني نغلط و نقول كلام مش كويس و أنا متعصبة وبعدين لما نهدأ نندم و نقول أنا كيف قلت كلام زي هذا و كأني صبيت البنزين علي النار هذا أكبر غلط أغلب العائلات تعاني منه و خاصة بين العزوزة و الكنة في كناين قليلات أدب ومش متربيات و مش بنات أصول حشاكم طبعا ...................... المهم أنا مانغلطش و الشئ إللي في القلب يعلم بيه رب سامحت أو ماسامحتش ورب يهدينا أجمعين و يغلبنا علي هالنفس آمين ................ وصدق الشاعر لما قال : إحرص علي صون القلوب من الأذى ............ فرجوعها بعد التنافر يعسر ................ إن القلوب إذا تنافر ودها ...... مثل الزجاجة كسرها لايجبر ******************* وحاليا خليني نستأذنكم و يارب نتلاقو علي خير و مشكورين علي تفاعلكم في الجلسة و مشكورين علي رسايلكم ............ وسامحني ياخوي الوسام حاولت نرد علي رسايلك عالخاص ولو بالشكر لاكن ماتوصل رسايلي وماعندك رسايل زوار فأعذرني أخي و مشكور جدا علي إهتمامك ................. يالله رب يحفظكم و آنستو بعضكم في آمان الله ....

[نبع الحياة]

منورة اختي ليبية حرة

على الرد واذا كان موضوعي مش واضح خلاص نسحب الموضوع وابشرط انتي افتحي موضوع جديد يا حلوة

سلامي للجميع

[ثائرة زاويا]

السلام عليكم
اهلين باحلى وارقى اعضاء فيك يا ساحات الزاوية انشاء الله تكون بخير
شن رايكم في موضوع ,,,, استغلال الرجل لضعف المرأة ,,,,


تقبلو حبي واحترامي....

[ليبية حرة]

السلام عليكم وينكم يا أحلى عيلة وين الشاهي ..

حبيبتي نبع الحياة والله مش قصدي تسحبي الموضوع وأنا حاولت نجاوب على موضوعك

أوكي المواضيع مفتوحة واللي يحب يجاوب عالموضوع اللي يعجبه

كنت حنفتح موضوع بس سبقتني أختي الكريمة ثائرة زاويا

ولا أنكر أن موضوعها في غاية الروعة وأتمنى ان يلاقي ردود من كل الأعضاء وخصوصا الرجال

[ليبية حرة]

قد يكون أختي ثائرة قصدك ضعف المرأة دائماً ..

ولكنني لا أراها ضعيفة دائما لذلك أحببت ان اتكلم عن استغلال الرجل للمرأة لحظة ضعفها ..

نحب نتكلم في الموضوع بجد لأنه حساس

استغلال الرجل لضعف المرأة يدل على عجزه وضعفه

فأنا حواء عندما أضعف أو ألجأ لك فاعلم انني فعلت هذا لأنني أراك الأقوى

واعلم ان استغلالك لضعفي لا يعني قوة ..

فأنا خلقت ضعيفة وبدونك لا أستطيع العيش ..

واعلم ان ضعفي ما هو الا لحظات وبعدها سأرى ان كنت أنت الأقوى ام انك أضعف مني ؟؟؟؟

كم أرغب عندما تنتهي لحظة ضعفي ان آراك كما تمنيتك رجل شهم قوي غير متسلط وغير مستغل

فعندها ستكبر في عيني وساعلم انني أصبت الاختيار عندما لجأت اليك وأنا ضعيفة ..

فالأنثى ضعيفة .. والرجل الشهم يحبها ضعيفة ليحميها ويصونها لا لأن يتقاوى عليها ..

وبصفة عامة الرجولة تكمن في الأخذ بحق الضعيف ونصره و التهاون معه أيّاً كان ..

مشكورة أختي ثائرة زاويا عالموضوع ولا تحرمينا مواضيعك الحلوة ..

وياريت مرة تانية تجيبيلنا معاك شاهي ولا حتى مية نبردو بيها ..

[ثائرة زاويا]

مشكورة غاليتي وهذي احلى طاست شاهي لك احلى عضوة فيك يا ساحات الزاوية
وبجد نتمنى نسمع راي المنقهر وعاشق العربية في الموضوع الي طرحتا
تقبلي حبي واحترامي.....

[المنقهر]

خير يا عيلة

خير يا عويلة

كيف حالك وشنو أحوالك

يارب بخير

أنا إشتقتلكم هلبا هلبا هلبا

فوق ما تتصوروا

موش لأن الجلسه فيها شاهي وخبزة تنور وكعك تمر وبسبوسة

لا لا

بس لأن الجلسة فيها

نبع الحياة

ليبية حرة

تاجورية محترمة

ثائرة زاويا

الوسام 2009

مجنونة ليبيا

أمل أيوب ( البسبوسة )

وغيرهم الكثير ممن لا يخطرون ببالي الأن


وأنا أعتذر كثيرا ً على غياباتي الفترة الماضية ولأسباب قاهرة

خير طبعا ً والحمد لله

المهم

أشكر كل من سأل عني أو حتى ما سألش عليا

والمهم التواصل فيما بيننا

والتعارف على الأفكار والخواطر والأراء


مع أنني زعلاااااااااان هلبا هلبا هلبا

لأن موضوعي ماردش عليه إلا زوز فقط وفيسع فيسع سكرتوه

وحطيتوا موضوع جديد

وكأنكم فرصه وحصلتوها

المنقهر مهناش تره فوتوا موضوعه

وخلونا نحطوا موضوع جديد


هههههههه

ولا يهمك روحي رياضيه والحمد لله

ومرن جدا

موش حندير ثورة ونغير المواضيع

*
*
*

موضوع أختنا الزاوية ( ثائرة زاويا )

موضوع جميل وحساس ومثير

لأن يتكلم على أرهف مخلوقات الله وأكثرها حساسية ورقة في المشاعر

الأنثى

وكيف يجرؤ آدم على إستغلال من خلقها الله من ضلعه


أنا نقوللكم راي

إستغلال الرجل للمرأة له عدة وجوه

ماديا

علميا

جسديا

عاطفيا

معنويا

ومنين ماجيتيه

لا يحق للرجل إستغلال المرأة أبدا

سواء أكانت محرم أو غير محرم

لأنه يا سبحان الله والله ما فيها فخره ابدا

بالعكس

والله لما تمدلها يد العون وتساعدها وتسهل أمورها

من غير مقابل

والله راح تسعدها وأنت ترتاح

لأن هكي وصانا الرسول عليه الصلاة والسلام عندما قال في حديثه

( رفقا ً بالقوارير )

فهذه الأنثى يجب علينا وضعها بين رموش العين

ومساعدتها وتقديم العون لها

دون مقابل


ولو تبو الصح

والله والله ما نرضى أني نكون إستغلالي لأي كان

فما بالكم بالأنثى


*
*
*
تحيتي وودي

وشكرا يا أمل أيوب على البسبوسة

نحبها موت

[ثائرة زاويا]

شكرا يا غالي ردك رائع ولو كانو كل الرجال زيك لكانت الدنيا بأمان
لان الانثى تحتاج لسند تسند عليه ظهرها يد تمتدلها وقت الحاجة فهي بطبيعتها ضعيفه وقلبها رهيف وبكلما تقدر تملك حياتها
تقبل حبي واحترامي ...
اختك ثائرة زاويا

[المنقهر]

عندما يخطئ انسان في حقك ماذا تكون ردت فعلك ؟

والله يا نبع الحياة ماني عارف شنو نقولك

أنا بطبعي كلمة حلوة طيبة جميلة ترضيني ولو أبصر شنو مداير معاي

بس فيا عاده

أني ما نعرفش نزعل وما نعرفش نحمق

حتى طلبتي في المدرسة ما يخافوش مني ابدا

لأن الضحكة دوما على وجهي

ولو حمقت يعني فيه شي كبير حصل

وطبعا ً موش اي حد يزعلني وموش اي حاجه تزعلني

فلو لو يكن الشخص من المقربين يمكن نتساهل ويمكن مندورش أصلا

لأنه ميهمنيش

نتساهل لأنني أعرف أن الأمر ما يستحقش

ومندورش لأني نعرف أنه لا يستحق عناء الرد
فالجميع يعلم من أنا ومن هوا

ولو كان من المقربين يمكن نزعل ويمكن مندورش أصلا

لأنه يهمني طبعا

نزعل منه لأني نرغب في ترضيته لي

وإحساسه بي وقربه مني

ومندورش أصلا ً لنني عارفه أنه عن غير قصد حصل ما حصل

وصيوره يرجع ويعتذر


المهم

أنه لو ماكانش الأمر يستاهل مستحيل نزعل نفسي

أو نحمقها ونحرق أعصابي

هههههه

أكيده تقولي عليا باارد

وانا بالفعل بارد تجاه بعض الناس

وساخن تجاه البعض الأخر

وفاتر تجاه أخرين


*
*
*
لي عودة

ولازلت أراقب من قريب

المنقهر

[ثائرة زاويا]

خيرا الجلسة اليوم مكسدة

منقهر تشرب معاي طاست شاهي

[المنقهر]

والله لو جبتيها هالطاسة

حتكون عندي خير من 1000 دينار

لأني مكسد وقلقااااااااان

والشباب اليوم والشابات الباين عليهم محصلين تكسيده خير من تكسيدتنا

وأكيده محصلين فيها

نسكافيه وكابتشينو ومكياطه وبريوووش

شنو رايك حتى حنى نغيروا الجو شويه

ونحفزوا الشباب والشابات

مادام هما بطونهم خالعاتهم


*
*
*

[نبع الحياة]

السلام عليكم ورحمة الله وبركاته

كيف حالكم جميعا

اسفةعلى اني نتأخر عن الجلسة لاني مشغولة في الدراسة والسنة هذي انا شهادة ثانوية ونبي نحصل تقدير كويس عشان نخش الجامعة

بالنسبة لموضوع اختي ( ثائرة زاويا )

مش عارفة كيف انرد عليه ونحس فيه موضوع خاص بالرد للشباب

[ثائرة زاويا]

انشاء الله ربي يوفقك حبيبتي نبع الحياة
لكن حتى انت لازم تردي وتقولي وجهة نظرك في الموضوع هذا لان معظم البنات يعانو منا

[المنقهر]

هيا الكل يتفضل ويشاركنا الجلسة

*
*

هذا الفنجان لأمل أيوب .... ردي بالك يحرقك

http://www.baitalarab.net/bait/imgcache/15214.imgcache



*
*

هذا فنجان للسيدة نبع الحياة ، انا عارفها متحبش القهوة
جبتلها قدر كبير بحب الهيل

http://khnsaa.ps/uploads/General/101204064510FUWB.jpg


*
*

وهذا فنجان للسيدة تاجورية محترمة مع قطعتي سكر

http://www.ipoh-oldtown.com/images/our-company1.jpg


*
*

وهذا فنجان أخر لليبية الحرة
عسى أن ترضى وتطرح مواضيع جديدة

http://www.alhsa.org/forum/imgcache2/12093.gif


*
*

وهذا أخر فنجان ونحب نهديه للسيده نسمهار

http://www.7oobk.com/vb/imgcache/2/29267oobk.jpg


*
*
وهذينا الفنجانين هما مني لأول إثنين
سيدخلان للجلسة ويحاوراننا ويسامراننا

http://img535.imageshack.us/img535/3337/755d6adc22.jpg

*
*
*
*

ولو عجبتك القعدة والقهوة مافيش مشكلة أبدا

المره الجاية تو نجيبلكم معاي الماكينة

وللصبح


*
*
*
تحيتي وودي وإحترامي
المنقهر

[نبع الحياة]

خير يا عيلة شنو اخباركم ان شاءلله تكونوا بخير

اول شي نشكر خوي * المنقهر * على فنجان القهوة مع اني ما نحبش القهوة ونقولك ياريت المرة الجاية يكون ** نسكافيه ** لاني نحب واجد

على المهم توا خلوني انرد على موضوع اختي ( ثائرة زوايا ) عشان ماتزعلش مني مع اني مش عارفة شنو نكتب

اممممممممم

الموضوع يحكي عن استغلال الرجل لضعف المراة؟؟

من راي هذا يتوقف على شخصية المرأة لما تكون واقفة امام الرجل سوى خوها او زوجها او بوها

اكثر الرجال يستغلو في ضعف المرأة خاصة الاخ بحكم الخوف على اخته ( على حسب ما يقول )

ومن جهة نظر ثانية يمكن ضعف شخصية في الرجل بين الناس ولان المرأة ضعيفة يفرض في قوته
وشخصيته على المرأة

وفي الاخير نقول :

هذا راي نتمنى تكوني فهمتيني اختي العزيزة

ومشكورين على التفاعل في الجلسة

لكم ودي واحترامي

" نبع الحياة"

[ثائرة زاويا]

شكرا حبيبتي نبع الحياة حتى لو مرديتيش مكنتش حنزعل منك
بس اني زعلانة من المنقهر محسبنيش في القهوة مع اني نحبها هلبة

تقبلو حبي واحترامي...

[نبع الحياة]

بسيطة حبيبتي لو على القهوة خوذي فنجاني لاني ما نشربش فيها


بس فكونا من حركات الزعل

متفقين

بس نبيك اتجبيلي نسكافيه يا حلوة


سلام,,,

[ليبية حرة]

سلامات يا عويلة ..

شن أخباركم وشن اموركم ونقصوا من الشاهي لأنه يرفع ضغط الدم ..

بس نحب نقولكم معلومة عالشاهي بحكم دراستي اسمحولي ..


هل تعلم ان الشاي بدون سكر يحمي من تسوس الأسنان ؟؟ وخصوصاً الأخضر فياريت تتعودو عليه بدون سكر ..

انشالله تفيدكم المعلومة وهيا اعطوني طاسة شاهي بدون سكر ؟؟

وحابة نستأذنكم لو تمت الردود عالموضوع تسمحولي نفتح موضوع جديد ؟؟

[تاجورية محترمة]

السلام عليكم ، مرحبتين بأحلي جلسة و أحلي لمة مع أحلي أعضاء و أحلي منتدي ............... وطبعا نرحب بالضيفة الجديدة (ثائرة زاويا) مرحبتين بيك ياحلوة آنستينا وشرفتينا و ماشاء الله عليك رب يحفظك داخلة بنشاط و هذا إللي نبوه غير ما تقطعيش الجلسة لأنك نورتينا هلبة ...... و ما تزعليش من المنقهر أكيد مش قصده ينساك ولعيونك أحلي فنجان قهوة صحتين ويارب تعجبك بس ................................................ ليبية حرة حبيبتي تسلم يدك علي المشاركة و الردود الحلوة رب يحفظك و يخليك لينا و لأهلك وشكرا علي المعلومة و لعيونك أحلي طاسة شاهي أخضر و منعنع و ناقص علي ذوقك تفضلي و يارب يعجبك .............................................. نبع الحياة رب يوفقك في دراستك و تجيبي إمتياز في الشهادة و ترفعي راس أهلك فوق آميين و خلينا نشوفوك كل ماتكوني فاضية و ما عندك دراسة لأن دراستك أهم أكيد و لا تحرمينا مواضيعك و مشاركاتك المميزة في الجلسة ...... و لعيونك أحلي فنجان نسكافيه أشربيه وصحصحي بش تقدري تركزي في دراستك ......................................... أخي المنقهر الحمد لله إنك بخير ورجعت للجلسة كانت ناقصة بلاك و سامحنا علي التقصير ....... و تسلم يدك علي فنجان القهوة بصراحة مش عادية و أنا نحب القهوة جت في وقتها ........................... و من ناحية موضوعك عندك الحق ما خداش حقه و هو موضوع مهم جدا و حساس لاكن ماتزعلش ياخوي و لا يهمك ........ أنا حنحاول نحط حل لأن المواضيع بدت تخش في بعضها وما فيش فرصة حتي يردو الأعضاء عليها ................................

[تاجورية محترمة]

أنا نبي نقولكم بعض الملاحظات ياريت نمشو عليها كلنا حتي تاخذ المو اضيع حقها في النقاش و الردود ...................... ياريت لما يطرح واحد منا موضوع جديد يقعد أربعة أيام مفتوح حتي نعط لأغلب الأعضاء فرصة يردو عليه لأن في أعضاء ما يدخلوش يوميا و نحن نتمنو إن أكثر عدد من الأعضاء يشاركونا و تاخذ كل المواضيع حقها و أربعة أيام مش هلبة و هكي تتنظم الجلسة أكثر .............. و ياريت إللي يطرح موضوع يقولنا رأيه فيه لأني لاحظت إن أصحاب المواضيع ما يقول في رأيهم نبو نعرفو أغلب الأراء ....... ثائرة زاويا قولينا رأيك أنت في موضوعك ................ ليبية حرة بعد إذنك حبيبتي خلينا نعط فرصة لموضوع أختنا ثائرة زاويا لحد غدوة في الليل وبعدها أطرحي موضوعك الجديد و أنا متشوقة نعرفه ......... وبعدها عندي موضوع مهم في نظري نبي ناخذ رأيكم فيه ..................................

[تاجورية محترمة]

إستغلال الرجل لضعف المرأة في جميع النواحي و مهما كانت قرابته ليها يدل علي ضعف شخصيته قدام الرجالة فيحاول يعوضه بإستغلال ضعف المرأة أو إنه ما عنده ثقة في نفسه أو إنه واحد أناني و ما يحب إلا نفسه أو أي سبب ثاني ................ و مهما كان السبب فهذا شئ بشع في نظري ......... الرجل هو السند للمرأة في جميع مراحل حياتها و أقرب الناس ليها هو ( بوها و خوها و زوجها و ولدها ) معقولة يستغل أقرب الناس ليه و يستغل الإنسانة إللي محتاجة لسند و عطف وحنان منه و إللي وصاه الرسول عليه الصلاة و السلام عليها في قوله : ( استوصو بالنساء خيرا فهن عوان عندكم ) عوان معناها ( أسيرات ) ....... وقوله صلي الله عليه وسلم : ( رفقا بالقوارير ) ........... المرأة مخلوقة ضعيفة وحساسة و تنجرح بسرعة فما بالك بمن يستغل ضعفها أقرب الناس ليها ... !!!!!!! ورب يحفظنا من الرجالة إللي ممكن يستغلو ضعفنا في يوم .......

[ليبية حرة]

مشكورة عزيزتي تاجورية محترمة عالأفكار و التنظيمات

وانشالله خير ..

[المنقهر]

أنا موافق

اضم صوتي لصوت أختي التاجورية

وأوافق على كل ما جاء في الملاحضات

والتي كانت على راس لساني وكنت سأحاول طرحها

بس لسعتني طاسة شاهي حامية


*
*

وبالنسبة لأختنا ( ثائرة زاويا ) فمع أنني نسيتها بالذكر

إلا انني وضعت كوبين من القهوة

لأول 2 يخشوا عالموضوع

وهي كانت الثانية

فهكي اكون خالي طرف من الميضوع

وقاعدين نستنوا في باقي الردود وموضوع أختنا الليبية الحرة

*
*
*

[نبع الحياة]

"]مشكورة اختي* تاجورية محترمة* على الملاحظات لتنظيم الجلسة

لان النظام اساس الحياة

وانا موافقة على الملاحظات


"]بس ياريت اللي يكتب الموضوع يعطينا علم بانتهاء مدة فتحه عشان نفتحوا موضوع جديد

نتلاقوا في موضوع جديد ان شاءلله

[ليبية حرة]

الموضوع

مــــا رأيك بما يسمى العلاقات الإلكترونية ؟؟

سواء الصداقة أو الحب ؟؟

ولي عودة للرد ...

ولي معكم طاسة شاهي ..

[نبع الحياة]

اولا احيكم بتحية الاسلام

السلام عليكم ورحمة الله وبركاته

كيف حالكم يا عيلة

مرحبا بيك اختي ليبية حرة كيف حالك ان شاءلله تكوني بخير

بالنسبة لموضوعك :

مارايك بالعلاقات الالكترونية ؟؟
سواء صداقة او حب؟؟

اول شي خليني نحكي عن الصداقة الالكترونية ( اللي نقصد بها عن طريق النت )

من راي ان الصداقة عن طريق النت شيئ جميل لانك تتعرف على الناس من جميع المدن او الدول تعرفي تقاليدهم
وعااداتهم من دون ماتحتاجي انك تمشي لعند المدينة.

وانا من مؤيدي الصداقة بين الشاب والبنت عن طريق النت

المهم في الصداقة هو الاحترام


اما بالنسبة للحب ؟؟

لا ايد الحب الالكتروني لاسباب عدة .

ويمكن يصير حب عن طريق النت بين شخصين احتمال ضئيل في رأي .

ارجو ان اكون جاوبت على سؤالك اجابة كافية وواضحة.


تقبلي مني لكي ولكل العائلة

اجمل وارق التحيات

دمتم في رعاية الله وحفظه

[المنقهر]

السلام عليكم ورحمة الله

كيف حالكم يا عيلة وشن واخباركم وشنو جديدكم

قريت اللي كتبتوه واللي كتباته الأخت تاجورية محترمة بشأن تنظيم ألية النقاش وطرح المواضيع

واعجبتني كما العادة ومبدعه ومتميزة

أما بالنسبة لموضوع الأخت ليبية حرة

( العلاقات الإلكترونية )

فهو متشعب ومثير في نفس الوقت

فلا أعلم ما نوع العلاقه التي تحتاج مناقشتها

الصداقة

الحب

العمل

التعارف

ولكن ربما أخمن انها تقصد العلاقات بين الشباب والفتيات على الإنترنت

وهذه في حذ داتها مثيرة ومتشعبه ومتشائكه

فلا نستطيع ان نحكم عليها من قصص بعض الأشخاص الأليمة

الذين تعرضوا للخداع أو الضحك عليهم أو حتى لأكثر من ذلك

كما أنه لا نستطيع أن نحكم عليها من قصص بعض الأشخاص الجميلة والسعيدة

والذين هم قلة ممن إنتهت علاقاتهم كما يحبون واكثر

فالأمر يعتمد على كلا الطرفين ونيتهما وعلاقاتهما السابقة

ومدى حساسيتهما تجاه الأمر

فهناك الكثير ممن يرغبون في التعرف والصداقة وحتى الحب عن طريق النت

وهم في ذلك جادون ويسعون إليه بكل طاقاتهم

وهناك من ينفرون من الأمر لا لشيء إلا لكونهم غير مؤمنين بمثل هذه الصداقات

إما لأنهم تعرضوا لمواقف سابقه

وإما أنهم سمعوا قصص عن مثل هذه الأمور وأنتهت بمشاكل


المهم في الأمر أن النهاية التي نود ها أن تكون بإستطاعتنا أن نكتبها بأنفسنا

المهم أن لا نستعجل في الأمور ولا نتأخر عنها

فلا العجلة مطلوبه ولا التأخير محبوب

فالحكيم فقط هو من يوازن الأمور بين الأمرين


أما راي أنا في مثل هذه الأمور والعلاقات فهو إيجابي

أحب أن اكون علاقات على الإنترنت

واحب التعارف والصداقة بين الجنسين

ومع أنه حصلت معي قصة حب على الإنترنت ونهايتها حزينة

وليست كما أحببت ( وليس ذنبي )

إلا أنني أوؤمن بمثل هذا العلاقات أن كانت بهدف شريف

ولغرض نبيل وبنية صادقة

وإن أحسنت الإختيار فسوف يكون لعلاقتي ثمرة جميلة

إسمها السعادة

*
*
*
ونشفتولي ريقي وأنمت جالسين من غير لا قهوة

لا نسكافية لا بسبوسة

الله يرحم أيايمك يا أمل أيوب

اللي تحسبي فيا وتجيبيلي في البسبوسة

*
*
*
المنقهر

[الوسام 2009]

مساء الورد على أروع عيلة
شو أخباركم من زمان عنكم
وربي وحشتوني ووحشتني لمتكم الحلوه
ومرحبتين بيكم جميعآ يأعضاء الجلسة
ومرحبتين أختي ثائرة زاويا منورة الجلسة
وشو مازال الشاهي سخون زي ماتركتكم
وإلا شكله بارد وبرد الجلسه معاه
لكن ماشاء الله كل يوم عن يوم تحلو
وهذا الفضل يعود إلى أفكار الأعضاء النيرة
ربي لا يحرمنا منكم ومن إبداعاتكم
بالنسبة لموضوع أختي ليبية حرة
العلاقات الإلكترونية
من وجهتي نظري شيء جميل خاصة إنك تتعرف
على علاقات وثقافات الشعوب في إطار الإحترام المتبادل
وأنا بصراحة من مؤيدي التعارف من خلال النت وتكوين الصدقات مالمانع
إذا كان في إطار الإحترام والتقدير
وسبحان الله أحيانا نجد التعارف يؤدي إلى الصداقه التي تصل بنا إلى الحب
وقد يكون نادرآ بعض الشيء ولكن ليس مستحيل ..
كنت أعرف شخص تزوج عن طريق النت وماشاء الله تبارك الله
الآن لديه ثلاثه أطفال ومرتاح وسعيد بزواجه
يعني لا نحكم على العلاقات الإلكترونيه من مجرد سماع الأخبار
المتداوله عن فشلها كما تفضل أخي المنقهر
المهم الواحد يأخذ حذره ويكون حريص لأن مثل مافي أشخاص محترمين
وطيبين يخافون الله نجد العكس
كل الود والتقدير لكل عضو شارك وتفاعل مع الطرح
ماننحرم منكم ومن أرائكم الطيبة والعطرة
وكل التقدير لصاحبة الفكرة والطرح الأخت
القديرة تاجورية محترمة
يثبت الطرح
كل التوفيق للجميع

[ليبية حرة]

أخي المنقهر

أتحدث في موضوعي عن الصداقة والحب على النت ؟؟؟

وجاوبت على سؤالي وشكراً

وأنا لا أحب الحكم على الناس فالحمد لله الذي جعلني من أصحاب العقول و أحكم بنفسي و نعرف مصلحتي وين ومع منو

ولكن يقولوا الناس ( أسال مجرب ولا تسأل طبيب )

وشكراً

[ليبية حرة]

مساء الورد على أروع عيلة
شو أخباركم من زمان عنكم
وربي وحشتوني ووحشتني لمتكم الحلوه
ومرحبتين بيكم جميعآ يأعضاء الجلسة
ومرحبتين أختي ثائرة زاويا منورة الجلسة
وشو مازال الشاهي سخون زي ماتركتكم
وإلا شكله بارد وبرد الجلسه معاه
لكن ماشاء الله كل يوم عن يوم تحلو
وهذا الفضل يعود إلى أفكار الأعضاء النيرة
ربي لا يحرمنا منكم ومن إبداعاتكم
بالنسبة لموضوع أختي ليبية حرة
العلاقات الإلكترونية
من وجهتي نظري شيء جميل خاصة إنك تتعرف
على علاقات وثقافات الشعوب في إطار الإحترام المتبادل
وأنا بصراحة من مؤيدي التعارف من خلال النت وتكوين الصدقات مالمانع
إذا كان في إطار الإحترام والتقدير
وسبحان الله أحيانا نجد التعارف يؤدي إلى الصداقه التي تصل بنا إلى الحب
وقد يكون نادرآ بعض الشيء ولكن ليس مستحيل ..
كنت أعرف شخص تزوج عن طريق النت وماشاء الله تبارك الله
الآن لديه ثلاثه أطفال ومرتاح وسعيد بزواجه
يعني لا نحكم على العلاقات الإلكترونيه من مجرد سماع الأخبار
المتداوله عن فشلها كما تفضل أخي المنقهر
المهم الواحد يأخذ حذره ويكون حريص لأن مثل مافي أشخاص محترمين
وطيبين يخافون الله نجد العكس
كل الود والتقدير لكل عضو شارك وتفاعل مع الطرح
ماننحرم منكم ومن أرائكم الطيبة والعطرة
وكل التقدير لصاحبة الفكرة والطرح الأخت
القديرة تاجورية محترمة
يثبت الطرح
كل التوفيق للجميع

منور الجلسة عزيزي الوسااااااام

احنا قلنا يمكن معاش تحب في شاهينا ومعاش طليت علينا

نور الجلسة ديما وليك منا أحلى طاسة شاهي سخوووونة

بس لا عاد تغيب عالجلسة

وشكراً للرد الراقي

أحترم وجهة نظرك أكيد

[ليبية حرة]

أهليييييييييييييييييين بأحلة لمة و أحلى ناس

ورايكم عالعين والراس

وبالنسبة لرأيي الشخصي في الموضوع :

لست ضد الصداقة عالنت سواء بين الجنسين أو الجنس الواحد لطالما أنّها في حدود الإحترام كما تفضل عزيزي الوسام

ولكن ضد الحب عالنت مع انني أتيقن أنّه قد يكون ناجح وصادق ولكن لأنني فتاة وفي مجتمع محافظ لا أرضى لنفسي بهذا الموقف ولا أرغب ان أكون قدوة لأولادي ليتعلموا مني ذلك

ويعني مرات يعجبني شخص عالنت ونحبه وبعدين يطلع مش حلووووووووووو كيف الحل ؟؟؟؟ :12:

أمزح معكم طبعاً ... :21::71:

[تاجورية محترمة]

السلام عليكم ، كيف حالكم يا أحلي لمة جبتلكم ( شاهي ، و قهوة ، و نسكافيه ، و عصير ، و بسبوسة ، و خبزة تنور ، و كيكة ) آه تعبت لا كن لعيونكم يهون كل شئ و معليش نرضو كل الأذواق ) ................ و بالنسبة لموضوع أختنا ليبية حرة فأنا حنجاوب و بكل صراحة و من تجربتي الشخصية يعني كلامي ماينطبقش علي كل التجارب .................. إشتركت قبل المنتدي هذا في منتدي و احد بس و كان سعودي و تعرفت فيه علي بنات من السعودية و كنت سعيدة جدا لتعرفي عليهم و كان في قمة الأخلاق و اللطف في تعاملهم معي في و احدة منهم كانت ثقتي بها كبيرة أعطيتها رقمي الخاص و نتواصل لحد الآن أنا و هي بالهاتف لأن المنتدي تصكر من فترة و عندها معزة كبيرة في قلبي ... أما الشباب إللي في المنتدي ما كانش في علاقة بيني و بينهم و لا تواصل إلا في الردود علي مواضيع بعضنا و بصراحة كانو في قمة الإحترام ................ أما في هذا المنتدي الرائع جمعتني الصدفة بأحلي صديقات نتشرف بصداقتهم كثيرا ..... و جمعتني بصديق لا أريد ذكر إسمه إحتراما له أقل ما يقال عنه أنه رجل بكل معني الكلمة يملك من الصفات ما لا يملكها غيره و ثقتي به كبيرة جدا و الرجل يعرف من كلامه ( رغم أنني لم أكن أحبذ الصداقة بين الجنسين ) ....................... أما عن علاقة الحب عن طريق النث ربما يحدث في ظروف خاصة و لو كان نادرا و ربما ينتهي حتي بالزواج أو ينتهي بالفشل و هذه حاجة بيد رب وحده يعني ممكن مقدر للإنسان يكون نصيبه و زواجه بهذه الطريقة ............. أتمني تكون إجابتي و افية ...... في آمان الله .......

[تاجورية محترمة]

السلام عليكم ، مرحبتين بالجميع إللي يشارك معانا و إللي فضل يكون مشاهد أتمني تكون بخير و بصحة وعافية ....... لاكن وينكم اليوم ماشفنا حد منكم في الجلسة شن إللي شاغلكم يارب خير بس ........... أنا دخلت اليوم لسبيبين الأول فقدان الجلسة للعضو النشيط و المثقف و المرح الأخ ( المنقهر) إللي نتمنوله كل خير و رب يرجعه للمنتدي و للجلسة وهو بصحة وعافية و رآيق و مايتأخر في رجعته و نقولله إن مكانه محفوظ ومايملاه حد في جلستنا ***** و السبب الثاني حبيت نشكر أخونا الوسام علي تثبيث الموضوع بارك الله فيك يا أخي و هذا شرف كبير ليا و لكل الأعضاء إللي شارك معانا في الجلسة الحلوة و أنت من ضمنهم طبعا فمشكور جدا .......... موضوع أختنا المبدعة ليبية حرة حيتصكر غدا بإذن الله و بعد غد نفتح موضوع جديد فأي عضو حاب يشارك في الموضوع يستعجل و بعدها عندي موضوع بنأخذ رأيكم فيه ................ و حاليا خليني نقوللكم في آمان الله وحفظه ...

[المنقهر]

تاجورية محترمة

أششششششششششششهد بالله أنك منورة الجلسة

وانها بلاك ما تنفع

حاسبتينا في كل شي " ربي يخليك للغلابه "

ويا شباب ويا شابات يالله شدو الهمة ونشطولنا الجلسة

ومتخلوناش العاد نشحتوا شحتة

والله مشتاحس الجلسة هذه

وربي ما يحرمني منها

*
*
*

[ثائرة زاويا]

والله نورت الجلسة يالمنقهر

وهذي احلي بسبوسة لاحلى اعضاء

http://up.graaam.com/p13ic/b2d5f62282.jpg

[ليبية حرة]

بمناسبة رجعة أخونا الغالي أحمد جيبتلكم حلويات وعصائر

ونورت الجلسة يا أحمد والمنتدى منور بيك

http://forum.khleeg.com/imgcache/2/113763khleeg.jpg

http://images.cu-g.com/data/media/7/____2011_2.jpg

http://www.aawsat.com/2007/10/08/images/food1.440488.jpg

http://www.sptechs.com/emarket/Thumbs/pics/item58322.gif

http://www.yemenm7bh.com/vb/uploaded/38487_4374.jpg

http://tk.files.storage.msn.com/x1pbglk-vqL4Bue-eiiVhstIGYAz_e-o1fEfvg3AJNUdOWJr_Qh0R9NOzhgTEvCvAFLt82okHBOh77w0h xqgnoLNxBg-U48HwxJTODYvh2kxTwRG6mRrl6sibKUV62TJuAC4qLhDvlLfmz 0NraqU21gVPufQBR7V3SD

http://t3.gstatic.com/images?q=tbn:ANd9GcRBazeEfE7UY0BGCrdBqsPcU0sARpB4y nHSEFW6d1fv-8SzMfc3qQ&t=1

لحتى تعرف انك مش رخيص علينا

[امل ايوب]

خير يااحلى عيلة

كيف حالكم انشاءالله

تكونو كلكم بخير

باين حصاني جراي لقيت

الحلويات والعصاير قدامي

يسلمو ايديك ياليبية

[المنقهر]

ههههههههههه

عطك الهني ياليبية حرة

عطك الهني

أشهد بالله إنك جبتيها عالجرح وعرفتي من اين تؤكل الكتف

وخشي عليهم من بطونهم تكسبيهم

ههههههه

ههههههههه

*
*


أنستي الجلسة يا امل راني مسجلك غياب

ملف حضورك وغيابك عندي راهو قريب يتعبى كروشات ( × ) يعني

ومرتين أخرات بنعطيك كرت أحمر

*
*

مشكورة عالبيتزا يا ثائرة زاويا

قصدي عالبسبوسة وأنا ما عنديش الروح معاها البسبوسة

وحتى لو جبتولنا بيتزا منقولش نو

*
*
بس عندي عتب على شباب المنتدى

الباين عليهم ماعندهمش علم بالجلسة

شنو رايكم نديرولهم كبسة كل واحد في حوشة

ونخبروهم ونجيبوهم من مخانقهم ( هههههههههههههههه )

والله نحس فيها مكسدو شوي

طبعا إحترامي للي قاعدين والله تسوو الدنيا عندي

وبالدنيا منبدلكم

*
*
*

تاجورية راك تغيبي أو تسمعي وإطنشي

الكلام حتى هوا ليك راك تغيبي

ردي بالك مرتين أخرات بنجيك للحوش وبنكرك من رداك ( ههههههه )

ونردك للجلسة الحلوة هذه

والله بلاك القعدة نحس فيها ناقصة ورامضة

*
*
*
والله نعزكم كلكم يا ولاد ويا بنات

وليكم معزة في قلبي ربي يعلم بيها

وهي آنستو بعضكم

ونبي نخش المرة الجاية نلقى الكل قاعدين متونسين

ومعبيين مواعدهم ( جمع معدة )

ونبي صحن بيتزا على كيف كيفي

ومني ليكم مفاجأة

*
*
*
تحيتي وودي وتقديري
المنقهر

[نبع الحياة]

هلا با حلى عيلة واحلى جلسة

منورين شباب وبنات

كيف حالكم ان شاء تكونوا جميعا بخير

اليوم طليت على الجلسة عشان نطمن عليكم وونرحب بكل من انظم للعيلة

وحبيت نرحب بأخي المنقهر ونقوله نورت الجلسة

ومشكورة اختي (ليبية حرة) على الحلويات والعصير ماعنديش معاهن الروح

واعذروني اذا تأخرت عن الجلسة لان الايام هذي عندي امتحانات ادعولي راكم تنسوا

ولي رجعة ان شاءلله


اختكم

نبع الحياة

[ليبية حرة]

السلام عليكم

كيفكم يا أعز الناس

بس حبيت نقولكم

ان فترة نقاش موضوعي انتهت

ويلا أنشطوا واتحفونا بموضوع جديد

أختكم الحلوة / ليبية حرة

[rad fox]

الختلط ليس اسبب كل شي يعتمد على شخص وعلى تربي

[المنقهر]

حلو

ميه المية ، وأنا اليوم جايبلكم ميضوع الساعة

أقل شي نبي فيه 12 وجهة نظر

وإلا موش حنسكره ابدا


الموضوع حساس شوي وشائك ومتشعب ومثير

هذينا كلهن في نفس الوقت

والمهم تفكر زين قبل ما تقولي شنو وجهة نظر

وشن ورايك في الميضوع


قبل ما نبدى خليني نعد الشباب والشابات اللي قاعدين وفكروني لو نسيت حد بالله


1 / أنا

2 / نبع الحياة

3 / ليبية حرة

4 / تاجورية محترمة

5 / ثائرة زاويا

6 / أمل أيوب

7 / الوسام 2009

8 / سحابة صيف

9 /

10 /

11 /

12 /

لو فيه حد نسيته قولولي عليه بالله مانبيش نطلع بحشمة زي المرة اللي فاتت .


كويس هذيما هما اللي تفكرت وهما اللي مداومين

والميضوع اللي بنقوللكم عليه

واللي هوا ميضوع الساعه

هوا


" شنو رايك في رجوع سكان تاورغاء إلى ديارهم في مصراته وما هي اسبابك

وهل أنت موافق على الإقتصاص منهم أم لا "



قبل ما تجاوب نبيك تسمي بالله وتفكر زين وتاخد الأمر بجدية

وفي إعتقادي أنه مافيش ليبي ما سمعش شنو اللي داروه التاورغيين في مصراته



*
*
*هذا سؤالي اللي طرحته اليوم الأحد الساعة 1:30 مساءا ً

وستنتهي الفترة الزمنية المحدده له في نفس التوقيت من يوم الخميس القادم

وردوا بالكم حد يتهرب عالرد أو يفتح موضوع قبل المده


وتصبحوا علي خير

[تاجورية محترمة]

السلام عليكم ، مرحبتين يا أحلي أعضاء شن أخباركم مدايرين حفلة لخونا المنقهر و الله يستاهل أكثر و فرحتنا برجعتك ياخوي و نورت الجلسة هلبة كانت ناقصة بلاك ............. و مشكورة ثائرة زاويا علي البسبوسة تسلم يدك و ليبية حرة شن هالحلويات و التورته و العصائر شئ مش عادي مشكورة ياحلوة و يستاهل المنقهر طبعا مع إنه حيكرني من حوشي و من رداي علي قولته هههههههه ....... المنقهر اليوم بس غدانا بيتزا و جبتلك منها شكلك تحبها لاكن ما قدرتش نجيبها صورة ............. نبع الحياة رب يوفقك و ينجحك وتحققي إللي تتمنيه طبعا و حندعيلك في صلاتي .......... أمل أيوب نورتي الجلسة وين هالغيبة إشتقنالك ياحلوة .......... سامحوني عالتأخير لاكن بصراحة كنت نفكر في شئ مهم و أخيرا توصلت لقرار مش حنقوله طبعا ههههههههه ............

[تاجورية محترمة]

و بالنسبة لموضوع رجوع أهل تاورغاء ......... أنا سمعت من أختي عن طريق زوجها إللي عنده أصحاب من مصراته عن الشئ إللي داروه شباب تاورغاء في مصراته و بصراحة شئ مؤسف و مخزي هلبة إن ولد بلادك يدير هالشئ و أنا نقصد ( الإغتصاب ) لأن أبشع شئ في نظري أبشع من القتل و التعذيب و تهديم البيوت و السرقة ........... و أنا نشوف إن أي شخص من تاورغاء قام بهذا الشئ فقتله حلال لاكن بعد التأكد طبعا لأن حتي في الشرع إن إللي يدافع علي شرفه حلال إن يقتل الشخص إللي معتدي علي شرفه ......... و أنا لو تعرضت لموقف زي هذا لاقدر الله و جابولي الشخص إللي إعتدي عليا لو نقتله أو نحرقه أو حتي نقطعه طرف طرف مش حيشفي غليلي منه .................. أما إللي قتل أو عذب أو سرق أو أي شئ ثاني فهذا يعتقل و بدون ضرب أو تعذيب و يحاكم بالقانون بعدل ......... و بالنسبة لرجوع أهل تاورغاء لمدينتهم فأنا نشوف إن مازال بدري لأن ما زلنا في حالة حرب و تخاف إن يرجع ويكون قوة و ينتقمو يعني هما خطر علي مصراته لو رجعو .........

[ثائرة زاويا]

مشكورة حبيبتي تاجورية محترمة

__________
______
__

لابد من رجوع اهل تاورغا الي مدينتهم عاجلا ام اجلا
فمنهم اطفال ونساء وشيوخ لا ذنب لهم
ولكن قبل هذا لابد ان يتاعهد اهالي تاورغا
بان يسلمو كل من تلطخت يداه بدم اهل مصراته
وكل من اغتصب حرائر مصراته الشرفاء وينال القصاص العادل
عند ذالك ضروري من اهالي مصراته ان يلتزمو بتحقيق العدالة
وان يسعوا للمصالحة الوطنية مع جارتهم تاورغا

فالله غفور رحيم
________
وهذا رأي الشخصي
تقبلو حبي واحترامي...
اختكم ثائرة زاويا

[ليبية حرة]

أخي المنقهر

أرى ان موضوعك حساس وفي غاية الأهمية

لذلك أرى لو انك وضعته أو تنقله لقسم النقاش الحر والجاد

حتى ياخد حقه في الآراء الكاملة

وجهة نظر

ولي عودة للرد

[نبع الحياة]

بسم الله الرحمن الرحيم


شنو اخباركم ان شاءلله تكونوا بخير


بالنسبة لموضوع اخي *المنقهر*


شنو رايك في رجوع سكان تاورغاء إلى ديارهم في مصراته وما هي اسبابك

وهل أنت موافق على الإقتصاص منهم أم لا "

هو فعلا موضوع حساس ومش عارفةنحكم ع الموضوع بس في اعتقادي ان زي مافي ناس موش كويسين

في ناس ملهمش ذنب في اللي صار

بالنسبة للاقتصاص انا معه وبشدة كل شخص اذنب لابد من القصاص منه ودولتنا رح تكون دلة قانون
وان شاءلله تأخذ حق الليبين من هولاء المجرمين

وفي الاخير الحكم في الموضوع يعود لأهل مصراتة

[المنقهر]

**

أشكر كل من بادر بمشاعره الطيبة

وأحس بما يحس به أهل مصراته الأوفياء البررة الكرام

ولن أنكر على نفسي حق أهل تاورغاء في كل ما يملكون في مصراته إن كانوا يملكون


ولكن


أريد أن اعلمكم أن أغلب شباب تاورغاء وإن لم يكونوا كلهم قد شاركوا في هذه الأفعال

المشينة التي لا يقبلها دين ولا عقل ( إن لم يكن ببدنه فبالتحريض والتحفيز )

وأنه لا توجد عائله من تاورغاء ليس منهم إبن إلا وشارك في كل ما بدر منهم تجاه مصراته

حتى نسائهم شاركنا في هذه الأفعال

( في شهر 8 الماضي تم القبض على إمرأة تاورغية في أحد المباني المزدحمة بالمواطنين

وهي تريد تفجير نفسها إنتقاما منها لما بدر من ثوارنا ضد الكافر وأعوانه )


كم أن أرض تاورغاء عباره عن قطعة أرض من مصراته هي في الأساس مصراته

ولكن ثم منحها لهم منذ فترة طويلة ليتمكنوا من العيش والإستقرار



لننظر مثلا ً إلى ردة فعل الرسول الكريم عليه الصلاة والسلام في أمرين مختلفين

مع قبيلتين مختلفتين

ردة فعله تجاه قومه وعشيرته حينما فتح مكه وقال لهم ( إذهبوا فأنتم الطلقاء )

وردة فعله تجاه إحدى قبائل اليهود ( بني قريضه أعتقد ) حينما تجرأ رجل منهم وكشف عورة إمرأة مسلمة فأمر ( بنفيهم جميعا ً كبيرهم وصغيرهم نسائهم ورجالهم وكل ما يملكون )


لما تختلف ردة الفعل في كل الفعلين

ربما لأن الأولى مع قومه أهله وعشيرته وربما لأنهم قاتلوه وحاربوه فقط

وربما لأن الثانية مع قوم كفرة وربما لأنهم تجرأوا على نساء المسلمين

فكل فعل له رد فعل


ونحن لا نريد ان نظلم أحدا ً ، ولكننا نريد تحكيم شرع الله في كل الأمور

وأن ترد لمصراته هيبتها وكرامتها والتعهد بعدم تكرار ما حصل أبدا


*
*
*
تاجورية

الله يبارك فيك على هالبيتزا اللي جبتيها معاك

وقداش نموت فيها بالذات كنهي حاره

وموش غليضة

*
*
*

تحيتي وتقديري

ولازلت أنتظر المزيد من الردود


المنقهر

[ثائرة زاويا]

انا لا احبذ رجوع اهل تاورغاء الي مدينتهم
فقد فعلو فعائل مشينة يتقشعر منها الجسد

واتمنا ان يقدم اهلي تاورغاء الي القصاص العادل وينالو جزائهم
بما فعلوه في حرائر مصراته الشرفاء ويتحاسبو نساء ورجال
وهذا اقل ما يكون لاناس انتهكو الا عراض ولم يصون العرض والارض
ولم يفعلو خيرا بجارتهم مصراته
فلينالو عقابهم في الدنيا وعذابهم في الاخرة

تقبلو حبي واحترامي....

[ليبية حرة]

أخي المنقهر

لا أجد بما أعقب بعد ردك الرائع

أدهشتني وهذه ليست بالغريبة عليك

فأنا معك في الرأي مية بالمية

ونحب نقول كل شي ممكن نسامحوا فيه ونتغاضوا عليه حتى إزهاق نفوس طاهرة

لكن

إلا

الشرف وهتك الأعراض

فهذه أبداً لا تغتفر

تقبل مروري

[امل ايوب]

السلام عليكم يااحلى عيلة في العالم

كيف حالكم وشن اخباركم

انشاءالله تكونو بخير

شكرا لاختي الحبيبة

تاجورية حتى اني

اشتقتلكم هلبة وانتي الي

محلية الجلسة

وبالنسبة لموضوع الحاج

حمد الي يخصنا جميعا

اني بنقول رايي وبكل

صراحة

يجب علينا معاقبة

المجرمين وان لا تأخدنا

بهم شفقة ولارحمة

اقل مايستحقون ان

نخرجهم من مصراتة

الا الناس الكويسة الي

ماغلطتش في حد

كل شي نتسامح فيه

الا شرف بناتنا

ارجوكم ماتقولوش امل

ايوب شريرة

‏

[حـمـزة مـن الاخـيـر]

السلام عليكم ورحمة الله وبركاته

خير يا عائلة شن الجو باهي

بالله الواحد معاش فهم حاجة

اما الكساد يبي ثورة احرف من ثورة 17 فبراير

جو قلق وين ما تمشي النت كساد الحوش كساد الجبهة كساد

قلنا لين 8 شهور نكافحوا نحسابوا روحنا بنستشهدوا مصار شيء

لا بت تجي شضية ولا رصاصة تقول خيفات مني لا و المشكلة نهد في خط النار
ههههههههههههههههههههههههههههههههه

عموماَ بعد خظرها على موضوع تاورغاء

ههههههههه قاعدين يلجوا من مكان لمكان ماضني وصلوا للحدود التشادية

ياودي حتى تشاد مش حتقبلهم الله يخرب بيتهم و يشتت شملهم و يفنيهم على افعالهم

لما صح الصحيح هربوا الكلاب ماهوا العبد عبداَ مهما تعلت مقديره و الحر حرَ مهم طال بيه الزمن

لكن المهم!!!!


نحنا منضلموش المهم للي دار شيء يتحاسب عليه و مزال الحبل على الجرار


توى كـــــــــــبـــر و اصلي بــــــــــــــــــــــــــــــس



الله واكبرررر يا عائله


تكبيرررررررررررررررررررررررررررررررررررررررررررررر ررررررررررررررررررررر

[ثائرة زاويا]

الله اكبر

[شمس الزاويه]

السلام عليكم قبل كل شى
انا نوافق الاخت ليبيه حره فى الرأى المشكله مش فى الاختلاط المشكله فى بعض البنات والشباب بس لو كانت البنت باحترامها والشب باحترامه مش حيصير اى شى حتى لو حطيتى البنت فى وسط مئة شب مدانها بإحترامها فالكل حيترمها وباعكس الاختلاط افضل لان الفصل حيسبب مشكله اكبر

[المنقهر]

شمس الزاوية

بعد خطرها موضوع الإختلاط ، منين يشكي موضوع توارغاء

هههه نبصروا العاد


عموما

أنستي الجلسة ونورتيها بوجودك معنا

ونتمنى تواصلك معها

والموضوع الأخير المطروح نبو رايك فيه

ونتستنو فيه

*
*


أمل أيوب

الحمد لله عالسلامه

ملف الغياب متاعك تعبى بالأحمر

يوم تاني بس وتلقي روحك كرت أحمر باي باي

أنستي نورتي الجلسة

*
*


حمزة من ألأخير

أنست الجلسة والحمد لله على سلامتك

ورد بالك تغيب

هو صح اللي تحصلوا فيه فالجبهة أكثر بواجد

بس حتى هنا فيه

بسبوسه . بيتزا . حلويات . موالح . نواشف

يعني خير من ربي

نستنوا مشاركاتك يا بطل

*
*
*

المنقهر
لا لا هذا توقيعي بس

ههههههه

[ليبية حرة]

السلام عليكم ورحمة الله وبركاته

خير يا عائلة شن الجو باهي

بالله الواحد معاش فهم حاجة

اما الكساد يبي ثورة احرف من ثورة 17 فبراير

جو قلق وين ما تمشي النت كساد الحوش كساد الجبهة كساد

قلنا لين 8 شهور نكافحوا نحسابوا روحنا بنستشهدوا مصار شيء

لا بت تجي شضية ولا رصاصة تقول خيفات مني لا و المشكلة نهد في خط النار
ههههههههههههههههههههههههههههههههه

عموماَ بعد خظرها على موضوع تاورغاء

ههههههههه قاعدين يلجوا من مكان لمكان ماضني وصلوا للحدود التشادية

ياودي حتى تشاد مش حتقبلهم الله يخرب بيتهم و يشتت شملهم و يفنيهم على افعالهم

لما صح الصحيح هربوا الكلاب ماهوا العبد عبداَ مهما تعلت مقديره و الحر حرَ مهم طال بيه الزمن

لكن المهم!!!!


نحنا منضلموش المهم للي دار شيء يتحاسب عليه و مزال الحبل على الجرار


توى كـــــــــــبـــر و اصلي بــــــــــــــــــــــــــــــس



الله واكبرررر يا عائله


تكبيرررررررررررررررررررررررررررررررررررررررررررررر ررررررررررررررررررررر

الله أكبر الله أكبر الله أكبر


حمزة من الأخير علاش هذا اكله ربي يحفظك ويحفظ كل الثوار

ولا يهمك اكيد الكساد حيتم بس تحرر ليبيا بالكامل

والمستقبل أروع انشالله

يعني همة وجد ومافيش لا كسل ولا كساد

ربي يحفظكم ..

[امل ايوب]

خير ياعيلة شن حالكم

انشاءالله باهي

خير يا حاج حمد

علاش الكرت الاحمر مش

يعطو في الاصفر قبل
‏

[rad fox]

انا مضيق حاساس اني نبي انموت

[rad fox]

انا مضيق واحاساس اني نبي انموت

[ليبية حرة]

انا مضيق واحاساس اني نبي انموت

بعيد السوء شنو في يا خوي ولا يهمك فضفض و احكي الجلسة مفتوحة وكلنا نسمعوك ويمكن نقدروا نفيدوك

وانشالله خير

تقبل تحياتي ودمت بخير وفرح

[ثائرة زاويا]

بعيد السو عليكم ربي يحفظكم ويخليكم ونبنو البلاد مع بعض وانخلوها جنة بين بلدان العالم

[ليبية حرة]

شنو الكساد والملل اللي ضارب الجلسة

هيا

نبو موضوع جديد

انشطوووووووووووووووووووووووا

ونستنو فيك يا تاجورية قلتي تبي تفتحي موضوع

هياااااااااااا

وردي بالك تتأخري

ليبية حرة

[ليبية حرة]

جبتلكم شاي بس على طريقتي

حضاري شوي

لحد ما تجي أختنا تاجورية وادير العالة ونشربوا التويصة

تفضلوا هي ما تتحشموش

http://www.hayah.cc/forum/imgcache/28537.png

وهدا منعنع بدون سكر كيف ما نحبه انا

http://www.galatia1.com/images/152010-ae280.jpg

حرة طاستي وانا حرة فيها

اللي يبي يتفلح ويجيب بروحه مادامكم مكسدين مافيش شاهي

[تاجورية محترمة]

السلام عليكم ، مرحبتين بأحلي جلسة و أحلي أعضاء و مرحبتين بكل ضيوفنا الجدد آنستونا و شرفتونا و الله ......... رب يسعدكم و يحفظكم كلكم شباب و بنات ......... ليبية حرة آسفة لأني تأخرت و خ**** تنتظري بس الحق في هلبة حاجات شاغلتني أهلي كانو في تونس للعلاج و روح أمي مريضة شوية رب يحفظها و يشفيها وفي حاجات ثانية شغلتني عليكم سامحوني ................ و هات طاسة الشاهي بنشربها علي ذوقك و من يدك محلاها تسلم يدك ....... و بالنسبة للموضوع إللي بنفتحه و بعد إذن المنقهر لأن فترة نقاش موضوعه كملت ............ شن هي المواصفات إللي يفضلها كل شاب في زوجة المستقبل ؟ و إللي تفضلها كل بنت في زوج المستقبل ؟ ............ خلينا نشوف كيف يفكرو شبابنا و بناتنا و نتمني يعجبكم الموضوع و نسمعو هلبة آراء فيه وبصراحة .......... و أنا لو قدرت ندخل حنقولكم رأي لأن الرصيد قريب يكمل سامحوني و أعذروني يا عيلة ........... في آمان الله و حفظه .......

[ليبية حرة]

جمعة مباركة عالجميع

صباح النصر والفرح تاجورية محترمة

ونورتي الجلسة

والحمد لله على سلامة الوالدة وربي يحفظها من كل شر

[ثائرة زاويا]

اهلين
كيف حالكم ان شاء الله بخير
اختي تاجورية محترمة ربي يخليلك اميمتك ويحفظ هالك انشاء الله

__________________

اما بالنسبة للموضوع
فاني نفضل الشخص الي نرتبط بيه يكون:
اول شي يخاف ربي
تاني شي يكون ذو اخلاق علية
ويكون محل للتقة ويتحمل المسولية
ويقدر المرأة ودورها في المجتمع
يصون بيت الزوجية
محتـــرم نفسه وغيره
يدرك واجباته الاجتماعية


وغيرها...
تقبلو حبي واحترامي

[المنقهر]

أهاااااااااااااااا كيف حالكم يا عيلة ، يارب تكونوا بخير

ومبارك عليكم مسكة هالكافر

ومبارك عليكم مقتله هو وولدة وبعض من تابعيه

فكونا من سيرتهم الله لا تردهم


تاجورية محترمة

أشهد بالله أنه ليك وحشة وربي ما يفقدلك غالي

ويشفيلك والدتك ويحميهلك

( والحمد لله على سلامتها )


*
*

ليبية حرة

أشهد بالله أنك منورة الجلسة وأنك حنينة علينا

وبارك الله فيك على كل شيء حاسبتينا فيه

ومشكورة هلبا هلبا هلبا

على الشاي والتحلاية

*
*
*

ثائرة زاوية

كعادتك دوما ً سباقة للجديد والرد المفيد

كما هي عادة أهل الزاوية

أعجبني ردك

في من تحبين ان يكون رجل أحلامك


*
*
*

بالنسبة لموضوع أختنا الـ تاجورية محترمة

مواصفات شريكة حياتي

عادية جدا ... موش حندلع ونشوف روحي

لاني كريستاينو رونادلوا ..... ولاني مايكل جاكسون

واللي بيدير روحه فالح في هالأمر هذا

هههههه

يطيح على راسه وتجيه واعره ويحسها

البنت الي نحلم بيها أنا جد عادية بنت ناس يعني


محترمة

خلوقة

متعلمة



بس بس هذينا شروطي

الجمال حاجة عرضية ... يعني

متكونش قبيحة تنفر منها نفسي والباقي عادي

كيف ما تكون تكون


بس أنا عندي شرط إضافي

أنها توافق بس على زواجي من زوجة اخرى لو اردت ذلك


ولها مني كل الإحترام والحب والتقدير

وتاخد عليا عهد الله

انا نصونها ونحترمها ونحبها ونقدرها

وعمري ما بكلمه نزعلها

ولو حصل عادي جدا

راح نمشيلها بروحي ونعتذر منها

ونتاسف ونراضيها

والزعل بين الزوجين كيف الملح

يعني يبي حد يعرف كيف يحط الكمية المناسبة


*
*
*
هذينا بس شروطي في شريكة حياتي

وما أعتقدش أنهن موش متوافرات

وأنا متأكد أنهن متواجدات في كل بنات المنتدى

وفي أغلب بنات ليبيا


وفي الأخير

المرا عالراجل

والمرا كيف الفرس .. مرهونه عالفارس اللي بيركبها

*
*
*
تحيتي وودي وتقديري يا تاجورية

المنقهر

[ليبية حرة]

مواصفات فارس أحلامي

و

بصدق تام

بالنسبة للشكل

فأنا وللأسف نهتم بالمظاهر هلبة

يعني نبيه حلو وياريت لو يكون أحلى مني

مغرور

أنيق وهدا أهم شي

وبالنسبة للطباع

متعلم ومثقف وحضاري هده لا يمكن نتنازل عليها

ضروري واثق من نفسه

يحترم آرائي لحد كبير

يعني ياخد ويعطي معايا في الحديث ويقبل وجهة نظري

يعترف بأخطائه

يدلعني

يفكنا من جو الغيرة الزايدة

يكون كريم معايا لأبعد الحدود وفي حدود ما عنده

يعني من الأخير نشوف بيه روحي على صاحباتي

وماتقولوش تفكير ساذج وطفولي

والبنت يلي ماتحلمش بالحاجات هادي سامحوني انها كذابة

وماتقولوش انها مافيش في شخص واحد

هيا في بس

ادعولي

ربي يتمم على خير

وشكراً عالموضوع

وياريت اللي بيحكي بعدي يكون بتوسع وبصدق
ويركز في الشكل و الطبع مش الطبع بس

سلااااام

ونشوفكم بخير

[نسيم الحرية]

مساء الحرية وقتلة ولد اليهودية...
أنا أول مرة إنشارك في هدرزتكم الحلوة ونتمنى تقبلوني واحدة من العيلة ونكون هدرازا ونبي انرد علي موضوع أختي تاجورية
من ناحيتي أنا:
مايهمنيش الشكل .
بس يهمني إنه يكون يحبني ومايرضاش يزعلني .
وعنده كلمة .
ويكون واعر وشجاع وين يوقف علي الأرض يهزها(أسد) .
ويغار عليا.

[ليبية حرة]

مساء الحرية وقتلة ولد اليهودية...
أنا أول مرة إنشارك في هدرزتكم الحلوة ونتمنى تقبلوني واحدة من العيلة ونكون هدرازا ونبي انرد علي موضوع أختي تاجورية
من ناحيتي أنا:
مايهمنيش الشكل .
بس يهمني إنه يكون يحبني ومايرضاش يزعلني .
وعنده كلمة .
ويكون واعر وشجاع وين يوقف علي الأرض يهزها(أسد) .
ويغار عليا.

تعرفي من اول ما دخلت الجلسة حسيتها منورة

قلت ياترى شنو الجديد ولما نزلت تحت لقيته نوركـ نسيم الحرية

منورة حبيبتي الجلسة

ومنورة عالرد الحلو

وردي بالك مازلتِ تفكري تتركي الجلسة

يعني أسعدنا تواجدك ويلا شدي الهمة معانا وبس يفوتوا أربعة أيام نبوك انتي تفتحيلنا موضوع جديد نتناقشوا فيه

يعني يوم الثلاثاء

أختكـ / ليبية حرة

[ثائرة زاويا]

حبيبتي ليبيا حرة كيف حالك ان شاء الله بخير
اختي نسيم الحرية نورت جلستنا بطلتك علينا

..............
حابة نوضح نقطة لليبية حرة
ان في مواصفات تانية تغنيني عن جمال الشخص الي بنرتبط بيه
معاك ان ميكونش قبيح لكن مش شرط ان يكون جميل

[ليبية حرة]

حبيبتي ليبيا حرة كيف حالك ان شاء الله بخير
اختي نسيم الحرية نورت جلستنا بطلتك علينا

..............
حابة نوضح نقطة لليبية حرة
ان في مواصفات تانية تغنيني عن جمال الشخص الي بنرتبط بيه
معاك ان ميكونش قبيح لكن مش شرط ان يكون جميل

أهلين يا ثائرة يا عسل

هده وجهة نظرك أنتِ

بس أنا وجهة نظري غير ومش مججورة تكون كيفك باش تكون صح

كل واحد ورأيه وكل واحد حر


صح ولا غلط

منورة عالتعليق

[المنقهر]

خير يا عويله ... كيفنكم يارب بخير وطيبين

كلامك سمح وجميل

مع أنه فيه تقصير من بعض الأعضاء بعدم تواجدهم

مع دخولهم للمنتى

بس يالله كل واحد وجوه

فيه اللي ناسي

فيه اللي يغير في جو

فيه اللي متقصد


المهم

خلوني توا نرد على الحاجة ليبية حرة ونقوللها




مواصفات فارس أحلامي

و

بصدق تام

بالنسبة للشكل

فأنا وللأسف نهتم بالمظاهر هلبة

يعني نبيه حلو وياريت لو يكون أحلى مني

مغرور

أنيق وهدا أهم شي

وبالنسبة للطباع

متعلم ومثقف وحضاري هده لا يمكن نتنازل عليها

ضروري واثق من نفسه

يحترم آرائي لحد كبير

يعني ياخد ويعطي معايا في الحديث ويقبل وجهة نظري

يعترف بأخطائه

يدلعني

يفكنا من جو الغيرة الزايدة

يكون كريم معايا لأبعد الحدود وفي حدود ما عنده

يعني من الأخير نشوف بيه روحي على صاحباتي

وماتقولوش تفكير ساذج وطفولي

والبنت يلي ماتحلمش بالحاجات هادي سامحوني انها كذابة

وماتقولوش انها مافيش في شخص واحد

هيا في بس

ادعولي

ربي يتمم على خير

وشكراً عالموضوع






كلامك على عيني وعلى راسي

وكل فرد عنده مقياس وشروط خاصه بيه لشريك حياته خاصة

وحتى لأصدقائه عامة والمحيطين بيه

ولو كان بيدك تخلقيه كيف ما تبي رانك خلقتيه

بس الحمد لله الخالق هو الله وحده


المهم

أنا لاحضت من كل شروطك أنم ما ذكرتيش أنه يكون متدين

وعلى قدر من الإلتزام الديني

يعني يمكن ميهكمش لو كان جميل جدا وسيم جدا أنيق جدا حضاري جدا

وصايع جدا ومجرم جدا وحشاش جدا


مع أنه الكثير من العائلات والكثير من الفتيات يبحثن فقط

عمن يسعدهن ويحبهن بغض النضر عن شكله ومضهره



المهم


يكون مقبول غير قبيح لا تنفر منه النفوس


هذه نقطة

النقطة الأخرى

لما تحكمي من وجهة نظرك الرجاء عدم التعميم على الكل

بمعنى أنه موش ضروري اللي تبيه أنت أو تحلمي بيه أنت

يكونن كل الفتيات أو أغلبهن يحلمن بيه ويحطن شرط من شروطهن

ولو خالفنه يعني يمكن يكون فيهن عيب أو خوفا من العنوسه



النقطة الثالثه


وياريت اللي بيحكي بعدي يكون بتوسع وبصدق
ويركز في الشكل و الطبع مش الطبع بس

سلااااام

ونشوفكم بخير


كأنك تلمحين إلى أن ما سبقك من ردود كانت سطحية

وضيقة الأفق وغير صادقة

وهذه تحديدا ً أقلقتني من ناحيتك

وأزعجتني كثيرا ً


فكأني بك ملكة جمال إلا أنها متكبرة على الناس

هذا ما ضننته من كلماتك



رأي خطأ يحتمال الصواب

ورأيك صواب يحتمل الخطأ



*
*
*

نسيم الحرية


آنستي ونورتي الجلسة

وصدقيني راح تحلو أكثر بقدومك وردودك

فقط لا تغيبيع نها وشاركينا أفكارك

ولا تأتي بمفردك

المره الجاية جيبي معاك حويجه

نخترشوها


*
*
*
سلااااااااام

المنقهر

[ليبية حرة]

المنقهر

شنو هدا كله أنا قلت نبيه حلو وهدا حقي

واللي قلبها قوي وتقدر تاخده شين ربي يسهللها

أنا حرة يا جماعة خيركم

شي بخاطري وحكيته بصدق

ومستحيل تكون مافيش بنت تتمنى شريك حياتها يكون حلو

يمكن مش شرط اساسي بس امنية

ويمكن نكون ملكة جمال ما تلوح شي

ويمكن لا

العلم عند الله

وطلبت رايكم يكون بتوسع يعني معقولة صفتين و تلاتة بس تبيهم في فتاة احلامك

غريبة شوي بس اكيد صادقين كل واحد حر بالنهاية

وبالنسبة للدين والخلق هدا أكيد وبدون ما نكتبه لأنه شي معروف

وأتقبل وجهات نظركم بسرور

وانتقدوا كيف ما تحبوا خودوا راحتكم

تحياتي

[نبع الحياة]

السلام عليكم ورحمة الله وبركاته

كيف حالكم يا عيلة ان شاءلله تكونوا بخير

خليني نخش في موضوع

بالنسبة لمواصفات اللي نحبها في شريك حياتي؟؟

اول حاجة يكون ملك جمال العالم واقل شي ملك جمال ليبيا هههههههه

بصراحة

المظهر اخر شي نفكر فيه المهم عندي انه يكون متفاهم معاي ومش عصبي وخلوق ومثقف

ويحترم راي وما يكون متسلط

هذي المواصفات اللي انا نحب تكون في شريك حياتي على ما اعتقد ان طلبي مش مستحيل ,, ( صح )

دمتم في رعاية الله وحفظه

[ليبية حرة]

بالنسبة لمواصفات اللي نحبها في شريك حياتي؟؟

اول حاجة يكون ملك جمال العالم واقل شي ملك جمال ليبيا هههههههه


عارفاتك يا نبع تحدفي في الدوة عليا :3:


بس مقبولة منك وزي العسل

لأنك عسل

وانشالله كلكم يجيكم نصيبكم شين وبعدين تفكروني :10:

[ثائرة زاويا]

يا حلوة حني مقناش نبوه شين لاهو شين ولاهو حلو
اني منفضلاش يكون جميل بعدين يعيون البنات كلها علية

[مجنونة ليبيا]

ليبية حرة حتى انا نبيه ملك جمال مش انتى بس لانى حلوة الصراحة ومش ناقصنى شى وعلى قولت خونا المنقهر انه يكون على خلق ودين فهدا بالشئ الاكيد والمؤكد لكن انه يكون حلو ضرورى واهم شى عندى يكون ضعيف ومش سمين لانى ما نحبش الراجل الى عندا كرشا اما فلوس ما فلوس انا مايهمنوشى المهم متافهم وحنون ويقدر فى المرأة بس

المهم انستو بعضكم وان شاء الله كل وحدة تاخد نصيبها

[lana ahmed]

السلام عليكم ورحمة الله وبركاته
كيفكم ياعيلة اتمنى تكونوا بخير هذه اول مرة اشارك معكم في جلسة الشاهي
المشكلة انا ماافتهم اللهجة الليبية وانا احب اشار ك معكم
وبنسبة لمواصفات الرجل الذي اريده شريك حياتي اهم شي عندي يكون اكبر مني بالعمر
وخلوق ومثقف ويقدر المراة
مايهمني شكله بس يكون بحدود المعقول حلو مثلي هههههه

[ليبية حرة]

السلام عليكم ورحمة الله وبركاته
كيفكم ياعيلة اتمنى تكونوا بخير هذه اول مرة اشارك معكم في جلسة الشاهي
المشكلة انا ماافتهم اللهجة الليبية وانا احب اشار ك معكم
وبنسبة لمواصفات الرجل الذي اريده شريك حياتي اهم شي عندي يكون اكبر مني بالعمر
وخلوق ومثقف ويقدر المراة
مايهمني شكله بس يكون بحدود المعقول حلو مثلي هههههه


توها نورت الجلسة يا لانــــا

ولا يهمك انتي بس طلي علينا واحنا نترجملك لو صعبت عليك كلماتنا

وكم لانا عندنا احنا

بجد لا تقطعينا وأسعدنا وجودك معنا بجلسة الشاهي قصدي الشاي

ودمتي بخير عزيزتي

[lana ahmed]

توها نورت الجلسة يا لانــــا

ولا يهمك انتي بس طلي علينا واحنا نترجملك لو صعبت عليك كلماتنا

وكم لانا عندنا احنا

بجد لا تقطعينا وأسعدنا وجودك معنا بجلسة الشاهي قصدي الشاي

ودمتي بخير عزيزتي





تسلمي عزيزتي ليبية الجلسة منورة بيكم
ان شاء الله راح اتواجد معكم
ربي يسعدك

[امل ايوب]

السلام عليكم ورحمة الله

خير يااحلى عيلة

كيف الحال انشاءالله

باهي

مبروك تحرير ليبيا بالكامل

بالكامل بالكامل

وبالنسبة لمواصفات زوج

المستقبل اولا يكون بيناتنا

صلة قرابة ولو من بعيد

ومش مهم الشكل وعنده

مؤاهل عالي واكيد يحبني

اكثر من امه ويكون على

خلق حسن ويكون مثله

الاعلى رسولنا الكريم

[تاجورية محترمة]

السلام عليكم ، كيف حالكم و شن أخباركم يارب تكونو كلكم بخير و مرتاحين إشتقتلكم هلبة و و اجد ومبروك عليكم و علينا تحرير ليبيا و خلاصنا من الطاغية و عياله و أزلامه و الحمد لله أولا و أخير ............. و مرحبتين بكل من شاركنا للمرة الأولي شرفتونا ........... مشكورين كلكم علي تفاعلكم مع الموضوع و آرائكم كلها علي عيني و راسي و نحترمها إللي عجبتني و إللي ما عجبتني و كل حد حر في النهاية في إختياره و هو بس يتحمل نتيجة إختياره ............... و بالنسبة ليا أنا و بكل صراحة فالمواصفات إللي نفضلها أهمها و أولها الدين و نتمني يكون ملتزم أو محافظ علي الأقل و الأخلاق الحسنة مهمة جدا و نتمني يكون إنسان طيب و حنون و متواضع و يحبني و يعاملني بكل إحترام ......... و ما يدخن لأني نكره الدخان و ريحته و ما نتحمله .......... و الشكل و الحالة المادية آخر شئ نفكر فيه لأن لا الشكل و لا الفلوس هما إللي يجيبولي الراحة و السعادة ( السعادة ليست في الجاه و الجخ و لا في المال و لا في المنظر وشوفة الحال السعادة في اللقمة الحلال وراحة البال ) كان جاني إنسان فيه هذه المواصفات إللي نتمناها معاد نبي شئ ثاني هذا يكفيني وزيادة ........... و نتمنالكم يلي شاركتونا تحصل إللي في خاطركم و رب يسعدكم و يهنيكم ..... و في النهاية ماحد ياخذ إللي نصيبه ( أنت تريد و أنا أريد و الله يفعل مايريد ) المهم الإنسان يكون راضي بقسمته و إللي كتبه ليه رب و الحمد لله ........

[همسة غلا]

سلآم قآيز

بآلنسبه ليآ
نبيه حرش http://www.zawye.com/montda/images/icons/icon7.gif
ويخآف الله قبل كل شي
ولآ البآقي أشيآء مش ضروريه ومش مقيآس لنجآح الزوآج بين الطرفين طبعاً


وششكراً ع الطرح


أنستوآ بعضكم http://www.zawye.com/montda/images/icons/icon7.gif

[نبع الحياة]

السلام عليكم ورحمة الله وبركاته

كيف حالكم,,,

منورين الجلسة ونرحب بكل من انظم للجلسة

وان شاءلله يكون عندهم حضور دائم

خشيت ع الجلسة عشان نسلم عليكم

بس شفت الجلسة مكسدة لا شاهي لا عصير ولا اي شي نبلوا بي ريقنا ههه
يلا حتى انا بخيلة كيفكم لا في شاهي ولا حتى مية هههه

سلااام,,

[تاجورية محترمة]

مرحبتين بيكم يا عيلة أنا دخلت نسلم عليكم و نسأل عن أخباركم و أهلا بكل حد جديد شارك معانا و نشكر كل من شارك في الموضوع و كل من شارك في الجلسة إللي ما تحلي بلاكم .......... كملت الليلة فترة نقاش هذا الموضوع و ياريت نكون كلنا إستفذنا ولو شئ بسيط و أي حد يحب يفتح موضوع جديد يتفضل مع الشكر ......... و حاليا أسمحولي آنستو بعضكم و في آمان الله و حفظه للجميع و يارب نتلاق علي الخير ..........

[ليبية حرة]

اسمحولي أخوتي بأن أفتح الموضوع
ويمكن نكون أنانية والمفروض نعطي الفرصة لغيري بس والله الموضوع شاغلني
ونمر حاليا بموقف مشابه
ويمكن أحبتي تساعدوني بوجهات نظركم

وأشكر تفهمكم

ماذا تفعل إذا رحل عزيزُ على قلبك بدون استئذان ؟؟
تلاحقه ... تكلمه ... تتجاهله ... وان رفض ماذا تفعل ؟؟

ارحموا حيرتي وجاوبوني

[تاجورية محترمة]

اسمحولي أخوتي بأن أفتح الموضوع
ويمكن نكون أنانية والمفروض نعطي الفرصة لغيري بس والله الموضوع شاغلني
ونمر حاليا بموقف مشابه
ويمكن أحبتي تساعدوني بوجهات نظركم ..............
ليبية حرة حبيبتي حاشاك من الأنانية وأنا بعد ماخرجت من المنتدي و صلتني علي الإيميل مشاركتك وقرأتها دخلت علي خاطرك وحبيت نساعدك و لو بكلمة
وأشكر تفهمكم ........ نحن كذلك نشكروك
لثقتك فينا و في آراءنا
............... ماذا تفعل إذا رحل عزيزُ على قلبك بدون استئذان ؟؟
تلاحقه ** تكلمه ** تتجاهله ** وان رفض ماذا تفعل ؟؟

ارحموا حيرتي=‎جاوبوني
‏................... يا ليبية أولا رب يبعدك عن الحيرة و يطلعك منها عاجلا غير آجل قولي آمين ...................... و موقفك هذا إللي أنت فيه مريت به لهذا السبب مقدرة مشاعرك وحاسة بيك و قلبي معاك ............ و أنا ننصحك بأنك تحاولي تكلمي الشخص إللي عزيز عليك و تفهمي ليش رحل و بدون إستأذان لو كلمك وفهمك هذا المطلوب و ممكن تكون أسبابه مقنعة ............. لاكن لو حاولتي و أكثر من مرة و تجاهلك ورفض إن يكلمك بقصد فالأحسن إنك تسلمي أمرك لله و تحاولي تنسيه و رب أكيد حيعوضك بالخير لاكن أنت حاولي تصبري و عارفة إن هذا صعب عليك في البداية لأني مجربة لاكن ما باليد حيلة لازم تكوني قوية و هذا رأي .............. و لو إحتجتي إنك تحكي لحد فأنا مستعدة نسمعك و نساعدك لوما عندك مانع طبعا أنت راسلني عالخاص بس ............. و نتمني نكون أفدتك و لو بشئ بسيط و نتمني تتطلعي من حيرتك ورب يريحلك قلبك ....... نشوفك علي خير و مرتاحة يا ليبية حرة ........

[ليبية حرة]

مشكورة صديقتي تاجورية

والله انك بنت أصول ومش حننسالك الموقف هدا أبداً

وصحيتي

[ثائرة زاويا]

حبيبتي ليبية حرة معاش الي يحيرك وحني موجودين
........................
اني حطيت نفسي في مكانك وحنخفف عليك حيرتك
اذا كان الشخص عزيز عليك لابد انك تكلميه مرة او اثنين
وتحاولي تعرفي سبب رحيله ... لكن لو اهملك ومعدلش عليك
تحفظي كرامتك والافضل انك تنسيه وتخليه للايام

انشاء الله ربي يريحك ويناولك الي في بالك
تقبلي حبي واحترامي ...
ولو انت تعزي عليه المفروض ان ميديرش معاك هكي او ربما عند اسبابه

[المنقهر]

هالوووووووو شباب وبنات

هاي

كيفكم حلوين طيبين نحبكم ، نفر نفر ، زول زول

يارب يارب يعطي كل واحد منكم على قيس نيته وأكثر حبتين

أولا ً

بنسلم على

لانا أحمد ونقوللها

آنستي ونورتي الجلسة وشوي شوي معاك معاك

تلقي روحك تتكلمي خير من الليبيين

بإنتظار مزيدك وجديدك


*
*

همسة غلا

نحب نقوللها ردي بالك من الحرش

راهوا ياكلك بلا ملح ويخليك تمشي للبحر وتروحي عطشانه

ومعاملته جافه جافه جافه جداً

هههههه

خليك مع الملتزم والمتدين

والرطب كويس حتى هوا


*
*

تاجورية محترمة

منورة ...... اشهد بالله إنك منورة

وردي بالك تغيبي ولأي سبب كان

أنا حذرتك ... والمرة الجايه بنجيك بجد بنطلعك من رداك


*
*

نبع الحياة

تي وين هالغيبة

وخاشة علينا وتدلعي تبي شاهي وتبي باسطي

وتبي كل شي جاهز

عري على ذرعانك والمره الجايه نبي ناكل من تحت إيديك

بسبوسه باللوز

وكيكة الفراولة

وشاهي منعنع

وخبزة تنور

وردي بالك تخشي بلاهن ... وتو تعرفيني شنو نديرلك


*
*

ليبية حرة

كيف حالك يا ليبية يا حرة

عسى ما شر ومنو هذا اللي مزعلك ومضايقك ومسيبك بروحك

والله ما يتحشم على دمه اللي مخليك بروحك


أما بالنسبة لسؤالك

ماذا تفعل إذا رحل عزيزُ على قلبك بدون استئذان ؟؟
تلاحقه ... تكلمه ... تتجاهله ... وان رفض ماذا تفعل ؟؟

فالحاجة تاجورية .. والثائرة الزاوية

جاوبن وفصلن وعبرن عما بداخلي

فالأمر لا يحتاج إلا لتروي وتفكير بسيط

إن كان عزيز وغالي زي ما قلتي .. فلا تضني به الضنون

وجد له الأعذار ... وحاولي الإتصال به قدر الإمكان

فإن كان يكن لك من المعزة والغلا بقدر ما تكنين له

فسيعود لك مجبرا ً .... ولمثلك يعود

حتى وإن كان مثقلا ً بالهموم والمشاكل والأزمات

وجميعنا يملكها



أما إن كان عزيزا عليك ... وأنت لا تعني له شيء

فلا تتعبي نفسك .... فسيبتعد عنك ولو بدلت له المجهود


*
*

عزيزتي الليبية الحرة

لا تتحيري ولا تتعبي نفسك

فمن كان عزيزا ً علينا احببناه بصدق ولا نتركه دون أن نخبره

ولن نتركه أبدا بسهولة

اما من كان لا يعني لنا شيئا ً فلربما تركه من أبسط الأمور

*
*

لا تنزعجي ولا تتكدري

فما كان لك فهو لك

وما كان لغيرك فلن يكون لك


*
*

وردي بالك يا نبع الحياة المرة الجاية نخش
ومانلقاش اللي قلتلك عليهن


*
*
المنقهر

[إكليل الغار]

مساء الخير على كل الحاضرين

انا جديده على جلستكم وقرئت رؤوس اقلام من الموضوع وحبيته وحبيت جلستكم وكلامكم

وشاهيكم عليه اليوم وبكره انتو ضيفوني مافي مشكله

ومبروووووووك عليكم النصر والحريه واتمنى ان يعم الامن والامان عليكم اهلنا بليبياااااااااا

http://www.iraqitorath.com/%D8%A7%D9%84%D8%AC%D8%A7%D9%8A_files/image006.jpg

[تاجورية محترمة]

مرحبتين بالحلوين كيف حالكم يارب تكونو تمام التمام ........... أهلين بيك يا إكليل الغار شرفتينا بطلتك و لا يهمك إعتبري شاهيك علينا أنت ضيفتنا لاكن نبوك بعدها تكوني من أهل البيت و أنت إللي تعطينا الشاهي من إيديك الحلوة ................ المنقهر مرحب بيك و أنت إللي منور و حاضر نحاول ما نتأخر عليكم أو نرحل علي قد ما نقدر وخليها علي الظروف ........... ثائرة الزاويا رب يحفظك ياحلوة و يسعدك و ديمة جلستنا منورة بيك فلا تتركينا .............. ليبية حرة ياصديقتي الغالية يارب تكوني اليوم مرتاحة و طلعتي من الحيرة ...... و ما تشكريني هذا شئ عادي جدا و نتمني نساعدك أكثر و نشهد بالله إنك أنت بنت أصول و عزيرة عليا و رب يريحك و يعطيك مافي بالك ............... نبع الحياة شن أخبارك و أخبار دراستك رب يسهلك ويساعدك .......... في آمان الله و نشوفكم علي خير

[ثائرة زاويا]

اهلين تاجورية يا غالية
والله الجلسة ماتحلى من غيرك
متحرميناش من تقعميزتك الحلوة
وربي يخليك لينا وما يحرمنا منك

تقبلي حبي واحترامي....

[ليبية حرة]

أصدقائي وأحبائي شكرا لكم على وقفتكم معايا

ونحب نقولكم اعتبروا فترة نقاش موضوعي انتهت اليوم

لأني توصلت لحل وتيسرت الامور الحمد لله

مش حننسي وقفتكم معايا

وربي يسعد الجميع

ويلا افتحولنا موضوع جديد

وغيرولنا الاجواء شوية

قتلنا الكساااااد

[نبع الحياة]

السلام عليكم ورحمة الله وبركاته

كيف حالكم ان شاءلله تكونوا بخير وصحة جيدة

اخي المنقهر غير براحة علي وماتكثر الطلبات علي

وتقولي وين الغيبة وانا شرحتلكم ظروف الدراسة والاسبوع الجاي عندي

امتحانات الفترة الثانية يعني مش هنفتح النت ادعولي بالنجاح ماتبخلوش علي بالدعاء


لكن ولايهمك طلباتك جاهزة

البسبوسة باللوز

http://www2.0zz0.com/2011/10/26/10/715044653.jpg

كيكة بالفروالة

http://www2.0zz0.com/2011/10/26/11/900188402.jpg

خبزة تنور

http://www2.0zz0.com/thumbs/2011/10/26/11/252587768.jpg

شاي نعناع
http://www2.0zz0.com/2011/10/26/11/832767670.jpg

[تاجورية محترمة]

طعمت الشاهي المر والله ريقي زايد مرارة في غياب رفيقي مر خيره مالاش سكر والمزاج معكر ( كثرولي سكر ) لو سمحتو ههههههه ............. مساء الخيرات عالحلوين ليبية حرة الحمد لله إنك طمنيتنا عليك و تسهلت أمورك .......... ثائرة الزاويا مشكورة ياحلوة و أنت ماتحلي الجلسة بلاك ........... نبع الحياة تسلم يدك علي الحلويات و الخبزة والشاهي و بالتوفيق يارب في إمتحاناتك ........ با ركولي حصلت اليوم شغل في عيادة محترمة و قريبة عليا ومساعدة لدكتورات مش دكاترة و مديرها دكتور كبير و طيب ومحترم و البنات إللي فيها محترمات وإرتحتلهم و إرتاحولي يعني زي مانحب والحمد لله و الله كنت محاتجة هلبة للخدمة من جميع النواحي وجبتلكم تورته حلوان الشغل الجديد إدعولي بالتوفيق بس .............. في آمان الله وحفظه .......

[ثائرة زاويا]

تاجوية مبروك ان شاء الله بالتوفيق ومفتوحة قدامك وين ماتمشي ... يارب
و اكيد بيرتاحولك هو في حد يهدرز معاك وميرتاحلكش
انشاء بالتوفيق

تقبلي حبي واحترامي...

[ليبية حرة]

أهلين تاجورية منورة يا عسل
ألف مبروك
والله فرحتلك من قلبي وربي يوفقك
وييسر أمورك
وانت كلك حلاوة حتى بدون الحلوان
يا عسل

[تاجورية محترمة]

ثائرة الزاويا و ليبية حرة رب يجبر بخاطركم زي ماجبرتو بخاطري و يشهد رب إني نرتاحلكم و نعزكم هلبة يا عسولات .......... لاحظت غياب المنقهر مخلي مكانه عسي يكون بخير بس وما في شئ وإللي يسمع خبر عليه يطمنا ................... رب يسلمكم و يحفظكم .....

[المنقهر]

إحم إحم .. كأنه فيه حد جاب سيرتي

إحم إحم ... أنا هنا ما عندي وين نمشي .. حتى لو ما جلست معاكم

بس عندي اخباركم وعارف شن صار جديد

وعلى طول نطمن عليكم

وربي ما يحرمني منكم ولا يحرمني من اخباركم الطيبه

*
*

نبع الحياة

مشكورة بالهلبا على الحلو والتنور والشاهي المنعنع

وعارفك أنك متقصريش بس قلت

خيلني نحيرها بحويجه

تنشط بيها روحه شوي

عارف أنه عندك إمتحانات

وربي يوفقك وينجحك وتولي زي ماتبي

يااااااااارب

*
*

تاجورية محترمة

والله ليك وحشة وعلى نطول نتابع في اخبارك

وربي ما يحرمني من سؤالك عليا

يا طيبه يا بنت الناس

ومبارك العمل الجديد والله فرحت من قلبي

وشنو نوعها العيادة بالك نجوك أو نستفسروا على حويجة

وربي يسترك ويحفظك

وعلى فكرة

المرة الجاية نبي وجبة دجاج محمر بالسلطة

مع الحلو يا حلو أنت

*
*

ثائرة زاويا

شنو أخبارك واحوالك

طمنينا عليك ماعادش تلاقينا عالمنتدى

يا أنا مهناكش يا أنت مهناكش

الباين عليه الشغل واخدك منا

ياريتني شغلك بس بس

*
*

ليبية حرة

والله إنك بنت ناس وطيوبه

وتحبي الخير للكل أنا عارفك

مع إنك وكالة سمك بروحك بس عارفك حنينة وطيبه

وتحبي تاكلي مع الناس وتشاركيهم


على فكره

ليك يومين متضايقة

علاش العفو ومنين مضايقة

ويارب حالك توا منيح

وامورك تمام

*
*
*


الباين عليه أنه ما فيش حد بيفتح موضوع جديد

شنو رايكم نفتح أنا

وإلا نقوللكم لا لا .... أن ابنختار شخص نبيه يفتح موضوع جديد

وتو نبعتله رساله عالخاص

بيش يفتحلنا الموضوع ويشاركنا

هااا شنو رايكم ... أكيد موافقين

كويس تمام عارفكم أنكم موافيق بس حبيت ناخد رياكم

والشخص هوا


" زاوية تعشق الحرية "


تو نكلمها عالخاص ونقوللها تخش وتفتح موضوع للنقاش

بس راكم تغيبوا

سلاااااااااااااااام


*
*
*

عمكم
المنقهر

[الوسام 2009]

مساء الخير يأحلى عيله
شو أخباركم والله لكم وحشه
ربي يسعدكم
لي فترة عن لمتكم الحلوه
شو بنعمل مشاغل الدنيا
بس كل مره نمر عليكم طله طله
بالكم محتاجين شيء
بس أكيد أخوي المنقهر
ربي يسعده مو مقصر معاكم
قائم بالدور وأكثر
منورين الجلسه يأحلى أعضاء
وقبل مانخرج حبيت نبارك لأختي تاجورية محترمه
على العمل الجديد
وإن شاء الله ربي يوفقك
ويسهل أمورك
وعقبال البقية إن شاء الله
ربي يسعدكم جميعآ

[ليبية حرة]

مساء الخير يأحلى عيله
شو أخباركم والله لكم وحشه
ربي يسعدكم
لي فترة عن لمتكم الحلوه
شو بنعمل مشاغل الدنيا
بس كل مره نمر عليكم طله طله
بالكم محتاجين شيء
بس أكيد أخوي المنقهر
ربي يسعده مو مقصر معاكم
قائم بالدور وأكثر
منورين الجلسه يأحلى أعضاء
وقبل مانخرج حبيت نبارك لأختي تاجورية محترمه
على العمل الجديد
وإن شاء الله ربي يوفقك
ويسهل أمورك
وعقبال البقية إن شاء الله
ربي يسعدكم جميعآ


والله نورت الجلسة ولا عاد تقطعنا

طل ديما ديما

منور الوسااام والله

[تاجورية محترمة]

مرحبتين بالكل منورين عساكم بس بخير و بصحة جيدة ............. المنقهر الحمد لله شفناك بخير و الله يبارك فيك و العيادة فيها تخصصات ( أسنان - باطنية - نساء ) و يارب تكون ديمة بخير و بصحة وما تستحقش إنك تعالج و لو إحتجت تفضل و نوصفلك مكانها و مافيش مشكلة ......... و جبتلك وجبة الدجاج و السلطة مع الحلو تفضل وصحتين عليك قداش عندنا منقهر واحد بس ادلل ........... الوسام و ين الغيبة عساك بخير ونورت و مشكور وعقبال كل الأعضاء ............. و ننتظر موضوع أختنا زاوية تعشق الحرية ...... في آمان الله

[المنقهر]

للأسف

أختنا زاوية تعشق الحرية

قد رفضت طلب طرح الموضوع

ومنحت الأمر لمن يريد

ولكم الفرصة في عرض مواضيعكم

*
*

تاجورية محترمة

كيف حالك وأحوالك

الله أكبر عيادة كاملة مكملة

وشنو فيها .. اوصفيلي مكانها وولا يهمك

لما نمر من غادي مع حد من الشباب وإستحقينا شي

ندهم عليك ونطلبه منك

كم عندنا تاجورية

*
*

منورة عالوجبة اللي ماشي توا بناكلها

تحيتي وودي

المنقهر

[ثائرة زاويا]

مساء الخير
كيف حالكم ياعويلة والله ليكم وحشة
والله الشغل لفوق راسي
شكرا يا المنقهر علي سوالك صاحب واجب كعادتك
تاجورية المنقهر جايبلك **اين من توا شدي حيلك
ليبية حرة كيف حالك وشن اخبارك وقولينا بس من يلي مضايقك احمد يبعتلك سرية من مصراته واني نبعتلك سرية من الزاوية
غير قولي بس


لي عودة
تقبلو حبي واحترامي...

[تاجورية محترمة]

السلام عليكم ، كيف حالكم و شن أخباركم وكيف كانت جمعتكم ....... أنا و العيلة جمعتنا قضنيها في زردة في حوازتنا في غوط الرمان و أنا إتصلت بخوتي و أخواتي كلهم ورتبت لهذه الطلعة لأن لينا شهور ما مشينا للحوازة يعني غيرنا جو و كان الجو حلو و مش عادي تمنيتكم معاي علي الأقل تغيروا جو وتطلع من ضغط الدراسة و الشغل و الحق مافيش أحلي من الطبيعة ترد الروح .............. شكله مافيش حد بيفتح موضوع جديد خلينا نقترح حاجة و يارب تعجبكم بما إن عيد الاضحي قرب كل سنة و أنتم طيبين و عيدكم مبارك شن رأيكم كل حد يحكيلنا كيف يقضي في العيد من أول صبح يوم العيد لثاني أو ثالث يوم العيد بالتفصيل ............. يعني هددزوا براحتكم وخلينا نعرف الفرق في العادات بين المناطق و المدن و حتي البلدان و كل شخص براحته بيحكي أو لا ......... و أنا ليا رجعة حتي نحكيلكم علي عيدنا ......... و حاليا في آمان الله و حفظه

[تاجورية محترمة]

السلام عليكم ، كيف حالكم و شن أخباركم وكيف كانت جمعتكم ....... أنا و العيلة جمعتنا قضنيها في زردة في حوازتنا في غوط الرمان و أنا إتصلت بخوتي و أخواتي كلهم ورتبت لهذه الطلعة لأن لينا شهور ما مشينا للحوازة يعني غيرنا جو و كان الجو حلو و مش عادي تمنيتكم معاي علي الأقل تغيروا جو وتطلع من ضغط الدراسة و الشغل و الحق مافيش أحلي من الطبيعة ترد الروح .............. شكله مافيش حد بيفتح موضوع جديد خلينا نقترح حاجة و يارب تعجبكم بما إن عيد الاضحي قرب كل سنة و أنتم طيبين و عيدكم مبارك شن رأيكم كل حد يحكيلنا كيف يقضي في العيد من أول صبح يوم العيد لثاني أو ثالث يوم العيد بالتفصيل ............. يعني هددزوا براحتكم وخلينا نعرف الفرق في العادات بين المناطق و المدن و حتي البلدان و كل شخص براحته بيحكي أو لا ......... و أنا ليا رجعة حتي نحكيلكم علي عيدنا ......... و حاليا في آمان الله و حفظه

[تاجورية محترمة]

السلام عليكم ، كيف حالكم و شن أخباركم وكيف كانت جمعتكم ....... أنا و العيلة جمعتنا قضنيها في زردة في حوازتنا في غوط الرمان و أنا إتصلت بخوتي و أخواتي كلهم ورتبت لهذه الطلعة لأن لينا شهور ما مشينا للحوازة يعني غيرنا جو و كان الجو حلو و مش عادي تمنيتكم معاي علي الأقل تغيروا جو وتطلع من ضغط الدراسة و الشغل و الحق مافيش أحلي من الطبيعة ترد الروح .............. شكله مافيش حد بيفتح موضوع جديد خلينا نقترح حاجة و يارب تعجبكم بما إن عيد الاضحي قرب كل سنة و أنتم طيبين و عيدكم مبارك شن رأيكم كل حد يحكيلنا كيف يقضي في العيد من أول صبح يوم العيد لثاني أو ثالث يوم العيد بالتفصيل ............. يعني هددزوا براحتكم وخلينا نعرف الفرق في العادات بين المناطق و المدن و حتي البلدان و كل شخص براحته بيحكي أو لا ......... و أنا ليا رجعة حتي نحكيلكم علي عيدنا ......... و حاليا في آمان الله و حفظه

[ناجي اللافي]

السلام عليكم
ومرحبتين شباب وبنات كلا علي الشاي منقدرش نشرب عندي عمل الصبح والشاي اصهرا
ام علي موظوع الاختلاط

(1)

ليكن واضحاً من البداية أن الحديث هنا ليس عن "اختلاطٍ عفويٍ عارضٍ" كالاختلاط في السوق والطرقات فإنه لا خلاف أصلاً في حكم هذه المسألة، وإنما الكلام في "الاختلاط المقنن الممنهج" كالاختلاط الواقع في قاعات الدراسة ودوائر العمل، وهو مما لا خلاف في حكمه أيضاً.

* * *

(2)

لست أشك بأن مسألة "الاختلاط" من المسائل الجلية الظاهرة التي لا لبس فيها على من سلم من داء "الجهل" وداء "الهوى". ولولا كثرة الملبسين فيها من أهل الريب بالباطل لما تردد في حكمها عامة الناس فضلاً عن خاصتهم.

***


في ظني أن من أهم "القواعد الشرعية المحكمة" التي ينبغي الاستمساك بها والصدور عنها مثل هذا الموضوع تلك "القاعدة القرآنية العظيمة" التي بينها الله تعالى في قوله:
(هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلاَّ اللَّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا وَمَا يَذَّكَّرُ إِلاَّ أُوْلُوا الأَلْبَابِ).
فمن تأمل هذه الآية وما تضمنته من "منهجية علمية قرآنية" في التعاطي مع نصوص الوحي فستنزاح عنه "أثقال الشبهات" وتتطاير "هباءً منثوراً"، ومن "غفل" عنها أو "تغافل" فسيظل مضطرباً حائراً أمام سيل الشبهات والإشكالات والانحرافات.
"الوحي" كما أخبر الله؛ فيه "النص المحكم" الذي يجب التزامه، "والنص المتشابه" الذي يلزم رده إلى "المحكم"، فإذا غاب عن الباحث قاعدة "المحكم" و"المتشابه" فلن يتميز له المراد الإلهي، وسيبقى متردداً متذبذباً يقفز مع كل أطروحة، ويربكه كل اعتراض.

واستحضار هذا المدخل -هو في ظني- ضروريٌ لمعرفة "المنهجية الشرعية الصحيحة" في التعامل مع ما يتصل بالقضية المطروحة بين أيدينا –أعني حكم الاختلاط- " بمعرفة "محكمات" هذا الباب و"متشابهاته"، والتعامل مع كلٍّ وفق قاعدة الشريعة في "المحكم" و"المتشابه".

لا يخفى على كل دارسٍ "لنصوص الوحي" و"مقاصد الشريعة" أن دين الإسلام جاء بـ"التحفظ والاحتياط في العلاقة بين الجنسين"، وأنه يؤسس لتصور يراد منه حفظ "عفاف" المجتمع و"نقاؤه" و"طهارته" بتشريع ما يشيعه في المجتمع ويحفظه، وتحريم ما يفضي إلى إضعافه أو إزالته، وتأمل في مسرد "التشريعات" التالي تعلم "صدق" ذلك:
"وجوب ضرب الخُمر على الجيوب وإدناء الجلابيب"، "حرمة إبداء الزينة للأجانب"، "النهي عن الضرب بالأرجل حتى لا تعلم الزينة"، "سؤال المتاع من وراء حجاب"، "منع الخضوع بالقول"، "القرار في البيوت"، "تحريم التبرج"، "ما تركت بعدي فتنة أضر على الرجال من النساء"، "منع الخلوة بالأجنبية"، "تحريم وصف المرأة الأجنبية للرجل الأجنبي"، "التحذير من الدخول على النساء، وقوله: الحمو الموت"، "منع التعطر في الطريق"، "بيان أن المرأة عورة وذكر استشراف الشيطان لها إذا خرجت"، "تحريم الزنا وكل ما أفضى إليه الوسائل والأسباب"، "الأمر بحفظ الفروج"، "تحريم مس الأجنبية، وقوله: لأن يطعن أحدكم بمخيط من حديد خير له من أن يمس امرأة لا تحل له"، "تحريم السفر إلا مع ذي محرم"، "وجوب غض البصر"، "بيان حكم نظر الفجأة"، "تحريم الملابس الشفافة والضيقة المجسمة"، "تطويل ذيول النساء" "الطواف من وراء الرجال"... إلخ إلخ.

ثم إذا قربت "عدستك" من التشريعات "المماسة" لمسألة "الاختلاط" مباشرةً، فستجدها منسجمة تماماً مع تلك "التشريعات" ومؤسسة لذات خطاب "التحفظ والاحتياط في علاقات الجنسين" بما يحدث في نفس الباحث أن ذاك "الاختلاط المقنن" هو من قبيل الحرام الذي لا ينبغي الاختلاف في حكمه.

تأمل مثلاً في تلك "التشريعات" المتصلة "بخروج المرأة للصلاة في المسجد"، وتفكر في جملة "الاحتياطات" التي سنها الشارع في هذا الباب، لتعلم حرص الشارع على منع "الاختلاط المحرم" وسد ذرائع "تطبيع العلاقة بين الجنسين".

الشريعة أسقطت عن المرأة واجب الحضور لصلاة الجماعة في المسجد، وجعلت صلاتها في بيتها خيراً لها من صلاتها في المسجد [قال صلى الله عليه وسلم: "صلاة المرأة في بيتها أفضل من صلاتها في حجرتها وصلاتها في مخدعها أفضل من صلاتها في بيتها"] فإذا خرجت حرم عليها مس الطيب والتعطر ولبس ما تتزين به [قال النبي صلى الله عليه وسلم: "إذا شهدت إحداكن المسجد فلا تمس طيباً" وقال:"لا تمنعوا إماء الله مساجد الله ولكن ليخرجن وهن تفلات"] فإذا أرادت دخول المسجد فلها باب يخصها لا يدخل منه الرجال [قال صلى الله عليه وسلم: "لو تركنا هذا الباب للنساء"] فإذا استقرت في المسجد كان محل صلاتها خلف الرجال، وكلما تأخرت عنهم فهو خيرٌ لها [قال صلى الله عليه وسلم: "خير صفوف الرجال أولها وشرها آخرها، وخير صفوف النساء آخرها وشرها أولها"] فإذا انتهت الصلاة مكث الرجال مدةً حتى ينصرف النساء [عن أم سلمة قالت: كان صلى الله عليه وسلم إذا سلم، قام النساء حين يقضي تسليمه، ويمكث هو في مقامه يسيراً قبل أن يقوم, قال: "نُرى والله أعلم أن ذلك كان لكي ينصرف النساء قبل أن يدركهن أحد من الرجال"] فإذا كانوا في الطريق مع الرجال فليس لهن أن يزاحمن الرجال ويختلطن بل لهن حافات الطريق [عن حمزة بن أبي أسيد الأنصاري، عن أبيه أنه سمع صلى الله عليه وسلم يقول وهو خارج من المسجد، "فاختلط" الرجال مع النساء في الطريق؛ فقال صلى الله عليه وسلم للنساء: "استأخرن، فإنه ليس لكن أن تحقُقْن الطريق، عليكن بحافات الطريق"، فكانت المرأة تلتصق بالجدار حتى إن ثوبها ليتعلق بالجدار من لصوقها به].

ولا يغيبن عن ذهنك وأنت تقرأ مثل هذه "الاحتياطات" التشريعية أنها جاءت في حق "أشرف الناس" بعد الأنبياء، وفي "الطريق العابر"، وفي "الوقت القصير"، وفي "وضح النهار"، مع "وجود الحجاب"، حالة الخروج من "أطهر البقاع"، بعد "أشرف العبادات العملية"، فمن باب أولى أن يمنع في أماكن المكث الطويل في أزمان الريب، والبعد عن الحجاب، وضعف الإيمان.

وبالله عليك حين يقرأ المسلم المتجرد الباحث عن الحق كل هذه "المنظومة المتماسكة" من "التشريعات" التي تستهدف سدَّ كل الطرق المفضية "لتطبيع" العلاقات بين الجنسين، فهل يشك أن من مقاصد الشريعة التي يريدها الله ويحبها "التحفظ والاحتياط في العلاقة بين الجنسين"؟! وأن "اختلاط الرجل بالمرأة في دوائر العمل بالساعات الطوال" من الأمر المحرم في دين الإسلام.

والذي أريد أن أفهمه: كيف يستقيم لشخص أن يُحرِّم "خلوة الرجل بالأجنبية" ولو مرةً واحدةً "لدقائق معدودة" مع تقدير انشغاله عنها وهي "محتشمة" "متحفظة" لورود "النص المحرم" ولانعقاد "الإجماع" على تحريم "الخلوة"، كيف يستقيم لهذا أن يبيح "الاختلاط بين الجنسين" "الساعات الطوال" على مدى "أيامٍ وسنواتٍ" في "دوائر العمل" و"قاعات الدراسة"، فأي الأمرين أولى بالتحريم في قياس الشريعة، وأيهما أعظم مظنةً لوقوع المحذور. ومن المعلوم ما تفضي إليه مثل هذه "المخالطة المطولة" من رفع "للكلفة" وإزالة "للحرج"، فلو قُدّر أن "هذا" و"هذه" تحفظا في بداية "اختلاطهما" فإن مآل هذا التواصل الطويل غالباً ارتفاع مثل هذا "التحفظ" وهذه "الكلفة" وتلكم "الحساسية"، والبدء "بعلاقة" يسودها ما يسود العلاقات من "عفويةٍ" "وضحكةٍ" "ونكتةٍ" و"دعابةٍ" وغير ذلك، ليتطور الأمر إلى ما ورائه، والواقع شاهدٌ، والصور حواضر، وفتش في عالم "اليوتيوب" وفضاء "الإنترنت" تعلم حجم الخلل وواقع الإشكال.

وليت شعري هل يصح أن تترك مثل هذه "المحكمات" في تحريم "الاختلاط المقنن" ويتعلل مثلاً بكون المرأة كانت تساعد في الحروب، أو أنهن يختلطن في المطاف، أو أنهن يبعن ويشترين في السوق، أو أنهن كن يستفتين النبي صلى الله عليه وسلم بحضرة الرجال، أو أن النبي كان يأتيهن ونحو ذلك من النصوص "المجملة" "المحتملة"، بل و"الخارجة" عن سياق مسألتنا أصلاً.

ولنراجع "السيرة العملية" التي عاشها الصحابة في "العهد النبوي" حتى ننتزع بقية هذا الإشكال من أساسه، هل كان النساء يخالطن الصحابة في المجالس والملتقيات؟! وهل كن يتزاحمن على النبي صلى الله عليه وسلم مع الرجال كل يطلب قربه والتواصل معه؟! وهل كانت الواحدة منهن تجلس بجانب الرجل لا تجد في ذلك غضاضةً ولا حرجاً؟! أم أنه كان "للنساء مجالس" و"للرجال مجالس"، وأن مثل هذا "الاختلاط المقنن" لم يكن له وجود ولا حضور عند الصدر الأول. ووالله لو كان الأمر أمر "اختلاطٍ ظاهرٍ" لكان في "شهرته" و"انتشاره" ما يغني عن الاستدلال له بأن امرأة جاءت تستفي النبي صلى الله عليه وسلم، أو أن النبي صلى الله عليه وسلم دخل على امرأةٍ مرةً ونحو ذلك. فإن مثل هذا لو كان لكان من "الكثرة" و"الشهرة" ما يغني صاحبه عناء تتبع أفراد أدلته وجزئياته.

ثم تدبر الحديث التالي، والذي يبين طبيعة مجالس النبي صلى الله عليه وسلم، وما كان يقع في زمانه من الفصل بين الجنسين:
عن أبي سعيد الخدري: قال النساء للنبي صلى الله عليه وسلم غلبنا عليك الرجال فاجعل لنا يوماً من نفسك فوعدهن يوماً لقيهن فيه، فوعظهن وأمرهن فكان فيما قال لهن: "ما منكن امرأة تقدم ثلاثة من ولدها إلا كان لها حجاباً من النار" . فقالت امرأة :واثنين؟ فقال: "واثنين". وقد بوب الإمام البخاري لهذا الحديث بقوله: "باب هل يجعل للنساء يوم على حدة في العلم".
فلو كان الاختلاط جائزاً، وكان هو الأصل لكان حال النساء في الأخذ عن النبي صلى الله عليه وسلم وسؤاله كحال الرجال، فلم يكن هناك غالبٌ ومغلوبٌ، ولقيل لهن: تعالين وساوين الرجال في مكانكن من النبي صلى الله عليه وسلم، أو اجلسن بين ظهراني الرجال، أو تقدمن عليهم. ولا شك أن هذا يتضمن توفيراً للوقت وللجهد، قائد الأمة صلى الله عليه وسلم بأمس الحاجة إليه.

والمقصود أن القدح في مثل هذه "المحكمات الشرعية" بمثل هذه الاحتمالات غير صحيح ولا جائز، ومثل هذا "المتلاعب" بهذه المحكمات لن يعجزه أن يستحل جمهور المسكرات المعاصرة (باعتبارها خمراً من غير العنب)، وجمهور الربويات المعاصرة (باعتبارها أوراق نقدية لا ذهب وفضة)، وسائر العلاقات غير المشروعة بين الجنسين (باعتبارها نكاح متعة يشترط فيه فقط تراضي الطرفين، ولا يشترط ولي ولا شهود ولا مهر) إلخ إلخ من محرمات الإسلام، وسيجد من "المشتبهات" نظير ما وجد في مسألتنا هذه، بل أكثر من ذلك. فمن أهدر قاعدة "المحكم والمتشابه" فلن يجد مشكلة في تخريج ما شاء من آحاد الأحكام الشرعية وفق هواه، وهذه "إشكالية جوهرية" في التدين تتسلسل بالشخص إلى "الانحلال" عن ربقة التكليف، التي هي أساس التشريع، فإن مبنى الشريعة إنما جاء لإخراج العبد عن داعية هواه ليكون عبداً لله.

ومن المثير للدهشة فعلاً أن أصحاب هذا المسلك في التعاطي مع مسألة "الاختلاط" واقعون في فخ المراوحة بين "النصوصية" و"المقاصدية" بحسب ما تمليه الرغبات. فإذا كانت مقاصد الشريعة تخدم أهواءهم في قضية ما تحولوا "شاطبيين" و"طوفيين" حتى النخاع. وإذا كان الوقوف على "ظاهر النص" في قضية أخرى هو الذي يخدم أهواءهم؛ تحولوا بقدرة قادر إلى "حزميين" بل أكثر من ابن حزم ذاته!

واعتبر بحالهم في مسألتنا، فحين تسرد عليهم تلك النصوص الشرعية الجزئية الدالة على "التحفظ" و"الاحتياط" في العلاقة بين الجنسين وما يحدثه ذلك من معرفة "بمقصد الشريعة" في هذا الباب، فإن ذلك يتبخر في طرفة عينٍ تحت ضغط السؤال" أين النص على كلمة "الاختلاط" في النص المحرم، وإذا قُدّر وباحثك ذات الشخص في مسائل أخر فاستدللت عليه "بنص الشريعة" حدثك عن ضرورة "النظرة المقاصدية" وأن "كليات الشريعة" مهيمنة على فروعها وجزئياتها، فساعة "ظاهري" وساعة "مقاصدي" بحسب الأهواء، أسأل الله أن يعيذنا من الفتن والأهواء، والله يرعاكم

***


تنبيه مهم:

هذا المقال مستفادٌ "بحرفه" و"معناه" من مجموع مقالاتٍ كتبت في هذا الشأن، مع فوائد وزوائد، أهمها:
-الاختلاط .. (هم) و(وهم) للشيخ فهد العجلان.

[تاجورية محترمة]

السلام عليكم، بارك الله فيك أخي (ناجي اللافي) علي هذا المقال المفيد جدا جعله الله في ميزان حسناتك رغم أننا أقفلنا هذا الموضوع منذ فترة و لاكن إستفذنا و لا أحد يرفض الإستفاذة ............. أنتظر بقية الأعضاء للتعليق علي اقتراحي في آمان الله

[زاوية تعشق الحرية]

السلام عليكم ، تاجورية محترمة إقتراحك حلو بس بنستأذن منك و بنطرح موضوع يعني نبي عليه بس كم تعليق و نصيحة و إن شاء الله نتفرغوا لموضوعك ،
عندي قريبتي متزوجة من 20 سنة و عندها 6صغار الأيام اللي فاتت رن الهاتف الأرضي الساعة 11:30 ليلا و هي رفعت السماعة قالت آلو محدش رد فسكرت و رجلها في الدار الثانية جاها قلها من كان يتصل ؟ قتله ما رد حد و هني هو رقاله الزيت و قالها و إنت كيف تردي و الدنيا ليل و من هالكلام يعني أغلبنا ليبيين و عارفين لما واحد ينشحوا خيوطه كيف يبدا و شن يقول . فهيا قالت إنها ردت تحسابها وحدة قريبتها مريضة و ردت لأنها قلقانة عليها لكن هو متفهمش و اليوم الثاني مشى الراجل سل جهاز الإستقبال و حوله و المراة بصراحة حز في خاطرها لأنه أصلا هو ديما ما يحبهاش تتكلم في التلفون و المراة هاذي ما عندهاش في اللف و الدوران . فياريت حد يفسرلي ليش هوا دار هكي و ما فيش حد يقولي يحبها و غار و الجو هاذا لأن أعتقد الليبيين من الناحية هاذي مسكرين و مش خاطم عليهم معليشي لكن هاذي الصراحة و شن المراة المفروض تدير باش يكون تصرفها سليم و لوسمحتو ما فيش حد ينسجم في الأحداث و ينزل يه** واحد من الأطراف لأن حتى لو الراجل غالط أنا نحبه و حتى هو قريبي
و إن شاء الله مثقلتش عليكم لأني بصراحة أول مرة نكتب هنا

[المنقهر]

هههههههههههههه


شنو هالمشكلة يا زاوية تعشق الحرية

ماتحملوهاش هلبا وخلوا المركب تمشي

الراجل غالط ..... و عليه الإعتذار

والمرا غالطة ...... لأنها حملت القضية أكبر من حجمها


يعني

20 سنة زواج ولسه موش عارفين بعضهم .... يعني

لو كانت تعرف أنه الفعل هذا جديد عليه ... فمدورش وتقول بالك يغار عليا وبالك صاير شي وسامع شي عن قريب وخايف يصير معاه

ولو كانت تعرف أنه الفعل هذا قديم عنده .... يعني مار عليها كثير عادي

تمررله وتتحمله " واللي فيه عويده يبيها "


مع هذا الراجل من حقه يخاف على مرته باي طريقة

المهم ما يغلطش فيها باي شكل

ومن ناحية تحويل الهاتف وخطه .... يمكن لأن الراجل ما يبيش يكبر المشكلة مع زوجته

وحب يقصرها وينهيها من اساسها ... فرفع الهاتف


*
*
*
عادي ديمه تصير

المهم كيف نتصرفوا وكيف نتكيفوا

والزوج غيور ولو بعد دهوووور



*
*
خبري قريبتك وقوليلها تفوت الموضوع ولا كأنه صار شي

وتعامل زوجها عادي جدا

وتنسى الهاتف لو زوجها وبيتها وصغارها يهمومها

وتبي راحتها


*
*
*

تحيتي
المنقهر

[تاجورية محترمة]

مرحبتين بيكم ......... زاوية تعشق الحرية شن أخبارك وخيتي و عادي ولا يهمك خوذي راحتك و أطرحي أي موضوع ما عندكش مشكلة ......... و من ناحية القصة إللي قلتيها بصراحة حلو لما الراجل يخاف علي مرته و يغار عليها معناها يحبها أكيد المهم ماتوصلش الغيرة للشك و عدم الثقة ............ قولي لقريبتك ما تكبرش الحكاية و ما و قفتش علي تلفون مش حتموت كان قعدت بلاه و تصبر مرات لما يهدأ و ينسي يرجعلها التلفون وتنحل القصة ........... و حتي هو غالط حسسها كأنه مش واثق فيها و الثقة مهمة بين الزوجين و هذا رأي ........ سلامات ياعويلة

[زاوية تعشق الحرية]

شكرا المنقهر و تاجورية يا حبوبة حليتوها من أبسط شيء شكلي أني بس كنت متعاطفة مع المراة لكن هي كيف تحكي تصخف

[ليبية حرة]

احنا الليبيين وللأسف

تتنازل المرا وتبوس على رجليه وتعتذر و غير سامحني يا سيدي بس

علاش

لسبب بسيط هوا انها حتخسر بيتها وصغارها ولا الراجل والله ما هي فارقة معاه من غدوة يدير عيلة تانية

هدا العيب وين

العيب في المجتمع اللي خلى المرا ضعيفة

العيب في العرف والعادات اللي يخلوها مهانة وغصبا عنها

ببساطة لأن المطلقة او حتى اللي فاسخة خطوبتها هادومايا يبدو عالة عالمجتمع
وما يرحمهم حد

حسبي الله ونعم الوكيل على حقوقنا اللي ضايعة

وبالنسبة لموضوع جارتك

بالتفكير الليبي زي ما قالت تاجورية والمنقهر

اريح حل

بس سؤال معليشي

يعني حتتقبل المرا موقف راجلها عادي وتقدر تكمل معاه وهيا متقبلاته؟؟

اكيد لا بس حتجامله

الموضوع مش بسيط زي ما تقولوا

وعيب عالراجل اللي تتحول غيرته لشك وخصوصا بعد العشرة

المهم ربي يلطف بحالنا ويرحمنا

والله وضعنا احنا النساء العرب وخصوصا الليبيات بجد مؤسف مؤسف مؤسف

وعلى فكرة الشك هو الطريق المضمون لتدمير اي علاقة

[المنقهر]

ليبية حرة

وكل البنات أوأغلبهن على أقل تقدير

غير ليش نضرتكن للرجل الليبي دونية وسطحية ومؤلمة

وتحكمون على الكل لأجل الجزء القليل

إن كانت إحداكن قد مرت بأزمة أو مرحلة في حياتها مؤلمة وحزينة

مع رجل ....بإختلاف قرابته

اب

زوج

أخ

صديق

حبيب

عشيق

فليس هذا معناه أن الرجال سواء

فلربما هذا ما يجعلنا نتمادى في الخطأ إن بدر مننا شيء

فوالله ليس البشر سواء

وليس الرجال سواء

وليس الليبييون سواء

ومن العيب أن نعمم لأجل فرد أو مجموعة أو فئة قليلة

فمثلما هناك السيء هناك ايضا ً الجيد

الأمر يحتاج فقط إلى

فهم طبيعة الرجل وفهم مداخله ومخارجه

ولاأعتقدأن هناك أنثى تعجز عن ذلك


إجعلي نضرتك دوما سعيدة ومرحة

لتكون ايامك مرحة وجميلة


*
*

دمتن بخير
المنقهر

[زاوية تعشق الحرية]

و الله يا ليبية كلامك كله صح للأسف هي مش إهانة في الرجل الليبي فهو مش جاي من بلاد ثانية هاذا يمكن يكون بونا خونا عمنا لذلك من الصعب أن حنا نهينوه لكن لأنا نحبوه نتمنوه يكون أحسن ، و هي بصراحة قاهرها أنه بعد هالسنين قاعد فيه مجال للشك يمكن يكون معذور من القصص اللي نسمعوا فيها يا لطيف لكن لو كنت مكانها و جوي خاش بعضه و زاد هو كمل الحكاية إحتمال نتحول لجزار في هذيكا اللحظة و إن شاء الله ربي يستر علينا كلنا

[ثائرة زاويا]

كيف حالكم ياعويلة ان شاء الله تكون بخير
والله اشتقتــــــــــلكم
المهم
اختي زاوية تعشق الحرية
احمد وتاجوية وليبية حرة
كفو و وفوا
بس بنقولك كلمتين
ان بعد 20سنة زواج المفروض يتخطو هذه المشاكل بكل سهولة
ومافيهاش شي لو تكسر الشر وهي الي تعتدر ليه
هذا مش تنقيص من قيمتها او ينزل من كرامتها
بل دليل علي حلمها وقوة شخصيتها
قوة شخصية المراءة مش
انها تكون ليها كلمة علي راجلها او بتسكير راسها
بالعكس بحلمها وتفاديها للامور البسيط والصغيرة

طبعا هدا راي الشخصي
تقبلو حبي واحترامي...

[زاوية تعشق الحرية]

حلو ثائرة لكن شن بتقول : آسفة رديت على التلفون نحساب أختك المريضة متصلة بيا محتاجتني في حاجة ؟؟؟؟؟؟ أنا معاك يتخطوا المشكلة لكن تتأسف هيا هاذي مهأه

[ثائرة زاويا]

باهي
تاخدة بالسان
اليبيات في السان ميغلبهمش حد

[emy*]

السلام عليكم ...
حقيقة موضوع لفت انتباهي "
مع اني مش متزوجة بس حطيت روحي مكانها
بعد عشرين سنة مش ح ندير حاجة او نتعصب في وجها او نقوله انت مش واتق فيا ح نفوت الموضوع زي ماقالو باقي الاعضاء
بس لما تهذأ الامور ولما يبدأ جوه حلووو نحاول نساله بذاته علاش درت هكي هوا في هاديكا اللحظة ح يجاوب بمصدقية ...
هذا رأي
تحياتي ^_^

[تاجورية محترمة]

مرحبتين بيكم ......... ليبية حرة شكله في حد قاهرك لدرجة مش عادية رب يهديه وبس لاكن ياريت ماتكون نظرتك لكل الرجال الليبين سلبية لأن مازال فيه رجالة تحطيهم علي الجرح يبرأ وأنا نعرف من أقاربي و معارفي رجالة هكي و في إللي ثقتهم في زوجاتهم مالها حد وزي مافيه رجالة مش باهيين فيه غيرهم باهيين وزي مافيه بنات أصل وطيبات فيه إللي تخش علي عيلة زوجها و تفتن و تدير مشاكل وتفرق بين حتي الخوت و هذه دنيتنا و كل حد و نصيبه المهم مانعمم السيئات علي الحسنات و الحسنات علي السيئات ......... بعدين تكبير المشاكل مش في مصلحة الزوجين لازم الإثنين يوفتو و يتحمل ...... وسلامتكم

[ثائرة زاويا]

تاجورية والله كلامك صح

لازم منعممش
لان زي ما فيه الراجل الي مش باهي
في المراءة الي مش باهية

في الكويس والي مش كويس من الجنسين

في الراجل الي يحترمك ويقدرك ويحطك علي راسه
ولو تطلبي منا عيونا يعطيهولك ... وهدا الي معضمنا نبوه

وفي المراءة المحترمة الي قدر الراجل وتحترما وتقدس بيت الزوجية
وتهتم بحوشها وراجلها وصغارها

يعني عمرك متحكمي علي اشخاص من معرفتك لشخص واحد

لكم مني كل حب واحترام...

[ليبية حرة]

يا أخواني ليش ما فهمتوني

انا ما عيبت عالرجالة
عيبت على نظرة المجتمع للمرأة
ونظرته للرجل

العيب في المجتمع اللي خلى المرا ضعيفة

العيب في العرف والعادات اللي يخلوها مهانة وغصبا عنها
يعني الراجل يعيش حياته بحرية ومايعرفش عيب و لا يعرف كلمة لا
والمرا حتى تعطل شوية في شغلها
من بيرحمها

والراجل يتصرف بطريقة تعلمها في العرف والعادات

بالذمة يا بنات
راضيين على التقيد اللي عايشين فيه

عن نفسي مش راضية

افهموني

لأني مانحكيش على تجربة شخصية
ولا نحكي عن شخص معين

نحكي بصفة عامة
يعني و كأنكم مش ولاد البلاد

لآمتى المرا هيا اللي تعتذر
ليش لما الراجل يغلط ما يعتذرش
وحتى لو اعتذر بعد ما تجيه هيا الاولي وتتأسف
انا نعرف الغالط هو اللي يعتذر بالأول

لكم كل الود

وخفوا علينا شوية

[ثائرة زاويا]

يعني الراجل يعيش حياته بحرية ومايعرفش عيب و لا يعرف كلمة لا
والمرا حتى تعطل شوية في شغلها
من بيرحمها
اختي ليبية حرة
لو كان مش هكي كيف بتتميز الرجل عن المراءة
وبعدين هذا حماية وحرص علي المراءة من المواقف التي قد تتعرض لها
وشخصية الرجل تختلف علي شخصية المراءة

بالنسبة ليا اني واخدة مطلق حريتي في ايطار الدين والعادات والتقاليد


لكم مني كل حب واحتراام...

[زاوية تعشق الحرية]

شكرا للحلوين و الحلوات اللي عطوا رأيهم و مني أنا نقوللكم فوتوا الموضوع أنا اليوم كنت عندي قريبتي صاحبة الحكاية و الله شن بنقول الحمد لله جوها عشرة معاه و هو لا كنه فيه شيء و الله المتزوجين هوذا شيء معقد عجزت نفهمه المهممممممممممممممم فوتونا منهم و خلونا نشوفوا موضوع تاجورية محترمة اللي يحكي على جو العيد لأن العيد قرب

[ليبية حرة]

يعني الراجل يعيش حياته بحرية ومايعرفش عيب و لا يعرف كلمة لا
والمرا حتى تعطل شوية في شغلها
من بيرحمها
اختي ليبية حرة
لو كان مش هكي كيف بتتميز الرجل عن المراءة
وبعدين هذا حماية وحرص علي المراءة من المواقف التي قد تتعرض لها
وشخصية الرجل تختلف علي شخصية المراءة

بالنسبة ليا اني واخدة مطلق حريتي في ايطار الدين والعادات والتقاليد


لكم مني كل حب واحتراام...

وفي نظرك هذا الشي الوحيد اللي يميز المرا عالراجل

انها تروح بكري من شغلها وبسرعة وانها تقعمز في الحوش

التميز يا أختي يكون في التصرفات وفي الطباع

يعني

نعطل في شغلي بس انا قاعدة بنت ما تنصلتش عن أنوثتي

وشن الحماية والحرص تي هيا حتى دكتورة نساء تبات في الليل ما يرحموهاش شن الحرص اللي فيها

وعن نفسي اهلي عاطييني الحرية الكاملة في اي شي تربيت عليه

لكن الناس مانعتني من اني ناخد حريتي

وشكرا على النقاش ووجهة النظر

ودمت بخير أخية

كل الود

[ثائرة زاويا]

مفهمتينيش

اوكي
افرضي انك مروحة في ساعة متاخرة من اليل وطلعولك ولاد سكرانين
يلا شن بديري في هدا الوقت !!!!!!

[ليبية حرة]

امممممممم

مش عارفة بصراحة

بس أكيد انا مش حنروح التلاتة او الاربعة الصبح

لسبب بسيط هوا اننا في مجتمع يااالطيف

ولأن زي ماقلتي ولاد الحرام ماشالله

بس انا قصدي لما تروح ياستي حتى الساعة اربعة العشية
امممم
زعمك هادي وين كانت هدا كله عمل
امممم

وهدا يا حبيبتي العيب وين

في المجتمع

وعلى فكرة الكلام هدا موجود في كل الدول العربية

بس
في الغرب تطلع المرا حتى للفجر وفي دراجة وما يتعرضلها حد

اكيد مش ناسية اننا مجتمع شرقي وتعاليم الدين
والحمد لله
الشي هدا يحفظ للمرأة حقوقها
وانا مش معترضة عالتحفظ
لا بالعكس
ولا ان تتساوي المرا بالراجل
تبقي المرأة مرأة والرجل رجل
انا أكتر كلامي كان نظرة المجتمع للمرأة

يعني لما الراجل يسكر هدا حرام في الدين
بس المجتمع ما ينظرلاش جريمة يعني يشوفوله عيب وربي يهديه
ولو المرأة تسكر
حي عليك حي

مش معني هدا ان نبي الشرب والخمر العياذ بالله
بس نوريلك بس نظرة المجتمع للمرأة هدا مثال بسيط

على فكرة الموضوع عجبني ونبي نتكلم فيه هلبة
وأكيد حنرجع نفتحه مرة تانية

سلاماااات

[ثائرة زاويا]

ايـــــــــه الموضوع هدا في غاية الاهمية
ولازم نعرفو وجهة نظر باقي الاعظاء

لكن تاخرنا علي موضوع اختنا تاجورية
نرجعو لموضوعها وبعدين نفتحوا الموضوع هدا

لكم مني كل حب واحترام ...
لي عودة للرد علي موضوع تاجورية محترمة

[المنقهر]

لا لا لا لا لا لا لا


وسعوا بالكم على فتح موضوع الحاجة تاجورية

خلونا في الموضوع هذا

أنا كنت بعيد شوي وليا فتره ما دخلتش لأسباب معينة

وعندي الكثير من الكلام اللي نبي نقوله


نبي نرد على كل وحده منكن

وعلى قدر عقليتها ونضرتها


عندي كلام هلبا

بس ردوا بالكم تسكروا الميضوع

أنا بنرجع بكرا لأن اليوم خلااااااااااااص

سرقت روحي سرقه من العمل


*
*
تحيتي وودي
المنقهر

[ثائرة زاويا]

خوي المنقهر لكن قبل كل شي
لازم نستادنو الحاجة تاجورية
انا نخلو الموضوع هدا للحوار وبعدين نرجعو لموضوعها
وياريت ترد علينا

لكم مني كل حب واحترااام........ز

[تاجورية محترمة]

مرحبتين بيكم ، نقاش ساخن بس حلو لأن موضوعه مهم جدا وردودكم وآرئكم نحترمها كلها وخوذو راحتكم في الموضوع ما عندي مشكلة ........ لاكن خلوني نقول رأي أختي ليبية حرة أنا فهمتك شن تقصدي وسامحيني كان حسيتي إني فتت حدي و الإختلاف لايفسد للود قضية ............ بالنسبة لنظرة المجتمع الليبي للمرأة فأنا ما ننظرش إنها سيئة لهذه الدرجة إللي تحكي عليها أنت علي الأقل نحكي علي كل أقاربي و الناس إللي نعرفهم و منطقتي بصفة عامة أنا نعرف بنات نخطب و نفسخت خطبتهم و بعدها علي طول نخطب مرة ثانية يعني ماعندناش لقطة إللي نفسخت خطبتها عالة علي المجتمع زي ماقلتي بالعكس إللي تنخطب يطلع ستين واحد كان يبيها وتحلو في عيون الناس ومجرد ماتفك الخطبة يجوها ناس ثانيين يخطبوها وهاذي صارت هلبة عندنا ..... والمطلقة علي أهلها وأقاربها في مطلقات نعرفهم أهلهم حاطينهم في عيونهم لا ومددلينهم زيادة وفي إللي بعد طلاقها تزوجت وواحد مش متزوج قبل و مدللها هلبة وهذه قريبتي أعتقد أهم شئ المرأة تراعي رب في تصرفاتها ولو أهلها كويسين معاها شن تبي في باقي الناس يتكلمو و لا يسكتو كان بنهتم بالناس و كلامهم مش حنرتاحو .... و بنحيكيلك علي موقف صار معاي أنا خدمت في مصحة أسنان في سنة ألفين وتسعة وكان شغلي من الساعة ثلاثة قبل العصر لحد الساعة تسعة في الليل المهم جت وحدة قريبتي ولقتني في الإستعلامات و هدرزنا مع بعض بعدها بأيام جت مرة ثانية جتني تتأسف تعرفي ليش لأنها تلاقت مع مرأة تقربلي وقاللتها إنها شافتني وهذيك قالت عليا كلام مش كويس بحكم إن نخدم في عيادة و في الإستعلامات وفي الليل وجعتني في البداية لاكن صديقيني لا كلمتها ولا واجهتها وبعد فترة نسيت الموقف كله وحاليا ديمة تجينا قريبتي هذه ونعزها رغم إللي صار وأصلا نسيته وما اهتميتش به لسبب بسيط أهلي عارفين و موافقين وعندهم ثقة فيا و أنا عارفة إني مادرتش خطأ نشتغل بإحترامي مايهمني حد ثاني و إللي بيقول كلام يرجع عليه صدقيني

[ليبية حرة]

تاجورية محترمة

كلامك كله علي عيني وراسي
واحنا نتناقشوا عادي مافيش مشكلة خودي راحتك

والله شكله احنا العيب في منطقتنا
خلاص توا نحولوا لتاجوراء الحبيبة باش نتحصلوا علي شوية راحة وحرية

احنا عندنا مثل يقول
اعفس علي قلبك وزيد رشادة صرمان راهي في الخبر شوادة

وانا نحكي بصراحة علي كل المناطق غربي الزاوية
حالنا متعب الحق

والله المرا عندنا تتحفظ لأبعد الحدود وان شاء الله تسلم من الحكي

وبالنسبة للي تفسخ خطوبتها والطلاق حي عليها حي
والله قلتلك معاد شايفلها واحد كان تبدا بنت منو الا إذا خداها شيباني مكمل عمره

وهذا واقع عندنا احنا الغرابة تحديدا ...

انشالله فهمتيني

[تاجورية محترمة]

ليبية حرة حبيبتي فهمتك أكيد معقولة لهذه الدرجة رب يعينكم ويصبركم وكان بتجونا في تاجوراء مرحبتين بيكم أكيد تنورونا و تشرفونا هلبة ........ لاكن بجد عندنا حتي بنات يسوق في سيارات وعادي و أولهم أختي تخرجت من الهندسة وإشتغلت و خذت سيارة بفلوسها و عندنا واحد قريبنا ملتزم شافها مرة في الطريق هو وأخته وقعد يشكر فيها كيف خدمت ودارت حتي سيارة و كل أقاربنا ومعارفنا ينظرولها بإحترام والحمد لله و حاليا هي متزوجة رب يسعدها

[ثائرة زاويا]

حتى حني في الزاوية البنات يسوقو وعادي واني اولهم
بس صح المناطق غرب الزاوية منغلقة شوية زي صبراته وصرمان والحرشة
العقلية متعهم تعبانة شوية مع احترامي للناس الواعية المتقفة

[تاجورية محترمة]

ثائرة زاويا شن أخبارك إشتقتلك ياحلوة وشن أخبار شغلك أنت تسوقي يا حظك أنا نتمني تكون عندي سيارتي الخاصة لأن بصراحة حاليا ماعندنا سيارة في البيت يعني خوتي عندهم سيارات لاكن متزوجين وتعرفي أنت إن المتزوج صعب تحصليه و خوي إللي مش متزوج ماعنده سيارة ....... لاكن في سببين يخلوني ما عندي سيارة أولا الماديات أكيد و الثاني أنانحس في نفسي ماعندي الجرأة نسوق سيارة يعني بصراحة نخاف مانعرفش ليش و من أي شئ نخاف بالضبط شكلني جبانة هههههه ............ ياريت لو فيه حد يتواصل مع نبع الحياة يطمنا عليها و علي إمتحناتها و يسلمنا عليها ...... في آمان الله

[ليبية حرة]

يا بنات انا ما تكلمتش علي قيادة السيارة

حتي انا اختي تسوق وتمشي بيها لعملها وانا حاليا نتعلم القيادة وانشالله بعد التخرج حندير سيارة

مش مشكلة القيادة عندنا عادي

بس بشرط خاطي وقت الدوام صعب بصراحة بس احيانا نمشو عادي للتسوق او مشاوير البنات

يعني مش تشدد هلبة من الناحية هده

وبالنسبة للزاويين والله انا اللي نعرفهم صاعبين ومتشددين يمكن اكثر مننا

بس الباهي والعافن في كل مكان

وعاداتنا احنا والزاويين تقريبا واحدة

المهم انا ما نحكيش التشدد في كل شي
في حاجات دون حاجات

وشكرا اخواتي في الله

وبالنسبة لنبع الحياة

قالت انها مش حتفتح المنتدى لحد ما تكمل امتحاناتها
ويمكن الخميس تكمل

ما تنسوش تدعولها

good bye
see you

[تاجورية محترمة]

ليبية حرة فاهماتك ياحلوة بس جبت قيادة السيارة للمرأة كمثال ......... نحن عندنا البنت علي سمعة أهلها بين الناس كان أهلها معروفين بالأخلاق و التربية الكويسة فمهما صار يعني لو قرأت في الجامعة و اشتغلت وساقت سيارة و نخطبت و فسخت هذا كله ما يغيرش نظرة الناس ليها لأنها معروفة بنت من وشن أصلها و أولهم أختي إللي تسوق في سيارة نخطبت أكثر من مرة و ماصارش نصيب و هذا ماغيرش نظرة الناس ليها و بعد ماخطبها إللي حاليا زوجها طلع و احد من أقاربنا يبيها لاكن مش جاهز و خذت نصيبها في النهاية ...... ووحدة نعرفها في يوم الإربعاء في عرسها لما يقرأ الفاتحة اكتشف إن العريس عنده مرض خطير و ما قال عليه للبنت و أهلها ماصارش من الزواج و بعدها بفترة بسيطة نخطبت و تزوجت و ما في مشكلة عادي و غيرها هلبة قصص صارت ......... المهم إللي يتكلم علي بنت متزوجة أو لا ظلم فكلامه يرجع عليه أكيد .....

[ثائرة زاويا]

اوبالنسبة للزاويين والله انا اللي نعرفهم صاعبين ومتشددين يمكن اكثر مننا

**********
والله بالعكس اني قعدا فيها الزاوية ونطلع وانشوف بدت منفتحة ممكن قريب زي طرابلس
والناس عادي وزي ماقالت تاجورية الي يقول حاجة مردودة عليه والبنت صمعتها من صمعت اهلها

[ليبية حرة]

اممممممم

وين المنقهر مش بيناقش الموضوع ولا غير رأيه

عاد كانه مطول خلونا نحكو عالعيد

بإنتظــــــــارك

[تاجورية محترمة]

ليبية حرة المنقهر شكله مشغول هلبة هالأيام الله يعينه بس نستنوه يمكن غدوة يدخل .......... ليبية حرة ياحلوة لو تتواصلي أنت و نبع الحياة بالله بلغيها شوقي ليها وسلامي الحار و قوليلها أنا مش ناسيتها من الدعاء رب يوفقها ........ ليبية أنت شن أخبارك يارب تكوني مرتاحة عيدك مبارك ياحلوة و كل سنة وأنت طيبة أنت و كل الأعضاء في جلستنا وغيرها ........... سلامات يا حلوين نلتقي علي خير بإذن الله .....

[نبع الحياة]

السلام عليكم ورحمة الله وبركاته



شنو اخباركم ياعيلة وان شاءلله تكونوا بخير



والله لكم وحشة

المهم,,

شفت انكم تتناقشوا في موضوع وشفت ردودكم ع موضوع اختنا (زاوية تعشق الحرية)

اناوجهة نظركم كلها نحترمها بس بصراحة اكثر شخص ننتفق معاه في الرد هي (ليبية حرة)

قالت الكلام اللي في خاطري كله ؛" كفيتي ووفيتي"

بالنسبة لموضوع تاجورية محترمة ياريت تخلوه بعد العيد

عشان كل واحد يحكينا شنو دار في العيد هذا مجرد اقتراح وبأمكانكم ترفضوا

وكل سنة وانتوا طيبين

[ليبية حرة]

منورة يا نبع الحياة والله
لك وحشة
تاجورية محترمة
أنا اخباري زي العسل ولله الحمد
وصحيتي عالسؤال وخيتي
ومبارك العيد علينا وعليك
وعلي جميع الشعب الليبي والأمة الاسلامية
وتحياتي ليكم يا أحلي أعضاء في جلسة الشاهي

[تاجورية محترمة]

نبع الحياة نورتينا إشتقنالك شن أخبارك وأخبار إمتحاناتك ......... ليبية حرة الحمد لله إنك بخير وأخبارك تمام ........ حتي أنا نشوف إن موضوع العيد نخلوه لبعد العيد زي ماقالت أختي نبع الحياة لأن الأيام الجاية ممكن مانقدرش ندخل حنكون مشغولة هلبة و أكيد الكل حيكون مشغولين و بصراحة مزاجي حاليا مايسمح إني نهدرز عالعيد خلوها بعد العيد نكون كلنا حاضرين ويمكن مزاجي يتعدل شوية ............ نشوفكم علي خير بإذن الله وكل عام و أنتم بخير وسامحوني ياجماعة الخير .....

[المنقهر]

السلااااااااام عليكم ورحمة الله

كيف حال الحاجات والشيابين ، لو مازال فيه شيباني اصلا ً

وكيف حال البنوتات والأمهات

ههههههه الباين عليها واخداتكن الدوه ونسيتن حق الضيافة

هههههههه هذينا نساوينا حنى " عطيهن دوة ودق حنك ، ينسن الدنبا وينسنا "

وقالن يبن حرية اكبر وتغيير في الأعراف والتقاليد

آآآآآآآآآآآآآآه

بالله خلوني ساكت خير ، أنا لو بنتكلم اكيد فيه حد حيزعل

وأكيد حيصير مشاذه في الكلام


بس مع هذا اللي نبي نقوله أنكن يا بنات

" خربطن في الموضوع ووسعتن المشكلة بدل ما إضايقوها "


تي هوا كان موضوع عن مشيكلة بسيطة بين راجل ومرته " سوؤ فهم يعني "

وراح في حالة والحمد لله " بس ليبية حرة وسعة القضية "

نحمدوا ربنا أنها موش متزوجة " تي والله ماهي قاعدة دقيقة بعد اول مشكلة بينها وبين زوجها "

مع أني نوافقها أنه فيه أخطاء في التقاليد اللي ماشية معانا

لكن ليس لدرجة أن يكون هناك مجال ومتسع أكبر

في حرية المرأة

سأجاريك واقول أنا مع حرية المرأة ....... ولكن

بالقدر الذي يضمن لها كرامتها وإنسانيتها وحقها الطبيعي

أما أن تتدعي نقصان حقوقها .. وتضييق مساحة حريتها ... والتعدي على حريتها

فهذه التي لا نرضى بها أبدا ً

لأنها من شعارات الغرب الذي يسعى لترويجها في الشرق

بداعي الحرية والإنفتاح


في الوقت أن المرأة لدينا معززة مكرمة وواخده كل حقوقها

ولس هناك من تتدعي غير ذلك

إلا كانت لها مآرب أخرى تسعى للوصول إليها

وأغراض أخرى ونظرة غير سوية حول العولمة والإنفتاح


سأكون معكن واقول أن

المرأة عندنا مهضومة في بعض الحقوق ومستكردة في البعض الأخر

ولكن من طبيعة مجتمعنا وشرقيته وطبيعة عاداتنا ، وبطبيعة ديننا الحنيف

هي التي تمنحها حقوق وتمنع عنها حقوق أخرى

في الوقت الذي لم ولن يرضى اي إنسان التعدي على حقوقها الشرعية

ويكفيها فقط

أن الدين الإسلامي منحها أكبر قدر من الحقوق

التي يمكن أن تمنح

يكفيها أن الدين الإسلامي نظر إليها كونها أنثى رقيقة المشاعر

وعاملها من هذا المنطلق


يكفيها فقط أنها لا تباع ولا تشترى في الأسواق

وأن لها قدر وقيمة

اكبر بكثير من الذهب والورق


يكفيها فقط

أن رسولنا الكريم اوصى بها وقال

رفقا ً بالقوارير



*
*

ومع هذا كله ساقول أيضا ً

أن المرآة في ليبيا على الخصوص تفتقر فقط

للتربية الدينية التي تجعلها تنظر إلى أبسط حقوقها وكأنها الجنة


*
*
*

وصحيتوا عالشاهي والبشطوطي

وليا عودة اخرى


المنقهر

[نبع الحياة]

هلا ومرحبا بجميع المتواجدين في الجلسة

كيف حالكم
,,

اممممممممم
انا نبي نقترح ان نغير الموضوع اللي مش عارفة من امتى فاتحينا لان دره كبدي من كثر من شوف فيه

مع احترامي لصاحبة الموضوع طبعا

بس نحس فيها مافي مشكلة لو كانت في غيرة من الرجل لزوجته حتى اخر يوم في العمر

والغيرة دليل ع الحب الجنون عند الرجل وانا نحب غيرة الرجل ع مراته بس بحدود معقولة

[ليبية حرة]

السلام عليكم

قبل ما يتسكر الموضوع اسمحولي نوضح وجهة نظري

لحتي ما تفهموني خطأ

نظرتي للمرأة وكيف يجب ان تكون

هادئة رقيقة خجولة واثقة من نفسها

محتشمة في لباسها

حريصة في حديثها و تصرفاتها

لا يعلو صوتها لأنه كلما يعلو صوتها قل حياؤها

لا تعاند آدم وطاعته لكن ليس علي حساب التنازل عن حقوقها والانخراط من شخصيتها

فهي دوما تحتاج لآدم جنبها

ولأنها لا تستطيع العيش بدونه فهي تفعل المستحيل لإرضائه

وهذا واجبها

ما عنيته

بعض الحرية في حدود تعاليم ديننـــا الحنيف

,,حريتي لإختيار المجال المناسب لدراستي

,,تكملة تعليمي ووصولي لأعلي المراتب التي أطمح لها

,,إبراز مواهبي في أي مجال عندي فيه موهبة لحتى لا تطمس مواهبي وشخصيتي

,,بناء شخصيتي واعتمادي علي نفسي بعيدا عن آدم

,,الزواج في سن لا تقل عن خمس وعشرون سنة

,,خروجي من المنزل لإقتضاء حاجاتي في اي وقت

,,بعض الاستقلالية

,,العدل مابين آدم وحواء في بعض المواقف

,,أن تبقي حواء الأنثي الضعيفة التي تحتاج آدم الرجل ليحميها

عاداتنا ... تقاليدنا

تحتم علينا التنازل عن الكثير من الأشياء التي ذكرتها
لأكون حواء الليبية
وغير هكي حنكون طفرة غريبة الكل يتعجبلها

لهذا ......

نتمنى انكم تفهموا وجهة نظري

وانا والله ما نكبر في المشاكل

ولو كنت مكان الزوجة اللي حكيت عليها اختنا زاوية تعشق الحرية

كنت حنجي لزوجي ونقبل جبينه ونعتذر منه لأني رديت عالهاتف في وقت متأخر وحنقوله انت زوجي وابو ولادي انت عندي بالدنيا كلها ولو عالهاتف ** في كل الناس مع راحتك انت خوده ومعاش نبيه المهم رضاك يا تاج راسي واعرف اني والله مانقصد ازعاجك وحقك عليا

وبالطريقة هدي بالتأكيد حيعتذر مني وحيرجعلي الهاتف وحنكسر الشر وتمشي الامور علي خير

هكي تربيت سواء كان الشي هدا صح او خطأ
سواء كان تنازل او ضعف لكن مش حندير الا هكي

وحاليا تقدروا تسكروا الموضوع لو تحبوا وان شاء الله فهمتوا وجهة نظري

تحياتي/
ليبية حرة

[زاوية تعشق الحرية]

السلام علكم كيف الحال يا حلوات و الله أنا نأيد و بشدة نبع الحياة لما قالت سكروا الموضوع لأنه مش درهلي كبدي لا أنا نحس الضغط ركبني و السكر و إحتمال جلطة جايتني في الطريق لأنكم يا أمورات يا عسولات تناقشوا في موضوع عقييييم يعني حبيبتي ليبية الحرية اللي أنتي تحكي عليها من حقك و لو عطاهالك والدك محد ليه علاقة فيك و لو دورتي الناس عارفة جحا شن قال " رضا الناس غاية لا تدرك "،و بالنسبة إن حواء حقوقها مهضومة هاذي مش جديدة يعني من قبل حتى من كونوا حنى موجودين و مهما الواحد يناقشها مستحييل يكون ليها حل لأن بعض البنات يستغلوا في الحرية بشكل غلط و فسدوا على الباقي و بالتالي أي واحد يخاف على بناته أو خواته و لما ولي أمرك يضيق عليك شوية اعرفي أنه هو يحبك و يثق فيك لكن مش واثق في المحيط و في النهاية هي حماية ليك ،و ماننسوش الرجل الشرقي هو الطرف الأقوى في المجتمع ، عندي تعليق بسيط : " المنقهرررر " يا سلاااااااام يا عيني قلتلي لا تباع في الأسواق و الله هاذا اللي ناقص لكن الصبر شوية يا رجال ليبيا و بإذن الله حرية ليبيا حتعطي مجال للمرأة و يا ويييلكم لما توصل المرأة لمنصب رئيس أو رئيس وزراء و بالذات لو كنت أنا " احم احم " حنخليكم تمشوا على الحديد متلخبطوشي ههههههههههه و طبعا بعدين حتديروا على ثورة و تديرولي كيف بوشفشوفة

[ثائرة زاويا]

بعيــــــــد السو عليك زاوية تعشق الحرية
والله حق النقاش عقيـــــم

يلا انت افتحينا موضوع يكون حلو زيك طبعا
ويكون نقاشة مسلي

لكم مني خالص حبي واحترامي,,,

[ليبية حرة]

باهي يا حلوين خلونا نحكو في العيد توا

ونكملوا بعد العيد انشالله لما ترجعلنا تاجورية

ها شن قلتوا

نحكوا في العيد

ماشي تمام

ماعندكمش مشكلة

نبدا أنا الأولي ونحكيلكم على عيدنا

يلا

طبعا

احم احم

احنــا عيدنا كساد وبسيط جدا ماعندناش فيه لاسبر ولا عادات
يعني نعيدوا حوشنا بس واللي احنا 3 بنات و ولد واحد وماما وبابا بس

لا لمة ولا زحمة وهذا اللي يخلي في عيدنا كسووودي
الصبح

نذبحوا زي الناس

نديروا القلاية واللي هي من اختصاصي انا
ونشووا الكبدة

ونقعمزو نفطروا

ماشي

الغداء

طبعا عصبان واللي يكون من الصبح جاهز يعني نحضروه بالليل ونطيبوه الصبح

عصبان ومشروب وقلاية

هذا غذانا

العشية نمشوا ندوروا دورة على عمامي
خوالي
عيادي عالسريع
وفي الليل
يقطعوا اللحم ويديروا القديد ونشووا اللحم

يعني عشانا

لحم مشوي
بالليمون
كولا
امممممم
جو

خلاص

هذا اليوم الأول

تبوا تعرفوا حتى اليوم التاني

خلوها مرة تانية

عيدكم مباركـ

[المنقهر]

السلام عليكم ورحمة الله

كيف حالكم وشن أخباركم

والله مع أني زعلاااااااااااان هلبا من تسكيرتكم للموضوع

اللي كان فيه النقاش جميل ومحتدم

بس يالله ماشي حاله

خيرها في غيرها


وبالنسبة للموضوع الثاني متاع الحاجة ليبية حرة

والله نحس فيه بدري شوي

المفروض يجي يبدأ مع أول أيامات العيد

وكل واحد يهدرزلنا عن كل يوم شن دار وشن صار

وياريت لو يوثقه حتى التوثيق

صور وفيديوهات


بيش يبقى رسمي


ونعيشوا جو العيد مع بعضنا البعض

وكاننا عيلة وحده

وكأننا في منطقة وحده

ونتعرفوا على عادات بعض في العيد وأجوائها



*
*

أنا هذا رأي ووجهة نظري

ونحترم راي الليبية الحرة وطرحها


*
*
تقبلوا تحيتي وودي
المنقهر

[ليبية حرة]

امممممممم

ما فيش مشكلة

نحكوا توا عالعيد اللي فات

ونحكوا بعد العيد عالعيد هذا

حاضر

شن ورانا

ولا شي

وخوي المنقهر

حتى انا كنت نتمنى يطول النقاش في الموضوع اللي فات

بس البنات اللي كبدها درهت واللي جاها الضغط واللي اللي

المهم
استئذنهم لو يحبوا يفتحوه تاني نفتحوه بعد العيد
أختك ما عنديش مشكلة

يلا

سلاااااامااااااااات

[ثائرة زاويا]

http://n4hr.com/up/uploads/7d1733387a.png


http://img175.imageshack.us/img175/5508/57276210pd7.jpg

http://www.gulfson.com/vb/imgulfson/c0a41910ad555cdda4e6ee9728d3ea52.gulfson (http://www.gulfson.com/vb/)


تحلاية بســـــــــطة علي شرف حبيبتي نبع الحياة

انشاء الله تعجبكم

تقبلو حبي واحترامي...

[تاجورية محترمة]

السلام عليكم ، كيف حالكم ياعويلة و كيف كان يوم الموسم عندكم ، خنبت روحي ودخلت نطل عليكم ..... بما إن الموضوع إللي فات ضايق بعض البنوتات إللي نتأسف منهم طبعا إعتبرو إنه تصكر خلاص و نفتحوه بعد فترة بعد إذن الكل لأن فيه من طالب بفتحه مرة ثانية و أنا مش حنزعل حد من الطرفين في النهاية موافقين ياحلوين ....... خلينا نحكو علي العيد وأجوائه وخاصة إنه أول عيد بدون إللي مايتسمي و فروخه ...... وبالنسبة لفكرة المنقهر التوثيق بالصور حلوة هلبة وحنحاول نصور و نزل لكن ما أعتقدش تنزل الصور من نث النقال فسامحوني ....... بإذن الله كان قدرت ندخل غدا في الليل حنحيلكم علي عيدنا كيف كان طبعا إذا ما كنتش تعبانة و نمت من التعب هههههه ...... و أكيد حنجيبلكم ( عصبان وقلاية ومشوي ) ضيافتي للكل ....... يالله سلامات و عيدكم مبارك أنتم و كل أهلكم في آمان الله

[تاجورية محترمة]

مراااااااااحب بيكم اليوم يا أحلي عيلة و أحلي أعضاء كيف كان عيدكم اليوم يارب يكون عيدكم فات بسعادة وحلو ........ أنا عيدنا كان تمام التمام و حلو وليه طعمة و الحمد لله رب يهني و يريح و يسعد ليبيا و كل من فيها من شرقها لغربها و من شمالها لجنوبها آمييييييين يارب ........ تهنئة خاصة مليانة خير وود لكل من ....... ( نبع الحياة ، ليبية حرة ، المنقهر ، ثائرة الزاويا، لانا أحمد ، زاوية تعشق الحرية ، الوسام ، أمل أيوب ، رجبانية حرة ) و لكل أعضاء المنتدي .... وليا رجعة حتي نحكيلكم علي عيدنا اليوم و مش حننسي ضيافة العيد طبعا ورد بالكم تقولو بخيلة راني مش بخيلة بالعكس .....

[ليبية حرة]

كل عام وكلكم يا احلى اعضاء باحلي جلسة بألف خير

ودامت اعيادكم وافراحكم دوووووم

وينعاد علينا وعليكم اعوااام عديدة

جو عيدنا حلو كان وزي العسل

تاجورية محترمة كل سنة وانت طيبة حبيبتي شكرا

نتلاقوا ...

[تاجورية محترمة]

خلي نحكيلكم علي عيدنا ...... صحينا الصبح وبدأنا نجهز في حاجات العيد أنا وأختي نحن عيلتنا مكونة من ستة بنات و ثلاث شباب أربعة من أخواتي البنات متزوجات و إثنين من إخوتي الشباب متزوجين ..... المهم عيدت علي أمي وأختي و خوي بعد ماروح خوي من صلاة العيد و بالنسبة لبوي متوفي من شهر 2 في سنة ألفين وعشرة الله يرحمه و يدخله الجنة آمين ...... جهزت أنا و أختي بعض الحاجات وبعدها دخلو إخوتي الإثنين المتزوجين هما وزوجاتهم وصغارهم لأنهم يعيدوا معانا طبعا وما فيش أحلي من لمة العيلة في كل وقت و خاصة في العيد و عيدنا كلنا علي بعض و طلبنا السماح من بعض وبعدها طيبنا قهوة وشربناها قبل كل شئ ...... وجابو خوتي خروفنا و خروف خوي الكبير في السيارة من حوش خوي الكبير أما خوي الثاني فجاب خروفه معاه في سيارته ..... و بعدها ذبحو الخرفان و بدو يسلخو فيهم و علقوهم و طلعو منهم البطون و كناينا الإثنين هما إللي غسلوهم كنت كل سنة نغسل في البطون لاكن السنة هذه خديت رؤوس الخرفان وشوطهم أنا و أختي و غسلناهم و كنت نغسل في البطون حتي نتعلمهم كويس لأن الحق مش أي حد ينظف البطن كويس وتنظيفها يبي دقة لاكن السنة هذه أول عيد بعد زواج أختي إللي أكبر مني بسنتين ... نحن أربعة أنا و أختي و كناينا الإثنين فقسمنا القضية بيناتنا إثنين في البطون و إثنين في الرؤوس ... دوتي هلبة نحكي بالتفصيل ههههههه ....... المهم بعدها خوي شوي كبدة فطرنا عليها و جهز لحم للمشوي و نحن طريقتنا في المشوي خاصة بعيلتنا بس نحن و أعمامي و عمتي الكبيرة نديرو فيه كباب في مشكات ( أسياخ ) خاصة بالكباب و نجهزوله في خلطة من يوم الموسم عبارة عن ( بصل رووس وبصل أخضر و بقدونس وطماطم أخضر و فلفل أخضر وثومة وليمون وملح وفلفل أسود مرحي و شوية حرارات ) و كل هل الحاجات تخلط في الخلاط إلا البقدونس يفرم ناعم بالسكين بس و تخلط مع بعض مع تكثير الملح و الليمون و الثوم و بعدها اللحم تبع المشوي يقطع مربعات لا صغيرة و لا كبيرة و ينحط في هالخلطة يتنقع و كل مايتنقع أكثر يطلع أحلي و نحطوه في أسياخ و نشووه ماتستغربوش و صدقوني فيه طعمة مش عادية و جربوه و أنا صورته وحنحاول نزل الصور حتي تشوفوه .......... المهم بعدها بدينا نقطع في الخرفان خوتي الثلاثة طبعا يقطع كل واحد شد خروف ..... و أنا و أختي قرضنا القلاية تبعنا و كملنا حشي العصبان كنا باديين فيه من أمس لأن عندنا بطن صغيرة غاسلينها و حاطينها في الفريز طلعناها في الموسم و جهزنا لها الخضرة وباقي الخلطة و حشيناها أمس في الليل و باقي الخلطة حشيناها اليوم ....... و تغدينا مشوي الكباب مع سلطة مشوية و سلطة عادية و مشروب و عصير ...... و بعدها حطينا العصبان علي النار هو و الفاصوليا نحن متعودين في عيد الفطر أو الإضحي لازم من الفاصوليا ....... و بعدها درنا القديد و ملحناه و نشرناه و قطعنا اللحم والرووس و نحن كملنا حاجات أضحيتنا قبل خوتي المتزوجين لأن كل حد قديده وقلايته بروحه بعد ما يروحو من حوشنا ينشروا قديدهم و يطيبوا قلايتهم الليلة أو غدوة الصبح ...... المهم كملنا حاجاتنا كلها و طاب العصبان فحطينا منه سخون و بعدها بديت أنا و أختي في غسل المواعين وبعد ما كملو الكناين برنامج ضحيتهم لحقو علينا في الغسل غسلنا و زيقنا الجنان و بعد المغرب بشوية كملنا كل الحوسة جونا أولاد خالتي يعيدوا علي أمي و جونا أعمامي الإثنين و مرت عمي و أمها و خالتي و ضيفناهم فاصوليا و عصبان و سلطة و مشروب ....... و طيبنا قهوة و تكيفنا بيها و بعدها دوشنا و ارتحنا وروحوا خوتي و زوجاتهم و كمل يوم العيد خلاص كمل بضحكة و لعبة و هدرزة و جو مليح و كان ليه طعمة أكثر من أعياد قبل بهلبة و الحمد لله ...... و غدوة عندنا يوم حافل لازم نصحي بكري بإذن الله لأن بنديروا دورة علي الحوش أنا و أختي قبل مايجينا حد و بنطيبوا القلاية و بنديروا الغدي حاجة مسقية كالعادة في ثاني يوم العيد يعني أرز أو كسكسي لأن أخواتي و أزواجهم و صغارهم يتغدوا عندنا و أحيانا حتي بعض الأقارب يتغدوا عندنا ........ و طبعا مانسيتش ضيافتكم ياحلوين جبتلكم كبدة مشوية و كباب مشوي و عصبان و فاصوليا وسلطة مشوية و سلطة عادية و مشروب و عصير صحتين عليكم و يارب يعجبكم كبابنا و غدوة بإذن الله حنجيبلكم قلاية ...... يالله بالسلامة لازم نطع لأني تعبانة بنرقد و يارب كل سنة نشوفكم بخير ياأحلي عيلة ....

[نبع الحياة]

السلام عليكم ورحمة الله وبركاته

كيف حالكم يا احلى عيلة وكل عام وانتم بألف خير


اول شي نشكر اختي **ثائرة زاويا**

على التحلاية ودمتي في صحة وعافية

المهم

نحكي ع جو العيد عندنا ::

اجتمعنا نحن وكل اعمامي في حوش العيلة من يوم السبت قبل العيد بيوم طبعا بتنا غادي

ووعينا في الفجر اعمامي واولاد عمي وباتي وخوتي مشوا للجامع عشان صلاة العيد

ونحنا البنات وعماتي صلينا صلاة العيد في الحوش

بعدها:
ذبحنا 8 خواريف وشوينا الكبدة واجواء غير عادية

طبعا الفطور عندنا كبدة, زيتون , جبنة, بيبسي

الغداء :- رز بالخلطة , خضروات , مخلل , بيبسي

في العصر :- شوينا لحم على طريقة مخمر


والعشاء:-مكرونة


وبعدين كل واحد رد للحوش ونحنا جينا الساعة 10 في الليل

هذا جو العيد عندنا احلى جو بلمة العيلة ونحنا عيلتنا كبيرة

وحتى لو حكيت مش كيف لما تكون في الجو هذا

ودمتم بخير وصحة

عيدكم مبارك

[نبع الحياة]

نسيت انقولكم ان اليوم بنمشي نعيدوا عند عيت جدي اهل امي

ونتغدوا عندهم

سلام,,

[المنقهر]

السلاااااااااااام عليكم يا عيلة

ياحلى جلسة وأحلى عيلة

كل عام وأنتم بألف خير

ومتنهيين وطيبين

اللي متزوج فيكم واللي عا**

الباين عليها عيد حلوة وأجواء غير عادية لليبيين

بمناسبة أنها أول عيد بعد سقوط الكافر القرذافي ونظامه المستبد

الله يسيخ ذكره هوا ومن والاه وتبعه


*
*

المهم

نخشوا في جو العيد

العيد العام هذا كان جوها غير عادي وباين من أوله

من الليالي اللي قبل العيد

التكبير والتهليل والأفراح وبارود الزينة في كل مكان

ويوم العيد أو صباحية العيد يا حلوين

كان يوم إستثنائي

صح هوا نفس الأجواء ونفس الطقوس .. بس تحس الناس من جوات قلبها فرحانه

تشعري بالفرحة غامرتهم غمر

من أول الصلاة والخطبه .... إلى غاية ماكملنا الصلاة

التهنئة والمباركة والعيدية من الصغار والكبار

كالعادة في أول أيام العيد بعد الصلاة والتهنئة عالناس

نتوجه مباشرة لبيت خالي بجوار المسجد

واللي فيه نفطروا " مكرونة جارية بالفتات "

سنه طبعا .. مستحيل نتنازل عليها

بعدها نتوجه إلى بيت عمي القريب للعيدية والتهنئة


وبعدين على طول نتوجه إلى البيت

للمعايدة على الأم والأب والأخوه والأبناء الصغار

ومن ثم نستعدوا للذهاب للمزرعة لذبح البوكيمونات

نذبحوا في 5 ماشاء الله

3 والدي

2 خوي

وآآآآآآه ثم آآآآآآه من 5 خرفان مذبوحة

شنو بيسلخهن وشنو بيقطعهن وشنو بيتم حوستهن

بس الحمد لله

الأمور تحت السيطره ومافيش مشاكل

ذبحنا الأول ، فالثاني ، فالثالث ، فالرابع ، فالخامس

وطبعا ً الذبح في المزرعه ، والسلخ في البيت

وطبعا بعد جهد وجهيد نفخناهن وذبحناهن وعلقناهن وطبعا كل شي الثوثيق

وغير يسخر ربي تو نجيبلكم الصور وربما الفيديوهاااات

طبعا هذا الكلام إلى غاية الظهر

يكون كل شي متعلق واليوم الأول ثم

نتريحوا ونغتسلوا ونرقدوا

بعدها يبدأ ماراتون العيد الأهلية

مابين عمامي وعماتي

وخيلاني وخالاتي

والأصحاب والأحباب

وعدي وتعال وارفع وجيب

تلقى روحك في اليوم الأول ميت تعب

متهرس ومدقدق وطااااايب

العشاء بالكثير

تشوف الدنيا كلها مخاد وسراير

غير وين بترقد بس بس

حطيت راسي ورقدت للصبح الثاني

وللحديث بقية

تشاااااو

وكل عيد وأنتم بخير

[تاجورية محترمة]

مرحبتين كيف حالكم اليوم و شن أخباركم ....... بنحكيلكم علي الجو عندنا اليوم حتي اليوم كان الجو حلو و مش عادي ..... صحيت الصبح و أنا و الأهل وفطرنا مع بعض و بعدها درنا حوستنا وطيبنا القلاية و السنة هذه أنا طيبتها و طلعت حلوة طبعا هذا رأي أهلي و أقاربي إللي ضيفناهم منها و جبتلكم منها حتي تذوقوها و تقول رأيكم فيها ...... المهم مع الساعة 12 قبل الظهر طيبت قهوة و شربتها أنا و أختي وبعد الظهر بشوية جتنا أختي أول وحدة وصلت بين أخواتي و هي ماعندها صغار تزوجت شهر سته إللي فات بس و طبعا زوجها نزل عيد علي أمي و حطينا ليه ضيافة العيد قلاية و عصبان و فصوليا و مشوي كباب و سلطة ومشروب ........ و بعدها بشوية جتنا أختي الثانية و هذه عندها خمسة صغار ( ثلاث بنات وولدين ) و عندها بنوتة إسمها ( إيثار ) عمرها سنتين وسبعة شهور نحبها ونموت فيها و متعلقة بيها هلبة يعني أكثر من باقي أحفاد عيلتنا وهما 16 حفيد من عمر 11 سنة لعمر 4 شهور رب يخليهم ويحفظهم و حنجيبلكم صورة إيثار حبيبة قلبي و باقي الأحفاذ ...... المهم نزل زوج أختي عيد علي أمي و حطينا نفس الضيافة ..... و بعدها دخلو خوتي المتزوجين و خالي و أولاده الإثنين و ولد خالتي عيدو علي أمي ..... و بعدها جتنا أختي الثالثة هي و صغارها و إللي تسكن في جنزور و طبعا نزل زوجها و جت عمتي و زوجة عمي و حطينا الضيافة أولا قهوة و كيكة و بريوش و ضيافة العيد ...... و بعد العصر بشوية جتنا أختي الرابعة هي و صغارها و نزل زوجها طبعا و حطينا نفس الضيافة ..... و راح بيتنا زحمة صغار .... و بعدها كل مرة يجينا حد أعمامي و زوجاتهم و بنت عمي المتزوجة و أولاد خالتي ماشاء الله ثمانية شباب بين متزوجين وعزاب كل مرة يجي و احد أو إثنين يعدوا علي أمي ..... الخلاصة ناس داخلين و ناس خارجين من عندنا بوي الله يرحمه كان الكبير ترتيبه بين خوته و أمي كذالك الكبيرة يعني من قبل متعودين إن أغلب أقاربنا هما يجونا في الأعياد المهم قعدت أنا و أختي نحط صفرة و ننهضو صفرة بين صالون الرجال والصالة النسائية لبعد ماحطينا العشاء إللي كان معكرونة و تعشينا و غسلنا الماعيين ...... و مع الساعة 11 روحوا أخواتي الثلاثة و الرابعة إللي تسكن في جنزور قعدت بتنام عندنا و تروح غدا بإذن الله ....... و هكي فات يومنا بزحمة و هدرزة و ضحك و شوية تعب وكل إللي دخلو لبيتنا اليوم فرحانين هلبة و مرتاحين و الحمد لله حسينا بفرحة وطعمة العيد .................................... علي فكرة شكرا لكل من بعثلي تهنئة بالعيد علي الخاص و آسفة لأني مارديت بس عندي مشكلة في الرسائل الخاصة فأعذروني رجاء ..... يالله سلامات يا عويلة

[ثائرة زاويا]

اهلين يا غاليـــــن
كيف حالكم انشاء الله بخير

***********

اني عيدي كان يهبل لان مافيش احلى من لمة العيلة وخاصة من غير الي مايتسمى
نبدأ باول يوم
طبعا من الصبح مشينا للحوازة حني وعماتي وعمامي
دبحنا 8 خرفان طبعا العيلة كلها
بعدين بدينا في الشواء والسلايط الي هما وضيفتي
اني البنت الوحيدة في العيلة الباقي كلهم شباب
ونساوين كبار .... يعني كلا فوق راسي اني
ايه .. فطرنا شوا وسلايط وبعدين تغدينا برديم
وتعشينا مكرونة جارية حرة زي العسل
وضمينا وخشينا رقدنا

******

تاني يوم
التعب اضعاف مضاعفه من اول يوم ....
يتغدو عندنا سلالة عيلتنا كلها في الحوازة
يعني شبه عرس ... درنا ضولمة ( براك) ورز مسقي
وعصبان من الساعة 8 واحني انطيبو
طبعا نفرشو تحت شجر البرتقال في الحوازة برا الحوش
ونقعمزو نتغدو
بعدين نغسلو الماعين ونطيبو الشاهي
وناكلو حلويات العيد وانبصرو ونظحكو
ويروحو الناس العشية
بعد منكملو ظمانا نرتاحو
وفي اليل نطلعو انعيدو
تالت يوم
الصبح انروحو لحياشنا
ونمشي لحوش جدي ( عائلة امي)
في طرابلس نتغدو غادي وانروحو
في اليل
وكملت القصة وكل عام وانت بخير
نتلاقو حبايبي

[تاجورية محترمة]

السلام عليكم ، كيف حالكم اليوم يا أحلي عيلة و شن أخباركم يارب تكونو بخير و كيف كان ثالث أيام العيد عندكم ...... عندنا حتي اليوم جونا بعض الأقارب يعيدو علينا و بالنسبة ليا كان عندي نية نطلع لوسط تاجوراء و ميدان الشهداء في طرابلس لاكن ماكانش فيه من يرفعني و حتي لو فيه مش حنقدر نطلع لأن كل مرة يجينا حد من أقاربنا طلعت اليوم بعد المغرب بس و مشيت لبيت جدي قريب لبيتنا ..... يالله خيرها في غيرها ........ المهم ياريت يدخل حد من بلاد غير ليبيا و يحكيلنا علي كيف العيد عندهم حتي نعرفو عادات الناس في باقي الدول العربية ............... ثائرة الزاويا عيدكم حلو في حوازة كأنه زردة ........ نبع الحياة و أنت عيدكم حلو بلمة العيلة علي فكرة نموت في اللهجة الشرقاوية ياريت ديمة تتكلمي بيها ياسمحة و إشتقلك واجد .......... المنقهر أكيد العيد هذا ليه طعمة خاصة و فرحة مش عادية في مصراتة الصامدة الحبيبة بس نبي نسألك لو ما فيه إحراج شن هو ( الفتات ) ؟ أنا سمعت بيه من قبل إنه أكلة خاصة بأهل مصراتة و من قبل خاطري نعرف هو عبارة عن إيش ؟ ............. ليبية حرة كيف كان عيدكم في صرمان أكيد حلو ؟ .................. تعرفو ياعيلة حتي الرسائل في العيد هذا حلوة و مش عادية وصلتني هلبة رسائل من أخواتي و صاحباتي و باقي الأقارب و المعارف أكثر أي من عيد قبل و فيه إللي بعثولي أكثر من رسالة و كلها حلوة و أغلبها تضحك ............... غدا بإذن الله ترجع الحياة لطبيعتها و بنرجع لشغلي في العيادة ......... يالله سلامات في آمان الله

[ثائرة زاويا]

اهلين غاليتي تاجورية
ان شاء الله غير متقصديش علي رسائل الزنتان
لان اني ضد هدي الرسائل والله عيب الزنتان احتضنت كل التوار
في الاخير هكي جزاءها .... شردمة من الناس المفروض متغيرش وجهة نظرنا في الزنتان
والله ناس الزنتان مافي كيف طيبيتم ولولا فزعتهم لكان صار في حرائر الزاوية زي مصار لحرائر مصراته

تقبلو خالص حبي واحترامي...

[ليبية حرة]

سلاااامات

جو والله كنت نتفرج عليكم

حلوة أعيادكم ما شاء الله

أنا حكيت قبلكم الكل عن عيدنا وحتى السنة هذه ما فيش اختلاف أول يوم كساد وتاني يوم مشينا لحوش خوالي وكملنا السهرية في حوش عمي والجو يجنن

..................................

وتوا خلوني نعلق على اعيادكم

احم احم

تاجورية حلو وما عندي ما نقول

لكن صراحتك وبساطتك عاجبتني هلبة ::good::

ربي يحفظك :

نبع الحياة

جو والله ذكرتيني في ناس عزاز عليا حتى هما يديروا في رز بالخلطة

ربي يحفظهم وين ما كانوا :2:

لكن وكأنكم ما اديروش في عصبان مش غريبة

وجو الزيتون والجبنة يوم العيد
والأحلى فطور البيبسي :30:

بس حتى انا اندير فيها والله :71:

عيدكم مبارك

المنقهر

مكرونة فطور بعد الصلاة على طول :13::13:

بس وكأن اليوم كله مشي تعب وخلاص

وين لا شواء لا عصبان ما جيبتلنا شيء ::bad::

ثائرة زاويا

حلو وما عندي ما نقول جو يجنن ::good::

امممم

خلاص

تاجورية محترمة ما تضحكيش علينا وتقولي جيبتلكم كباب وذوقوا لا والله نبوا عزومة لتاجوراء ونذوقوا في الواقع مش الخيال:3:

منورين كلكم

عيدكم مبارك وربي يسعدكم وانشالله كل ايامكم اعياد


:022:

[تاجورية محترمة]

ثائرة الزاويا يا غالية لا طبعا ما نقصدش رسائل علي إخوتنا وأحبابنا في الزنتان و أصلا ما وصلتنيش و لا رسالة علي الزنتان بس سمعت بالهشئ و أنا معارضة للرسائل هذه بشدة و مش مصدقة الشئ إللي يقولو فيه علي أسود الزنتان و أنا عندي صديقات من الزنتان نعتز بصداقتهم تبارك الله عليهم من خيرة الناس رب يحفظ الزنتان و هلها ................................ ليبية حرة ياغالية صدقيني مافيش أحسن من البساطة في كل شئ و أنا صريحة و ماعندي شئ نخفيه أو نستعر منه أو نخاف منه فيا و في عيلتي كلها .............. ياريت والله نعزمك و تجيني و تنوريني في تاجوراء و خوذي مني أحلي كباب من عيوني شن رأيك نعزمو حتي نبع الحياة و ثائرة الزاويا حتي تكمل اللمة و تحلو ....... يالله بسرعة نستني فيكم تعالوا لتاجوراء بسرعة هيا لمة حلوة للبنات

[نبع الحياة]

تاجورية محترمة مانقول شي على العزومة امغير اعزمي وهنجيك

والله نحب نشوف تاجوراء

ليبية حرة **الرز بالخلطة تخصص عرب الشرق وهو اكثر شي يحبوه

وبالنسبة للعصبان نحنا كل واحد يديره في حوشه

سلااام

[ليبية حرة]

شكله في حد في الجلسة شايل في خاطره مني

ربي يستر

ومادام هكي

حبيبتي تاجورية اعزميني بروحي وما نبي حد معايا

سلااام

[نبع الحياة]

السلام عليكم ورحمة الله وبركاته

كيف حالكم يا حلوين


اممممممم

ليبية حرة تبي العزومة بروحها يا سلام

بس نقولك انا هنجي للعزومة عشان نشوفك لان لك وحشة ** مرايفة عليك واجد **

لو تقدري تجي اليوم مرحب بيك

اليوم غدانا * حوت*


المهم

وين باقي الاعضاء ولا هما مازال ماعيدوا عشان يحكونا على جو العيد عندهم

نراجو فيكم تحكوا

يلا سلاااام

[emy*]

السلام يابنات كيفكم ؟؟؟
طبعا خاشة ومتحشمة اول مرة نهدرز معاكم هههههههه ^_^
احني جو العيد حلو و عادي في نفس الوقت لان براحنا وبابا في الحج فأكييد لو كان هني كان الجو احلي
بس حتا اعمامي ماقصروش دارولنا جووو
^_^ ...

[ليبية حرة]

نبع الحياة

مش وجبة الحوت عندكم في الشرق تسموها

وجبة الملوك

تسلمولي يا أهل الشرق ما أحلاكم

سلااامات

[نبع الحياة]

لا شرقية ولا غربية ليبيا وحدة وطنية هههههههههههههه

شكلي امغير نا اللي في الجلسة من الشرق

[ليبية حرة]

عزيزتي ايمي

اللي متلك تخش وما تستأذن ولا تتحشم

منورة الجلسة

وربي يرجعلك بابا بالسلامة

وعيدكم مبارك

[تاجورية محترمة]

مرحبتين ياحلوين نبع الحياة ياريت تجينا لتاجوراء و تشوفيها أحلي شئ فيها إنها علي أحلي شط بحر يعني البحر قريب لحوشنا علي فكرة تحبوا البحر أنا نحبه هلبة و خاصة وقت الشروق و الغروب جلسة قدام البحر تنسيك همومك مع فنجان القهوة جو مش عادي ............. ليبية حرة ليش من حامل في قلبه عليك الدنيا عيد الناس تتسامح وخلاص نعزمك برووحك لو يريحك غير تعالي بس بس ........... إيمي مرحبتين بيك شرفتينا و نورتينا و ليش تتحشمي مافيش حد براني خشي العيلة و رب يرجعلك بوك من الحج بالسلامة و يحفظه و يخليه ليكم

[المنقهر]

....... المنقهر أكيد العيد هذا ليه طعمة خاصة و فرحة مش عادية في مصراتة الصامدة الحبيبة بس نبي نسألك لو ما فيه إحراج شن هو ( الفتات ) ؟ أنا سمعت بيه من قبل إنه أكلة خاصة بأهل مصراتة و من قبل خاطري نعرف هو عبارة عن إيش


السلام عليكم يا علية

كيف أخباركم وشنو جوكم في هالعيدية

بالنسبةلياأنا فاتت حلوة ... صح كبدي دارهة من اللحم وجو الشواء

بس الحمد لله كانت حلوة وسعيدة


*

*

بالنسبة لأختنا تاجورية محترمة

الفتات


http://i31.tinypic.com/10hvzbk.jpg



وسؤالها عن الفتات وشنو هوا فأقل شي يمكن نوصفلك بيه الفتات هوا أنه

كيف ( الفطاحة ) بس يكون أرق هلبا كيف

يعني نوع من أنواع المعجنات

الخبزة

ثم أرق منها الفطاحة

ثم ارق منها الفتات

اللي هوا تسألي عليه

وبإذن الله لو ليا جيه لتاجوراء راج نجيبلك معاي

فتات

" هدية مني ليك "



*
*
*
*

ليبية حرة


عندك الحق ماتتخيليش المكرونة الجارية بالفتات بعد الصلاة

آآآآآآآآآآآآآآآآآآه منها

والله ما نقدر نفوتها ، غير عادية

ويارب يجي يوم ونخليك تاكليها من يدين مصراتية حره


*
*
*
*


وبالنسبة للعيد في يومها الثاني ليا أنا فهو كالعادة

يوم اللحم والتقطيع والشواء

من الصباح مع الساعة 9 تقريبا ً يبدا ألعمل

نزلو قطع

نزل وقطع

بس اللي مصبرني طرحات الشواء اللي مره مره يجن

وطواسي البيبسي والتفاح والعصائر بأنواعها

وآآه ثم آآآه من طرحات الأسياخ

وجو السلاطة المشوية " طبعا هذا تخصصي أنا "

الكلام هذا يستمر لغاية الظهر

يكون كل البوكيمونات " الأضاحي يعني " متقطعة وفي الفريزرات

والباقي على النساوين


بعد الظهر نناموا شويه للعصرية

بعدها يبدا التنسريف

من حوش لحوش

ومن صاحب لصاحب

والأخوات

وألعمام والعمات

والخيلان والخالات

حتى يطيح سعدنا وننقطعوا

نروحوا نتريحوا


بيش نحصلوا جهد لسهرية الليل

مع الأصحاب


*
*
*

[رجبانية حرة]

هلا ياحلوات شن جوكم حبيت انخش ونشارك معاكم في لمتكم الحلوة هادي شن حسه المنتقهر ايقول بنجبيلكم فتات اسمعو الفتات هدا مايعرف حد ايدره حلو زي الرجبان هدى اكلتنا احني خلاص اني عازمة الاعضاء كلهم باش تتفضلو ع الرجبان انديرلكم الفتات بلحم العيد باهي كل واحد ايجي ردو بالكم اتفوتوها مشية الرجبان واسمعو الابيجي ايقولي باش نكتب المعزومين باهي
هههههههههههه