نشط ذاكرتك

[& همسة وفا &]

http://www.cmasterz.com/vb/images/cmz.gif

تعالوا ونشطوا ذاكرتكم مع الألغاز...

والفكرة انه نبدأ بأول لغز والذى يحل اللغز يكتب لغز جديد ...

وان شاء الله تعجبكم الفكرة ...


... يتسع لمأت الالوف ولا يتسع لطير المنتوف؟

[البرناوى]

صعب؟؟؟

[& همسة وفا &]

هيا فكروا فيه وين الحل

[& همسة وفا &]

شكله واعر بكل توا نحله ونعطى واحد اسهل الحل خلية النحل هههههههههههههههه

[& همسة وفا &]

ما هو الشىء الذى يقرصك ولا تراه؟

[نادر الوجود]

الكهرباء.......

[& همسة وفا &]

وين الغز متاعك يانادر
الاجابة صح

[نادر الوجود]

طاولة واقفة على تلاتة رجلين

تره قولو على شن واقفة ......؟

[& همسة وفا &]

معرفتش

[دريبيووون]

واقفه على تلاته رجلين

[دريبيووون]

الحق ماعندى لغز فوتونى

[نادر الوجود]

دريبون حلك غلط

الطاولة لما توقف على تلاتة رجلين معناها

واقفة على سبلة يا دكى هههههههههه

[الجوهرة]

http://www.al-mot.com/a/bat/bat17.gif (http://www.al-mot.com/a/bat/bat17.gif)((شكرا على الموضوع ))http://www.al-mot.com/a/bat/bat17.gif (http://www.al-mot.com/a/bat/bat17.gif)

[& همسة وفا &]

ماهو الشىء الذى يبكى بلا عينين ويمشى بلا رجلين؟

[mera]

امممم......السحاب

[& همسة وفا &]

امممم......السحاب

صح وين لغزك

[mera]

لازم يعني ....خليني انفكر...اممممم

ما هو الشيء الذي لا يمشي إلا بالضرب ؟

[نادر الوجود]

على راس لسانة ....خلى نفكر فيه اصبرى

[mera]

شن عندنا غر الصبر....

نستنو فيك يااخ نادر.....

[mera]

شن مازال مفيش من يتكرم يعطينا الحل.....

[تويزا]

ههههه...الحمار اكرمكم الله

[دريبيووون]

تى لالا لقيته المسمار

[mera]

والله جبتها يااخ دريبيون .....المسمار

بس وين لغزك

[& همسة وفا &]

- ما هو الشي الذي كلما كثر لدينا غلا و كلما قل رخص؟؟

[mera]

حاولت وفكرت وطلع امعاي انو يمكن العقل

[نضال ابوبكر]

لالا الطماطم

[قاهرة الرجال]

هههههههه على شن واقفة الطاولة

[& همسة وفا &]

حاولت وفكرت وطلع امعاي انو يمكن العقل

جاوبك صح يا ميورة الحلوة ونستنوا فى لغزك

[نضال ابوبكر]

س1 : ما الشئ الذي يمكن كسره دون لمسه؟؟؟

[رهف العسولة]

الجواب يمكن يكون الخاطر كسر الخاطر صح ولا لا

[نضال ابوبكر]

الجواب يمكن يكون الخاطر كسر الخاطر صح ولا لا

:68:

[مسوليني]

اجابه قالتها وخيتي ميره حسب ما اظن ............... الســـــــحاب..........

[مسوليني]

الهواء يمكن كسره بدون لمس

[ويرى]

مشكور على الموضوع

[يب يب]

ما هو الشيء الذي في الليل يرتاد القبور وفي النهار يدخل القصور يخافه الرجال وتحبه النساء وتهابه الملوك ويلعب به الأطفال له شعر ووبر طعامه الملح والتمر وذكر في القرآن الكريم ويبدأ بحرف الميم؟؟؟

[SnKoo7]

ما الشئ الذي يمكن كسره دون لمسه؟؟؟


الــوعد 5*5


ما هو الشيء الذي في الليل يرتاد القبور وفي النهار يدخل القصور يخافه الرجال وتحبه النساء وتهابه الملوك ويلعب به الأطفال له شعر ووبر طعامه الملح والتمر وذكر في القرآن الكريم ويبدأ بحرف الميم؟؟؟


متآع :71:

مالشئ الذي يفعله الرجل في اليوم ثلاث مرات وتفعله المرأه في السنه مره واحده ؟؟

[يب يب]

اسمعني يا سنكوح ... جواب سؤالك يتهيألي هو الجهر بالقراءة

لأن الرجل يجهر بالقراءة ثلاثة مرات الصبح والمغرب والعشاء

والمرأة مرة وحدة تجهر بالدعاء وقت الحج

والله اعلم

جاوب على هذا إنتا عكس لغزك

ما هو الشيء الذي تستعمله المرأة ثلاث مرات يوميا والرجل مرة وحدة في السنة ؟؟

منتهي* :180:

[جاميونغ]

التطييب ههههههههههه
مش عارفه والله

[الثعلب المكار]

ادا كان عكسه فسيكون السر بالقراءة

[جاميونغ]

ايوا ياتعلب اقوى عليهم هههههه
شني الراجل بيسر القراءه مره في السنه يا دماغ .....

[يب يب]

ههههههههههههههههههههههههههه

قوووووووية منك يا ثعععععععلب

هيا وين اللي بيجاااااااااااااااااااااااااااااوب

معقوووولة البنات ما يعرفووووووووش الجوااااااب حي يا حي على البناااااااااااااااات

ههههههههههههههه

[مجنونة ليبيا]

ما هو الشيء الذي تستعمله المرأة ثلاث مرات يوميا والرجل مرة وحدة في السنة ؟؟

صعب الصراحة شو هوا ممكن تجاوب ممكن خيارات

[يب يب]

الجواب هو

السكين

ههههههههههههههههههههههه

المرأة تستعمله في اليوم ثلاثة مرات فطور وغدي وعشي

لكن الرجل يستعمله مرة وحدة وقت عيد الأضحى

... جيبو لغز انتم توة

[حـمـزة مـن الاخـيـر]

"لغز"

عصفور فوق شجرة لاهو ثور ولا بقرة؟

شنو الاجابة بالله!!!!

[يب يب]

يتهيألي الجرس اللي على رقبة الثور والبقرة لآنه فيه صوت رنين ومعلق على رقبة الثور والبقرة

لو صح قول يا حمزة

[مجنونة ليبيا]

السكين
كيف السكين حتى الرجل يستعمل فى السكبن مش بس المرأة
ياودى اجاباتك بلهون

[يب يب]

ههههههههههههههه

يستعمل فيه لكن اني نقصد انه مجبور انه يستعمله مرة وحدة بس

والباقي على حسب تغير الحال

[حـمـزة مـن الاخـيـر]

يتهيألي الجرس اللي على رقبة الثور والبقرة لآنه فيه صوت رنين ومعلق على رقبة الثور والبقرة

لو صح قول يا حمزة

هههههههههههههههههههههههههههه

ماشاء الله اعليه الولد ....ذكي

صار قتلي يتهيألي الجرس

للاسف يا مان..الاجابة غلط ههههههههه :4:

[يب يب]

باهي شنو يا مان :(

[حـمـزة مـن الاخـيـر]

عصفور فوق شجرة لاهو ثور ولا بقرة؟

معناها عصفور هههههههههههههههههههه

[يب يب]

ههههههههههههههههههههههههههههههه

قوية منك يا حمزة
ههههههههههههههههههههههههههههههههههه

[حـمـزة مـن الاخـيـر]

باهي خود هادي

واحد بكوش يبي يقول لواحد اعمى امك ماتت....فكيف يقوله!!!

[يب يب]

ههههههههههههههههههههههههههه

اما انتا يا حمزة قوي ولا قوة الا بالله

قول كيف ؟؟؟؟؟؟؟؟

[حـمـزة مـن الاخـيـر]

ايه عاد جو الغش مش معانا يا مان

تي اني بروحي قاعد ندور على الاجابة

قصدي هو لعز صح و من الصح لين مولي غلط :4:

[يب يب]

هههههههههههههههههههههههههه

[حـمـزة مـن الاخـيـر]

هههههههههههه

تعرف توى كيف عرفت الاجابة

واحد بكوش يبي يقول لواحد اعمى امك ماتت....فكيف يقوله!!!

تي هو اصلاَ بكوش يعني مافيهاش كيف بيسمع ولا بيتكلم هههههههه والله توى كيف عرفت الاجابة

[جاميونغ]

يب يب ههههههههه قتلي شنو السكين هههههه
تي والله اجابتي اللي حطيتها هكي وخلاص (( التطييب )) منطيقيه اكتر ...
ههههههههههههههههههه
واحسن حاجه لما قلت ... مجبور .... حولته من لغز لنكته
:24::24:
به به غر قولي ههههههه الموس شن نوعه
ماهو حتى نوع الموس مهم بش نعرفو الشحخص مجبور والا لا ماهو كان شاد موس خضرا مش معقول بيدبح بيه ههههههههههههه
سامحني ههههههههه ماعاش نقدر

[يب يب]

ههههههههههههههههههههههههههههههههههههه

اني نتكلم ع الموس بصفة عااااااااااااااااااااااااااااااااااااااااااامة ارقد* مش موس بوخوصة ولا موس خضرا

ولا موس بقر :50:

أهم شي انه موس أو سكين :517:

وبالنسبة لإجابتك ( منطيقية أكتر )

منوين جت منطيقية هههههههههههههههههههههههههههههههههه

[جاميونغ]

والله حتى اني م**طش انا اجابتي منطقيه هههههههههه غر لما شفت اجابتك ههههههه
ماهو كان بنخشو في موضوع الاجبار الراجل مايطيبش الاوهو مجبر ههههههههههه
:24::24:

[مجنونة ليبيا]

وين اللغز

[يب يب]

هههههههههههههههههههههههههه

اسمعي طلعتي من موضوع اللغزززز وخشيتي في موضوع الاجبااااااااااار

غيرتي الموضوع

[جاميونغ]

لكن اني نقصد انه مجبور انه يستعمله


؟؟؟؟َ!!!!!

[جاميونغ]

به خودو هاللغز ....
مره فيه دجاجه وديك وكتكوت ..بقصوو الطريق مشيفات تاكسي يجري قريب ضربهم ...مشي قال الكتكوت بشويه يا عمي قريب قتلت 4 ارواح
اوكي من وين جو 4 ارواح مع انهم 3؟؟؟؟!!!
:16:

[حـمـزة مـن الاخـيـر]

ممكن توضحي اللغز.....قصدي شنو معناها......مشيفات؟

[mera]

مشيفات= مشي فات

[جاميونغ]

حمزه خوي ههههه انت ماعرفتش الحل والا الكلمه قول قول

[حـمـزة مـن الاخـيـر]

تبي الحق مزال قاعد مافهمت حاجة :33:

[جاميونغ]

باه نشرحهولك وحده وحده ..... ركز معاي
مره فيه دجاجه+ ديك+ كتكوت... اوكي قداش عددهم ((3)) به مشو بيقصو الطريق (( سيعبرون الطريق ))
مشي فات تاكسي يجري(( عبرت امامهم سياره بسرعه مجنونه )).... قريب ضربتهم((قريب صار معاهم اكسدنت)) المهم قال الكتكوت ..بشويه ياعمي قريب قتلت 4 ارواح (( يعني قريب قتلهم هو والدجاجه والديك)) المهم
علاش الكتكوت قال 4 ارواح مع انهم 3 (( الديك +الجاجه +الكتكوت))؟؟؟؟!!!!!![/color]

[مجنونة ليبيا]

بالله قاعدة تشرحى

[جاميونغ]

مجنونه هههههههههه
خيرك ماحليتيش اللغز والا نزيد نشرح

[حـمـزة مـن الاخـيـر]

ههههههههههههههه
ايه والله زيدي بالله يا اختى ..اشرحيلها راهو فهمها ضعيف :4:

[& همسة وفا &]

ممكن لان الدجاجة فى داخلها بيضة ههههههههههههه

[جاميونغ]

اجابتك نمودجيه ....
لكن للا سف مش صح

[مجنونة ليبيا]

حلوة اهيا

[يب يب]

أكيد واحد منهم أحول

هههههههههههههههههههههه

[جاميونغ]

يب يب
قربت شوي ... كان غر تزيد تشغل دماغك تكه بس

[يب يب]

معناها هكي السواق معاهم ... لأنه أعمى ....

هههههههههههههههههههههههههههههههههههههه

مش الدجاجة قالتله بشوي يا أعمى
ههههههههههههههههههههههه

[جاميونغ]

هههههههههههههه
لالالا
المهم هيي اجابة السوال غبيه بعدين توا نجاوبها

[جاميونغ]

تي وينكم.......؟؟؟

[مجنونة ليبيا]

هاع

[حـمـزة مـن الاخـيـر]

تي هيا بروحها ماتعرفش الاجابة

[يب يب]

هههههههههههههه
لالالا
المهم هيي اجابة السوال غبيه بعدين توا نجاوبها

تو في الاول نزلتي فيا على خاطر كلمة مجبووووووور وانتي تسمي في اجابة وتقولي اجابة غبية

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بصراحة أول مرة نسمع بأن الإجابة غبية الحق

ههههههههههههههههههههههههههه

باهي جاوبي قولي

[جاميونغ]

الاجابه هي هههههههههه ((( الكتكوت غلط في العدان)))
يعني بيقول 3 هههههههه قال 4 هههههههه كتكوت حتى هو لاوزياده حصل خلعه هههههههههه
:24:

[جاميونغ]

يا اخ يب يب
ماهو الواحد يعترف بان الاجابه غبيه هههههه مش زيك مصر علي ان اجابتك منطقيه (( مش غبيه ))
لو اعترفت من الاول لا فكيتك من الدوشه اللي درتهالك ههههههههه

[حـمـزة مـن الاخـيـر]

يا عليك اجابة :33:

[جاميونغ]

حمزه ههههههههههه بالك تبي نشرحلك الاجابه زي ما شرحنا السوال

[مجنونة ليبيا]

ايه ايه اشرحيلا الاجابة:71:

[جاميونغ]

:c4:

[يب يب]

ههههههههههههههههههههههههههههههههه

قوية الاجابة

طلعت غبية رسمي الاجابة
ههههههههههههههههههههههههههههههههه

[يب يب]

اني عندي لغز توة اللي يجاوبه عنده مني جائزة

واللغز هذا صار لولد صاحبي يعني حقا اللغز


صاحبي هذا عنده خاله وعمه في نفس الوقت (( يعني الزوز نفس الشخص ))

ويقدر يقول له خالي ويقدر يقول له عمي في نفس الوقت


اللي يقول لي كيف صار خال وعم في نفس الوقت عنده جائزة مني ليه

والإجابة مش غبية زي اجابة جاميونغ راهو

ارقد*

ههههههههههههههههههههههههههههه

[mera]

طلعتوا برا الموضوع وصار هدرزة

ياسر خير ميتصكر توا...