الاب عمر من وادى الدئاب

[الرجاء عدم الازعاج]

هيا قصه فيها حكمه حلوه وانا صراحتا اكثر شخصيه عجبتنى فى مسلسل

وادى الدئاب شخصة (( الاب عمر )) دوره قويه لما يقعد يحكى الواحد ينسجم معاه

ويحس براحه فى كلامه حتى لو كان تمثيل كلام كله حكم .... هيا قصه حكاها الاب عمر

لمراد لما كان فى خلافه بينه وبين ايبرو ..

دخل الاب عمر على مراد وقاله يا ابنى مراد انا بنقولك على قصه

(( كان فى صديقين واحد منهم اطرش يحكى وما يسمع مرض صديقه وجاره قال لازم نمشى

نسلم عليه خير ما يزعل منى وقعد يفكر ويقول فى سره انا ما نسمع كيف بنساله وكيف

بنرد عليه لما يجاوب على سوالى فكر وقال خلى نجهز اسالتى من توا ونتوقع رده كيف

قال لو سالته كيف حالك بيرد عليا كويس حالى باهى يعنى انا نرد ونقوله الحمد لله

ولو سالته تاكل كويس ومهتم بنفسك بيرد وبيقول ايه ناكل كويس يعنى انا نرد عليه

اى خليك هكى ميه ميه وان شالله تبرا ... ولو سالته فى عند اى دكتور تعالج بيرد

عليا عند الدكتور فلان يعنى انا نرد ونقوله اى هدا كويس ممتاز ان شالله ترتاح على يده

وفى تانى يوم مشى الاطرش لصديقه المريض وشويه بدى يسال فيه فى الاساله اللى

حضرها .. هو يقوله كيف حالك وهو يرد عليه زى الزفت يقول الحمد لله

ساله كيف تاكل رد عليه لا ناكل لا شى ان شالله نموت ونرتاح قاله اى ممتاز هكى كويس

ان شالله يصير خير ساله عند منو تعالج قاله نعالج عند عزرائيل قاله اى كويس هدا ان شالله

تبرا على يده ..

القصه هده حكمتها وعبرتها فى عدم الاصغاء للشخص اللى معاك واعطاء اهميه لكلامه

يعنى هو يحكى معاك وانت تساير فيه ومداير ما فى راسك اسمع غيرك شن يقول وافهمه

وافهم شن يبى منك ودير اهميه لغيرك ومشاعر غيرك وخاصتا الناس اللى تحبك وتقدرك

يا ريت فهمتو معنى كلامى واسف على االاطاله

[الجوهرة]

شكرا بانتظار جديدك

[قطوسة]

يعطيك العافية عجبتني القصة الي كلها حكمه

وفي انتظار جديدك

دمت بود

[الرجاء عدم الازعاج]

مشكورين على المرور الطيب .. لنا لقاء اخر